海苔魷魚鬚

之前老公嘅男友人RK幾老公食生日飯，我哋臨急臨忙約噚晚（16-11-2024 Sat）食呢間，由於網上訂座時段唔太理想，而且睇到其他人嘅食評，話walk in客要等兩個鐘，所以RK約6點半Walk in。我哋去到，都已full full地，店員 話而家入咗嗰班係book咗六點半嘅，我哋要等，就mark低我哋電話，話有位就會call我哋。咁我哋決定繼續等，因為呢間都幾吸引，但係等嘅時候，我諗起如果有人book七點，七點半，佢會畀晒啲booking客入去，我哋咪要一路無了期咁等？ 於是問店員我哋依家可唔可以book7點或7點半？店員話，其實係book到六點半跟住下一批係八點三個字，所以唔會有七點同七點半嘅booking客，booking客係可以食兩個鐘，但未必一定要等兩個鐘，因為有啲人唔係食兩個鐘，walk in客食一個鐘咁我哋等啦。佢哋嘅software顯示我哋排第二，等咗幾個字，有客人出嚟，睇見店員打電話，之後打俾我話有位，我哋就即入去啦。坐低後睇menu，原來呢喥串燒係$48.00有兩串，個別串燒要加錢，我哋叫完嘢，就先放低一碟前菜，係牛柳粒，呢個用洋蔥爆香，我覺得鹹咗啲，牛柳粒口感適中。而叫咗嘅食物都陸續到嚟：1. $48.00嘅雞肝多士多士烘得脆，雞肝醬唔少，味道甘甘地，OK嘅。5分2. $128.00嘅虎蝦濃湯麵每碗都有隻炸虎蝦，都炸得幾深色，濃湯好杰身，但味道唔係想像中咁濃，炸虎蝦脆卜卜肉又厚，味道濃郁，麵嘅口感就適中。4分3. $48.00角瓶威士忌梳打RK飲嘅，睇見顏色唔深，佢話淡，正常啦。4 . $32.00嘅巨峰冰串梳打味道都係正常冇問題。3分5. $68.00嘅海葡萄鮪魚沙律食材新鮮冇問題。3.5分6 . $46.00嘅海苔魷魚鬚魷魚味濃，外脆，口感同味道都正常。3分7. +$4.00嘅海膽大葉蓉海膽唔少，食落，大葉味道極濃。3分8. 蜜瓜牛卷燒汁幾好味，同老公share食，食唔到化學作用。3.5分9. $46.00嘅雞白湯關東煮見到有大大舊蘿蔔，福袋，牛腩牛筋同豆腐。蘿蔔冇渣同煮得夠腍；豆腐滑；牛腩可能太大舊，有少少唔夠腍；牛筋正常冇問題；福袋入面嘅係煙韌年糕。4分10. - 12 +$2.00嘅雞肝啡菇，+$2.00嘅蟹肉牡蠣同+$10.00嘅白燒活鱔正常冇問題。3分13. +2.00嘅生蒜牛柳係外脆，但唔多食到蒜味。2.8分其他：好彩睇咗其他人嘅食評，話距離地鐵站好遠，話喺角落，咁我有心理準備，而原來嘅個場嘅舖頭門口係部都係向街，所以我哋都冇行冤枉路。抵食係2.7分…查看更多

黃埔超高質串燒居酒屋🤩掛住家鄉又想同朋友傾下偈，就去🏮居酒屋chill下，哩間社交平台大部分被post都係🐯🍤麵，今次無叫到，反而串燒勁驚喜❣️本身無預約，諗住去到搏下有無位，點知話要等幾張枱，附近搵緊其他餐廳突然打嚟話有位，好彩食到冰串燒酎酒味同果味幾濃，成杯影相幾靚海苔魷魚鬚🦑炸衣厚度剛好，魷魚厚肉唔韌，海苔味食落但卡樂b紫菜薯片果隻味🤣沖繩燻肉卷蔬菜同燻肉配搭一定唔會錯，燻肉亦味道適中唔過咸白燒活鱔肉質彈牙，味道略淡🍇葡提鴨卷 (推薦)意想不到嘅組合，提子酸甜遇上鴨肉，再加一點胡椒柚子醬，好似一對陌生男女係地鐵四目交投擦岀火花⚡️一樣咁神奇🐔雞尾(推薦)第一次食雞屁股，以為會好難接受，原來燒得好係可以一啲唔騷，仲食到好香嘅油脂香，送酒🍶一流🦪🦪廣島蠔豚卷 & 蟹肉牡蠣 (推薦)值得一讚，哩到蠔嘅質素同煮法都好好，豚肉包住，一咬落去好juicy同鮮甜同豚肉勁夾，炸蠔好似返到大阪食炸串感覺，蟹肉濕潤咸鮮令成串好似一凹一凸咁夾豆乳麻辣擔擔冰麵面質幼滑，可惜湯無乜豆乳味，麻辣似辣椒油嘅辣，麻味欠缺🥹2個人食左四百幾蚊，串燒十分岀色同有記憶點，而且開到11點，過嚟食串燒飲下酒係幾唔錯，大推👍🏻…查看更多

火夫(Kafu)位於黃埔，是間日式居酒屋🇯🇵 餐廳的裝潢以木系為主，簡約舒適😌餐廳menu上的食物選擇頗多，以串燒為主🍡🍢 HKD48可選2款串燒 (部份需要額外加HKD2或HKD4)，CP值超高👍🏻另外，我們都加配了2小時暢飲放題(每人HKD168)，有多款含酒精及無酒精飲品供選擇🍺 當中我最喜歡梅酒系列，跟串燒超match！😍推薦菜式 :🤍葡提鴨卷用鴨肉片包著葡萄的串燒😜 鴨肉多汁，配搭葡萄的甜味及柚子胡椒醬，味道獨特，亦很清新解膩👍🏻🤍蟹肉牡蠣 (+HKD2)炸蠔上鋪滿蟹肉，蟹肉的甜味和蠔的鮮味互相交融，口感很豐富😋🤍海苔魷魚鬚 (HKD48)魷魚鬚炸得很香脆，咬落有嚼勁和彈性，配上淡淡的海苔咸味，很滋味🤩🤍虎蝦濃湯麵 (HKD128)火夫的招牌菜！！🦐😏 虎蝦很大隻，而且新鮮彈牙，外層用了櫻花蝦作炸漿，很酥脆👍🏻 而湯底濃稠豐富，帶有虎蝦的鮮甜味道，加上麵條充份吸收了湯汁，很入味呢～🤤📍火夫 - 紅磡黃埔天地百寶坊(第3期)地下G29號舖…查看更多

今餐生日飯，妹預訂了火夫，帶同家人一起來試試。這間也是我bookmark已久，但一直未試的餐廳，這次能如願以「嚐」！點了幾款一品來作開胃前菜！日本有部分居酒屋都會提供味增青瓜作免費前菜，但味增味道有時會偏鹹。這款麥粒味增青瓜，鹹香味恰好，味增醬還帶點咬口，青瓜新鮮爽脆，伴味增醬一起吃，饒有風味。雞肝多士，本來以為像鵝肝多士那樣，將煎香的雞肝放在多士上，原來是雞肝醬，而非原個雞肝！多士烘得香脆，塗上雞肝醬，味道香而不膩，但較為單調。海葡萄鮪魚沙律，海葡萄又被名為綠色魚子醬，粒粒口感爽脆，略略帶海水鹹香。海葡萄幾乎沒什麼味道，所以可配較濃味的魚生同吃。這款沙律就選擇加入鮪魚，亦即吞拿魚，此外還有昆布、車厘茄、豆腐等食材，口感豐富，又帶吞拿魚油香。醬汁的微酸，令人更開胃！海苔魷魚鬚，炸粉薄身，炸得好香脆！魷魚鬚爽口彈牙，灑上海苔粉，鹹鹹香香的好惹味！串物分成串燒及串炸，串物基本是$48/2串，部份款式要另加$2，有三款要加$4/$8。玉子鰻魚，玉子與鰻魚一併炸，嚐到蛋香又嚐到鰻魚香，配上常用的鰻魚燒汁，味道很夾。蟹肉牡蠣 (+$2)，炸蠔的炸粉薄，蠔肉飽滿多汁，充滿蠔香，加上絲絲蟹肉鋪面，令鮮味層次更豐富！蔥燒牛舌 (+$2)，牛舌厚身，軟稔易咬，個人不吃京蔥，據說很甜。蜜瓜牛卷，蜜瓜切粒，以牛肉包裹著來燒，蜜瓜香甜多汁，又滲入牛肉油脂香及醬汁味道，鹹鹹甜甜的，幾好味！五層豚肉燒，肉與脂肪相間，入口竟然不會滿口油！肉質亦不會乾身～～生蒜牛柳 (+$2)，牛柳炸好後，面層澆上蒜蓉醬，重蒜味但不太嚐到牛香。廣島蠔豚卷 (+$4)，外層豚肉燒得香脆，夾著飽滿多汁的廣島蠔，口感一脆一軟，一併嚐盡蠔味與豚肉香。白燒活鱔，唯一要加$8的串燒，白鱔皮燒得香脆，魚肉紮實不鬆散，但吃得太多濃味串燒，所以對燒白鱔的味道沒什麼印象了。葡提鴨卷，鴨肉包裹提子燒成，提子的微微酸甜，搭配鴨肉羶香，是意想不到的美味組合！雞尾 (+$2)，竟然不會好羶，算是易入口！虎蝦濃湯麵，以櫻花蝦包裹虎蝦來炸，入口滿滿蝦香，酥脆又有口感，比平時的脆漿炸粉更為出色！虎蝦肉質爽脆彈牙，湯底的蝦味非常濃郁，又不會鹹，湯汁滲進每條麵條，惟麵質偏軟！而湯汁都被喝清光！半熟牛肩胛撈麵，食材簡單，只以牛肩胛肉配蛋黃及蔥花來撈麵。牛肩胛肉粉嫩，口感軟嫩，牛味不重。蛋汁與麵條拌勻，麵條本身帶點蒜香，味道不錯，只是麵條同樣偏軟。檸檬冰串燒酌、白桃冰串梳打及巨峰冰串梳打，梳打比較好飲，味道不會太過甜。燒酌沒什麼酒精味，檸檬味清新，有助減低膩滯感。水果冰串能打卡又能吃！除了招牌虎蝦濃湯麵外，比較令人有記憶點的特色串燒都是以肉片包裹多汁的食材來燒，效果真的不錯！最大缺點是餐廳冷氣問題，我們的座位對正出風口，人覺凍之餘，食物也很快被吹凍。而近門口的座位則很熱，令店員左右不是人，調高或調低冷氣溫度都不是。…查看更多

黃埔呢間人氣嘅日式串燒居酒屋「火夫」除咗有特色燒物 串炸同其他日式料理外最出名係呢個黃金色嘅超濃郁虎蝦拉麵(⁎⁍̴̛ᴗ⁍̴̛⁎)好多朋友仔都為咗佢慕名而來 （包括我）不論晏晝定夜晚都成日滿座而我經過三次ᴡᴀʟᴋ ɪɴ食唔到後今次有乖乖訂位終於食到啦(*´∇｀*)𓈒𓂃 𓈒𓌉◯𓇋𓂃 𓈒❀ 虎蝦濃湯麵 ‣ $𝟙𝟚𝟠♡作為呢度嘅招牌菜 食完之後都明點解咁出名雖然比起湯麵 湯嘅浠杰程度更加似醬汁但真係好濃濃濃蝦味 麵條偏淋身勁掛湯( ᵕᴗᵕ )炸虎蝦用咗櫻花蝦做炸衣 雙重口感而且好脆口❀ 串物 ‣ $𝟜𝟠/𝟚♡蜜瓜牛卷 / 蟹肉牡蠣 / 廣島蠔豚卷 / 芝心茄子呢度嘅串物好多款都係創意組合而唔係燒/炸單一食材 全部都燒得好香口 全部都係$48/2串 幾抵食特別推介蟹肉牡蠣同蜜瓜牛卷一絲絲嘅蟹肉號係炸蠔上面好鮮甜而蜜瓜加牛呢個配搭就有一種好清新嘅感覺❀ 雞肝多士 ‣ $𝟜𝟠迷你多士烘到非常脆 雞肝醬味道都算幾濃郁但味道相對單調普通 作為前菜不過不失❀ 雞白湯關東煮 ‣ $𝟜𝟞我地本身以為雞白湯同係平時拉麵店嗰種但食落先發現似係普通雞湯非常淡關東煮嘅腐皮同年糕福袋尚算入味 但其他配料都唔夠你入味 略嫌普通( ･-･̥ )❀ 海苔魷魚鬚 ‣ $𝟜𝟞炸粉夠薄亦炸得好脆 配上海苔粉真係好香重點係裡面嘅魷魚完全係爽口彈牙唔會韌 大推꙳⋆❀ 白桃冰串梳打 / 巨峰冰串梳打 ‣ $𝟛𝟚梳打汽水配串燒/炸串啱哂 唔會太甜而且果味好夠 仲有細細串水果仔 好得意～…查看更多

黃埔呢間人氣小店應該唔洗多介紹?!今次絕對係為左cover呢碗超濃嘅虎蝦濃湯麵而黎！見網上評價好壞參半，但無期望反而有驚喜！除左麵食，佢地亦有多款串燒串揚供選擇，想同班fd飲返幾杯食少少野，呢到都係一個唔錯嘅選擇。酒鬼仲可以加$158要2個鐘free flow！週末夜晚全店滿座，想食就最好先係網上book位啦~ 虎蝦濃湯麵 $128湯底真係超濃 係濃到杰同creamy個種。入口好濃蝦味又唔會太鹹，幼身嘅麵條超掛汁，快手影完食 麵質又無其他人講到咁腍。虎蝦超大一隻，外面層櫻花蝦炸皮好酥脆，蝦肉紮實彈牙，幾有蝦味。去到最後食晒啲麵，當佢係一碗海鮮濃湯咁飲都幾正！兩個人share都唔會太膩，輕鬆清但一人一碗就唔太建議啦，應該會漏到食唔到其他野🍢串燒串揚 $48/2本🐣雞尾 +$2外酥內軟滑，油脂豐盈無羶味。🦀蟹肉牡蠣 +$2蟹肉份量幾多喎！外皮香脆唔油膩，牡蠣成功鎖住水份，幾有蠔味，唯獨炸皮偏厚。🍇葡提鴨卷鴨肉偏實少柴，提子香甜，鹹鹹甜甜唔奇怪，但就無相得益彰嘅效果。🐷沖繩燻肉卷燻肉軟腍富煙燻香，加上爽口嘅蔬菜唔會太膩~🐮生蒜牛柳 +$2蒜味主要黎自面頭嘅醬汁，有啲沙律醬嘅酸味，個人就麻麻地啦~ 牛柳偏實有咬口，無乜牛味，外皮雖脆但就偏實偏厚。🦑海苔魷魚鬚 $46魷魚鬚軟彈有咬口，炸皮幾香但稍微偏硬，海苔味同鮮味都欠奉。🍻生啤 $58🍹西柚冰串燒酎 $48 偏甜無酒味整體嚟講，虎蝦濃湯麵真係幾濃幾值得一試，不過就唔好當佢係湯麵咁食。串燒就睇邊款~ 雞尾、蟹肉牡蠣、沖繩燻肉卷都唔錯。想同朋友飲返幾杯食少少野，呢到都係一個唔錯嘅選擇~…查看更多

👩🏻最近就同朋友去咗黃埔最近大熱嘅沖繩風居酒屋，佢地有齊串燒、炸串同拉麵，當中佢哋嘅拉麵仲受到拉麵關注組嘅推介添！.麵食❣️💓虎蝦濃湯麵 $128廚師用櫻花蝦將成隻虎蝦🦐包住，聞落好香蝦味，咬落去脆卜卜，就算浸咗落去湯入面都唔會好輕易淋晒，虎蝦又大隻又彈牙，好味啊! 至於個湯底都唔差㗎，成碗橙紅色🍜，夠晒濃味，當中應該有加到啲忌廉，所以整體較稠身，拉麵掛晒蝦湯，食到最後成個湯都飲晒咁制🤣，不過食晒成個拉麵比較漏，建議兩個女仔Share一個。.一品❣️💓海苔魷魚鬚 $46依個魷魚鬚炸得好香口好好味，魷魚鬚🦑條條都好大條，份量仲好多，啱晒大家一路摸酒杯底🍺一路食🤭。.枝豆春卷 $42見到依個枝豆春卷就知廚師有幾用心，用春卷包起一粒粒嘅枝豆再拎去炸，再配埋枝豆醬，幾得意，不過略嫌個枝豆醬凍得滯，將新鮮炸起嘅枝豆春卷蘸落去，個溫差太大，感覺怪怪地。.串燒❣️蔥燒牛舌 $26本身以為係牛舌上面放上大量蔥花，然後拎去燒，但原來係京蔥同牛舌一齊串起拎去燒，👩🏻就麻麻地京蔥嘅，但食落都唔錯，牛舌都好軟腍。.葡提鴨卷 $24見到好多食評都話要試，葡提鴨卷即係用鴨肉包住粒青提子🍇，一咬落去提子就會喺口中爆開，酸酸甜甜又鹹鹹地幾得意，不過👩🏻就唔太喜歡柚子胡椒醬，所以覺得有啲多餘。.💓雞心喉 $26食內臟既朋友可以試下，有雞味，就咁燒都好好味。.💓廣島蠔豚卷 $28驚喜之作，用豚肉包住Juicy既廣島蠔🦪嚟燒，蠔肉新鮮，唔會腥臭，好味。.炸串❣️💓蟹肉牡蠣 $26吉列炸蠔🦪上面放咗超多蟹肉絲，一啖都食唔晒，好味。.生蒜牛柳 $26一開始唔知道係將成件牛柳拎去做炸串，同想像中嘅唔係好同。生蒜味主要嚟至表面嘅大蒜醬，牛柳軟腍，都唔錯嘅。.整體味道都幾好，依度嘅串燒🍢好特別，出面好少見，特別係兩個蠔串燒----廣島蠔豚卷同蟹肉牡蠣，係必試啊! 虎蝦濃湯麵都好好味。晚餐價錢就略貴，全部都係單點，無Set menu，串燒$48/2串，部份要加錢，所以大家見到上面每串嘅價錢略有不同，而午餐就有Set menu，可選一款麵食同兩串串燒，性價比高好多! …查看更多