正九清湯腩 (餘慶大廈)

營業中

休息中

做完運動好肚餓，見大街有呢一間正九清湯腩，就入去醫肚。叫了一個牛三寶河，牛腩牛筋金錢肚，另外叫咗一碟芥蘭🌟牛腩：牛味濃，睇返餐牌，原來可以揀瘦、肥或者半肥瘦，或加$8升級崩沙腩。我無特別揀，但我覺得肥瘦適中，唔會嚡或者韌😋🌟牛筋：滑捋捋，夠腍但又唔會爛，我唔係太夾得起😂🌟金錢肚：都算肥厚，幾入味👍🏻🌟整體上成碗麵嘅份量都好多，所以食完啲餸之後，我已經食唔到太多河粉，唯有飲多2啖湯（牛腩牛骨熬製），都幾好味😋😋🌟加左少少辣椒醬更美味😁🥬油菜都值得一提，難得服務員落單嘅時候會問要唔要腍啲，我覺得都幾貼心播👍🏻見到原來佢都有下午茶餐，咁都幾抵喎～

成日食牛腩嘅話，相信對「正九」依個名一啲都唔陌生😎都有好幾間分店，站得住陣腳食物選擇都係大路牛腩粉麵店有嘅嘢。除咗一般嘅清湯牛腩麵之外，仲有咖喱汁、口水雞、菜肉雲吞等等，都幾多元化清湯牛三寶河粉個湯好飲，清澈，唔會太鹹牛筋分量驚人，成四五嚿，每一件都好大，非常足料！牛筋軟硬度適中，而且非常入味，非常推薦牛腩亦比想像中好食！落單嘅時候，可以講明想要瘦定係肥嘅牛腩，我就揀咗要瘦嘅，就咁睇樣都驚會硬，但係咬落去能好柔軟喎，而且肉味香濃，幾出色👍🏼👍🏼加埋個腐乳通菜，清清地，腐乳醬濃稠，但又唔會太鹹，成個晚餐就非常圓滿😎😎