明記潮館 (砵蘭180+商場)

營業中

休息中

為左避免父親節食飯人山人海所以提早同爸爸食爸爸早兩年大病完做完手術好多野唔比佢食不過父親節比佢放縱下la所以今次帶潮汕爸爸泥食潮州菜兩三年前爸爸身體好啲帶佢泥食過幾次，爸爸一直回味，今次趁父親節就帶爸爸再泥食啦當然我呢兩三年一直自己有泥食啦但真係不得不讚，明記真係水準keep到，咁多年鐘意食果幾味，味道依然keep到咁好食 好多食肆都次次唔同味可能佢大廚無換過，所以keep到我好小寫食評，希望可以讚下值得讚既食肆，鼓勵下你地繼續keep住個水準啊

位於商場的潮州打冷因此環境舒服 地方也整潔檯已放有辣油醋汁花生菜莆菜莆挺爽口的=孖寶H - 豉汁蒸大白鱔 配 金牌滷水鵝=酷愛食鱔 白鱔蒸得剛剛好 肉質細嫩而且滑豉汁既惹味又不會蓋白鱔本身鮮味滷水鵝肥瘦適中 肉質算嫩滑 滷水味很香濃而且很有口感 配了花生豆腐 沾醋吃更好 =蝦乾蒸茄子= 蝦乾很香 同茄子味道夾得來茄子原汁原味 不會得油膩 感覺很健康 =滷水拼盤=滿$300送的拼盤很一大碟有豬耳墨魚大腸鵝腸紅腸芽菜豬耳墨魚爽囗 絕對是伴酒菜

今日同舊同事食飯同慶祝生日，我哋就揀咗去旺角食，因為地點就腳交通方便，上網搵吓有咩餐廳唔限時又坐得舒服，最後大家決定去明記潮館！其實我之前都去過荃灣間店，不過好耐都冇去過，所以今次就去旺角試吓佢間分店，餐廳裝修都好新，地方好寬躺坐得好舒服！啱晒一班人食飯！我哋叫咗好多餸，落左單冇幾耐好快就上菜，啲餸都好大碟，滷水鵝都好入味，不過就唔係好多肉囉！小炒王都炒得算香口，豪仔粥都好多豪仔， 炒蜆都算唔錯! 餐廳而家做緊食滿$300有一碟滷水拼盤送， 送嘅都算大碟！我掛住傾計同食野，有好多碟餸都唔記得咗影相！我自己覺得旺角分店好坐過荃灣店， 食物質素就差唔多! 下次再一大班朋友食飯，一定會考慮明記。

最近發覺自己好耐冇食潮州野啦，最近有時間，一於就去係旺角地鐵站出咗幾分鐘就到既明記晚膳。入到去覺得非常之舒服，整潔企理。打開餐牌，應有盡有，一於樣樣都叫啲先！首先我哋叫了一套晚飯孖寶豉汁蒸白鱔其實白鱔係一樣非常難預備的菜式，估不到佢可以準備到一啲泥味都無，調味又剛剛好，吃得出白鱔的鮮味，正！滷水鵝來到梗係要叫一碟滷水鵝，滷水汁絕對好好，有入味之餘又無味精的感覺。滷水鵝味夠香濃夠口感，令人有一吃再吃的衝動。蠔仔粥(小)粥底非常之好，夠味。成大窩粥熱辣辣上枱。蠔仔乾淨，無沙，另一樣推介之選。滷水拼盤(小）因為我哋食夠錢仲送個拼盤比我哋添，認真不錯。雖然係送嘅但係份量絕對唔少，啖啖肉。同滷水鵝一樣佢嘅滷水值得回味，喜愛樣樣都是吃一點的話，絕對係一個好選擇。

天氣寒冷唔一定要打邊爐、食火鍋嘅，打冷都係一個好選擇。收工之後，同Honey 逛咗一陣朗豪坊之後，就去搵地方食飯，行到去豉油街一個剛剛改建咗嘅商場樓下，有個阿姐正在兜客食潮州嘢，唔使等位，就係咁我哋就上咗。 間菜館很大，佔了商場3樓全層，好有氣派，食客又多，非常熱鬧。 雖然家下，唔會再有人用算盤去計數，不過，呢間菜館個reception / cashier 有個大算盤做裝飾，都算幾有卓頭。 望見啲滷味、海鮮個肚都古古聲。 拿臨落單叫個孖寶C、石鍋啫啫芥蘭，再來一支大青島、一個靚仔。 嚟打冷至好就係上菜快，唔使10分鐘啲嘢就上齊。如果我班下屬做嘢有咁快就好嘞! 【滷水拼盤 (中)】係食滿 $300 就會送的。無諗住咁大碟囉，有啲擔心食唔晒啲添。豬耳、墨魚、大腸、鵝腸、紅腸、墨魚、芽菜樣樣有啲，絕對係潮洲打冷氣味，送啤酒絕配。 【孖寶C $258】其實係【滷水鵝】和【翡翠炒龍躉球】各一大碟。 【滷水鵝】超大碟，好多件，仲係好大件嗰種，唔肥唔羶，但鵝味濃，花生、豆腐入晒味，好食。 【翡翠炒龍躉球】龍躉球炒得夠火喉，肉質保持嫩滑，食落又有質感。脆肉瓜爽甜。 【石鍋啫啫芥蘭 $88】鹹魚、豬肉

今日同波友到旺角吃晚飯，名叫「明記潮館」。 一聽到個店名就知潮洲菜。餐廳位置十分方便，旺角地鐵站， E1 出囗，步行幾分鐘就到。未到門口， 已見到掛上巨型招牌， 真是大得誇張， 餐廳在旺角砵蘭街180號砵蘭180+商場3樓， 電梯直上就到。每檯已預先放有潮州辣油、魚仔、菜莆及醋汁， 辣油香辣，菜莆爽口， 醋汁用來點鹵味， 特別醒胃。內裏有多個魚缸， 擺放着多種游水海鮮， 氣勢十足。這裡地方很寬敞，裝修整潔，可以容納很多食客，即是晚飯時間亦不用等位。凡堂食惠顧明記潮館滿$200， 每檯敬送滷水拼盤一碟，份量也很足夠。 拼盤有滷水大腸、鵝腸、鵝腎、豬耳、豬頭肉、墨魚、紅腸及芽菜等等。 我就喜歡爽囗墨魚和爽脆豬耳。瑤柱豪仔肉碎粥（$55/碗）蠔仔粥是必食之選。 叫了一細碗的蠔仔粥， 但已經份量十足， 足夠兩人份量，亦相當足料， 蠔仔大大隻， 鮮嫩肥美， 味道鮮甜， 加冬菜， 芫茜等配料。 滷水鵝 ($98)食打冷又點少得滷水鵝呢 ！ 我鐘意有有骨落地， 所以叫一份滷水鵝，滷水鵝肥瘦適中，色澤吸引，肉質嫩滑入味， 點上醋汁更加美味。 韮菜豬紅 ($55)韮菜豬紅也是到潮州館必食之選。豬紅口