TERA (寶發大廈)

營業中

休息中

今晚嚟到佐敦嘅日式cafe TERA，木系裝修勁有日本feel，小店嘅坐位不多反而有一種寧靜感，我成餐飯都食得好舒服好放鬆👍🏻炭燒雞肉串 ⭐️⭐️⭐️⭐️⭐️雞肉串炭燒味十足，嫩滑嘅雞肉配上甜甜地嘅醬汁，令我頓時覺得進入咗日本cafe嘅氛圍🇯🇵明太子蟹肉扁意粉 ⭐️⭐️⭐️⭐️⭐️蟹肉大大塊絕對唔孤寒，配埋脆卜卜蟹籽🦀好怕有啲餐廳意粉會煮得太腍，呢度嘅意粉煮得軟硬適中好啱我口味👍🏻日本漢堡扒炒蛋飯 ⭐️⭐️⭐️⭐️漢堡又大又厚好足料，底下鋪滿滑溜炒蛋和白飯，如果醬汁可以再多啲會更完美，或者將白飯換成蕃茄炒飯會更有日式感覺😋全日早餐 ⭐️⭐️⭐️⭐️⭐️All Day Breakfast最吸精係2塊waffle😍Waffle外脆內鬆勁出色好好食！成個set勁豐富，包括大啡菇、煎腸、炒雞蛋、牛油果、煙三文魚等等，仲有細細杯無糖yogurt好驚喜‼️榛子焙茶疏乎厘班戟 ⭐️⭐️⭐️⭐️⭐️嚟到今晚嘅主角「震騰騰空氣pancake」，有榛子醬、焙茶忌廉、焙茶布甸粒粒同埋金寶，味道豐富但係唔會過甜，我加多$26/ 2球雲呢拿雪糕，一熱一冷更加無得輸🍧

係IG睇到人地啲相一直想黎好耐,今次搵左個平日晚上過嚟晚上7點倒過黎唔洗等,店員重好好服務主食叫左個煙三文魚菠菜意粉同荔枝玫瑰花茶，甜品好多選擇，好想試窩夫但最後叫左疏乎厘意粉好食，玫瑰花茶好香荔枝味好清新，兩個人一齊飲都好夠! 本身好愛焙茶所以揀左呢個榛子焙茶疏乎厘，疏乎厘好好食但個焙茶布甸好似唔太夾😹個cream都好食的，只係個配搭唔係咁好，下次可能都係試返金莎或者士多啤梨呢啲大路選擇會比較好~

今晚飯後去咗哩一間新開嘅甜品店，見佢試業中，就入去親身試吓。原來哩間甜品店係由法國藍帶主理，淨係疏乎厘pancake都有七種口味。可惜嘅係…… 7:30 已經last order，而且因為佢真係即叫即整，所以等嘅時間都比較長，我哋都差不多等咗35分鐘。由於新開張，再加上哩個時間冇乜人嚟食甜品，所以坐得非常舒服😌雖然等咗35分鐘，但係可以傾吓計chill 下，都幾唔錯！