蝦蝦燒

營業中

休息中

想試流水蝦很久了，今晚朋友難得早放工，我們就相約到佐敦「蝦蝦燒」歎海鮮放題！餐廳位處白加士街，大大個招牌好易搵！上一樓的樓梯轉角，更有靚靚霓虹燈跟你打招呼呢！一入餐廳，就見到一行行的魚缸，裡面的流水蝦真係生蝦咁跳，非常生猛！現場食物款式勁豐富，在自助區裡，有唔少海鮮現場任揀，次數不限，估唔到連鮑魚和生蠔都有得燒呢！肉食方面，自助區的凍櫃有不少肉串及肉丸，我自己偏愛叉燒和鴨胸，朋友就鍾意雞翼和金沙骨，yummy yummy！除了即燒即食，肚餓的或等唔切的話，自助區都有些簡單熱食，畀你即時醫肚！最後，當然唔少得飲品和雪糕啦！飲品有汽水和啤酒，雪糕亦有本地和外地品牌，最後我更歎了兩杯朱古力雪糕呢！埋單每人$348加一，唔算好抵食，但就食得開心！

🌕Hello我係Moon🌕好耐都冇食燒烤嘅嘢啦！係☺️時候為自己安排一餐放縱餐！😆每次想食室內燒烤嘅時候，都會諗起佐敦依一間！😍雖然佢哋嘅餐廳名叫蝦蝦燒，🤭但係依間餐廳又點會止係得蝦呢？😎一早打電話訂咗枱，所以好快就有得坐啦！😙呢度嘅環境真係好大，☺️食物選擇依然都係咁多，😌有好多肉類串燒同埋蔬菜類，😆當然唔少得海鮮啦！🤭全部都係自助嘅！😙任拎任食！🤪坐低咗，之後就會有店員為我哋預備用鹽醃過嘅蝦，😋唔夠食嘅話，😛當然可以自己夾啦！🥳一邊燒嘢食，一邊夾新鮮嘅蝦，😏真係好好玩！🤩海鮮真係好新鮮，😤特別係鮑魚同埋扇貝！😎呢度嘅服務態度比以前更加好，😏我哋拎咗鮑魚返埋位之後有店員幫我哋剪鮑魚殼，🤭令我哋燒嘅時候更加方便同埋食得更輕鬆😎肉類嘅部份我就好鍾意呢度嘅羊肉同埋牛仔骨，😝我都拎咗好多牛仔骨！🤤真係牛肉味好濃！😜如果想串燒嘅話，😙推薦大家拎雞翼同埋排骨串，😌都係啖啖肉，仲好好味！😋如果想食啲粉面嘅話，🤣都可以去到自助區！😜可以自己淥返一碗麵條！🤪去到尾聲嘅時候，唔可以錯過依度嘅雪糕！😍有唔同款嘅口味，仲有雪條啊！🥰🌕最後MoonMoon真係好滿意呢度，有咁多款嘅海鮮肉類蔬菜類任食，兩個半鐘真係

🌕Hello我係Moon🌕嚟到佐敦呢一度雖然地方唔係好大，不過喺呢一度就一定要隆重介紹海鮮燒烤自助餐嘅必食推介。 😋相比起日式放題又或者韓燒，呢一個海鮮燒烤絕對顛覆對享受嘅定義。 🤩仲要每到週末假期都必定係爆曬人嘅蝦蝦燒。😏雖然個名就主打係蝦，🤣尤其是一入到去就見到一缸又一缸嘅蝦缸，裏面當然有眾多嘅新鮮活躍蝦。 🤤全程一手夾一手浸凍水再去到放喺網上面燒，😎真係少有餐廳可以做到呢一種特色燒烤🤩咁當然呢一度除咗食蝦之外仲有大把海鮮同埋蔬菜肉類有得選擇，😆例如串燒系列就有南瓜紅腸魚蛋冬菇，😋喺食得太多肉或者海鮮嘅時候當然就要有啲蔬菜類中和一下，🤓同埋蔬菜類就比較快熟咁就唔使坐定定喺度等，🤤蔬菜都必然係新鮮色澤又夠靚😝肉類嘅話最熱門應該就係厚切羊架，😆每一塊都足足有接近兩厘米咁厚，🤣再加上油脂分布均勻，😉燒嘅時候更加有油香味釋出，😝令到羊味更加香濃，大約去到七成八成熟咁就完美無瑕，😋肉厚但肉質仍然細膩，值得encore🤪至於主角蝦蝦就要夾完之後就用冰水同埋冰去浸暈佢先，🤓確保冇咗動靜先好放上去燒，😌呢一款蝦肉質呢就軟滑小小彈，🤓微微有啲似龍蝦嘅質感，😗當然食之前就可以再用孜然粉同埋辣椒粉去增加

蝦蝦燒在一月份有八折加任食鮑魚，於是約埋朋友去玩。因為我之前食過，所以在朋友面前扮專家，教佢點燒點食，有得食有得玩仲有得威，哈哈。首先要用餐廳提供的小桶盛冰和水各一半，然後把親手夾出來的生猛大蝦冰鎮一會才燒，這樣蝦肉不但彈牙，又唔怕蝦蝦紮紮跳。第二是鮑魚一定要去殼才燒，去殼後的鮑魚肉放在帶子或扇貝的殼上一齊燒。這些殼就像錫紙，既隔阻火力又保持水份，燒出來的海鮮更鮮嫩。在貝類上面加點蒜蓉、辣椒，好味。其中鮑魚特別嫩滑，我們食咗不知幾多隻，回本喇。第三是燒魚。最好一開始便把原條鮮魚放上爐旁邊，讓它慢慢燒，不要頻密翻身。燒好後起皮食肉，好正。有大眼雞、鱲魚和鱸魚，全部都新鮮啖啖肉，我吔兩個人食咗4條魚。食海鮮都未夠的話，還有大量串燒，不過我們要留肚食甜品，只是試了金菇肥牛和羊肉串，灑點孜然和椒鹽最好味。甜品是燒菠蘿和自製雪糕窩夫。菠蘿又甜又多汁，窩夫串燒先烤熱，再去拎杯雪糕，完美。兩個半小時剛剛好，捧肚離場。

係泰國食過一次既流水蝦 原來依家香港有得食啦 朋友話俾我知呢間餐廳質素唔錯 立即就同朋友去食下店內設有多條流水道 方便大家一企起身就可以夾到蝦蝦 提一提大家記住要拎桶冰水 d蝦蝦一夾上黎就要放入去凍暈佢 如果唔係就會fing到你成身濕哂除左蝦呢個主角 佢仲有好多熟食 海鮮 串燒食物 雪糕同飲品 全部都係任拎 食物的選擇十分之多海鮮方面竟然連鮑魚同生蠔都有 完完全全對得住呢個價錢佢仲會跟人頭去送番白鱔串 呢個真係好住將個皮燒脆少少 口感會好好多整體用餐體驗都好好 食物既質素都好高 尤其係海鮮(全部都係生猛的) 員工態度亦都好好 例如會教我地點樣燒鮑魚 咁多人佢地都仲顧及到 認真叻叻

聽同事講依間蝦蝦燒幾好食今晚就同朋友去試吓平日夜晚$328加一任食兩個半鐘聽落好似唔算好平但係見到佢任拎嘅海鮮區就覺得係物超所值除咗最出名既流水蝦仲有蠔、鮑魚、扇貝、大花甲蜆、螺同埋原隻魷魚等等除左海鮮仲有其他平時燒烤會有既肉類丸類蔬菜法包燒烤爐唔算好大但好在有兩層同埋熱力都好夠所以燒起上黎好快餐廳會提供冰桶同鉗去夾蝦D 蝦都算幾生猛夾起上黎小心會彈走蝦既肉質爽口但比較淡味每枱有提供少量調味粉亦都會送每人一條蟶子同鰻魚串蟶子厚肉彈呀，鰻魚燒得惹味另外比較推薦係鮑魚同扇貝鮑魚食落好爽口彈牙扇貝都算大粒同幾有鮮味燒菠蘿同蒜蓉包亦都唔錯兩個半鐘都幾夠時間食如果得個半鐘就真係會唔夠時間整體食物質素唔錯，值得一試

去泰國成日都見人哋食流水蝦，自己又未試過😂。見香港最近新開咗，做緊一個88折優惠($328)。所以決定放工後去食。原來蝦蝦燒除咗有蝦🦐，仲會提供其他海鮮，而且好豐富：有鮑魚(鮑魚祭)、帶子、蠔、扇貝、大眼雞等等，全部都可以任食添😳 餐廳環境都算寬落，每一張枱上都有一條抽氣喉。而係枱與枱之間會有一個蝦缸，放滿流水蝦 ，一路食一路望住啲蝦，或者隨時隨地夾佢哋都可以。啲蝦好生猛，一夾佢就會彈，夾起後要放入冰水凍暈。餐廳本身已經安排咗2人份嘅蝦同埋一盒牛油芝士焗蝦，再加埋每人一串鰻魚，唔使夾蝦都有蝦食。好鍾意嗰個牛油芝士焗蝦，因為個芝士汁完全滲入蝦身，好入味。另外，鰻魚好肥美。其他海鮮、肉類或者蔬菜都係要去自助區拎。海鮮正如我所講，有鮑魚、章魚、帶子、扇貝等，見到店員都係即時refill，覺得幾新鮮同埋餐廳願意畀客人食，唔會話叫客人等或者冇曬貨。最鍾意就係食鮑魚，鮑魚本身size都算大隻。而且佢燒完唔會話好硬或者好難咬，啖啖肉。另外，朋友都鍾意燒蠔，大家可以加啲蒜蓉或者牛油，更加滋味。即使蠔唔算好大隻，但係都幾鮮同肥。至於肉類，好多都一串串整好，有好多唔同種類嘅串燒，牛肉粒、雞肉串、豬肉、魷魚

晚巿重開，當然要約好友搵食，今晚我們就專程到開業不久的「蝦蝦燒」開餐！「蝦蝦燒」位於佐敦永富大廈1樓，門外大大個招牌好易找！有名你叫，餐廳主打流水蝦；餐枱旁是水缸，想燒的話就自己撈自己燒，紮紮跳，勁新鮮！除了流水蝦，自助海鮮區還有魚、扇貝、以及酒店自助餐都未必有的生蠔，真的很易食回本！食飽海鮮，我們又試其他肉串，芸芸中我最私心推介义燒串燒，燒完熱辣辣，非常惹味！飲品方面，「蝦蝦燒」的選擇真的前所未有的多！其他燒烤任食只得5-6款，這裡竟多達20幾款，茶、汽水和果汁應有盡有！最後嘆埋雪糕，10點前準時埋單，每位$328，好滿足！