豐信餃子店

營業中

休息中

第一次試呢間餃子店俾佢嘅人龍嚇親🤣 喺條街冇乜人嘅時候唯獨佢有條長長嘅人龍😅 一坐低食就知食物質素好有驚喜😍 除咗餃子高質之外小食都好有亮點食得出食物好用心☺️⭐️ 雲耳椰菜鮮肉餃拼南瓜粟米鮮肉餃 🎃嚟到必食嘅就係佢嘅招牌金沙煎餃💛滿滿嘅鹹蛋黃真係香口又邪惡🍳乾身又唔會太鹹增加咗風味 南瓜鮮肉餃嘅味道好清甜🧡 雲耳椰菜餃就充滿爽脆嘅口感個人好鍾意🤩⭐️ 小棠菜鮮肉餃拼芝士粟米鮮肉餃 🧀估唔到小棠菜好好正🥬 值得一讚佢嘅菜好新鮮唔會淋曬咁🥳 芝士粟米鮮肉餃都唔會太漏帶淡淡既鹹香🌽 佢嘅椰子海帶湯亦係另一亮點🥥 淡淡既椰子味好自然好滋補⭐️ 薺菜馬蹄鮮肉餃拼香菇鮮肉餃 🍄特別鍾意馬蹄嘅清甜感中和左肉味🥕另外香菇餃嘅香氣同豬肉好平衡呢🥩⭐️ 涼拌皮蛋 🥚非常值得一試因為皮蛋本身質素好高自帶流心🤤 輕輕用涼拌點綴已經帶獨有嘅蛋香🌶️⭐️ 香煎豆腐 🤍豆腐新鮮又嫩滑煎到火候啱啱好🔥⭐️ 菊花蜜 🌼⭐️ 清熱潤喉羅漢果甘草茶 🍀飲品質素都唔錯清熱得嚟唔會太甜💚 非常推薦羅漢果茶食到羅漢果嘅甘甜😜

嗰晚放工過嚟食，店門外好多人等位或等外賣，見到可以攞飛，一個人，等一陣間就有位啦。上一次食咗好邪惡嘅金沙煎餃，今次就點份湯餃試吓啦，不過估唔到晚上7點未到巳經有好多款餃子售罄嚕😧🥟 雙拼湯餃 — 芝士粟米鮮肉餃拼芫茜鮮肉餃(HK$45/7隻)．湯底是椰子海帶鮮雞豬骨濃湯，看似水汪汪嘅清淡，但飲一口就知是超濃椰子和雞味道．餃子比湯匙更大隻！皮薄多汁又多餡料～．芝士粟米鮮肉餃，中間有一大pat流心芝士，新鮮豬肉有肉味和軟腍，粟米粒甜美．芫茜鮮肉餃，咬一口，口入面爆芫茜汁，芫茜味勁濃勁正呀😍🥘 招牌秘汁拼盤 (HK$45)．一碟可以試齊4款滷水嘢 — 雞腎、雞中翼、金錢展和鹵蛋．秘汁係自家製的甜醬油，啲嘢食入味，有甜蜜蜜的味道很好味👍🏻．雞腎爽口易咬、厚切的金錢展軟腍無根、雞翼入味大隻、鹵蛋彈牙雖然蛋黃已熟晒啦😂🍹清熱潤喉羅漢果甘草茶 (HK$10/支裝)．我好鍾意羅漢果嗰種甘草果甜味道，又可以清熱和潤喉，超得！

我地都好鐘意食餃子可以有好多吾同既配搭餃子又係中國好傳統既食品之一難怪餃子店都大排長龍今次我地食呢間都係好多人排隊涼拌海蜇口感超好餃子有分煎同湯餃湯底 除咗有椰子海帶鮮雞豬骨濃湯之外仲有惹味酸辣湯底豬骨濃湯椰子味好香濃湯餃必點我哋叫咗雙拼紫甘藍粟米鮮肉餃同小棠菜鮮肉餃小棠菜鮮肉餃仲係新上市㖭兩款餃子口感都好正味道都幾啱小朋友食小朋友仲食左好多隻睇黎佢都好鍾意食迎合到小朋友口味真係唔容易我地加埋薯粉一齊食煙煙韌韌咁小朋友都好鍾意另外再叫左煎豆腐， 涼拌海蜇兩款都好惹味飲品除咗豆漿仲有好潤喉嘅羅漢果甘草茶有呢個選擇幾好食完煎炸嘢就飲下佢潤下個喉嚨甘甘甜甜咁小朋友都會飲店員就算忙都幾好服務，食物一叫仲熱辣辣好快送到，推薦呢間餃子店，睇得出係用心製作！門口好多人排隊！

因為喜歡吃餃子，所以見到menu 有很多選擇，已經心動💓我今次order 一個素餃及白菜鮮肉餃加麵，粒粒餃子都好大粒又好味我差點兒也不可以KO 七粒😂😂！全部配上椰子海帶鮮雞豬骨濃湯（非常香濃椰子海帶湯，婆婆非常開心，全碗湯及餃子🥟也KO) 😁😁order 了兩樽清熱潤喉羅漢果甘草茶，秋天一定要滋潤一下😁再order 咗三個小食！香煎豆腐 （3件）：新鮮熱辣外脆內軟秘汁鹵蛋：味道不太濃，剛剛好！上湯時菜：菜芯好清甜

呢間餃子店就係太子地鐵站附近，每次行過，門口都有好多人等位或等外賣。我見嗰日行過嘅時候，店內不太多人，就走入去一試滋味啦～芫茜鮮肉煎餃 (HK$42/7隻)，+HK$15轉金沙餃．當初以為係成隻煎餃外皮會包滿鹹蛋黃，但原來只係喺煎餃上塗上鹹蛋黃醬，和我期待的有些出入🤔．餃子煎得香脆可口，皮薄，超多餡！不過也比較多油喔．一咬落去，口裡爆出超濃郁的芫茜汁，粒粒鮮豬肉好有咬口．面頭的鹹蛋黃醬，超濃超正，配煎餃真係好正！．好彩只叫咗7隻，因為餃子大隻多餡，食晒已經好飽了😌清熱潤喉羅漢果甘草茶 (HK$10/支)．煎金沙餃子太邪惡又熱氣，飲支羅漢果甘草茶可以清熱．味道方面，羅漢果和甘草都好濃郁，甜蜜但不算太甜，幾好飲㗎！

太子除咗cafe林立，更係餃子勝地，可謂餃餃鎮一片其中有間，晚市時段都未到，已經成堆人喺門口等位等外賣究竟咩事幹咁受歡迎？大胃都好願意排隊一嚐究竟最多人係嗌湯餃，湯底係椰子海帶鮮雞豬骨濃湯，好香純，飲完感覺好有益處咁芫荽餃嘅茜味真係好出聚，但同湯底又好夾加兩蚊就可以雙拼，拼香菇好啱當湯餃，皮薄而實，大大嚿肉餡爆香菇味都想試堆煎餃食力，小棠菜餃子煎得皮爽餡都爽同樣加兩蚊可以雙拼，拼芝士最好不過，最適合煎嚟食，超香濃芝士味以為煎餃已經夠邪惡？煎外有煎，人外有人，加鹹蛋黃醬惡到飛起，但性價比極高，醬料份量係超過分樓面對住大胃叫咗聲「老闆」，原來係上「鹵蛋」畀我地，雞蛋掛汁入味，有白芝麻吊吓味，醒目不少已經嗌咗細份涼拌雲耳，仲係好大份，啖啖香爽，辣得醒胃辣到落淚，好彩有菊花蜜飲吓，唔會死甜，但又解得吓渴羅漢果甘草茶都唔錯，食煎餃熱氣到變聲，呢支真係及時雨

下午在太子工作，順便吃個午餐。餐廳離地鐵站很近，裝修簡單。主打餃子，有不同口味的餃子，也有小吃和飲品。⭐️紫甘藍粟米鮮肉餃$36配上沒有味精的鮮雞豬骨濃湯，實在不錯。餃子內餡是紫甘藍、粟米和鮮肉，紫甘藍入口爽脆，配上肉餡不會太寡。⭐️涼拌海蜇$20海蜇爽脆。⭐️韭菜鮮肉餃$42 韭菜很新鮮，配上鮮肉不違和，不錯。 ⭐️香菇鮮肉餃$42煎餃子更香口，兩面煎得香脆，想不到香菇鮮肉餃也很美味。⭐️秘汁雞腎$22份量不少，夠2-3人分享，入口不算爽口，口感偏軟韌一些。⭐️清熱潤喉羅漢果甘草茶$10羅漢果茶清熱解毒。

跟太太簡單吃一餐，竟然選中了非常美味的餃子店，不論是煎餃或湯餃，都做得相常出色！首先煎餃煎得黃金，賣相滿分，煎餃口感香脆又不油膩。芝士很香濃，肉汁豐富到咬開的時候差點濺到太太 果然有料到 湯餃的湯底用上椰子海帶鮮雞豬骨濃湯，單是湯底已經令人再三回味，我一邊吃餃子一邊把湯喝光。太太喜歡食芫茜，她大讚芫茜鮮肉餃皮薄餡靚。另外加了上海粗麵（$8），配點菜脯辣辣的，甚惹味兩支自家製的飲品是羅漢果甘草茶和柑桔蜜，喝得出真材實料，生津解渴，感覺是沒有味精原本還想多點一款餃子，不過這裏的小食選擇多元化，廿元左右有交易，所以我們就為吸引的小食留肚了。拍青瓜有大細兩種份量，爽脆微辣。皮蛋有完美的流心效果，想不到份量這麼慷慨，不過還是會想一吃再吃，哈哈。

餃子控又四出覓食，今晚由住巿區的朋友帶路，來到太子的「豐信餃子店」。店面不大，小小的但卻已坐無虛席，等了10分鐘左右後就安排入座。份量非常多的雞腎，口感爽身又有咬勁，撈上秘製醬汁，入口帶著絲絲甜味。皮蛋吃起上來，未見有太強鹼味。配上酸酸子姜片，有點清香感覺。雞翼有5隻，灑上了芝麻。醬汁似是滷水汁混合蜜糖，但甜蜜味不算突出。肉質尚算嫩滑，也是入味的。竹筍入口非常爽脆，拌上了椒辣汁，完全索入這道辣味，吃得非常過癮。但同行朋友則表示太辣，有點吃不消。下了雞肉豬肉的湯底異常鮮甜，因為有椰子成份而呈淡奶白色。味精感不重，鮮香味令筆者不禁想點一碗淨湯暢喝。餃子可點7或10隻，同樣有煎餃湯餃選擇。雙併是4跟3組合，餡量頗多，餃皮質感滑溜，略嫌做得未夠薄。2款中，以紫菜豬肉餃較驚喜，配搭得挺好吃。西洋菜一款則有濃濃菜香味。南瓜一款，感覺較為少有。入口味道香甜，南瓜蓉和豬肉也幾夾，中間夾雜了粟米粒口感。而芝士一款更是有爆醬效果，非常香濃的芝士酥香。不過，稍嫌煎餃有一點油。天然甜香味的羅漢果甘草茶，令筆者想起媽媽的味道。這個乾燥天氣下喝一支，正好清熱滋潤。