黑門水產すいさん (棉登徑)

營業中

休息中

平日8:30pm去到，都要等位，真係好墟冚、熱鬧。呢到好有日本風，好似啲居酒屋咁樣，枱與枱之間都幾迫架。首先我嗌左一杯Orion生啤，好爽。再叫一杯梅酒，酒杯裡有粒好大既冰，飲落好清甜。之後我食左：赤鬼海老天反卷，總共有六舊，有勁多蟹子同埋三文魚子。睇得出廚司真係幾有心機擺/之後有黑門令龍蝦湯煮海鮮🦞，入面有蝦、生蠔、魷魚、螺，龍蝦味唔算太突出，但係啲海鮮超新鮮。人之後真係好驚喜。有隻勁大既岩手縣赤崎生蠔，上面有啲柚子啫喱；仲有活鮑魚刺身，好爽口。跟住到切定要食既 黑門令大漁魚子醬脆脆包Kuromon Rimming Caviar，係mix 海膽蝦吞拿魚等，口味好豐富。不得不試既係 黑門令蟹味噌甲羅燒，侍應會首先拎過黎俾你影相，跟住再走去燒。當然，呢啲咁邪惡既野 緊係好味到不難形容。另外我仲有叫極上大漁貝燒 同埋脆燒白穴子串好滿足

開番晚市堂食，一定要慶祝下慶祝去依間就冇死。好耐都冇去日本，不過唔洗愁唔洗去黑門市場嘅，去黑門水產就得喇唔講以為去左日本大阪嘅街頭玫瑰梅酒 $58酒味唔重，甜甜地啱哂女士巨峰乳酸 $58正常，啱揸車人士黑門帆立貝伴魚籽醬 $79好fresh, 好滿足又魚子又海擔，d 葉一齊食好match黑門令大漁魚子醬脆 $88日本嘅材料但西式嘅食法超新鮮，個包都係熱嘅活鮑魚刺身 $98鮑魚唔係成日食，鮑魚刺身就真係第一次食個味冇想像中咁重，不過個口感好好。廚師刀功超勁，薄到想像唔到岩手縣赤崎生蠔 $78好新鮮，唔臭入口就好似成個海洋入左你個口咁。上面d 汁已經幫你調好哂，唔洗好似西餐咁自己落赤鬼海老天反卷 $158正常野，飽肚廚師唔hea, 上碟幾靚，足料黑門令蟹味噌甲羅燒 $72檯檯都有叫嘅蟹迷必叫，唔洗稔好重口味，餅乾多幾塊就好蟹油蒜燒帆立貝 $78等耐左小小，可能餐廳比較忙重酒味要等位，好多人最好book左先黎。尖沙咀係旺d

記得以前棉登徑最出名的食肆是「見城」，也是香港最早的鮨店之一；除了「見城」之外，當年棉登徑的餐廳數量也並不多。「見城」結業之後，早陣子與朋友們去棉登徑食日式燒肉，才發現原來這條小街上的大部份地舖已變成食肆；對其中一間餐廳的外觀留下印象，今日就專程來到「黑門水產すいさん」試試。餐廳招牌的字體、再加上門面掛上一個個紙燈籠，本身已經帶有濃烈日式漁師料理庶民餐廳風情。推門入內，裝修粗獷、木枱木凳，再加上刻意的貝殼吊飾，就更加強化了日本魚市場食堂風味。牆壁上的餐牌彩色精印，每張一款菜式，兼且標上大大隻字的日圓定價，也是日本魚市場食堂的作風 ⋯⋯ 當然，日圓定價只是宣傳技巧，還是需要以港元結帳。同日本魚市場食堂比較，餐牌選擇較多元化，刺身、丼當然不能缺少，同時還有鍋物、天婦羅、浜燒等；不過，就差不多全部以海鮮為主要食材，貫徹餐廳「黑門」兩字的含意 - 對於去日本旅行戲稱為「返鄉下」的香港人來說，冇理由唔知道大阪黑門市場。三文魚刺身(四切)（$58）及活鮑魚刺身（$98）。厚切三文魚片片肥美。薄切活鮑魚鮮甜爽脆，比較起來，認為鮑魚還是採用磯煮方法更為適合。黑門帆立貝伴魚子醬（$68）係豪華版刺身大混

豬先生豬小姐今日尼到「黑門水產すいさん」地理位置超方便 K11對出就係 食飽飽就去睇場戲環境十分和風復古 經典原木色加上裝飾擺設掛畫都似足日本居酒屋嘅風格 無得去旅行 唯有偽裝自己係日本開餐中帆立貝伴魚籽醬有如藝術品一般小巧精緻 珍寶帆立貝輕燒一下 無損彈牙口感 加上矜貴嘅魚子醬同鮮美海膽等等 一啖入口 味蕾滿足到不得了大漁魚子醬脆脆包就好似Minisize嘅刺身船 Toppings五顏六色夠晒吸睛 係一碟小巧而色彩豐富嘅小菜式不過可能放久了 包包變硬了長崎本釣池魚係豬小姐心儀嘅刺身 白身魚有淡淡海水鮮味 係刺身界嘅小清新一魚兩食 第一種係最簡單嘅厚切 最喜歡池魚清新得尼帶微微回甘嘅清爽 魚身明亮透徹 沾上酸甜開胃嘅醬汁 Yummy第二種食法係切碎加薑蓉 可夾紫菜同食 由於薑味太辣太搶 都係原汁原味 食出原味道嘅鮮更吸引活鮑魚刺身雪白無瑕 超薄切顯師傅刀功 鮑魚片口感清爽易嚼 有着鮑魚原有嘅鮮甜 對比起燜到入哂味嘅鮑魚 鮑魚刺身別有令一番風味蟹味增甲羅燒係居酒屋必食的 滿口邪惡嘅膽固醇每次食完都好罪疚 但又非食不可燒香嘅蟹肉蟹膏蟹籽 點會有得輸另一配搭 就係與餅乾同食 同魚子醬夾餅乾嘅

每次遊日本大阪最喜歡到黑門市場吃當地的海鮮，刺身和特色小食。 近排疫情嚴重， 就算想遊日本都要等一段時間了， 唯有在香港止渴吧！ 在openrice找到一間叫黑門水產的日本料理， 在尖沙咀位置方便， 看見好評如潮， 餐廳食材採自日本新鮮空運到港， 非常吸引之下即興一試！店內環境裝修滿滿的日本色彩， 轉眼間好像置身於大阪一樣。餐牌上食物種類很多， 每款我都想食， 所以與朋友隨意點了以下幾款～刺身六盛$298， 黑門令大漁魚子醬脆脆包$88， 極上大漁貝燒$88， 黑門令蟹味噌甲羅燒$72， 活鮑魚刺身$98， 赤鬼海老天反卷$158， 赤鬼蟹味噌甲羅燒$78， 而家製安康魚肝$58， 飲品有海底之心$62， 巨峰乳酸$58。黑門令蟹味噌甲羅燒和赤鬼蟹味噌甲羅燒～ 甲羅燒送上不久，店員會為我們細心地烹調， 專業又熟練的燒烤手法很快就可以把甲羅燒燒好， 店員還叮囑我們趁熱吃甲羅燒， 非常細心。 原味和辣味兩款都非常好味， 材料有蟹肉，蟹籽，蟹膏，鵪鶉蛋和蔥花，甘香軟滑的口感， 配上梳打餅和蒜粒一起吃， 脆香帶濃郁的蟹味， 食過不停。極上大漁貝燒～ 大漁貝燒有豐富的海鮮， 鮮甜海膽， 晶瑩通透

香港人向來對海鮮渴求甚殷，尤其對日式處理的海產，更是世界級的鍾愛，近年興起的磯燒海鮮，便是傳統日本漁民的烹調方法，將新鮮捕獲的海產即時在岸邊燒煮，只需簡單的調味便能盡啖鮮味。前陣子筆者造訪了棉登徑一間以日本大阪著名黑門市場命名的日式餐廳，於此際零售飲食業的冰河時期，人流居然仍是絡繹不絕，心想應該有其獨到之處！細閱餐牌發覺這店的菜式選擇頗多，除了浜燒海鮮之外，刺身、壽司、沙律、炸物、鍋物、食事和甜品全不或缺，覆蓋甚廣讓人躍躍欲試。首先點來活鮑魚和生帆立貝刺身，為了能提供最新鮮生猛的海產， 店內設有魚缸將海鮮飼養著，鮑魚就是即席從魚缸裏撈起新鮮做刺身，入口爽彈富嚼勁，清新鮮味，咀嚼間彷彿還能感受到那生命力呢！生帆立貝也十分大隻，一開四一口一件，鮮嫩Q彈。黑門令壽司是這裏的名物之一，用料十分豐富，有齊三文魚籽、海膽、甜蝦、蔥油甘魚他他、吞拿魚腩蓉、蟹柳蟹籽和甲羅，賣相大堆頭成座山般，色彩繽紛，十分吸引，喜歡那款食材就將其放在壽司飯上同吃，自家創意自己發揮。每款食材都鮮味爆燈，但坦白說吃起來其實有點散亂，如能提供小匙用來分配或會更好。黑門令蟹味噌甲羅燒、磯燒白蜆和黑松露忌廉燒帆立貝，全由店員代

星期日去參加證婚儀式後，信步往K11方向逛一逛，經過棉登徑這家水產店，勾起對這種日式料理的念想，逛完K11就回頭去食晚餐。店內燈光明亮，一派日本漁家風味，還有一間可坐約十人的VIP個室。蟹味噌甲羅燒$72蟹蓋內有蟹膏、蟹籽、蟹肉、蔥花、鵪鶉蛋，店員會幫忙放在爐上即場混合浜燒。甲羅燒製作中，先嚐鰻魚玉子燒，玉子燒食得多，第一次食夾住燒鰻魚嘅，玉子燒軟綿，甜度剛好，內裡夾有一整塊燒鰻魚，鰻魚甘美豐腴，加上燒汁和紫菜絲，味道濃郁又滿足。極上大漁貝燒$88大漁貝燒放了滿滿的海鮮，除了本身帆立貝肉之外，還有2隻蝦仁、蠔肉、海膽、三文魚籽......這時，甲羅燒已燒好，又來了刺身......店員提醒甲羅燒要趁熱食，一啖入口，口感軟滑甘香，亦可以配梳打餅一齊食，香脆、軟滑共冶一爐，加些金蒜粒，又係另一種風味。三文魚腩刺身4 切$78，魚腩刺身口感爽滑細膩，味道油潤鮮香，正！真鯛刺身4切$88，刺身厚切，晶瑩透亮有光澤，肉質緊緻有彈性，味道甘爽鮮甜。貝燒加牛油燒份外芳香，海鮮鮮甜可口，好味。鐡火卷$58脆紫菜包住有色飯同吞拿魚，新鮮好滋味。活鮑魚刺身$98活鮑魚非常新鮮，可以切開二十多片，刀功一流。肉

去日本旅行其中一個必要既行程就絕對係去水產市場食最新鮮既海產啦，自從尖沙咀開左黑門水產居酒屋後，依家係香港都可以食到日本直送既鮮味！一黎到尖沙咀呢條棉登徑就已經見到黑門水產，門口仲有一班人已經等緊位，認真幾受歡迎咁喎。炭燒雞泡魚乾 $88必食下酒小菜之一，煙煙韌韌。黑門令三色丼 $188雖然叫三色丼但其實唔止三款魚生，有香蔥吞拿魚蓉、吞拿魚刺身、三文魚籽、海膽、蟹膏同蟹肉，連底既飯都有赤醋調味，誠意十足。每部位無論單獨食抑或撈埋食都一樣鮮甜，一個丼幾款食法，抵食！柚子胡椒豬骨豚肉鍋 $128柚子清新胡椒微辣，冇肥膩感且正適合冬天食，夠哂暖身。什錦天婦羅 $158雜菜為主，有海蝦天婦羅，份量幾大。黑門令炸雞4件 $68不過不失。鱈魚白子 $98味道較清淡，口感滑流，聽說營養豐富有美顏功效。活鮑魚刺身 $98半硬半軟，感覺挺特別。柚子生啤 $68、巨峰生啤 $68比較少見既配搭，意想不到的驚喜，讚。焦糖烤哈蜜瓜 $48最後甜品來個生果，感覺比較健康。

今晚去左棉登徑呢間裝修好有日式居酒屋風格既餐廳食飯😚 食物選擇太多啦所以我地叫左好多野食😆去日本居酒屋必點嘅當然有甲羅燒同刺身 今次我哋就選擇左試海膽蟹味噌甲羅燒同埋活鮑魚刺身👅 店員會先放低甲羅燒比你影相先 然後就會拎走幫你燒😊加咗海膽嘅甲羅燒鮮味大大提高 真係好食好多停唔到口🤭 活鮑魚切成非常薄既剌身片 食得出好新鮮 唔使太多嘅調味已經好鮮味👍🏻然後就係我好鐘意食嘅小食 酥炸雞軟骨👅 呢度嘅雞軟骨炸得好香脆 加上青檸汁 令人食完一粒又想食一粒🙊我地仲叫左我黑門角切海鮮沙律 沙律有甜蝦 三文魚 油甘魚 蟹籽 不論刺身定沙律菜都好新鮮 配上甜甜酸酸嘅醬汁 超清新開胃😋主食我地就揀左黑門令三色丼同黑門大阪燒🤩 三色丼有呑拿魚 拖羅魚蓉 海膽 三文魚籽 蟹肉 蟹膏 蟹柳沙律 非常豐富😍 滿足晒你所有願望 仲要好新鮮好好食👍🏻 黑門大阪燒係木魚絲下有2塊豚肉 加上沙律醬當然好味道啦🌟