ChaTraMue Cafe

營業中

休息中

和朋友行開新城市商場，發現這間以前好高人氣的賣泰式奶茶店，竟然開左cafe。價格親民，於是我們決定試試。店內環境光鮮亮麗，食物也相當不錯，泰式甜品尤為出色。泰式冬蔭海鮮薄餅 $98 薄餅脆脆，內有芝士和豐富的海鮮及菇菌配料，酸辣可口，還帶有香茅的清香，完美呈現冬蔭功的風味。泰式海南雞飯雞肉嫩滑，雞味濃郁，選用了雞脾部位，肉質無骨，啖啖肉令人滿足。沾上特製雞醬，更加惹味開胃，米飯香軟，整體唔錯。正宗泰國沙拉檸檬茶 $32飲品色澤鮮紅，由檸檬和蛇皮果製成，酸甜適中，清新可口，飲落十分清爽。泰國鮮奶抺茶 $35抹茶味正常發揮，熱飲好夠味。泰茶梳乎厘班戟 $88 班戟鬆軟，入口即溶，空氣感十足，蛋香濃郁，泰茶味濃郁，有焦糖脆脆的配料更提升了甜味，價格實惠。泰茶千層蛋糕 $88千層蛋糕柔軟不乾，餅皮薄，每一層都有泰茶的濃郁風味，搭配濃郁的泰茶醬，茶香與奶香交融，都幾高質。

泰茶好得👍🏻👍🏻，隔日行過都會買杯，濃厚香滑，獨愛它的偏甜，而每次行過，甜品看上去好有食慾的樣子。今日出糧日，入去坐低堂食。午餐 menu 好吸引，一個主食加一杯飲品 $70，而飲品是原本份量，沒有減少，超抵。我叫咗泰式海南雞飯，雞肉滑嫩有雞味，好食！ 👍🏻 朋友叫咗香葉肉碎飯，非常香口惹味，超好食。我哋再加一件椰絲蛋糕 $45，超級好味，蛋糕新鮮軟熟，椰味香濃。之前都試過佢地泰茶千層蛋糕，都已經覺得佢哋甜品，去到 Michelin 水準，雖然只係一間小店，但甜品、食物，飲品都做得很認真，真係值得推介。 食物質素及服務態度都相當優悅。👍🏻

好幾個住沙田區嘅朋友都推介過叫我哋去呢間位於沙田嘅ChaTraMue Cafe ，週末專登去探訪一下，順便行吓街。其實真係好舒適嘅地方，環境俾人一個好舒適輕鬆，泰國feel的 Cafe，而食物質素真係好唔錯，價錢又唔貴。ChaTraMue 泰茶有幾好飲就人人都知，試過 Cafe 嘅嘢食，有驚喜所以要幫手寫下咁有心機做飲食嘅店舖。 安格斯牛肉湯河超好味，牛肉湯真材實料，安格斯牛肉質素極高，入口嫩滑，但咁高質嘅一碗牛河都只係$88。 泰式滷水豬髀飯啲豬髀已經炆到好腍好入味，配上少少甜酸菜加蛋，好開胃。 泰式海南雞飯，雞肉嫩滑可口，有雞味，又大大份，啲自家雞醬汁好特別，絕配。泰式海南雞廚師事先已經細心嘅起咗骨食起嚟啖啖肉，好正。我哋再加多咗一份泰茶疏乎厘pancake，超好食，我哋個個掛住搶食，唔記得影相，但真係要推介一下呢度嘅甜品真係好正！

沙田新城市廣場開咗呢間ChaTraMue Cafe 一直都有朋友讚好，但直至今日做完gym同幾個朋友一於去試吓。 餐牌簡簡單單一睇落去價錢都唔算貴。泰茶有幾好飲就不用介紹。 我叫咗個安格斯牛肉湯河, 班friend分別叫咗一個香葉肉碎飯, 豬頸肉飯同泰式海南雞飯。之後再加咗幾個甜品，泰茶巴斯克芝士蛋糕椰子蛋糕同埋 Waffle. 安格斯牛肉湯河，牛肉有牛肉味，入口嫩滑，湯底清甜，係好食㗎，只係$88。班friends 嘅海南雞飯都好味，海南雞做得好，高質雞肉，入口嫩滑有雞味，香米飯都係優質香味入口軟熟。個friend話佢個燒豬頸肉飯非常好味，豬頸肉醃得入味，燒得又好香口，佢叫我要大大力去讚吓佢個點豬頸肉醬汁。 另一個朋友話個香葉肉碎飯炒得都非常香口好有泰國feel。佢哋主食質素高班，大部分都係$88，抵食。甜品真係有驚喜，巴斯克芝士蛋糕茶味同芝士味非常平衡，鍾意食芝士蛋糕嘅人肯定鍾意。但係驚喜嘅係佢嘅椰子蛋糕有濃郁嘅椰香味及忌廉香味，蛋糕軟熟幼滑加上一絲絲椰子好有咬口，呢個係我個人最喜愛嘅！另外一客嘅Waffle新鮮整出嚟好有蛋香味，食咗一啖係會唔停口。店舖環境優雅乾乾淨淨員工都好有禮

我coweater 試完呢度嘅牛肉湯河真係著迷，今日同呀媽女友再試下其他嘢食。我再點安格斯牛肉湯河，真係冇得輸，湯味非常鮮甜，牛肉入口幼嫩，好正。女友點咗個泰式肉碎玉子湯粉絲，雞湯底都係非常鮮甜，唔係啲乜乜化學湯，味精味重，食完口渴嗰種，配搭有豬肉碎，少少芽菜及通菜，成碗粉絲湯好開胃好味。阿媽碟海南雞飯都好唔錯，好有雞味，入口軟滑，要特別推介係佢嗰碟海南雞嘅雞汁，好惹味好開胃。佢哋啲甜品好似幾出名，嚟到梗係要試吓啦。叫咗一件椰子蛋糕，表面鋪滿粗粗椰子絲，口感非常好，食落椰子cream味好重，而蛋糕又好幼滑。另外一件係牛乳蛋糕，牛乳味非常濃厚，好好味，表面鋪上一些杏仁碎片，有着濃郁嘅牛乳同忌廉味，好明顯佢哋唔係用啲cheap cheap嘅植物忌廉，非常有心做蛋糕。女朋友話佢裏面嘅唔係海綿蛋糕，我淨係知道佢哋好幼滑，甜品的確係好出色。三個人叫咗三杯嘢飲平均每人約 $120-150。以後我多咗一個最愛美食嘅地方，呢度嘢食性價比高，質素好環境舒服又有得泊車，極力推介俾鍾意去性價比高餐廳嘅朋友！