泰 (瓊華中心)

營業中

休息中

瓊華餐廳眾多，呢間泰國菜都係爆滿，當縣有佢嘅吸引力。特別鍾意呢到座位寬敞，環境乾淨，仲有卡位，裝修都有泰國風味。啱晒朋友聚餐，座得夠舒服。🫔泰式小食拼盆 $168好豐富嘅小食拼盤，有魚餅、雞翼、蝦餅、米網皮春卷2件，沙嗲串燒4件。差唔多可以試晒咁多款小食！串燒可以自由配搭豬牛雞，牛肉串燒特別出色，牛肉完全唔乾（唔知係咪因為同集團有做本場燒肉），牛柳粒嘅軟腍口感。沙嗲醬加入花生粒，花生未好香濃米網皮春卷炸得夠香脆，餡料都好豐富。蝦餅彈牙爽口，點埋酸甜醬更滋味。🍚香葉肉碎炒飯 $118超大兜嘅炒飯，一上枱香葉味撲鼻而來。飯炒得比較濕潤🥬馬拉盞炒通菜 $88好有鑊氣嘅馬拉盞通菜，馬拉盞醬料濃味夠咸香味。🥥椰子雪糕糯米飯 $88第一次見呢個泰式甜品，原個椰子底層裝左暖笠笠嘅糯米飯，上面有雪糕，面層再有椰子醬。糯米飯好軟糯，新鮮煲起嘅感覺。冷熱交融嘅糯米飯加雪糕，再配合香濃嘅椰子醬，好喜歡呢個飯後甜品。

餐廳座位寛敞，職員服務態度又好，可以舒舒服服地食餐飯。咖喱炒軟殼蟹 $208喺呢度食軟殼蟹唔使爭，因為一碟有成6大件(半隻) 蟹，仲要每隻都啖啖肉。蟹炸得夠亁身，唔會咬落成口油，連配菜亦非常好食，唔會有草青味，問侍應原來係用雞湯煮過，咖喱醬好濃郁，配白飯薄餅一流。（叫薄餅本身都會送一份咖喱醬）泰式生蝦刺身 $128生蝦夠鮮甜，肉質實淨，配埋蒜片辣椒同佢嘅醬汁，酸酸辣辣，開胃之選。泰式串燒雞 $48燒得唔錯，唔會過亁，而且算大串，配埋個花生醬，味道咸咸甜甜。椰子雪糕糯米飯 $88熱糯米配椰子雪糕，食落口冷熱交加，雪糕質地柔滑，糯米粘粘糯糯，配埋個椰肉實在不得了，椰子控必試。蜂蜜香茅水 $54非常多香茅，沉得越耐香矛咪越出，味道清新。

📌 泰 (瓊華中心)📍 旺角彌敦道628號瓊華中心16樓☎️ 31089191★*"`'*-.,_,.-*'`"*-.,_☆,.-*`'`*-.,_,.-*`'`*★-.,_,.-*喺外國嘅朋友傳嚟佢地去泰國🇹🇭旅行嘅玩樂照，搞到我去泰國嘅癮大發，無得去旅行唯有約埋泰國旅伴食個泰菜止下癮先啦。💫泰式生蝦刺身（$128）蝦肉實淨爽身彈牙，配有生蒜片同辣椒🌶️，又唔會搶咗蝦味，點埋秘製酸辣醬汁，口感惹味，個辣仲好有後勁添！💫蒜香牛油雞翼（$98 / 6隻）外層脆皮，炸粉唔太厚，雞翼醃得幾有味，肉質唔會話好鞋。💫馬拉盞炒通菜（$88）原諒我每次食泰國菜都會嗌呢度菜，呢度嘅炒通菜分量幾多，馬拉盞味濃，夾埋蝦米、蒜，辣椒🌶️，味道好有層次唔會得個辣味，通菜口感爽脆，炒得好有鑊氣。💫乾炒豬肉河（$128）同朋友去泰國旅行學過炒河粉，成件事都幾麻煩，自問煮嘢無乜耐性嘅我都係乖乖地出去食好啲！呢個乾炒豬肉河唔太油太咸，好大碟，河粉好軟滑，炒得乾身。 💫芒果糯米飯（$98）泰國菜必食甜品之首選！🥭芒果好熟好甜，🥥椰漿好濃好稠，糯米飯熱辣辣又煙韌。💫椰子雪糕糯米飯（$88）我同朋友都係椰🥥控，鍾意椰子味嘅嘢，呢