Beans 嘅嘢食一向我都覺得好好食，之前佢外賣自取做緊七折，而家得返八折咋☹️。不過今日我就選擇堂食。 1. 巴馬火腿火箭菜薄餅 Parma ham and Rocket 👉🏻 我好鍾意佢個餅底脆卜卜，佢啲巴馬火腿同火箭菜份量都好多，唔會俾少少你就算😍，最緊要係咩？真係有好多芝士😍 2. 豪華英式全日早餐 Deluxe Full English Breakfast 👉🏻個黑松露炒蛋好香，好有黑松露味😍。將個窩夫搽啲cream夾埋舊煙三文魚食，簡直一流😋 3. 牛油果蟹肉義大利飯 Avocado Crab Risotto 👉🏻食落好creamy😋，味道相對地淡，因為要食個啲牛油果味，但係略嫌蟹肉唔夠多 4. 青蘋果乳酪慕絲 Green Apple Yoghurt Mousse 👉🏻個賣相好吸引，好適合小編呢啲港女打卡用，好花心思用糖霜沈嗰beans字出嚟。但係因為呢個心思要等好耐先上，同埋食落去略嫌個mousse硬左少少，同埋個青蘋果味唔係太出。

工廠大廈入面藏美食😋😋😋，間舖頭平時好多人食㗎，一點鐘行到落去就會坐滿哂，想食都無得食，每次都係叫人早啲落去，攞定位，叫定嘢食先食得切。 今次叫左巴東牛肉椰漿飯，巴東牛肉佢煮得好腍好入味😋😋😋，加埋有少少椰汁味嘅飯，配菜仲有鳳尾魚乾同花生。如果食到個口腔你覺得好濃嘅話，個三片青瓜就發揮清口腔嘅作用，令到你覺得好flesh。上碟嗰陣時都好講究，有塊香蕉葉鋪底。其實佢係喇沙麵都好出色，不過我食過好多次，所以今次食椰漿飯。

今日唔係閒係屋企煮，所以落街買外賣食。點知去咗間服務態度好差嘅舖頭，幫我落單嘅個位店員聽錯咗我想要嘅嘢，落完單比完錢我同佢講佢落錯咗，想改返啱佢，佢竟然話落咗單冇得改🙄🙄🙄🙄。明明係佢自己做錯左，不過我算唔同佢嘈，逼我食緬甸咖喱牛腩配白飯，好彩我食辣嘅啫。點知攞外賣嗰陣時，佢仲話我未俾錢😑😑😑😑。真係好差！！ 呢個係牛筋配牛腩飯，佢啲餸都叫多，但係佢有幾舊牛筋係超級硬，好似橡筋咁樣就黎咬唔開。牛腩有一兩舊都係好鞋，整體感覺一般般。佢個咖喱係有啲辣又有啲酸、有啲甜。其實佢面頭嗰啲椰漿我唔明係想點🤔🤔🧐🧐🧐。啲飯都係算硬嘅嗰一種，比一般係出邊食到嘅米更加硬。

話說呢排同事興起玩自家炸野，炸CP雞翼，或雞粒，興起左一陣炸物風。所以忽然想去食呢間專食天婦羅。呢間餐廳餐牌得3個款，價錢每個差20蚊，你可以揀星鰻/鱚魚/菇菌，其他炸物配菜都一樣。我揀左唔係最貴亦唔係最平個個，入面有海苔、莢豌豆、鱚魚、海老同小柱魷魚炸物，仲有隻溫泉蛋，味增湯，漬物（醃蘿蔔同牛蒡）同黑豆茶。 一路等上菜期間都會聽到廚房不斷炸野嘅聲音，滿心期待熱辣辣嘅天婦羅。點知有啲失望，入口唔算熱，食到最尾反而覺得凍左，當日餐廳都唔叫多人，冷氣唔算大。個人認為炸物唔算好食，平平無奇。可能只係平時我同事炸得太好食😋😋😋😋。佢隻溫泉蛋，唔明點解都要炸一炸佢🧐🧐🧐，唔炸可能令成個餸冇咁油膩，仲好。反而最surprise我係個鼓油汁，甜甜地撈飯好好食。成個飯係因為個汁我比高啲分佢。成餐都係炸嘢好熱氣，又冇咩菜。雖然啲漬物係可以令到成個口腔清一清，但係此終全部炸嘢唔係太鍾意。如果全部炸物要揀一樣我最鍾意，可能係個小柱魷魚🦑😆。

係限制人流聚集新措施實施之後（3月28日下午6時起，持續14日），所有餐廳只能招待正常供應座位一半的客人，而每張枱嘅間距至少需要1.5米，每張枱亦只能招待最多4名客人。唔通遲啲同朋友聚會只能夠用ZOOM見面😂😂😂？ 是日中午我同2個朋友去左Daddy kitchen開餐醫肚。 印度天多尼雞扒飯配雜果燒汁（$78） 👉🏻包左餐包、餐湯同嘢飲 👉🏻我覺得呢塊雞扒幾好食，啲雞皮幾脆口，同埋個醬汁都好特別。印度天多尼雖然食完都唔知係乜嘢嚟，但係感覺上唔係普通超級市場可以買到嘅醬料，呢個可以encore😂😂😂 星洲椰香喇沙豬軟骨煲配飯 （$82） 👉🏻包左餐包、餐湯同嘢飲 👉🏻呢個豬軟骨煮得好腍，呢度嘅骨全部都煮溶晒，全部都係骨膠原🥰🥰🥰。但係美中不足嘅係我覺得呢個椰香喇沙有點重口味，有啲鹹同重味精，食完之後要係咁飲水😅😅😅。 👉🏻佢個飯其實用黎撈汁係幾唔錯，啲飯係比較硬身同粒粒分明 鮮茄扒鹹牛脷飯（$54） 👉🏻包左嘢飲 👉🏻自己其實都好鍾意食牛脷，我覺得呢個飯牛脷略嫌不足得四塊，可能自己鍾意食餸多過鍾意食飯😅😅😅，如果佢多幾塊，我會幫佢加分

今日難得一家人落街食飯，11:30就去到茶木，嗰時茶木啱啱開門唔需要等位。諗起一開始茶木登陸馬鞍山嗰時，11:30已經有一大堆人很門口排隊攞飛等入去，不過呢間野已經唔再新鮮，所以開門入去唔使等位都正常。 佢個餐牌其實每一次主食都係得嗰啲，佢間唔中會有啲新嘅菜式。今次我叫咗個沙朗肉躁飯。 每一次叫飯其實都係為咗隻糖心蛋，我覺得依家啲肉操比較油，下次可以叫佢另上，然後去一去油。 沙朗肉其實都唔錯，不過你會食得出佢係雪藏牛肉，同埋用咗梳打粉。感覺上個份量細一小小，得三舊。

近日見到網上有優惠，凡身分證號碼括號中指定數字有得免費食價值$58午餐，又或者加錢補差價。括號外號碼中都有八折優惠。 餐廳12:00開門，我大概12:10去到，同一間餐廳有分食日本野同西餐。優惠淨係適用於食日本野，餐廳入邊已經坐滿左一半人。可能係新開張嘅關係，午市套餐選擇並唔多，亦都冇其他小食選擇。 我叫咗一個咖喱牛肋條掛烏冬，等候時間都偏長，可能因為啱啱新開張嘅關係未做得切。個烏冬撈埋啲咖喱汁幾好食，如果隻溫泉蛋唔係凍嘅會更加好。我覺得個牛肋條可能醃嘅時間比較長又或者調味料落得太重手，略嫌鹹咗少少，但係都好淋。 計埋個港人優惠只需要$20就可以食到，仲要唔使加一。我哋差唔多1:30食完，走嘅時候見到餐廳出面大排長龍，所以如果要嚟呢度食嘅話，最好就係餐廳啱啱開門12:00入去，就唔需要等位啦。

琴日一行3人一齊去荔枝角搵野食，見到呢間日本料理好似唔錯，所以入去一試。 佢lunch menu款式都好多選擇，定食拉麵都有，不過覺得價錢偏貴。一個lunch set平均都可能過百蚊，不過難得黎到，所以決定叫一個自己最想食—函館丼飯定食（即係蟹肉、蟹膏、海膽、三文魚籽同蟹籽）。入面個set係包左前菜（鴨胸沙律）、茶碗蒸、麵鼓湯。 一開次上菜會比個盤你，上面有齊哂所有野，除左個主菜。我因為太肚餓，個鴨胸沙律食哂先上到個主菜，所以冇影到個沙律。雖然二百幾蚊一個lunch好貴，但係佢份量好足，蟹肉超級多，蟹肉拌飯超級好食，加埋三文魚籽，好好食，醬油都可以唔洗加。 下次會想再黎，不過唔可以太密，荷包會頂唔順。

難得經過大圍，順便食埋飯。之前都聽過呢間餐廳，今日終於有機會一試。夜晚6點去到餐廳，入面已經有一兩枱客人，唔洗等位就可以坐低。 Menu入面每個定食都以日本唔同地區名命名，好得意。我叫左一個沖繩便當（即係吉列千層芝心豬扒、汁燒金菇牛肉卷、刺身（三文魚帶子甜蝦）、咖喱飯同味付螺肉）。 最值得一讚係個吉列千層芝心豬扒，食落去好鬆脆，唔會話好乾，亦都唔會話食哂全部會好漏。 美中不足係我覺得個金菇牛肉卷如果可以再熱番少少會更好，同埋包得有d實。

夜晚6點幾到，難得有張吉枱，唔洗企係到食。唔知係咪每個人個burger都可以加唔同配料，等攞野食時間都幾長。 叫左個little bacon cheese burger (唔記得左影相），可以自己加配料都幾得意。不過食到最尾張錫紙入面裝左好多油。要小心d，否則會搞到成手都係。 Five guys好多食物都可以自選配料，Milkshake都可以，我揀左Chocolate，Oreo，Salted Caremal，Bacon。有得揀有cream定冇cream。我覺得有Cream好似掩蓋左你揀個d材料味，冇cream可能會好d。佢個Bacon好得意，mix曬所有野都好夾。唯一不足之處就係支飲管唔夠粗，好多時Oreo同Bacon都飲唔到。 仲叫左一個薯條(Large size)3個人share，份量都好大。揀左小辣，佢會幫你mix左d味粉，但係我覺得d味粉係好重味精同偏濃味，個人不太鍾意。當晚要不斷飲水，所以如果真係要叫薯條，唔太建議叫佢落味粉。