HARA

營業中

休息中

呢餐水準真係好高！！真係好值得一試！燒雞皮：呢份係餐廳送嘅，炸得幾都幾脆！好食！！吞拿魚腩刺身：原本諗住會鮮味少少，但係同我想像有啲出入，不過都係中上水平！魚白湯烏冬：魚湯唔係話超級濃嘅，但係就甜！！ 烏冬反而有啲比吓去 正！烤紐西蘭原排嫩羊鞍：好嫩！好嫩！好嫩！好好食！ 個汁都正呀！！紐西蘭托托蜆：呢個真係犯哂規！鮮甜都呢。。。。真係而家都回味緊！波士頓龍蝦包：個龍蝦都好鮮，包都好脆口！！正呀！！煎芝士蛋糕配海鹽焦糖汁：呢個甜品真係不得了！ 甜度啱啱好！連則邊啲脆脆都好鬼正！值得叫呀！！

佐敦雖然多好西食，但大部份都係港式老店，食完就要走唔可以慢慢坐，想慢慢食通常都係得打邊爐或者日本菜，不過最近發現佐敦新開左間好chill嘅酒吧餐廳，除左酒類選擇多，雞尾酒西洋酒日本清酒都有，野食都幾精緻，亮點係餐廳有兩張枱喺室外，除左方便鍾意呼吸嘅食客，有帶寵物嘅食客都啱。HARA係一間西日fusion酒吧餐廳，除左日本酒，西日菜式都有提供。蘿蔔漬螢光魷魚 - 點完菜侍應就每人送一碟螢光魷魚，鹹鹹地啱餸酒，蘿蔔好腍冇渣。紐西蘭托托蜆($138) - 托托蜆每隻都好大隻厚肉，肉質幾嫩唔痴牙，我揀左檸檬草椰汁，幾creamy好味。波士頓龍蝦包($198) - 龍蝦包烘得夠脆，中間好多龍蝦肉，肉質結實唔霉，入面加左醬汁所以唔會太乾，雖然話係小吃，不過食完都有啲飽肚，可以當係一個主菜。玫瑰蝦鮮茄蓉意大利麵($198) - 內有兩隻大蝦，意粉口感幾彈，因為加左蒜蓉同辣椒椒過，所以除左番茄酸味之外，仲有少少辣味都幾惹味。魚白湯烏冬($128) - 用炸魚做天婦羅比較少見，炸漿唔會太厚，烏冬好滑唔會太腍。椰皇焦糖燉蛋($68) - 焦糖燉蛋用椰皇殼裝住，椰皇殼仲連住少少椰肉，食燉蛋時多左陣椰香味，焦