烏蠅館 (九龍中心大廈)

營業中

休息中

第一次係香港食烤魚 價錢無想像中貴 而且質素亦唔錯！當日book左枱所以唔洗等好耐 不過都見到有幾組客人係門口等緊 係街邊比較熱小小我地叫左海鱸魚 無咩骨食到邊位先有幾條骨配左招牌香辣味既湯底 唔會太辣又夠味！！而且食完唔會話好想飲水好口乾 好神奇！另外有叫左寛粉 土豆粉 金菇 加上本身已經包埋土豆片 雞髀菇係裏面4個女仔食到好飽！！飲口方面試左白桃茶 百香果茶 微糖啱啱好 解下辣 又唔會太膩～會再黎幫襯見到有啲人會單碗咁叫黎食 下次可能會試吓🤣🤣

烤魚呢家嘢真係令人又愛又恨，冒住火燒後欄嘅風險，就算怕辣都要去食結果感動到成面汗淚，食呢間烤魚值得由於𦧲骨呢個動作都幾勞累，所以大胃揀比較少細骨嘅海鱸魚，都幾大條肉質爽滑實淨，魚皮都滑捋捋，仲有洋蔥、木耳同雞髀菇片襯托，吸辣惹味再加多份土豆粉，滾耐啲表面就會透透地明，呢種狀態食就最彈牙入味食咗幾啖，辣到淚如泉湧，聽講飲奶就最解辣，但珍奶竟然售罄？世人真係太弱喇，但都仲有冰粉鮮奶同雪燕鮮奶，配搭有趣又補身食過咁多間紅糖糍粑，第一名大胃決定頒畀佢，脆感一流不在話下，竟然將紅糖唧入糍粑裡面，爆醬又唔會死甜具創意又外脆內綿，唔飽真係想encore開封yogurt包青敢就聽過，成都yogurt都有？其實係將冰粉配料配落yogurt度，味道一樣唔違和，仲要係及時奶，助大胃化辣雖然坊間餃子餡料層出不窮，但包蠔就聞所未聞，豬肉同蠔肉加芫荽完美混合蠔香肉香菜香，三香齊放

好中意食烤魚！調味香，魚幾滑市區又近地鐵站，陳設有氛圍感加曬分👍🏻🐟海鱸魚 $238條魚幾滑，口感結實唔鬆散，細骨易剔走，熱鍋上一直煮都可以保持到爽滑鮮美，愛魚之人表示滿意。🍲 個鍋好大兜，一個鍋一個菜我哋兩個女仔有啲食唔曬。🍲因為朋友唔食得辣叫咗蒜香，蒜香味真係好濃烈，啖啖都係，調味好唔錯，但食成餐稍微有點咸，不過後來可以加水當打邊爐都正，建議食得辣嘅朋友可以試下其他辣湯底。🥬每款湯底都送三個菜，今日係蘿蔔、木耳、芋絲！講究嘅係葷素搭配。😂👍🏻🐟其他餸都好大份，叫咗碟魚皮堆到滿晒，其實張相係食咗兩舊先至記得影🤣都已經好大份🧋黑糖燕鮮奶(奶蓋) 呢杯叫咗少甜，記得攪勻先開始飲😂🤣個奶蓋香滑濃厚嘅奶味，新鮮、幼滑，唔會好似平時啲奶蓋咁死甜或死咸。不過好特別地感覺係奶蓋配奶，好新奇，因為平時係奶蓋配茶㗎嘛🤣總之幾好飲！🍫暮色戀人 $34第一次見嘅朱古力奶蓋，好想試吓，影相影出嚟都幾靚，第一啖有啲似朱古力奶昔，回甘有啲淡淡咸香有啲想叫埋個杯好打卡able嘅藍天白雲😂，不過好飽了