豬屋日本料理

營業中

休息中

朋友返嚟香港，終於夾到時間食餐飯啦！嚟到朋友屋企附近嘅豬屋日本料理，呢度嘅便當嘅款式好多，可以根據喜好轉烏冬或者拉麵，而且仲有其他日式料理，小食同手握壽司等等，價錢仲好抵呀！我哋分別叫咗兩個便當 沖繩便當 同伊賀便當，再追加一份唐揚魷魚鬚。 兩份便當嘅份量都好多，大滿足呀～沖繩便當就有吉列千層芝心豬扒同汁燒金菇牛肉卷，芝心豬扒外層酥脆，中間係豬腩片疊住，仲要有埋邪惡既芝心，yumyum！而刺身就有三文魚、帶子同甜蝦， 鮮味十足。伊賀便當有蒜香牛油比目魚扒配七味燒豬頸肉，仲有粒粒蟹籽加州卷同螺肉，便當嘅飯仲可以選擇咖喱飯或者和風燒汁飯。比目魚扒啖啖肉，肉質細嫩清新，充滿蒜香牛油香味。豬頸肉烤得香脆可口，惹味焦香！一份便當滿足晒所有嘅需要🤭✨沖繩便當 🍱 ✨伊賀便當 🍱✨唐揚魷魚鬚

今日接朋友收工，佢話好想試呢間豬屋日本料理🥹既然同佢咁耐冇見，一於同佢一齊試呢間嘢啦！🤣估唔到幾有驚喜喎🫣我哋7:15嚟到，見到好多人都等緊佢嘅外賣🫣，好好生意咁🤔而堂食嘅我哋等咗大概15分鐘左右就入得去Lu~一入去侍應就比咗杯暖笠笠嘅玄米茶我哋🍵我哋order 咗1️⃣沖繩便當💰982️⃣秋田便當💰94兩款便當都係跟刺身三種（三文魚2件🐟，帶子2件，有頭甜蝦1隻🦐）、咖哩飯🥘同味付螺肉刺身幾厚身同大塊，三文魚油脂分布平均，味道鮮甜，口感滑嫩👍咖哩飯係配日式咖哩醬，偏甜嘅味道，有粒粒薯仔同蘿蔔；味付螺肉肉質好彈牙，帶有蒜香同淡淡嘅甜辣，好惹味👍沖繩便當另配有吉列千層芝心豬扒 🐖同汁燒金菇牛肉卷🥩個千層芝心豬扒勁高質，開頭見佢唔係拉絲有啲失望，但咬落個芝士味衝出嚟，好濃郁、好好食！芝士控嘅我表示大滿足😍金菇牛肉卷個燒汁好香，味道唔錯。秋田便當另配有脆香吉列雞扒同汁煮豬軟骨。雞扒外層脆但薄、肉厚而嫩，帶有雞肉天然嘅味道，適合鐘意食食物原味道嘅朋友仔👍豬軟骨嘅肉好入味、燒到超級腍，軟骨好有咬口，每一口都充滿層次感。呢餐食到我哋超級飽、超滿足！估唔到兩個人唔到$200就已經食到咁大份、咁多款日式美食，

去開大圍附近，上open rice search 下食咩好見到有間豬屋便當好吸引，餐牌好多選擇，今晚晚餐叫左沖繩便當同朝日便當2款外賣包裝得企理 外賣盒多格數 可以裝到不同的食物沖繩便當有主菜炸芝士豬扒、小食有螺肉、附送刺身有三文魚、帶子、螺肉，刺身新鮮，金菇牛肉卷牛味香，炸芝士豬扒同咖哩飯好夾，份量充足好食 另一個朝日便當有燒比目魚、燒元貝同燒菠蘿 個飯個汁可以選咖喱同燒汁，揀左燒汁，燒比目魚肉魚脂香滑、燒元貝就正常發揮，燒菠蘿香甜，好滿足的一餐，一定會再幫襯🥰

今日同媽咪去大圍食lunch~ 知道呢度有間 豬屋日本料理 係街坊都知道既日式料理餐廳 我又想試吓😬 起門口等左一陣 睇左陣menu 就入得啦～ 入到去坐低 店員就比左個QR code我地落單啦 好方便～ 圖文並茂 又會話哂比我知便當係包含咗啲咩 讚呀👍🏻 迷你吞拿魚三色丼配迷你真打稻庭鳥冬 $98呢個套餐有4樣野 岩哂想試唔同野食既我😛三色丼 係有吞拿魚 甜蝦同埋蟹籽 吞拿魚新鮮厚厚的3片🤩 甜蝦鮮甜爽口 蟹籽係滿滿的 好幸福☺️茶蒸碗 又香又滑 配菜係味付螺肉 仲有彈牙烏冬 食完魚生食返個熱辣辣嘅烏冬真係好正😋 沖繩便當 $96呢個便當真係好豐富🤩 首先係個吉列千層芝心豬扒 岩岩炸好熱辣辣咁拎上枱😋 係芝心呀 滿滿既芝士熔好滿足！外面炸得香脆 入面既豬係五花腩片卷埋一齊嘅 大推👍🏻跟住係有汁燒金菇牛肉卷 牛整得岩岩好 配埋汁燒好夾刺身方面係有三文魚 帶子同埋甜蝦 全部都新鮮肥美👍🏻配菜係味付螺肉 仲有個咖哩飯 叫左咖哩汁另上 好香濃既咖哩汁 讚呀 整體來講 呢間 豬屋日本料理 食物款式種類多 環境舒服 店員服務好 下次會再黎試埋佢個拉麵先😬

難得經過大圍，順便食埋飯。之前都聽過呢間餐廳，今日終於有機會一試。夜晚6點去到餐廳，入面已經有一兩枱客人，唔洗等位就可以坐低。Menu入面每個定食都以日本唔同地區名命名，好得意。我叫左一個沖繩便當（即係吉列千層芝心豬扒、汁燒金菇牛肉卷、刺身（三文魚帶子甜蝦）、咖喱飯同味付螺肉）。最值得一讚係個吉列千層芝心豬扒，食落去好鬆脆，唔會話好乾，亦都唔會話食哂全部會好漏。美中不足係我覺得個金菇牛肉卷如果可以再熱番少少會更好，同埋包得有d實。

星期五有好多街坊去食，未夠7點出面已經排緊隊。店內雖然得2位侍應但情況一D都唔亂MENU都有好多選擇而且牆上都有好多野食俾大家叫，所以唔好錯過香芒牛油果蟹棒蟹籽田園沙律 ＄46牛油果俾足半個，一D都唔少但香芒就少咗D。田園沙律有蟹棒、蟹籽同青瓜絲，份量都幾多。個醬同平時沙律醬感覺有少少唔同，無咁濃味同酸，感覺無咁膩沖繩便當 ＄90一開始見到MENU1便當成90蚊，都覺得幾貴下但上枱時發覺都好抵個便當大致分成5格，有前菜、刺身、小吃、主菜同咖哩飯前菜有螺仔冷盤，同平時街食果D差不多但分量十足。刺身就有2片三文魚、2片帶子同一隻甜蝦不得不提，三文魚刺身非常厚切而且甜蝦好新鮮小吃係金菇肥牛卷，牛肉唔會煎得好乾而且金菇同肥牛比例岩岩好主菜就係入面包住芝士既炸豬扒，豬扒唔會好厚粉不過如果可以多少少芝士會開心D配埋個日式風味甜甜地既咖哩飯，真係十級滿足灸燒芝士大蝦反卷 ＄52上枱時仲感受到大蝦炸完既微溫，唔會好厚粉而且加埋一片片芝士，整個味道同口感都昇華咗～最正既係每件卷上面都舖上一粒粒蟹籽一食落脆卜卜靜岡辣油燒三文魚加州卷 ＄36加咗辣油但一D都唔辣既三文魚加洲卷，每件三文魚都幾厚而且用了魚腩盒

係田心村隔離街, 樓下就有一條巷, 有幾間小店. 見門面都OK, 就去試試.店舖不大, 十多張檯, 2個店員好有禮貌又有笑容.店舖似開左好耐, 簡單日式風格, 較為溫暖. 店員先送上綠茶.鹽燒牛舌 - SIZE真係超大塊呀，我用了一片LEMON黎做對比，仲要係厚切架，肉質好林，灑上了海鹽同黑椒，非常好味，幾JUICY添呀！燄燒芝士大蝦反卷 - 原隻炸蝦，包上珍珠米，再放了芝士去燒， 之後灑上很多很多的沙律醬及蟹籽，賣相已經幾好，食落都唔錯呀，炸蝦好脆，一口一啖岩岩好，愛沙律醬的必吃。最攪笑係WASABI都係豬樣黎架, 好襯店舖名.沖繩便當 - 帶原片炸芝士豬扒，金菇肥牛卷，刺身2種，螺肉，日式咖喱飯。炸芝士豬扒肉質好嫩，中間夾了已炸到溶的芝士，好好食呀！金菇肥牛卷包得好實淨，仲吸滿了醬汁刺身2種帶三文魚同帶子，非常新鮮！日式咖喱飯是用了較甜的咖喱汁，內已有少量蔬葉，配上超大份的珍珠米，好夾好好食！呢份甘大的便當真係好飽！而且仲可以配SOFT DRINKS，我地揀左波子氣水同哈密瓜味SODA，好有日式STYLE呀！小店應該開了一段時間，店員快手又好NICE, 幾溫暖呀！

一直對豬肉冇咩興趣但係吉列豬扒就除外朋友介紹呢到既吉豬唔試過一定會後悔講到咁緊要,就黎會一會你!==============================灸燒芝士大蝦反卷出外食吉列蝦反卷好多時都會有個問題就係飯既濕氣令吉列蝦變淋一定要新鮮炸起先唔會有呢個問題而呢到就正正做到呢一點加上飯既濕度比例都好好所以即使放耐少少吉列蝦都仍然保持到香脆另外值得一提既係佢放醬非常慷慨出街食呢個D店家好多時都放多少少都會破產咁呢點非常值得一讚對於我呢D鍾意食醬既人士黎講簡直就係新世紀福音沖繩便當非常豐富既便當有咖哩飯,吉豬,金菇肥牛同刺身雖然知道日式咖哩係偏甜咖哩個人認為甜左少少但咖哩味香濃,送飯一流(另外佢比得非常多飯,大食既唔洗怕唔夠食)吉列豬排同吉列蝦一樣高汁高汁炸得又香又酥又脆更重要係豬排唔會韌保持到鬆軟但又唔係落鬆肉粉果隻令口感散晒咁正刺身有三交魚同帶子同蝦三樣都新鮮同鮮甜三文魚切得好厚,口感大滿足金菇肥牛燒得唔錯,金菇同肥牛都唔會韌但個人略嫌唔夠濃味不過總體黎講都唔錯和歌山便當材料亦非常豐富除左同沖繩便當一樣有咖哩飯同前菜外仲有燒蝦,吉列紫薯同燒翠玉瓜必須一提既係佢既燒蝦燒得非常香!!基本

2018.04.10 ☺️【滿足多種口味的日式便當】食在大圍自上年第一次去日本看到和式鐵路便當後就一直難以忘記可惜當時沒機會品嚐😗最近得知大圍有一間主打日式料理的小店有立即相約友人一起回味在日本的日子🤗食店雖然跟大圍站有點距離 但位處大型屋苑之間的美食街人流亦不算少 到了晚飯時間還會出現小人龍裝潢以簡單木色為調 有如走進日式飯堂餐飲除供應各款日式小吃外 更有多達10幾款便當供應小店的便當都以日本地方命名🍱不論冷盤、前菜、刺身、飯麵，什至到甜品亦有可以說由大人到小孩都岩食很適合像小妹有選擇困難的食客 完全滿足多個願望沖繩便當 $90吉列千層芝心豬排、汁燒金菇牛肉卷、刺身(三文魚、帶子、甜蝦)、味付螺肉、 咖哩飯對於這個便當 小妹簡直要大愛形容😍完全集合了我喜愛的美食日式料理少不了刺身冷盤 三文魚切得厚厚的味付螺肉爽牙 絕不馬虎熱食部分: 金菇牛肉卷入味 火候控制亦不錯 不會咬不起來主角的吉列芝心豬排及咖哩飯是個絕配🍛芝士豬排外皮酥脆不會太咸 配上微甜口的咖哩飯很開胃和歌山便當 $85鹽燒珍寶海蝦、炸日本紫薯甘栗餅、照燒翠玉瓜、味付螺肉、咖哩飯另外我們還嚐試了另一款以海蝦為主題的便當不得不稱

今晚同老公撐枱腳，揸車去大圍附近搵食，去到雲疊花園附近泊到咪錶位，就喺泊車對面就見到「豬屋」兩字，因利成便就入去食飯打開餐牌，見到好多便當選擇，我地order左和歌山便當、沖繩便當及灸燒芝士大蝦反卷灸燒芝士大蝦反卷，咬落去炸蝦仍熱，配合沙律醬都幾好味沖繩便當，入面有刺身、金菇肥牛卷、吉列芝心豬扒、螺肉及咖哩飯吉列芝心豬扒好脆，豬扒炸得唔乾，加埋流心芝士～好味而和歌山便當，有3隻鹽燒珍寶大蝦，蝦肉結實，炸得好脆又新鮮，好味另外日式蕃薯餅甜甜地，味道唔錯。配合價錢、服務，都係一個唔錯既選擇～最緊要門口仲可以泊車

朋友在名城嘅新居入伙，大伙兒當然要上去踩場la~大圍其實應該好多野食，不過大家都懶得移動，於是今晚搵咗Food Panda幫手Food Panda有好多餐廳揀，我哋決定試下豬屋。為咗方便，我哋一人揀咗一便當。便當都有好多選擇！左諗右諗，終於揀咗四款！每個便當仲可以揀唔要咖喱飯，改要燒汁/滑蛋汁飯，或者烏冬。然後安坐家中半個鐘，d食物就到喇！一打開啲包裝，大家都有啲驚喜，似模似樣喎和歌山便當，三隻大蝦好夠分量，而且新鮮又夠味！秋田便當，呢個分量少d, 不過加埋加州卷, 都幾夠飽！沖繩便當，魚生有三文魚、甜蝦同埋帶子，份量唔算好多，但都幾好味！嗰件吉列千層芝心豬扒好正，好多熱溶了的芝士，啱哂我呢個芝士控呢個奈良便當就普普通通啦，無乜特別。整體啲飯係有啲淋，不過以外賣來講，食物嚟到嘅時候仲係熱辣辣，又有個便當外賣盒，d食物放得整整齊齊，絕對算係優質外賣啦

以前都有去食開，但現在食物質素比以往進步很多，值得一贊。有的食物原本不太敢點，如夥伴點的日式炒雜菜，沒想到進步好多。味道很棒，也很大碟。很抵食。適合多人同食。全部水果甜度一流，牛油果重有入口即溶既感覺。整道菜都比較清口。牛肉入味比較好，並沒有特別難嚼的感覺。只是賣相不是很漂亮的。好大隻，有兩包煙既長度。另外，好細心，去埋腸，出面好多地方食都冇去腸，值得一讚。芝心豬扒做既不錯。

Lunch叫左個沖繩便當食，係2個人ge份量，有5種食物，全部都好好味！！個吉列芝心豬扒，炸得好香好脆，仲有層芝士，香口得黎，味道又多一個層次。金菇牛肉卷，牛肉煎到小小脆，但唔乾，因為淋左燒汁，正呀！！咖哩飯，無咁重咖哩味，偏甜，個人仲意食甜，所以覺得好好味！仲有個刺身同辣螺肉，刺身有三文魚，甜蝦同帶子，好新鮮，食完主食再食佢就岩啦！食佢之前記得食返幾條蘿蔔絲洗下個口，咁就食到更真嘅味na～