寿々乃

# 【食評】跑馬地天花板級 Omakase —— 寿々乃 Suzuno 今日同老婆仔嚟咗跑馬地呢間 **寿々乃 Suzuno**，真心覺得係一間非常高質、極有誠意嘅 Omakase 餐廳。師傅係有三十幾年經驗嘅本地壽司師傅，對料理有執着但同時亦細心照顧客人口味，開餐前會主動了解有冇食材敏感、喜好，甚至即日想試嘅特別食材。相比起好多日本師傅，佢更加健談幽默，邊食邊講解唔同魚嘅產地同食法，好似上咗堂鮮味藝術課，非常親切。 ---## 🥢 前菜小食盛合 第一道係一個極精緻嘅小盤： - **宮崎沢蟹**：細細隻原隻炸脆，可以整隻食，好濃蟹香； - **明太子伴長野蘆筍**：鹹香開胃； - **牛蒡卷**、**腐皮卷**：清新、口感多層次。 作為開始，清爽又別致。 ---## 🍲 季節魚湯 用鱧魚（鱧魚肉紋切得靚仔成白菊花狀），加咗菇類同柚子皮，湯底清甜帶微酸，好醒神。 ---## 🐟 刺身 - **白蝦**：極鮮甜，師傅建議先原味食，再點少少芥末豉油，兩種層次完全唔同。 - **間八魚配柚子汁**：入口清新，酸香同魚油脂平衡得靚。 - **赤貝、北寄貝**：赤貝爽甜帶嚼勁，北寄貝經過師傅拍打先切，零舍鮮美。 - **原隻紫海膽**：至愛之一，清甜細膩，帶點海洋氣息，成個口腔都係鮮味。 ---## 🍤 炸物 & 熱食 - **椒鹽炸白蝦殼**：之前食嘅白蝦殼，即刻回收再炸，香脆惹味，超過癮。 - **白蝦蝦丸配檸檬**：口感紮實，味道清新特別。 - **長崎粟米天婦羅**：炸粉超薄，粟米粒清甜爆汁，好驚喜。 ---## 🍣 壽司盛宴 師傅上壽司之前，會奉上一盤自家漬物（蘿蔔、牛蒡、青瓜、子薑），可任添，用嚟清口超貼心。 壽司共有十款，逐件都做到黃金比例： - 平目魚壽司 - 金目鯛壽司 - 關鯖魚壽司 - 帆立貝昆布漬 - 障泥魷魚壽司 - 北海道新秋刀魚壽司 - 中金槍魚腩壽司 - 大金槍魚腩壽司（特別只用鹽調味，更能凸顯肥美油香） 每件都係細膩嘅味覺享受，尤其是 **Wasabi**，係新鮮磨出，辣度溫和但香氣濃厚。 ---## 🌊 海膽手卷 巨量海膽鋪滿紫菜，成店十個客，平分成版海膽，份量震撼，入口極致甘美。 ---## 🍲 魚湯 & 甜品 食到尾聲再奉上魚湯，滿滿鮮味，完美收尾； 最後嘅甜品係 **富良野哈密瓜 + 紅豆糕**，香甜清爽，加咗金箔點綴，貴氣十足。 ---## 💰 價錢 Dinner Omakase 每位 $1,880，兩位連加一埋單 **$4,136**。以食材質素、新鮮程度同師傅嘅功架計，完全值回票價。 ---## ⭐ 總結 **寿々乃 Suzuno** 絕對係跑馬地天花板級 Omakase： - 師傅專業又健談，料理精緻用心； - 食材極新鮮，尤其海膽、鮪魚腩同赤貝令人難忘； - 好多常客食完再回頭，絕對係氣氛同味道俱佳嘅高質選擇。 👉 **推介指數：★★★★★（5/5）** 📌 必試：大金槍魚腩壽司、原隻紫海膽、海膽手卷、長崎粟米天婦羅 ---…查看更多

位於銅鑼灣多年的「寿々乃」，餐廳的木系裝潢營造出溫馨且雅致的氛圍，還有一個迷你庭園，令人仿佛置身於日本的傳統日式庭園中。晚市的Omakase套餐定價為每位$1880元，主打每日新鮮空運直送的當造食材，帶來豐富層次的鮮味與新鮮感。在師傅生動的分享下，整個用餐經驗更添趣味與深度。菜式豐富多元，每一道都彰顯出食材的原汁原味。🥒前菜迷你蟹仔、太刀魚配淮山到露荀，口感豐富，前菜嘅開胃精緻令到你對之後嘅菜式都好期待。🍲湯品選用京都鱧魚搭配 順菜和梅子汁，清淡又提味。🍣刺身五點鱸魚配秘製酸汁、鹿兒島的間八配紫蘇葉、富山縣富山市白海腦蝦、白海腦素洋、愛之縣的赤貝、北海道的北寄貝，皆以新鮮高品質的食材呈現，令人回味無窮。🍤季節料理二品清甜新鮮的岩手縣紫海膽、白蝦三食之一炸蝦丸、粟米天婦羅，包括有長崎黃粟米同北海道白粟米，外酥內甜，口感層次豐富。🍣壽司十貫壽司方面，更是令人驚喜連連，最緊要係師傅手握壽司，壽司飯細細舊。1️⃣和歌山的鮎魚2️⃣熱海的金木雕鯛魚3️⃣大分縣佐賀關的關鯖魚4️⃣乒庫縣的金海腦5️⃣岩手縣的石垣貝6️⃣日本西縣老筋的池魚7️⃣長崎的中吞拿魚腩8️⃣蛇腹的大吞拿魚腩9️⃣吞拿魚醬油漬🔟北海道的根室海膽手卷多款海鮮即日運送，美味佳餚，每一口都能品味到師傅對食材的用心，我自己最鍾意係長崎的中吞拿魚腩，既帶有魚油又有香濃既吞拿魚味，真令人難忘。🍜味嚐汁配上暖暖的麵豉湯，味道鮮甜，暖胃。🍰甜品結尾的沖繩開心果和果子，同埋日本香甜赤肉瓜，以及各式新鮮壽司卷，更為整體用餐畫上完美句點。整體而言，「寿乃」不僅是一場味蕾的盛宴，更是一段與師傅交流、感受日本料理精神的美好體驗。值得每一位熱愛高品質日本料理的人親身品嚐。🌟推薦指數：9.5/10💰人均消費：$2000📍地點位置：跑馬地黃泥涌道163號地舖…查看更多

廚師發辦各家各法，洋溢師傅的個人風格，除此以外，原來師傅健談與否，亦可以有很大分別，跑馬地的「寿々乃」，主理人非常健談，營造好客氛圍，閑話家常，親切如在朋友家宴。晚上的廚師發辦每位收費$1880，配合精心配製的食物及新鮮的刺身食材，物有所值！先付新年首季，師傅刻意造出多款日式地道賀年食品，繼續喜氣洋洋。有丹波黑豆、栗子、日出魚蛋、雞蛋魚肉做的伊達卷及昆布卷等；舒適的食物，喚醒胃納。季節－新年清湯紅白顏色好意頭，蝦喻意長壽及身體健康、年糕喻意事事順利、雞代表五谷豐收，組合有意思，而柚子的作用是調味。刺身五點：長崎雉羽太．醋汁 即是石班，以醋汁調味，鮮甜味清，回甘悠久，我很喜歡。富山白蝦．鼓油一小疊已是幾十條的迷你白蝦，晶瑩剔透，奢華的美味。熊本縞鰺 貌似油甘魚，但級數高許多，肉質爽脆，配芥末鼓油食。炸沙甸魚苖迷你沙甸魚交織成一片片的脆餅，數數黑色的眼仔就知有幾十條之多，很香脆，少少鹹鹹地的味道很討好。北海道生北寄貝生的北寄貝，因此呈紫色而非常見的暗紅色，極爽口。水白瓜魚．芥末漬魚肉及爪管鴛鴦配，非常爽甜，蘸少許芥末漬，鹹鹹地很夾。季節料理之一：崑布醬油燒白子相比酸汁煮，我更愛燒白子，外脆內肥美，口感一流。和哥山的上乘吞拿魚腩，色澤亮麗，粉嫩吸引，面前即劏即做，好不期待！季節料理之一：炸目光魚 炸至完全通透，魚骨可吃，每一口皆香脆。接下來是壽司系列，全部是一口壽司，刺身與飯的完美組合，基本上是刺身包着飯，但客人可要求多飯或少飯。師傅建議翻轉壽司入口，嚐味的舌頭便會先接觸到刺身，咀嚼時就是刺身包着飯的味道，更能享受到每一件壽司不同的風味；想一想理論非常合理，平日舌頭先碰到壽司飯，感覺就是差不多，現在才恍然大悟！壽司10貫，吃得滿足：金目鯛壽司 - 酸酸哋的醋香間八壽司福岡槍魷魚壽司針魚壽司青森帆立貝壽司岩手縣甘海老壽司三隻蝦並排，倍增口感，呢一款有特色！愛知縣赤貝壽司非常新鮮，才有這個色澤。中拖羅壽司大拖羅壽司．鹽－因為太肥，無需加鼓油吞拿魚醬油漬壽司 - 肥美帶酸香海膽手卷麵豉湯十勝紅豆水羊羮．福岡士多啤梨自家做的水羊羮，唔太甜，適合香港人的口味。…查看更多

今次終於試到間平時幾full嘅omakase，Suzuno。位於跑馬地嘅佢同普通omakase一樣唔大，只有七、八個座位，為求師傅可以盡最大能力了解每一位顧客嘅需求。店舖用咗比較日系嘅設計，相當優雅清靜。今次食嘅係佢嘅晚餐set，當中包括咗前菜：有小食、湯、同刺身等等大概十款小菜，主菜：七、八款壽司，同最後一個小甜品。聽落都知份量非常之足，連我一個男人都食到超滿足！味道方面當然都係無可挑剔，每一樣菜式食入口都令我忍唔住點頭稱讚，不過就唔逐樣詳細講喇，下面揀幾個最令我驚嘆嘅菜式。個湯係用三重縣嘅蜆煲出嚟嘅湯，隻蜆當然就大大隻仲要好鮮甜，估唔到望落清清地嘅湯都充滿咗蜆嘅甜鮮味，仲要師傅強調湯當中係冇加任何鹽，可以話個湯本身都包括住蜆嘅精華依個嚟自北海道嘅海八爪配醬油漬嘅wasabi 都相當好食，尤其許配八爪魚吸盤，口感十足！講鮮味嘅話不得不提係富山嘅白蝦，淨係蝦嘅鮮味已經非常之甜美，配埋豉油或者Wasabi食又係另一番風味。仲有嚟自天草(熊本)嘅鰝鰺，雖然係白身魚，但有豐富嘅魚油味，同時口感亦唔會太肥膩，非常神奇。最後講肥美，不得不提大拖羅同埋海膽手卷，兩都係極肥美，愛食肉嘅人一定鍾意。而依度嘅大拖羅壽司仲要配埋少少粗鹽，咁樣嘅配搭可以中和少少油膩感，亦令拖羅味道上更有層次感，更上一層樓！最後要讚嘅係成晚師傅都用一個相當愉快嘅氣氛同大家備餐上菜，一路介紹菜式，一邊分享自己嘅經歷故事，和樂融融，令整整三個鐘嘅用膳時間好似一眨眼就過咗咁。可以話除咗食物，師傅亦非用心令成個用餐體驗完滿。用一句話嚟總結：依間餐廳值得一食再食！…查看更多

這間日本餐廳位於跑馬地，鄰近銅鑼灣時代廣場，主打廚師發辦，時令海產每日由日本空運到港，於舊址擁有九年歷史。雅 Miyabi - $1,880前菜飽滿多膏的螢光魷魚，伴醋漬突顯海水味；軟糯的黑豆香甜；唐墨烏魚子夾著蘿蔔有著濃濃的旨味；柔韌的鯛魚昆布漬帶淡淡香氣。蜆湯肉身飽滿的三重縣產地蛤細嫩軟嫩，味道濃郁甘甜，無添加鹽也有陣陣鮮咸，還有柚子皮香。刺身和歌山真羽太煙韌爽口非常鮮甜，帶淡淡紫蘇葉香，可蘸上酸汁蘿蔔及醋橘。富山灣白蝦極甜美的蝦肉細綿清爽。熊本天草產縞鰺即深海池魚王，幼細的魚肉纖維有著豐溢的魚脂，香甜爽口。北海道水八爪魚足身鮮味口感彈牙煙韌，重海水，吸盤位口感爽脆，配醬油漬wasabi。岩手縣赤貝鮮紅色的貝肉清爽彈牙，鮮甜帶海潮香。北海道白見貝清新的海水味入口極爽脆利落，可蘸上鹽。熟食炸白蝦金黃酥脆而不膩。昆布醬油燒白子傳統的熟食做法，綿密滑嫩的白子入口即化。海老真象富山鄉土料理，以白蝦製成的炸蝦丸，紮實豐厚極彈牙，更有青椒仔解膩。壽司金目鯛以熱水輕焯，保留魚皮魚脂，細膩軟熟，魚油豐富又甘甜。神奈川針魚白細的魚肉脆中帶甜，淡雅帶優厚魚油脂。寒鰤先有迷人的爽脆，後有細膩豐富的魚脂香甜，有富山灣「冬季之王」的美譽。青森帆立貝碩大肥美有濃郁鮮甜的海味。九洲大分縣鯖魚新鮮和一般的鯖魚截然不同，嫩滑富彈性，魚鮮濃重。關池魚鮮嫩肥美脂厚，魚油甘香細膩。福岡槍魷魚肉厚甘甜又爽脆，帶淡淡紫蘇葉香。特上大拖羅富天然魚油脂的甘香。蛇腹蛇腹位的雪花紋最多，油分豐富得入口即溶，鹽能降低油香，提升魚味。醬油漬吞拿魚赤身取自中心位瘦肉包含兩款不同部位，對摺口感更具層次，醬油漬令肉質更緊緻，纖維更細密。海膽手卷北海道根室馬冀海膽肥大又肉厚，甘香濃郁又鮮甜，奶滑帶化。吞拿魚蓉手卷綿密的拖羅蓉充斥濃香的魚油，更有碎蔥增添鮮味及口感。麵豉湯濃稠富豆香，以季節蔬菜及魚長時間熬製。紅豆水羊羹滑溜富彈性，有著香甜的紅豆味，清涼滑嫩，更有香甜多汁的福岡士多啤梨。…查看更多

吃過不少有質素的廚師發辦，師傅們各有特色，但講到氣氛，這晚在「寿々乃」，鄧師傅一人主場，風趣健談，與客人打成一片，真是盡興的一夜！鄧師傅說，想吃快餐的不要來，因為師傅全程邊用心解說邊烹調，快樂不知時日過，許久沒有吃過4小時的晚餐。師傅的另一特色是、不時會對比菜式問你喜歡那一款？是什麼原因？所以非常互動，我亦覺得這是他的市場調查，是了解客人口味及滿意度的聰明方法。晚上只有一款廚師發辦「雅 Miyabi」 ，每位$1880，項目之多，水準之上，平實不花巧，實力之作，性價比高！鄧師傅言，10個縣禁運之後無阻入貨，因為日本有40幾個縣，一個縣已有足夠款式招呼客人，這個晚上我們吃了來自各縣的鮮貨，有宮崎的澤蟹、四國愛緩的石鯛 、富山白蝦、佐賀赤貝、 北海道粒貝、大分關鯖、三重縣大拖羅、北海道根室海膽等。先付 Appetizer非常日式的擺設，放了四款食物，味道唔錯，但因為曾吃過，唔算特別。最有動感的宮崎小澤蟹，入口極鮮甜，之後隨即爆膏，向來聽說澤蟹雖小、但蟹膏豐富，果然！但味道帶酸，依個口味，打了少少折扣。非常酸的水雲，卻又很醒胃。京都湯葉即是腐皮，與期望中極滑！還有一個佐賀蜆，鮮度十足。季節清湯 Seasonal Suimono鱧魚清湯，一款非常普遍的京都菜，湯清如水，味道鮮甜。頂端一點紅是梅醬，酸酸地的；配滑潺潺的日本蒓菜/順菜，蒓菜的口感如被啫喱包著實屬另類；鱧魚其實是我們的生魚，肉球非常嫩滑，師傅早已起骨，留下來的幼骨是可以吃的，事實上亦沒有辦法完全清除因為太多太幼，如果必須全清，非用放大鏡不可！刺身五點 Sashimi - 5 kinds四國愛緩縣的石鯛，特別有油香。縞鰺配生磨芥末，池魚之王當之無愧，肉質細緻爽口帶油脂，味道甜美，回甘悠久，上乘貨。富山白蝦，細細隻但超甜。來一客白蝦素揚對比，香口炸物自然更矚目，但我依然喜歡原味。佐賀赤貝．北海道粒貝，粒貝的確爽，鹽味特出；但我更愛赤貝柔軟的質感及鮮甜之味水八爪魚配芥末雙拼，分別是生磨及醬油漬，後者更辣。吃法可以把芥末放在八爪水管內，但不要放太多；口感又爽又辣。根子蘿蔔蓉，粒粒卜卜脆，很甜。季節料理二品 Seasonal Hot Dish - 2 kinds長崎粟米天婦羅並非只有北海道白粟米可以生吃，長期粟米亦可以，生食爽甜多汁如水果，對比薄薄的天婦羅炸漿，外脆內爆汁。海老真丈富山名菜，真丈即是魚蛋型的食物，這道炸蝦球估計用上40隻白蝦仔， 混合蛋白及麵粉剁磨而成。起初覺得味道如一般蝦球，但吃起來別有一種特別的蝦香，非白蝦不成；配菜是一支香而不辣的青椒。壽司開始之前，師傅展示三重縣的拖羅，令人更期待！然後是漬物三款，薑、蘿蔔及青瓜，想不到有意外驚喜，輕酸甜美而非一般的濃鹹酸，原來是用鹽穀醃製的。握寿司 - 十貫 Sushi - 10 kinds金目鯛來貨自伊豆熱海市，師傅特別以熱水燙過魚皮，所以沒有不硬可以食；金木鯛肉質肥美軟滑。關鯖 只有大分關鯖 才可以生食，魚味濃郁，沒有不討好的魚腥味。青森帆立貝切得比較薄，口感很滑，入口即溶。墨魚bb 一年只有三個星期至一個月能吃到墨魚bb，因為牠們快長大；放了一片紫蘇葉在刺身之下，十分合拍。師傅說佐賀的墨魚bb 是最貴的。新秋刀秋刀季節剛開始，新秋刀相比兩個多星期後的成熟貨價錢更高，除了供求的原因之外，亦因為新秋刀更有魚味但油脂比較少。不過調味比較酸了一點非我至愛，幸好牠後勁強，魚味湧出來！石垣貝 拍一拍增動感、令其收縮郁動是普遍的做法，對我來說不新鮮，味道非常爽甜才是亮點。三重縣中拖羅三重縣大拖羅醬油漬赤身吞拿三式向來皆是壓軸高潮，各自精彩，大拖羅回甘的鹽香意想不到！海膽手卷北海道根室的海膽，永遠不敗。味噌汁 Miso Soup 湯料有季節蔬菜及魚肉，不過鹹，鮮甜熱騰。甜點 Dessert富良野赤蜜瓜配蒸南瓜布甸，布甸內的點點 綠是南瓜皮。和式木系溫馨的佈置，洗手間在後巷，有一個花園空間方便客人抽煙。非常滿意的一餐，值得再來.…查看更多

幾年前喺銅鑼灣一棟適廈食過呢間寿々乃omakase，宜家佢搬咗去跑馬地，成個裝修華麗咗，座位雖然唔多，但就可以同師傅傾多啲計，而師傅會詳細介紹每道菜，又同食客互相分享下旅行野，幾有樂趣呢度晚市menu只得一款$1880 set，食物種類夠多亦夠飽第一道係前菜，有個鰻魚卷住啲准山，幾特別，而有隻炸蟹仔脆到可以成隻放入口食下一道就係一個上湯鱧魚，入面加咗順菜，食落有啲啫喱感，仲有啲柚子碎同梅醬，令魚嘅鮮味更突出，個湯仲無添加，原汁原味跟住就到5款刺身，樣樣都好新鮮鱸魚配咗醋骨同蘿蔔蓉，令個香味提升白蝦食落好creamy仲好鮮甜縞鰺就令我望落覺得腥，但食落原來冇腥味，仲好爽身北海道水八爪魚本身係條好大嘅八爪魚，望到師傅拎住果下好震撼，無論吸盤定個身都爽口，仲配埋一款好攻鼻嘅wasabi，唔小心落多咗真係食到流鼻水紫海膽隻隻都唔同味，因為同佢吸收到嘅礦物質有關，我同朋友果隻都好鮮甜，完全冇怪味，師傅仲教咗我哋分公乸跟住就係季節熱食，兩款都不能錯過炸白蝦丸超級好味，外面炸到金黃色，入面係真材實料，食落非常彈牙同有鮮味，難怪師傅話啲食客個個黎都一定要食呢樣長崎縣天婦羅粟米好甜，炸得啱啱好仲extra有個炸白蝦食然後就到手握壽司10款，有金目鯛、關車魚、池魚、飛魚、石門貝、縞海老、中吞拿魚腩、大吞拿魚腩、赤身醬油漬、海膽手卷，全部唔駛點豉油就咁食已經好夠鮮味，而比較深刻嘅係關車魚，因為係望落同放入口嘅味係意想不到，石門貝更加難忘，師傅喺我面前拍石門貝一下之後，佢就成片收縮，原來咁樣係令佢爽口，至於中吞拿魚腩同大吞拿魚腩都好肥美，油脂好重接近尾聲就有碗味噌湯，入面仲有啲啲魚肉以為到甜品嘅時候，師傅仲整咗個吞拿魚太卷，有幾款吞拿魚，仲加咗紫蘇葉，增添咗陣香味最後真係到甜品，係北海道富良野赤肉瓜配紅豆糕，赤肉瓜甜得黎仲爆汁，食完好滿足呢間omakase嘅食物質素絕對對得住個價錢，而且仲可以同師傅傾計，節日慶祝黎呢度食餐開心下絕對係個唔錯嘅選擇…查看更多

🥰 話說 Suzuno 舊舖係我最鍾意嘅鮨店之一, 八個月前由 “逸園中心” 搬到 “跑馬地”, 早前初訪, 鄧師傅臨時缺陣, 沒戲了. 今日相約老友 “張飛” 二顧草廬.🥢 餐廳位於黃泥涌道馬路地舖, 設一張長型十人壽司吧枱, 裝修典雅, 杯碟精緻. 午餐 $680+10%, 十二貫壽司, 加手卷, 加蝦丸, 今日鄧師傅一打四.前菜: 鮎魚, 南蠻漬昆布茶碗蒸依佐木金目鯛間八帆立貝赤貝池魚時不知甘海老白蝦真丈中拖羅拖羅大拖羅吞拿魚醬油漬海膽手卷麵豉湯咖啡🐟 前菜: 鮎魚, 南蠻漬. 鮎魚少脆, 味道酸甜, 誠意之作.🍥 昆布茶碗蒸. 聽落唔吸引, 食落熱辣辣, 味道啱啱好, 掂!🍣 依佐木. 柔潤, 清新.🍣 金目鯛, 依豆, 靜岡縣. 油份差少少, 一般般.🍣 間八. 實淨爽口, 油脂豐富, 出色!🐚 帆立貝, 青森縣. 鮮甜, 唔算爽, 唔算膠, 口感略遜.🐚 赤貝, 宮城縣. 爽口, 清新.🍣 池魚, 佐賀縣, 配薑蓉. 魚味濃郁, 薑蓉冇搶味, 驚喜之一.🍣 時不知. 即係三文魚囉. 📖 翻查資料, 時不知 (Tokishirazu Salmon), 又名 “時鮭”, 源於俄羅斯境內嘅阿穆爾河, 屬於習慣性嘅洄游魚. 鮭魚一般為秋天的食材, 皆因鮭魚會在秋天洄遊至出生地產卵, 途經北海道沿岸而被捕. 時不知身體內沒有卵可產, 又 “不知時間”, 春至初夏 (5-7月) "走錯路" 洄游至北海道沿岸, 一萬條中只有一條. 時不知屬野生魚, 比起飼養嘅鮭魚體積小一半, 每條僅重三至四公斤, 體內油脂豐富, 肉質緊實.🦐🦐🦐 甘海老. 嘩, 膠口, 澎湃! 我鍾意.🦐 白蝦真丈. 炸白蝦丸, 熱辣辣, 蝦味蛋白味非常濃郁.🍣 中拖羅, 三重縣. 肥美, 甘香, 略嫌肉身偏腍.🍣 拖羅. 顏色由淺至深, 擁有中拖大拖特質, 柔滑, 油脂豐郁. 鄧師傅話: “我真係講唔到個中文名俾你聽喎”.🍣 大拖羅, 蛇腹. 肥肥肥, 滿口油, 哈哈哈.🍣 吞拿魚醬油漬. 醬油味道甘香, 一流!🐚 海膽手卷. 正常發揮.🥣 麵豉湯. 有魚, 有冬瓜, 魚味鮮甜.☕️ 咖啡. Ok.🤗 今日兩枱客, 用餐節奏舒適, 鄧師傅主動交流, 招牌式展示 金目鯛 同埋 (我冇份食嘅) 八爪魚, 帶動氣氛, 十個讚! 有比較, 有傷害, 老實說, “震撼感” 不及從前, 原因不明, 唯有期待下次再訪.…查看更多