阿閒泰 (K11購物藝術館)

營業中

休息中

假期前夕，又係約朋友吹水食飯時間。 通常搵飯食地方一定要就腳，所以尖沙咀真係不二之選。餐廳都幾休閒舒適，90分鐘限時。 不過今晚的而且確幾多人。整體味道水準都算唔錯，而且份量都唔算細，我地3個人似乎叫得多左，最後要外帶回家😂。

食完晏同班朋友揾地方飲嘢傾偈，黎到K11阿閒泰。•泰式cocktailswhole coconut smoothie 完隻椰青上碟好澎湃，甜甜的椰香味濃； lime mojito 清新感強，仲可以揀有無酒，適合唔同朋友既口味； 泰式奶茶自斟自飲，連埋凍茶雪條，唔怕冰融化溝淡杯奶茶；pina colada 有爆珠菠蘿粒粒增添不同口感，請記得佢支菠蘿雪條唔係俾你就咁食，係等佢慢慢融化入杯cocktail，先係一杯完整既pina colada 😆•小花園cafe佈置餐廳佈置走小花園路線，好舒適。

呢間位於尖沙咀k11嘅餐廳主打泰式fusion菜，今日經過就決定試下啦！我個人好中意食泰式木瓜沙律，每次食泰國菜都必定會點！今次就試左肉眼扒配木瓜沙律，沙律新鮮，而且醬汁酸味適中，牛扒煎到半成熟，顏色粉嫩，口感帶點煙韌，好中意呢個配搭🙆🏻‍♀️而泰式卷粉都非常驚喜！手造嘅卷粉口感彈牙，同一般食嘅唔同；配上豬肉碎同唔同調味料，味道帶點辣又惹味！飲品嘅泰式奶茶，奶茶香滑，味道偏甜！而伯爵茶鮮奶嘅伯爵味香濃，我個人好中意茶香，所以冇加糖都已經覺得好好飲！

救命呀，平日晚上6:30已經要開始排隊，建議大家要早啲嚟串燒併盤分別有羊肉，豬肉同雞肉，串燒份量比較少，作為小食黎講一流。三款串燒都燒得有D 乾身，而且配嘅醬汁唔係我平時食開嘅沙爹醬，呢個醬汁鹹得黎又酸酸地咁，食落都幾開胃。雞肉同豬肉都正常發揮，羊肉比較特別，因為食落唔羶得黎但依舊都會食得出羊肉嘅味道。整體肉質外脆肉軟，點上秘製酸甜醬口味更突出自家手打脆炸蝦餅有3件，依舊份量都係唔算多，新鮮炸起嘅蝦餅熱辣辣，外皮炸得香脆而內部嘅蝦膠爽口彈牙。手切肉眼爽彈牛丸船粉，係用上泰國空運直送嘅卷粉，口感煙韌有少少似河粉，而船湯湯底味道濃郁，同船粉係天衣無縫嘅配合，牛丸同牛肉都係用高質嘅材料，食落零舍唔同。 芒果椰汁糯米上層係乳酪雪糕，下面就係椰汁糯米，呢個甜品唔單只外型一流，而且味道都係滿分。

每次諗唔到食咩好，最後都會去食泰國嘢，可能開胃啲啦😝呢兩日又係熱到冇晒胃口。咁就試試呢間位於尖沙咀K11既泰式cafe啦。📌手切豬腩豬肉丸船粉$98本人十分之好肥野，呢個豬腩肉真係好岩我，好大超肥！個份量當然唔似正宗船麵咁迷你啦，但味道係幾似既。📌阿閒泰冬蔭功濃湯野米糙米飯$158希望越大，失望越....本來睇menu同埋呢道菜名， 以為會飲到冬蔭功湯。點知係咁樣子🤯店員解釋落單時忘記提醒我地係冇湯的😢撇開呢個期望，個飯既味道真係辣得幾過癮。📌烤原個椰菜花配青咖喱醬$78係咪幾新奇呢！成個椰菜花咁樣即場切開黎食真係第一次。今次呢個辣唔只係過癮，係辣到食唔晒啦（利申：譚仔2小辣）📌泰式奶茶$68食泰國嘢唔飲一個椰青，就一定要飲杯泰式奶茶先滿足😌

幾個月前的聚餐，而加先記得返，某日的3人食聚，到了阿閒泰食晚餐，新派泰國菜，食物及飲品賣相吸引，加上泰國菜大家都LIKE，一於去試下。餐廳以白色為主，周圍佈置了翠綠的花花草草，有著小清新之感。當晚的餐牌，選擇並不多，點了幾款食物，大家開心些牙。冬蔭功冰涼特飲(非酒精)，$58，好奇一試，賣相好似有少許分別...冇辣椒，唔太似冬蔭功味，唔辣的，淡淡的香茅味，清涼之選。自家製花香斑蘭蝶豆花茶，$52，田會長的，侍應主動解說杯飲品本身以食用花作點綴，但當天冇食用花提供，以薄荷葉代替，欣賞佢地有講明呢，迷人的紫色，倒入薰衣草糖水會變色呢，好夢幻呢。泰式奶茶，$68，自家製奶茶啫喱及奶茶雪條，King的，玻璃樽是泰式紅茶，自行倒入紅茶及奶再用雪條攪伴，有得玩呢。阿閒泰椰青冬蔭酸辣湯(一人份)，$88，來得食泰國野，必想試下冬蔭功，個湯底比較清澈，有蕃茄、蘑菇及蝦等材料，酸酸辣辣味又唔算太辣，味道普通。自家手打脆炸蝦餅，$78，一碟有3件，剛好，蝦餅大件，熱騰騰，入口外脆爽彈，同香口有蝦味，不俗呢。阿閒泰秘製滷豬手，$108，滷豬手夠入味，味道濃郁，口感鬆化軟腍，配上蒜蓉辣椒醋更滋味，滷蛋正常水準