家上海 (形點 I)

營業中

休息中

又黎幫襯《上海菜》🥢質素參次💬相隔27日再度惠顧同一款餸菜，味道竟然差好遠🫠好彩新嘗試嘅甜品，味道都幾好🥹🥄桂花拉糕（四件）賣相已經滿分 食落口少少甜 好香桂花味 口感好似糯米糍咁 咀嚼嘅感覺就好似食緊香蕉糕咁但係又唔會死甜 個桂花糖漿真係做得好好 令成個糕味覺上更上一層樓🤩🥄豆沙鍋餅見到賣相麻麻地 好似好薄冇乜餡咁 點知一食落口有驚喜 窩餅炸得香脆而不會過火 重大有少少微熱 已豆沙餡都唔會過咸 越食越香口 大愛😍😍😍🥢清滋小排骨碟嘅底係熱嘅，但肉係凍嘅，口感太硬，咬到牙都軟，但個醬汁係OK嘅，濃烈嘅酸甜味。就可惜肉口感太差，希望有待改善。🥢楊州炒飯呢個我最愛嘅炒飯，一個月前食係好乾身、好夠鑊氣！但今日竟然係完全冇香味，剩係得油味，好似冇落鹽、同調味料咁。食晒成大半碟都食唔到咸味🧂！完全係無味！！廚師都唔知係咪唔記得落鹽😒仲要食到成口油☹️啲飯又好濕😞好似加咗啲水落去咁。超失望！🥢紅油抄手呢一味上次我食完大鑊好評嘅紅油抄手，同樣質素差到不得了，上次食落去係味蕾上嘅享受有齊晒香、辣、甜三種口感。今次食落去只食到肉餡有少少鹹味然後乜味都冇。食咗兩粒已經唔想再食！😩**設有+10%服務費***

今次第二次過黎食家上海（對上一次係上年）上次食過之後一直都好想黎食但係係元朗有少少唔就腳 今日終於黎到食！蟹炒年糕 ： 9分 隻蟹好新鮮 鮮甜 落單之特登問過師傅隻蟹係咪新鮮 好彩都係 食落就安心晒 年糕份量好夠 可以當主食咁食 不過小小貴 多人食嗌就好okay啦個價錢蔥油手撕雞： 8.5分 我地今次嗌咗足足一隻手撕雞大概三百幾蚊 出面雞煲都冇呢個價隻手撕雞係黑色 超級特別 除咗賣相 食落都好香好入味 值得推介 下次黎一定會再叫 清炒蝦仁： 8分 食咗咁多油油野 我地就嗌咗碟清清地既 本身就唔係好大期望 但係佢一上咗碟我地就呆咗 隻蝦真係好大好大粒啊 仲要好多粒 食落好彈牙 又爽口 正南瓜海鮮羹：10分呢個湯一定要俾十分真係好特別 平時去中餐館啊酒樓都未試過 今日有緣係家上海試到 個湯夠分晒我地一家人 仲只係百幾蚊 又香又滑 仲要好健康啊 桂花拉糕： 8分 甜品方面試咗桂花拉糕 呢個價有咁多粒 好抵食夾起身果陣見佢咁痴碟以為會好痴牙 但食落又唔係 可以試試佢環境： 9分 場內少少暗 但坐低就唔會覺 營造到個幾舒適既環境 服務： 9分 家上海出名多人食 要等下位都好理解 侍應唔馬虎 有求

2015快過去了，剛好最後一天是我的阿媽生日，因為相就其他屋企人時間，提前一天慶祝，就去了形點一期,形點一期較多新餐廳，原先想吃薄餅，因為只可給1小時用餐。最後改去家上海，呢間之前有看過食評,評價好兩極，我覺得要親自試才知好不好 ,阿媽就冇所謂，上海野都啱她的口味，今年她的生日飯局多了一個新成員 ，就是她的可愛孫兒啦,一行6人行去家上海，晚上7:00左右並不算太多人 ，剛好有一張6人枱，我同屋企人坐下之後，由屋企人話事吃什麼，就点了一個之前有blogger大讚炒蟹年糕,亦点了炒飯/酸辣湯/上湯腐竹/桂花拉糕/東坡肉，這裡的環境十分幾好，服務都OK,講回這裡食品，東坡肉冇吃到呢 ，並不是我杯茶,酸辣湯只吃了少許。並不是我的口味，愛吃酸辣才會喜歡，炒蟹年糕只吃了年糕,年糕好入味，味道稍為咸咗些小，可以接受，至於隻蟹，根據屋企人所講好新鮮，蟹肉好鮮味 ,桂花糕味道亦幾好,甜味亦適中,亦不會太痴牙，桂花味不是太突出了，紅豆餅稍為甜咗些小，其實家上海整體幾好味,亦可以下次再去p.s,因為是弟弟找數埋單 ，我不太清楚價錢

家上海這個名字，在香港或者未算為人認識，但其實早就在菲律賓開業並開設分店，在當地還略有名氣呢。在外地做中國菜起家，據說還獲過數個獎項，近年才在香港開設分店，這樣的歷史發展都算新鮮。首間香港分店選址元朗 Yoho Mall，元朗勝在人流多住屋亦多，家庭聚會來這裡吃中式小菜就正好不過。雖說這裡以上海為名，但細看過餐廳及師傅背景，家上海以吸收鄰近地區的特色，揉合西菜的烹調手法，帶來自家的獨特色彩；也許，說這裡是「集眾家之大成」才是最貼切。紅燒、炆、燉是上海菜最常見的烹調手法，同時亦擅長於醬油調味運用；不過，現代人日漸趨向關注健康飲食，吃得比以前清淡輕盈，不少上海菜館都改以低糖低醬油鹽的改良菜色作招徠。到底，來自揚州的行政總廚及主廚，又會如何演繹揉合現代感的上海菜色？實在很讓我期待。近門口的半開放式廚房，讓人客觀看食物製作過程，滿足食客的好奇心。體積細小的江蘇蝦仁以油炸過，咬落皮薄酥脆，加入鐵觀音茶葉及紹酒等調味料炒過，入口惹味非常，又飄揚著一抹清新回甘的茶香，是非常醒胃的前菜，香脆的茶葉，也讓人不能放過。麵筋滿佈綿密小洞，咬落彈性十足，並吸收滿香甜的醬汁，又不會太過濃膩，更帶花生香氣呢。在外