阿木台灣麵 (豉油街)

營業中

休息中

餐廳：阿木台灣麵地點：旺角豉油街菜式：台灣菜餐牌：阿木牛肉麵，台式便當，阿木拌麵，老台灣腌菜，台灣小吃，蛋餅同飯。飲品有古早味，芝士岩鹽奶蓋，珍珠奶茶，冷泡茶，台灣紅茶，四季春青茶。落單用QR code。番茄牛肉牛筋麵 $79大大碗番茄牛肉牛筋麵熱辣辣上枱。有牛肉三件同牛筋三條。牛肉明顯係半筋半肉，牛味又濃，厚身啖啖肉，好味道。牛筋入口即化，滿滿骨膠原。麵條係白色拉麵，都有咬口，份量適中。伴有鹹菜同蔥花，可以叫多鹹菜同多蔥花。個湯甜甜地，味道好濃番茄味，真係見到新鮮番茄，配麵好夾，唔會油膩。滷牛筋 $62滷牛筋一客6條，滿嘴都比骨膠原張住，滷得好入味，仲稔過碗面嘅牛筋。面頭灑上蔥花。芝士岩鹽奶蓋四季春青茶 $20我叫左芝士岩鹽奶蓋四季春青茶微甜同少冰，微甜係剛好甜度，帶微微茶味，加上面頭厚厚鹹香奶蓋真係好夾。今餐食物飲品質素唔錯。上菜超快，落完單唔洗三分鐘就有得食，平日午市好旺。

阿木 @ 旺角 新蒸頭旺角好多地方都未開門…好彩阿木夠勤力…當然要黎撐下耐唔耐都會黎食下牛肉麵…味道唔錯…價錢又合理…所以成日經過都見到要排隊。唯一去襯都覺得自己拉高左平均年齡🤣🤣🤣 炸排骨便當 炸排骨肉質鬆化…又唔油膩…而且都幾大塊。個飯仲有魯肉係面😍😍個滷水汁撈飯好味。便堂配左幾個小食…滷蛋唔錯。紅燒牛筋牛肉麵 偷左啖湯飲…湯頭香濃…牛肉份量都幾多…牛肉同牛筋炆得好腍又唔會無左質感…麵條煙韌彈牙。鹽酥雞 熱辣辣新鮮即炸…好juicy滷牛筋 因為好味所加多碟淨食😌😌。記得落下佢地自家製麻辣醬…惹味好多。

今日午餐黎左呢間阿木台灣麵食，餐廳由台灣人主理，主打正宗台灣菜式。餐牌係簡單一張紙，包括阿木牛肉麵，台式便當，阿木拌麵，老台灣腌菜，台灣小吃，蛋餅同飯。飲品有古早味，芝士岩鹽奶蓋，珍珠奶茶，冷泡茶，台灣紅茶，四季春青茶。今日一個人，叫左一個主食，一個小吃加一杯野飲。紅燒牛肉牛筋麵 $74大大碗紅燒牛肉牛筋麵熱辣辣上枱。牛肉同牛筋各三件。牛肉一大兩細，炆得極淋，入口即化，明顯係半筋半肉，牛味又濃，厚身啖啖肉，好味道。牛筋都好淋，滿滿骨膠原。麵條係白色拉麵，都有咬口，份量適中。伴有鹹菜同蔥花。個湯甜甜地，味道好惹味不過唔會油膩。滷牛筋 $55滷牛筋一客6條，滿嘴都比骨膠原張住，滷得好入味。面頭灑上蔥花。凍黑糖珍珠鮮奶 $17我叫左凍黑糖珍珠鮮奶少甜同走冰，鮮奶好滑而甜度適中，飲落帶微微黑糖香，無冰都夠凍。珍珠份量多，有嚼勁而唔會太硬，好飲。上菜超快，坐低食完20分鐘搞掂。

跑完個步，打算來個late dinner。差不多9點到達，還是要等位，人氣店果然名不虛傳 。幸好預先在網上平台拎飛，才不用等這麽久。位等期間，可以看看門外的小賣部。由飲品到鳳梨酥都有，全部都是台灣特產呢。鹽酥雞 $38小食鹽酥雞份量不算少，2人share每人都有4-5件。雞塊炸得皮脆肉嫩，超香口。配埋自家鹽酥雞調味粉更香、更惹味。滷牛筋 $46雖然不愛吃牛，但我非常推薦這小食 - 滷牛筋！牛筋非常軟腍、入味，與帶微甜的滷水汁很匹配。喜歡這個滷水汁不是油膩膩的，讓人愈吃愈滋味。麻辣肉燥拌麵 $43麵條口感偏軟，用來拌麵還可以的。自家製麻辣醬辛香味濃，喜歡吃辣的朋友可以一試。不夠喉嗎？每張枱都有一罐任你加，甚至可以買一罐($48)回家呢。紅燒牛肉牛筋麵 $69牛肉麵湯底對我來說味較重，但牛肉、牛筋也不錯。金鑽鳳梨四季春 $34今日大熱的金鑽鳳梨，當然要支持一下。四季春茶夠香濃，與清甜的金鑽鳳梨超夾，超級好喝！最喜歡它帶鳳梨肉，更有嚼口。芝士岩鹽奶蓋炭燒烏龍茶 $38凡點1-10號餐，飲品可獲半價，所以這杯奶蓋只需$19，超級抵飲。芝士岩鹽奶蓋夠creamy，帶點鹹，不會太膩。炭燒烏龍茶的茶