大圍小館

呢間有米芝蓮加持既中菜館，晚市分兩輪，基本上無Walk In，朋友提醒預早訂位做第一輪，否則啲名物可能會賣曬🤨▪️ 第一叉 （8/10）💲228（6件）上檯見到咁厚切真係嚇親，侍應塗上麥芽糖，再用火槍燒，燶邊帶點焦香，肉質腍身，肥瘦相間，油脂同肉香並存😳▪️ 椒鹽鮮魷 （7.5/10）💲168炸粉厚薄適中，入口酥脆，魷魚爽彈，帶有椒鹽既鹹香，撈飯就最好不過🍚▪️蠔王花菇紅燒豆腐（7.5/10）💲158呢個比預期中有驚喜，豆腐非常滑嫩，吸滿曬個醬汁，又唔會太鹹，配蔬菜同菇菌🍄▪️ 特濃芝麻卷（6.5/10）💲48（3條）食落比較軟黏，芝麻香唔算濃，有啲失望🫨▪️ 冰花蛋球 沙翁（7/10）💲58又係好巨型，夠四至六個人分，佈滿砂糖，外皮脆身，裡面有少少乾，不過富有蛋香🥚▪️ 薏米白果腐竹糖水（7/10）原來最尾仲會送一碗糖水，質地比較稠身，有超級多薏米同埋白果，去水腫一流🤣🔎 整體評分（7.5/10）…查看更多

久聞大名的大圍小館﹐在網上看過不少食評﹐適逢家母生日約齊家人一齊去試試﹐於十日前訂座了晚飯20:15。當晚8點去到餐廳﹐已有大批人在等候﹐入座前會先安排枱號時間一到就全部人一齊入座﹐流程暢順。餐前小食有一碟話梅醃苦瓜﹐味道像酸菜完全無苦味。另外普洱茶也不錯。功夫八實鴨:  鴨身去骨填入黑糯米，牛肝菌，乾瑤柱，腩肉，栗子，蓮子， 鮮筍，蝦米及咸旦王，好味又飽肚，醬汁沾菜非常好食。脆皮黑鬃鵝(半隻):  皮脆肉嫩還不算貴，推薦。花旗蔘烏雞湯:  是日老火湯，甘甘地幾好飲，湯渣會分開上。茶薰雞 & 豉油雞:  雞有雞味，十分嫩滑，據說是用新鮮農場雞，豉油雞味道清甜比較好吃，茶薰雞煙薰味太重個人不太喜歡。第一叉:  鎮店菜式，肉味蜜味焦香味俱全，肉質非常軟淋。如意欖蒸肉餅:  混入了類似涼果甘草欖的甜味肉餅，不是人人能接受。椒鹽鮮魷 & 馬拉盞蝦乾肉末生啫芥蘭煲 & 惹味海蝦干小炒王:  正常小菜，沒太特別。冰花蛋球 ( 沙翁 ):  很大一個沙翁，蛋香味濃。冰糖雪耳桃膠糖水:  奉送的糖水，清甜多料。整體味道不錯，但要懂得選菜式，應多選擇特色的菜式，質素算是對得起價錢。…查看更多

要早一個月book先食到嘅大圍小館，好彩人多可以叫好多菜試。大部分菜式都係中上水平，算唔錯，但如果要早一個月預約就未必再食。▫️勾魂叉：最出名嘅菜之一，底下有奪命脆米可以點埋一齊食。姐姐會塗上袐製醬汁再即時用火槍燒脆表面。每一塊都好大舊，係公認全晚最好食嘅菜▫️薑米蒜香籠仔蒸蟹飯：米飯粒粒分明味道較淡，但蟹非常多肉多膏，比飯更好食▫️冰鎮咸檸骨：正常嘅炸骨唔算好特別▫️椒鹽鮮魷：有驚喜！食落好鮮同平時食開嘅鮮魷唔同▫️薑蔥桶蠔：蠔非常有蠔味同鮮，冇後悔叫▫️啫啫芥蘭煲：係平時食開嘅味道但份量偏少▫️脆皮黑鬃鵝：呢個都唔錯，隻鵝都肥美充滿油香▫️一口金磚：炸蘿蔔糕黎講唔算特別出色▫️冰鎮蛋球（沙翁）：比想像中乾和淡味，食完口乾▫️手剁蓮藕餅：有咬口質感幾好，可以再試▫️大良炒鮮奶：呢個上枱個時問姐姐係咸定甜，姐姐叫我地比啲耐性試下，最後咸嘅入口有啲奇怪，食得唔慣▫️脆皮炸白兔牛奶糖：白兔糖更加好食⏷大圍小館⏷地點：大圍積福街92號地舖價格：人均350 HKD…查看更多

📍地址: 大圍積福街92號地舖✿😋味道😋：3/5✿🏙️環境🏙️：3/5✿🤵🏻服務🤵🏻‍♂️：3/5✿👀賣相👀：4/5✿💰價位💰：3/5↠⏰時段： Dinner 18:00 ↞ ✦✧ 呢間「大圍小館」榮獲《香港澳門米芝蓮指南 2022》必比登推介，分別大圍同元朗都有分店，而且呢間中菜餐廳出咗名好難訂位，只有電話訂座，雖然喺咁但係個電話係長期唔通；而晚市分咗兩個時段，所以如果食六點嘅話基本上你八點要還枱，而大圍呢間分店環境普通，門外面嘅裝飾用咗一串串嘅紅色燈籠，打造中菜傳統味道，但喺入面環境狹窄，坐得唔太舒服。✧✦ 總結而言，食物質素中上，招牌叉燒的確係好食，其他菜式係普普通通。—————————————————————🔥🥓❝勾魂叉(5件) (只限晚市)❞ $188☞ 呢碟叉燒喺招牌菜，而且打電話訂枱嘅時候要定咗先，佢用咗梅頭肉，加上麥芽糖烤製，所以佢嘅肉肥瘦均勻，而且每一舊都係後設，而佢上枱嘅時候，會搽埋15年嘅新會陳皮整嘅陳皮南乳百花蜜醬，加上即場用火槍燒一燒，會有烤焦嘅效果，食落會好軟腍，加埋外表有香脆嘅感覺，又唔會好膩，食嘅時間加埋佢嘅脆米，令到口感更加豐富有層次，而且香氣都好夠，仲有少少溶化嘅感覺。—————————————————————🔥🍤🥦❝ 香濃腐乳炒蝦球伴西蘭花 ❞ $188☞ 呢碟西蘭花配埋大隻爽口彈牙嘅蝦球，食落有少少鹹香味，不過聞落腐乳味就唔算好濃，而佢地用咗本港嘅一間百年腐乳品牌「廖孖記」整成嘅一道菜式，呢個腐乳醬加埋牛奶等等調配醬汁，混合蝦球一齊炒，不過我覺味道偏淡，食落腐乳味都唔算好出。—————————————————————🍯🥩❝ 蜜薯牛柳粒 ❞ $238☞ 呢碟牛柳粒相對地普通，薯角加咗蜜糖🍯，牛柳粒加咗黑椒汁，食落不過不失，不過性價比低。—————————————————————🟫🥩❝ 意大利黑醋肉排 ❞ $208☞ 呢個黑醋肉排，用咗意大利摩德納6年陳釀香醋加以調製，配合新鮮豬腩排煮成，但食落唔會比醋味搶咗本身嘅肉味，而且口感都軟淋。—————————————————————⛲️⚪️❝ 翠塘豆腐 ❞ $188☞ 呢個翠塘豆腐喺70年代左右嘅懷舊菜式，依家酒樓嘅餐牌都好小有，佢蒸蛋白食落口感幼滑，而份量都唔小。—————————————————————🧆🦑❝ 椒鹽鮮魷 ❞ $168☞ 椒鹽鮮魷嚟講，都喺不過不失，外皮金黃色，魷魚都算滑溜鮮嫩，火喉控制得還好。…查看更多

「大圍小館」係屋企人最近愛上食中菜的小店。朋友吃過都讚不絕口。喜歡這裏巧手嘅小菜， 坐得舒服，而且服務非常周到。茶芥包括的前菜：琥珀合桃， 入口酥脆， 又唔會太甜， 有芝麻香。另一款涼拌雜菇， 味道清新，菇菌夠爽。兩款涼菜都非常出色菜色選擇好多， 另有一頁是懷舊手工菜， 仲要三日前預訂！ 想食嘅記得早少少訂位～先來一round 是日老火湯： 「鱆魚青紅蘿蔔鯊魚骨湯」， 大約四至六人份量。好清甜， 勁滋潤，仲有煲湯料擺得靚靚 ～ 青紅蘿蔔煲完仲係好甜， 試吓沙魚骨，爽爽脆脆質感好過癮。 一份湯水在中餐也絕不能缺少！飲完唔會好飽，個胃好舒服，啟動準備食大餐了！椒鹽鮮魷脆漿也不算好厚， 夠光滑唔會刮口～ 凍咗仲係好脆唔會回軟。 鮮魷絕對係新鮮貨色， 肉質軟腍鮮味，讚！柚子鹽豆腐粒豆腐略炸， 外皮少少脆而裏面仲好滑。 清清地嘅柚子鹽已能帶出豆腐的原味。 如果想再惹味啲，可以加入店家自製嘅盆鹽， 用上頭抽炒香， 磨碎後灑上少許，極為惹味！香濃腐乳炒蝦球伴西蘭花也是店家招牌菜式， 果然係大師級出品～ 夠曬鑊氣 ，腐乳嘅醬汁薄薄的包著所有材料，  絕對冇蓋過蝦球和西蘭花嘅味道。 打破咗腐乳配通菜的定律。配西蘭花也能做到惹味出色的效果。 這個味道大人細路都爭住吃～😋😋 蝦球超大隻又爽又彈牙！第一叉以為已經滿足到頂點， 這份「第一叉」 也實在落足心機 ，用料不惜工本。 自設燒臘工場， 就在隔籬店舖， 感覺好似啱啱燒完 就可以上檯！ 叉燒厚切～ 一啖咬落絕對滿足。 目測可能有一吋厚， 肉質甘香夠腍， 肥瘦相宜， 蜜汁立立令， 蜜味好天然唔會有人工嘅甜味， 衆人讚不絕口。意大利黑醋牛仔柳牛仔柳又腍又滑， 入口鬆軟。 意大利黑醋甜甜酸酸味道有層次， 不嗆喉， 伴菜是窩筍，相當特別。 整體好惹味好開胃伴飯一流。薑蔥魚頭煲傳統中菜一定有一款是魚～ 這個魚頭煲端上檯香氣十足。 魚頭略泡油夠香口，也入味。 熱辣辣煲仔逼出餸菜嘅香氣～晚飯仲有甜品送，椰汁紅豆糕， 落足料粒粒紅豆又香又甜， 做有陣陳皮香 。椰汁糕嗰層滑溜溜也充滿椰香， 傳統粵菜竟然也有出色甜點！ 冰凍馬蹄綠豆爽夠夠清潤， 消暑解膩一流！…查看更多

今天來到大圍搵食，一行四人，大家都想吃中菜小炒，《大圍小館》是個好選擇。門外掛了數個大紅燈籠，店內中式裝修優雅別緻。安排好座位開好茶，店員細心介紹菜譜，友善招待。前菜有一個琥珀合桃香脆可口，甜甜地，另一個是雜菌，醒胃，個個爭住食。鱆魚青紅蘿蔔鯊魚骨湯~·健胃補腎、調養陰陽·足料老火湯，份量有五碗，香甜味美，透明的鯊魚骨軟淋淋，豐富骨膠原。柚子鹽豆腐粒~即叫即炸，輕輕脆口感覺，豆腐軟滑，柚子鹽味道清新。第一叉(例)~招牌菜，差不多每枱都會叫，絕對係沙田頂級好叉燒，用了整條梅頭，超級厚切，等於平時三四件的厚度，咬落肉質鮮嫩，甜甜的蜜糖味更顯叉燒的肉香。椒鹽鮮魷~剛剛炸好脆卜卜，雖然粉漿厚了一點，但味道好啱口味，越食越可口，店員建議可以灑上盆鹽(頭抽精華)進食更香口。香濃腐乳炒蝦球伴西蘭花~這個食法唔多見，原來腐乳炒蝦球可以咁好食，當然蝦球新鮮也是重點，超爽口，西蘭花沾上腐乳醬都非常出色，朋友讚不絕口。意大利黑醋牛仔柳~牛仔柳大大件，黑醋使肉質變得好淋好入味，配萵筍很合適。薑蔥魚頭煲~熱辣辣香噴噴咋咋聲上枱，非常吸引，師傅先將魚頭斬件泡油，然後用薑蔥炆，十分惹味。馬蹄綠豆爽(凍)~一個好清熱嘅甜品，加入煙韌彈牙蒟蒻。紅豆椰汁糕~粒粒紅豆清晰可見，食到有果皮味，這個甜品也是值得一讚。 …查看更多