「Tera」純白外表看起來相當日式，內裏裝修風格走日式簡潔寺廟設計，懸掛一個大大的燈籠🏮。柚子醋蟹肉牛油果沙律 $98前菜先叫咗一份柚子醋蟹肉牛油果沙律，柚子醋另上，沙律表面鋪上一層蟹肉絲及牛油片，底下就係沙律菜、車厘茄、粟米粒，蟹肉絲味道鮮甜，加入柚子醋汁嘅沙律菜入口清爽，令人胃口大開櫻花蝦大蝦扁意粉 $118叫咗一碟櫻花蝦大蝦扁意粉，大蝦一共有四隻，整齊排列喺碟邊伴碟，意粉除咗加入櫻花蝦乾，仲有海苔絲、蘑菇片、洋蔥等材料，用上扁意粉，忌廉醬汁濃稠，包裹喺意粉上，食落相對乾身啲榛子焙茶梳乎厘班戟 $138最後甜品揀咗一個梳乎厘pancake，梳乎厘一共有三份，口感鬆軟，材料有焙茶忌廉、焙茶牛奶布丁、榛子脆脆、榛子醬、金寶，焙茶牛奶布丁用上北海道3.6牛奶製成，口感滑溜，帶淡淡焙茶香氣，加埋榛子脆脆、榛子醬一齊食香甜有口感焙茶生椰乳 $58天氣炎熱揀咗杯凍飲，焙茶生椰乳入面焙茶苦澀味唔算明顯，加上生椰乳嘅奶香，相對易入口桂花國寶茶 $52想飲得健康啲，就揀選咗喺養生花茶入面嘅桂花國寶茶，桂花茶香氣撲鼻，入口有明顯桂花香，清新解膩…查看更多
