鷹巢

營業中

休息中

假日請親戚飲茶，不想去平時去開啲連鎖酒樓，用Apps search到呢間係酒店的茶樓，覺得環境不錯，依傢透過 Apps book位仲可以有八折及賺Asia Miles，決定黎試下。一坐低，我哋當然點左飲茶必食點心，點心賣相精緻，味道都十分有水準。以下是我個人特別想分享的菜式：冬瓜上面配了什菌、竹苼，冬瓜及青菜吸哂啲汁，個汁很好味，清清地，不錯。侍應特別推介紹我哋照牌菜 - 叉燒皇配秘製蜜餞豆。厚切叉燒真係好嫩滑及Juice，同出面的燒味店好大分別。旁邊的秘製蜜餞豆親戚話好好味，但我不喜歡食豆，所以No comment.無飯落肚，對老人傢真係少左啲嘢，特別點左個蒸飯。飯軟硬適中，上面鋪了豬頸肉及蔥，肉汁流入飯裡面，味道很香，配合上面介紹的叉燒食剛剛好。甜品我哋叫了綠豆酥，綠豆蓉炸成酥，外面點綴了杏仁片，外脆內軟，口感特別。我哋見到隔離枱有人叫左楊枝甘露分子雪糕，現場即整，我都係第一次咁近睇分子料理，但真係很飽，唯有留番下一次再試。食物精緻，環境寧靜舒適，工作人員好細心，不時有人斟茶及換碟，最重要是親戚滿意，但價錢比其他連鎖酒樓貴咗少少，幸好Apps book 位有discount。

好耐無飲過茶，星期六會出旺角，於是就上Openrice睇下有無邊間比較特色既中餐廳飲茶，見到旺角呢間鷹巢有做折，就試下book位，可能我比較早到，過到去未算好多人，被安排坐近窗邊位置，環境都幾好。坐低好快已經有人問要咩茶，茶壺夠大唔需要經常添加。食物選擇算多同新，見時間尚早，可以坐耐d就點咗點心同小菜，上菜速度都算快，服務總體唔錯。雖然茶位唔便但服務同食物質素值呢個價錢。見openrice上面大家都推薦，於是就試下，果然不負眾望，口感好好，好大舊，同出面食果d完全唔同，叉燒軟硬適中，唔會太甜又唔會太咸，我諗下次黎我都會再點呢個。不過要叫多d人一齊食，因為都幾大份，1，2舊已經好飽。白玉藏珍，呢款菜聽講新出，口味屬於比較清淡，但勝在用料足，平時飲茶會叫菜心，如果唔想次次食菜心可以試下呢款，會比較多選擇。意大利黑醋豬柳，上菜時已經覺得個賣相好吸引，酸酸甜甜，但建議雪梨同豬柳一齊入口，個味道配合得非常好，豬柳外脆內軟，雪梨又夠清甜爽口，我諗小朋友都會中意呢道菜.唔知點解每次出面食野最後都要食埋個甜品先滿足，雖然係好普通既一個甜品，但出乎意料的好味道，起初都怕會唔會太酸或太甜，點知味道剛好，而

所謂「物以類聚、人以群分」，吸引力法則下；身邊自不然集了很多好吃之友，不時相約開心飯聚、天南地北；談談八卦、趣聞....，將日常的繁瑣暫且放下，投入酣暢的氣氛當中。友人已不下數次到訪，知道那些是特色或拿手菜；點菜的任務當然是由他負責了。蜜汁燒脆鱔～燒得微脆的外皮油份豐盛，肉質爽嫩；表層的蜜汁更能帶出肉香；首味菜的質素已然不錯，令人更期待接下來的菜式。金牌叉燒皇配秘製蜜餞豆～梅頭肉經低溫慢燒兩小時，難怪肉質格外鬆軟；厚切也絕不嚡囗，外層微帶焦香，肉味豐盈，衆人也吃得連連叫好，一份定不能滿足各好吃之徒，友人早在點菜時落了雙份柯打。作為綠葉的蜜餞豆也甚是滋味，黏黏甜甜很有嚼頭，一口叉燒一口豆、好吃到停不了囗！花膠菜膽皇杏汁白肺湯～杏汁白肺湯是我最愛的湯品之一，臨入秋喝就更添滋潤；今次的還是矜貴版，軟滑黏糯的花膠固然讓人吃得滿足，而吸收了湯汁精華的菜膽更是我的心頭好，直喝它個兩大碗才算滿足！杏香荔蓉帶子酥～這也是個矜貴版，芋角的變奏？以厚厚的帶子代替了慣常的豬肉、蝦米、冬菇等餡料，酥化的外層、綿密的芋蓉加海鮮的組合原來也相當不錯呢！附上的蒜蓉冬菇醬，可看各自的喜好隨意添加。蝦籽鮮菌麒麟