新城潮州飯店

營業中

休息中

九龍城唔止泰國菜出名，其實仲有其他好野食～😏今次我哋去咗1996年創立嘅「新城潮州飯店」，開業至今27年，係區內嘅潮州菜老字號，以招牌反沙芋和糖醋麵而聞名，平民小店格局，入夜後座無虛席。潮州春菜（$58）傳統潮州春菜，與腩肉同煮，春菜味道獨特，帶少許甘澀，剛好中和一下五花腩嘅潤感，加上腩肉肥瘦適中，配白粥或佐飯皆宜。☺️韭菜豬紅（$58）豬紅鮮香嫩滑無腥味，不過韭菜份量就比較少。花生豬手（$68）一碟份量都唔少，豬手炆得鬆化，味道香甜味美，不錯吃！食潮州菜，梗係要食滷水鵝！⭐️推薦❗ 潮州滷水鵝（$98/例）用嘅滷水係幾十年嘅滷水膽，鵝肉吸收了滷湯的日月精華，肉嫩入味。😋⭐️推薦❗ 馳名蠔仔餅（$88）蠔餅以半煎炸炮製，蠔餅外層香脆不膩，內裏保持軟綿，採用大粒珍珠蠔，蠔味香濃，軟硬適中，唔會一夾就散。椒鹽瀨尿蝦（時價）有差不多半隻手臂咁大，肉質肥美，打冷點少得啤酒🍻～呢度嘅啤酒價錢合理，青島都只係$25/大支裝，抵！😎👍🏻

九龍城除咗多泰國菜館之外，其實都有好幾間高質素嘅潮州菜館，仲要係越傳統越冇裝潢嘅就越高質素越正宗。今日有個朋友就發起去九龍城打冷，我哋一行四人，相約7點喺新城潮州飯店門外等，估唔到平日晚市都座無虛席，等咗一陣先有位。一入門口就見到好多傳統嘅潮州菜食材，凍蟹、滷水鵝等等，全部都好吸引。一坐低店員就會奉上三款調味醬汁，包括有配搭滷水鵝嘅醋汁、魚露同潮州辣椒油。我哋先嚟一碗咸菜胡椒豬肚湯清一清個口腔，呢個胡椒豬肚湯望落清澈，估唔到胡椒味勁度十足，配合埋酸菜嘅味道，飲幾啖非常精神爽胃。食潮州菜我就最鍾意食滷水鵝片，上裝起片啖啖肉就最正喇，鵝肉肥美但又唔會有太多肥膏，亦都唔會滷得過鹹，而鵝片之下仲有豆腐同花生墊底，我同朋友唔使5分鐘就已經清晒成碟鵝片。另一個食潮州菜必食嘅當然就係炸蠔餅，蛋漿炸得金黃香脆，而入面嘅蠔仔粒粒飽滿，我就鍾意配合魚露一齊食，更能帶出炸蠔餅嘅鮮味。今次難得四個人一齊嚟，所以就叫咗條人多先試到嘅烏頭魚，店員會預先將烏頭魚打開，一上枱就見到白滑無比嘅魚肉，老店果然功架十足，烏頭魚處理得非常好，所以唔會過熟，啖啖肉夠鮮味。原本打算叫豉椒炒蜆餸啤酒，不過咁啱蜆賣晒，就改為豉椒炒蟶

足料足味 潮州打冷👍🏼潮州滷水鵝片$118鵝肉非常嫩滑，滷水汁味道適中，唔會過鹹或者過甜，墊底的滷豆腐同花生，簡直係完美嘅點綴🧚🏻馳名豪仔餅$68粉漿炸得鬆脆而且蛋香味濃郁，豪仔大大粒又鮮甜。一碟有三大塊， 滿足，滿足😋韭菜豬紅$48非常入味，超級大碟，個汁用嚟撈飯一流👍🏼鹹菜胡椒豬肚湯$58老闆娘推介，健脾又醒胃，胡椒味香濃，豬肚同豬骨都充滿胡椒味，而且唔柴🍲潮州春菜$58又係老闆娘推介，好特別，有啲似芥菜，煮得入味，好腍🌱

早排睇完香港原味道，見到九龍城有間僅存嘅正宗潮州菜，本身我媽媽都係潮州人，由細到大都好鍾意食潮州菜，所以一於全家人都去試吓呢一間嘅手勢, 一試完就知道係正宗嘅，冇花冇假！秘製雙料蝦由新鮮蝦以豉油同埋椒鹽雙料去炮製，蝦味濃郁，連蝦殼食都得，送啤酒一流😋蠔餅超抵食嘅蠔餅，份量多到足夠一班朋友去食,比起坊間嘅大一倍以上！炸得非常香脆，可口，淡淡都有蠔肉😍😍韭菜炒蜆仔肉一定要配白飯！食潮州菜好多時會揀小炒王或者韭菜豬紅，如果想送飯嘅話必定要揀韭菜炒蜆仔肉，好地道的潮州菜, 韭菜炒得乾爽、蜆肉又有鮮味😋鹵水鵝有人鍾意食鵝片、有人就鍾意連骨食，今次就揀咗連骨嘅鵝肉，滷水非常入味👍👍凍烏頭條魚新鮮度有出世紙，同其他餐廳比冰鮮魚有明顯分別，食打冷識食一定要食烏頭😚春菜食潮州嘢點少得食春菜，好有家鄉風味！青島啤酒食潮州打冷點可以唔叫支大啤？咁多好餸加埋支青島，簡直完美配搭😗

 誤打誤撞來了新城~來吃潮州菜，當然要來個滷水盆~ 鵝片拼墨魚，份量不多，但鵝片應是脾位，嫩滑肉味濃，點蒜茸醋減膩   墨魚片爽滑入味，可蘸店家自家調製的辣油醬汁，微辣微酸有酒香，有蝦乾和魚乾調味，頗特別，但我們還是喜歡點醋的味道  墊底的滷水豆腐亦不失色，嫩滑汁濃，鹹味剛好 潮州春菜，還是第一次吃到，菜莖像菜心，菜葉像芥菜，味道也有點像芥菜，與鹹肉同煲煮至腍，很可以用來送酒送飯的鹹餸呢~味菜胡椒豬肚湯，$30一碗，$50一窩~ 兩個人用，要了一窩  胡椒味濃郁，香辣嗆喉  味菜份量不少，已煲至軟腍味清，豬肚和排骨的份量則好像少了一點~ 不過一窩兩人用，的確有點多，整個肚子都是水