A.T.A.S

營業中

休息中

餐廳：A.T.A.S地點：銅鑼灣邊寧頓街菜式：星加坡菜餐牌：平日午市有午餐，主食8選1，包熱咖啡、茶、或汽水。可以加錢要小食，價錢$88，價錢唔貴。入口係地下，要行樓梯上一樓。入面裝修非常光猛，以綠色同白色為主，好新淨簡潔，感覺舒服。肉骨茶肉骨茶原來係原盅上，入面有兩條豬骨，兩舊豬肉同三件白蘿蔔。個湯胡椒味適中，好飲，唔會太辣，都唔會油膩。配大大碗白飯，仲有兩大段香脆油條。沙爹米粉 加$10沙爹米粉大大碟，用特色靚碟上，幼身白色米粉伴有超爽口蝦仁兩隻，爽脆魷魚多件，少量肉片，仲有通菜同吸汁豆卜，材料豐富。加上大量沙爹醬同花生碎，個醬好惹味，仲有好多粒粒黃豆粒，配滑溜米粉好正！呢個主菜好食。囉喏 加$38囉喏係油條，豆卜，青蘋果，梨，菠蘿粒，加上特色醬汁同花生碎加白芝麻粒，味道甜甜地，口感夾集香脆同爽脆，好有特色。咖梛吐司 加$38咖梛吐司一客有兩片麵包，分成四件入口size，係脆口朱古力味toast包住豐富牛油同咖梛醬，甜絲絲，好味道。斑斕薏米水 $28斑斕薏米水色水呈淺綠色，叫左少甜，味道剛好，下底好多薏米，加添咬口。玫瑰青檸水 $28玫瑰青檸水色水就呈紅色，入面有青檸，叫左少甜，味

星期一同朋友去銅鑼灣A.T.A.S食lunch。我地叫左2個Set Lunch share食。喇沙揀左mix既粉麵，即係粗麵同米粉，配料有魚片、雞蛋、豆卜、蝦、魚蛋，好豐富，味道微辣。沙爹米粉加$10，份量好多，食完好飽，有大量既沙嗲醬，撈左好多花生粒，有咬口同香口左，配料就有蝦、魷魚、豬肉、豆卜。咖椰吐司Lunch set加$38有既，吐司搽左咖椰醬同牛油，好邪惡，甜度適中。飲品叫左美祿爆炸同斑斕奶茶，兩杯賣相都唔錯。

餐廳環境寬敞，坐得幾舒服，自助形式既餐廳其實幾好，自己拎餐具自己還餐盤，又唔洗加一午市套餐- 板面(湯)麵條質感ok，成碗野有菜有菇有蛋有魚乾仲有肉丸，個肉丸質感好散湯粉我期待係熱湯，但可惜溫度差d，都唔熱既....午市套餐- 沙爹米粉足料，有通菜魷魚蝦芽菜豆卜豬肉花生沙爹醬重花生味，不過都係室溫溫度咖啡祿 - 似美祿朱古力，幾好飲奶茶(煉奶) - 有d失望，冇煉奶味，茶味唔夠香升級咖椰多士邪惡之選，鍾意甜食既你可一試，一咬落去d煉奶牛油擠出黎，cheat day食依個好滿足

好多時喺香港食星加坡菜，多數都係海南雞飯同埋喇沙～然後咖咉？ 然後就沒有然後😜去過新加坡嘅朋友，一定對麵粉粿同板麵不陌生，但係香港的確少見～ 最近喺銅鑼灣就開咗一間又新加坡人主理嘅地道「坡菜」～餐廳位於二樓，裝潢簡潔，以自助快餐形式落order ~ 打開餐牌，好新鮮的感覺，不同的地道菜式~ 好似「囉喏」、「烏達烏達」～ 同朋友叫幾樣嘢一齊share~ ▪️Rojak 囉喏名乎其實南洋沙律～ 馬來西亞、印尼、新加坡常見嘅沙律🥗～ 入面有青蘋果🍏、青瓜、炸豆卜、油條、花生碎等～ 加埋d甜甜酸酸嘅醬汁～ 好味又醒胃！我就最鍾意脆卜卜的炸豆卜嘞～▪️Chili Mee Hoon Kueh 辣椒麵粉粿呢個「麵粉粿」係同酒樓食果d「粉果」係完全無關係既ok? 🤣 佢係一塊塊、闊度差不多是寬條麵的3倍的麵～ 伴有冬菇、炸江魚仔等配料，加上參巴醬，味道偏濃、鹹鹹辣辣咁好惹味！▪️沙爹米粉呢個唔係齋米😜 仲有雞肉、蝦、魷魚等配料～ 滿滿的沙爹醬內還有花生碎～ 撈麵或米粉都咁啱，鍾意沙爹的朋友要試下啦～▪️玫瑰露恐龍🦕味道就似蜜糖版玫瑰花茶，上面舖滿了美祿粉～ 我鍾意飲美祿同玫瑰味，所以覺得幾好味～▪️美祿爆炸其

近著銅鑼灣站的邊寧頓街一帶有很多特色小店，其中這間樓上餐廳，主打新加坡式快餐，設有自助機下單，自行取餐及交還餐盤，旁邊亦有餐具和紙巾等等，全自助形式。店內以簡約的白色和綠色為主，佔地面積寬敞，坐起亦較為舒適。沙爹米粉 - $98濃稠的沙爹醬夾雜香脆的花生碎，富馥郁花生味，鋪滿於彈牙的米粉上，有一片片軟腍多汁的豬肉、還有新鮮彈牙的水魷和蝦仁增添不少鮮味，而吸飽汁的豆卜，以及通菜和豆芽則增添爽脆感及清新感。炸魚片米粉 - $98奶白色的魚湯鮮美而不腥，粗米粉不易斷裂之餘，掛汁能力更高，一片片的炸魚份量頗多，香脆的外衣被湯浸得半軟，咬開紮實的魚肉嫩滑多汁，還有白菜和蕃茄更健康。升級咖椰多士 - $68必點的招牌邪惡小食，三塊外酥內軟的麵包組成兩層夾心，每層塗上厚厚的咖椰及花生醬，夾著香滑的牛油和煉奶多得幾近流出來，再塗上香甜的巧克力榛子醬和撒滿美祿粉，意想不到的甜而不膩。斑蘭奶茶 - $28斑蘭薏米水 - $28兩杯均帶有斑蘭的椰香味，奶茶的較順滑，而薏米水則較清甜，而不黏糊。