天天海南雞飯 (Fashion Walk)

營業中

休息中

呢到既海南雞飯好pro 有3個汁點 雞好幼滑味道唔錯仲要無骨 夠哂溫柔貼心🥰 最重點都係佢個雞油飯真係好香好正 好yummy呀~~~天天同時做到2者出色又平衡，係幾難得既一件事，我個人覺得海南雞飯嚟講，個飯比雞重要😂 仲有檸檬茶真係勁大杯 呢到性價比認真高 我同朋友都好滿足

新加坡天天海南雞一直都係長龍排隊店，今日趁著午餐人潮前，終於可以唔使排長隊，但都等了20分鐘。點了招牌海南雞飯套餐、肉骨茶湯麵套餐，飲品係年代奶茶及甜蜜雙莓。🥳前菜是涼拌木耳，主菜到了，招牌海南雞飯，名不虛傳，肉質鮮嫩，有雞味，帶皮有肉連骨，雞油飯不油膩，餐牌上亦有輕量版，不過我覺得有點不夠！😅肉骨茶湯麵有2條大大的豬排，配上腐皮及豆卜，湯底是胡椒豬肚湯，其實個人比較喜歡馬來西亞式的藥材湯，以脆脆的油條浸在藥材湯中加白飯同食，滋味無窮，不過新加坡的胡椒豬肚湯又是另一番風味！食完之後，有充滿能量的感覺！😋另一樣不可不提的是拉茶，在門口已經見到茶水吧的師傅在拉茶，果然，奶茶味香濃幼滑，沒有奶茶的苦澀味，只有淡淡甘甜。甜蜜雙莓是意料之外的大杯，應該甜甜蜜蜜兩人共享！🥰

天天海南雞飯銅鑼灣店新加坡店在牛車水的無冷氣的food court,上次去買晒香港開店，是在銅鑼灣高尚地段，有格調的餐廳，杯碟有設計，有花紋，所以價錢唔平。幸好lunch平少少無骨海南雞飯好味，但為雞無雞皮?

由於家庭背景關係，每幾個月就會去新加坡，但間唔中都會突然之間好掛住新加坡美食，琴晚一個人放工經過天天，聞到油飯嘅香味，就自己坐低食飯🌝其實我係新加坡從來都唔係食天天，因為比較本地嘅都係食另一間老字號，但係香港，冇得咁多要求啦！望吓個Menu，原來冇海南雞飯，雞同飯係分開叫，其實定價真係有少少離地。海南雞例牌售價$148，油飯（一至二人用）$48 ，當然要加一啦。其實對人數較少，或者較細食嘅，呢個叫法都有少少難攪，但因為實在突然太想食，所以今次就豁出去。雞髀位一定係滑嘅，但係雞胸其他位置同新加坡比就真係麻麻，不過正所謂冇比較冇傷害，如果以本地質素來講，其實天天真係算唔錯。油飯就有新加坡質素！我自己食哂！好香！讚！🙆🏻‍♀️我自己就冇漏單嘅，但係隔離枱個油飯叫咗幾次都未到，同埋個環境都係較為暗，光線其實可以光番少少會舒服啲。

今日叫左plum天天海南雞飯，個外賣盒好精美。 入面仲放埋餐具。啲汁全部都分開曬， 同埋好實， 唔會漏。啲飯幾好， 唔會太油，份量偏少， 有啲唔夠。啲雞都幾滑， 去左骨， 但好細舊， 都幾夠味。啲汁幾好

成日心掛掛去新加坡食天天海南雞？ 而家個人不駛飛去新加坡嚕！而係新加坡啲雞每日飛黎銅鑼灣兩轉，排下隊就有得食啦！因為餐廳不設訂坐，所以要好似新加坡咁，愈餓就要愈早排，因為星期六條隊大概排到2:30pm，但3:00pm就落場嚕。雖然食材、用材都來自新加坡，甚至由當地主廚來港坐鎮，但所有感覺都比新加坡店優勝。例如餐廳環境: 有向街bar枱、優雅嘅餐廳內部、露天雅座，晚市更是fine dinning，將原本來自熟食中心的「天天」華麗變身 ; 食物方面亦大有進步..$80一碟海南雞飯，在銅鑼灣區黎講價錢定位得好適當，雞脾還是雞胸都是隨機，飯與雞嘅比例係1:1，即是可以做到一啖飯一啖雞！一粒粒油飯香而不膩，雞胸肉無骨又嫩滑，絕無”鞋”口，可以沾三個汁食，但旱有認為唔落其他調味都已經好好食食完飯再飲埋個冬瓜湯，已經好滿足。但一場黎到又點止食個飯咁少叫左份魷魚芽菜同南洋咖啡魷魚切得幼細，混埋芽菜食好有口感對奶敏感嘅話，呢個咖啡好適合，因為係落練奶。落練奶又好難唔好飲嘅，不過啡味都好香濃，唔係一味得個甜字

小編其實對海南雞飯興趣不大、不過小編其中一位同事係新加坡人、言談之間提起銅鑼灣新開左天天海南雞飯、同事表示有興趣所以今日就去光顧啦！我地一個嗌燒雞、一個嗌海南雞，兩款都試下囉，事關小編唔食肉只食佢地既雞飯所以雞肉評價就交比我同事評分啦。賣相唔錯、職員唔會主動比醬油你除非你主動叫，聽我同事講佢話天天ｏ係新加坡係好普通既食堂、似大排檔咁、唔似得香港呢間咁靚、咁高檔，仲有炒麵、酒賣。但同事都話even佢ｏ係新加坡都唔會去天天、去幫襯冇特別名氣既餐廳食個海南雞飯都已經好好味，另外價錢真係香港冇得比、新加坡賣40-50元就有啦、香港就索價82元（午市），真係貴好多但又唔係特別好味。我地一致判決唔會encore，再翻兜機會好微

難得又喺公司聚齊5隻飯腳，梗係要出街食下飯，有同事想試天天海南雞，雖然行得有啲遠，一於都去試下。之前行過成日都見門口大排長龍，今日去到竟然唔洗排直入，突然覺得伏味濃。入到去招呼都都算有禮貌，但個個侍都好似好趕咁，全枱人好一致都係食海南雞飯，首先黎個湯，一飲就知係雞粉水，飯都好快黎，啲雞已經淋左汁落去，第1啖食落去成件雞沾滿汁係好食嘅，但再食有啲沾唔到汁嘅就食到件真身，雖然又滑又軟淋，但丁點兒雞味都無，仲有啲雪味，唔怪得知要淋定晒汁，最搞笑就係我地5個飯有兩個係無雞，另外3個就有骨，到底係點控制品質? 個雞油飯就比雞更有雞味，亦唔會油淋淋，合格嘅。總結，80蚊唔包野飲仲要加一，如果好食嘅我會覺得抵，但呢個質素真心唔值，無下次。

有一日路過，見到Kingston Street角落有好多人排隊，都未知發生咩事。之後睇返，原來係星加玻天天海南雞黎左香港。今日，見人少少（其實都有10幾人排緊），就試下排隊。因為時間尚早，所以入座都幾快。（記得人齊先准入座）坐低其實都無睇menu就直接點了海南雞，應該皇牌無錯吧。上菜，賣相其實無乜驚喜，心諗雞胸應該唔多掂，食落發覺雞胸都很滑，飯亦不太油，雞湯好清甜，醬汁都很好味。不過環境有點逼，要搭枱其實都坐幾近，這點就差一點了。

第一次試食新加坡米芝連推介既天天海南雞飯，如果我無記錯新加坡果間係熟食市場無冷氣，香港呢間一定坐得舒服d叫左最出名既海南雞飯，價錢略有點貴要$82，侍應送來飯跟例湯但忘記給我們醬汁-.-雞和飯份量剛好，雞好嫩滑，雞肉上面既醬汁也不錯。整體還好吧 係價錢略嫌貴。。。點了牛腩牛根麵，牛腩只有2塊，如果有多少少就好，麵配有乾葱，夾來一起吃的話味道真的不錯，值得加分就係，麵除了配有湯還有xo醬!!!最後還點了伽史多士配半熟蛋，伽央醬和牛油份量剛好，老實說，跟在新加坡吃到的味道差不多，麵包也夠脆。整體不錯吧，係貴了一點，不竟是新加坡有名的餐廳吧。等候時間也不太長，等了十五分鐘度，可以接受既。

每次去新加坡必定到訪天天海南雞，依家佢喺香港開左，就唔駛成日心思思。由於啱啱開張，所以平時都好多人，兩點左右去到基本上都無乜人，但佢就開始CUT人流而好好彩我係尾二個個 LOL入面ge環境幾靚，有d懷舊feel，唯獨係d音樂有點嘈香港分店的定價貴很多，我記得在新加坡約$30左右，但這裡基本上都要$80+海南雞食材是取自馬來西亞雞，所以沒有肥膏，配以鮑魚汁，很鮮甜可口相比新加坡的確無咁滑，我估係因為佢煮熟左少少 而新加坡個面係生d ge而飯就無分別總括黎講都值得一試ge 

見廣告話星加坡天天响香港開分店，見佛誕假期即管去睇下食唔食到... 去到見大排長龍，天氣又熱，惟有入去買外賣。原來外賣海南雞飯係整好哂既... 俾錢即刻走得。回家打開一看....真是當人是什麼呢

曾經係新加坡食過主店既海南雞，果時覺得係食過最好食嘅海南雞，一直都想再食，可惜未有機會再過去食，今次知道佢嚟香港開分店，聽講係海外第一家分店，所以就急不及待前來排隊，大約18:20左右到達，見到條隊已經排到轉彎處，雖然無預期咁誇張，但都要排大概2個鐘，排隊期間，員工會間中出來斟水/茶俾排隊嘅人士，呢種服務都幾貼心，差不多排到既時候，又可能會安排你去門口bar枱位置坐下，順便睇下叫唔叫野飲，不過我地都未來得及睇果本酒水menu,已經有位了。一入到去，燈光有點暗，可能係想營造新加坡food court 既氣氛吧，座位好寬敞舒適，我地2個人坐既係4人圓枱。值得一提既係香港呢間除左主打既海南雞，仲可以品嚐到另外3-4間新加坡出名的食肆食物，所以本menu都幾厚下，當然幾乎所有人都係為雞而來啦。由於係晚飯時間，所以冇套餐供應，我哋就叫做一個例牌再加一窩大飯，雞嘅份量唔算多，不過食落感覺就真係同印象中係新加坡食到既不相伯仲，即使平時唔鍾意食既雞胸位置都整得唔諧，下面仲鋪左d青瓜，感覺清新得來更無油膩感👍🏼👍🏼👍🏼個油飯都處理得好好，唔太油，飯粒軟硬適中，而且用石窩裝住，可以保持到飯嘅熱度。總括嚟講