Burgeroom (Fashion Walk)

嗰日係fashion walk嘅食街覓食 見到呢間漢堡店有$39杯生啤 就即刻去試下🍻 天氣開始轉涼 坐出面都超級舒服 亦都非常適合吸煙人士🙂‍↕️｜雙層芝士牛肉漢堡 Double Decker🍔就咁睇賣相已經見到兩塊牛肉漢堡超級厚 啲芝士完全溶化晒😍 成個漢堡大到基本上要逐層食 而且兩個人一人一半再加個薯條都已經好夠飽🤭 牛肉漢堡食落牛肉味非常濃郁 再帶啲牛油嘅香味同油脂 超級邪惡🥹 有咬口之餘好juicy🫶🏻 另外仲有蕃茄同生菜等等 令到成個漢堡冇咁膩～ 個包本身都有少少外脆內軟 好正🤤｜香脆鱈魚柳漢堡 Hoki Fish Burger🍔一樣都係有溶化晒嘅芝士 蕃茄同埋生菜🥬 呢款相對整體冇咁膩🙈 香脆鱈魚柳一共有兩塊 咬落去非常脆口 新鮮即炸嘅關係 入面係咁冒煙出嚟♨️ 魚柳嘅肉都算扎實得嚟帶點滑嫩 亦都食到有少少嘅魚味🐟 同平時嘅魚柳包一樣 都係配咗個他他醬 所以都幾夾😆｜旋風薯條 Twister Fries 🍟薯條雖然冇乜特別嘅驚喜 但本人最鍾意食扭扭薯條🤭 都係即炸嘅關係 所以都覺得好好食🤣 而且薯條嘅定價嚟講都算抵食‼️｜飲品🥤凍荔枝冰茶正正常常 飲落唔似係syrup嗰種死甜 不過荔枝味整體都係比較淡 食漢堡嚟講適合解膩😗生啤都夠凍同埋夠氣 大大杯真係好抵飲🍻…查看更多

行完銅鑼灣血拼肚餓搵食，專登試咗呢間人氣漢堡專門店！整體體驗幾滿意，環境企理舒適，位與位之間唔逼仄，坐得舒服。店員態度真係要讚，笑容滿面又主動，好友善，加分！🍔 必食推介：菠蘿煙肉牛肉漢堡漢堡絕對係亮點！厚身嘅手打牛肉漢堡扒煎得啱啱好，肉汁豐盈，咬落去超滿足！煙肉嘅鹹香同焦脆口感，同牛肉好夾。最驚喜係塊烤菠蘿🍍！微焦帶甜香，完美中和咗肉類嘅油膩感，成個漢堡層次即刻昇華，真心推介！🍟 驚喜之選：旋風薯條即叫即炸嘅旋風薯條熱辣辣上枱，造型得意，扭紋令表面積大增，炸得超級香脆！入面薯肉依然粉糯，點埋佢哋嘅特調醬汁（建議試吓黑松露醬！），真係停唔到口。係我近期食過最有記憶點嘅薯條！⚠️ 可避之選：香脆雞塊配芝士醬唯一失望係呢道小食。雞塊本身炸皮OK脆，但可能唔係即炸，上枱已經唔夠熱，偏凍。口感有啲韌，肉質偏乾，欠咗肉汁。配嘅芝士醬亦唔夠濃郁，整體普通，呢個價錢有更好選擇，可以skip。唯一扣分位：食物溫度整體食物質素高，但留意到部分炸物（尤其雞塊）同薯條如果唔係即上，放耐少少就好易變涼，入口溫度稍嫌唔夠熱辣，略影響風味。希望店方可以加強出菜速度或保溫措施。總結： 絕對會再encore！尤其個菠蘿煙肉漢堡同旋風薯條真心出色，環境服務都好。只要避開雞塊，同埋最好主動提店員食物想即炸熱辣啲，就近乎完美啦！👍小貼士： 午市多人，想試建議早少少或避開peak hour；漢堡配旋風薯條係絕配！記得趁熱食！…查看更多

好耐冇食過Burgeroom😌作為一個bugerlover, 點會冇食過burgeroom😌今次揀咗銅鑼灣Fashion Walk 分店1.熔岩芝士牛肉漢堡🍔2.大啡菇芝士牛肉漢堡🍔3.旋風薯條🍟4.蜜味辣雞翼🍗5.鱈魚柳手指配他他醬🐟整體都ok既，服務幾好，下次會想試吓佢嘅鵝肝burger，我俾3.5🌟…查看更多

⸝⸝‪⸝♡ ꔛ ꔛ ꔛ ꔛ ꔛ ꔛ ꔛ ꔛ ꔛ ʕ´•ᴥ•`ʔ ‧˚ 1️⃣ 旋風薯條🍟 ($35)🍟 呈螺旋形扭扭薯條🤓比直薯條炸得更金黃酥脆🥔✨ 內裡綿密🤓幼身薯條香脆唔油膩 💯 miss mochi建議加$18要埋黑松露蛋黃醬！💛薯條配黑松露蛋黃醬真係一流！😍2️⃣ 鵝肝牛肉漢堡🍔 ($168)超重量級！😏麵包佈滿芝麻粒🍔麵包外層香脆😝內裡鬆軟🤓但miss mochi略歉麵包皮有少少乾😌手打牛肉厚實多汁🥩勁juicy!牛味濃郁🤓有成2cm-3cm厚🤤 搭配埋有一大塊肥美香滑鵝肝🤨再加埋半溶既cheese🧀好正！😋但食到最後漢堡麵包底會浸濕咗🥲影響咗整體口感🥲3️⃣ 煙肉芝士牛肉漢堡🍔 ($95)餐廳會好貼心咁切開一半😝方便客人食🤩牛肉漢堡扒都係超級厚身🤨😝牛味濃多肉汁🐄煙肉非常香脆😊配埋鹹香芝士🧀生菜🥬及蕃茄🍅口感非常豐富🤪4️⃣ Sapporo (Pint)🍺 ($38)⸝⸝‪⸝♡ ꔛ ꔛ ꔛ ꔛ ꔛ ꔛ ꔛ ꔛ ꔛ ʕ´•ᴥ•`ʔ ‧˚ 🌟想知道更多美食🤪記得follow@mochicouple_hk啦😍🎉📸📍 銅鑼灣百德新街50-56號Fashion Walk食街地下D號舖🚇 港鐵銅鑼灣站E出口…查看更多

煙肉芝士牛肉漢堡 $95  牛肉厚到真係嚇親！🍔同個包一樣咁厚身！食一細啖已經 feel 到好濃嘅牛味，加上大大舊，真係好邪惡！加埋脆身嘅煙肉，口感十足。而飽身有烘過脆脆哋，同帶啲蜜糖味真係好加分！極推俾食肉獸！💥牛油果醬芝士雞柳漢堡 $100  雞柳好嫩滑，好 juicy，一咬好多肉汁流出嚟，唔需要好多嘅調味已經好好食。🥑牛油果醬好 smooth，成個配搭都好夾。旋風薯條 $35  一上枱就感受到係新鮮滾熱辣咁炸出嚟，好香嘅薯仔味！🍟食到最後，就算擺耐咗都仲 keep 到好脆身，唔淋~蜜味辣雞翼 (6隻) $65  雞翼整得好香口，食落首先會有陣陣而唔膩嘅甜甜蜜糖味🍯，之後就係微微嘅辣。成個感覺好有層次，唔會搶咗大家嘅味！蜜桃冰茶 $38  食 Burger 緊係要飲番杯凍嘢平衡番！🍑甜甜嘅蜜桃香夾清新嗁茶底，好清爽！熱濃香朱古力 $40  冬天嚟都可以叫一杯暖暖嘅熱朱古力！☕朱古力唔會好甜，飲落順口，而且都幾大杯！有驚喜，好滿足。布分室外同室內位。周邊會有火爐，就算冬天嚟坐室外都唔怕會凍。同朋友嚟飲番幾杯都幾有feel！…查看更多

前幾天去了Time Square 看電影，開映前決定先去Burgeroom 醫飽個肚先。時間雖早但店外位置已經坐滿客人，反而店內很多位，夏天梗係冷氣要緊😆！菠蘿煙肉牛肉漢堡($98) (+$10 芝士)牛肉厚得黎juicy唔會乾，煙肉煎得香脆，再加上一大片香甜多汁的菠蘿，層次豐富。另外加了$10配搭埋芝士，超級滿足！旋風薯條($35) +黑松露芝士醬($38)好難得有旋風薯條揀，$35勁大份好抵！薯條炸得非常香脆，因為唔想芝士直接淋上面，所以另外點了黑松露芝士醬， 點薯條一流！Mojito($68)這裡酒類飲品選擇都很多，最後叫了一杯清爽的Mojito，解滯又好飲！…查看更多

同T先生去完澳門返香港，又到晚飯時間，今次試新嘢，去銅鑼灣Fashion Walk 入面間<BURGEROOM> 食burger😊未夠7點鐘，入座率已經有7成。餐廳有分室內、外，走輕鬆和chill 的風格，可惜座位不太寬敞。天氣熱，和T先生坐當然揀在室內涼下冷氣啦。天氣熱，當然order 飲品🥤先啦⋯📍Asahi (Pint) $39 / 可樂 $20大大杯，夠凍，係會透心涼的😆📍墨西哥辣椒芝士牛肉漢堡 $98好大份，視覺文果不俗。餐廳將burger 一開二，再比餐具，令客人食得elegant 些😆😆 漢堡包幾鬆軟，亦有做烘底；有大塊牛肉，再配上墨西哥辣椒，生菜、蕃茄，芝士和醬汁，幾juicy, 一口係食唔晒的。不得不提墨西哥辣椒，辣辣地配上牛肉係幾惹味的。📍菠蘿煙肉牛肉漢堡 $98同上有視覺效果，呢款有菠蘿和煙肉。菠蘿幾juicy, 而煙肉煎得脆口和乾身，整體上口感不錯，但略嫌唔夠配料⋯始終topping 係要仲樣加錢既。📍鱈魚手指配他他醬(5pcs) $65即叫即炸，所以製作需時。新鮮滾熱辣炸起上枱，鱈魚肉質都可以，好熱配他他醬好惹味，再飲啖凍飲就好似冰火二重奏咁😆😆📍旋風薯條 $35食到好似唔夠喉，於是再order 薯條，同樣都是即叫那炸。炸得乾身和脆口，配茄汁又係極為惹味😆😆我覺得味道唔錯，但topping真的唔多夠。可能我和T先生都鍾意 Fxxx Gxxx既full & rich, 可以免費加toppings而且亦極為juicy… 所以呢，人人口味不一嘛😅😅店裡職員都好好服務，密密手執枱、收碟、提供餐巾等等，都快手快腳，讚事後食評：-味道：3.5/5.0價錢：3.0/5.0環境：3.0/5.0衞生：3.5/5.0服務：4.0/5.0…查看更多

今日經過銅鑼灣準備聖誕，行過faction walk。見到附近有條街有好多餐廳，就入左去搵下野食。見到依一間餐廳主打漢堡包，身為漢堡包迷既我深深比間餐廳吸引。餐廳有得選擇室內或者室外環境食。如果平時係室外食好有外國風味。但今日特別凍所以選擇左室內用膳。入到去見到飲品櫃有得簡多種飲品，諗等陣食漢堡包配飲咩飲料都要花光眼亂。餐牌有多種漢堡包同小食配搭，對於我黎講簡直係福音，每種包都好吸引。今日就食左佢地既特量芝士牛肉漢堡，一黎到餐枱，見芝士好似熔岩咁流出黎食欲大增，牛肉非常多汁juicy。每咬一啖牛肉肉汁都滴落，麵包亦十分香，加埋配料配搭十分完美。而今日既小食就簡左直薯條同旋風薯條，炸得非常香脆，又唔會太乾太膩。整體餐廳乾淨企理，食物高質素，十分推薦。…查看更多

今日去開銅鑼灣行街買野，行到有啲肚餓就去搵野食，係百德新街行下行下見到呢間漢堡包專門店，見到啲包好大份好吸引就入去試下。我哋揀左一個芝士蛋牛肉漢堡，一個全日早餐，一個扭扭薯條，蜜桃冰茶同菠蘿冰茶各一。落單就出去俾錢先，之後就有人送過嚟。個冰茶就上枱先，兩杯都唔會太甜，但同時間都有生果嘅香味，飲落好爽。兩個主菜就跟住上枱，個漢堡勁大個，牛肉好厚，隻蛋都係，另外仲有生菜同蕃茄，好新鮮，一啖都咬唔晒，要分兩啖。個牛肉好多汁，又夠熱，好食。個全日早餐都好大份，個包係有整熱左，夾埋啲配料好正。另外仲有薯餅，三片都好夠脆，好食。最後仲有個薯條小食，比我想像中大份，仲好夠熱，細細條但好脆，好食。埋單都係百六蚊一個人，份量好足又好食嘅餐廳，推薦俾大家！…查看更多

銅鑼灣漢堡店不得不提Burgeroom，開業咁耐都係咁受歡迎，設有室內室外餐座佢地漢堡非常多，超過30多款，當中最有名既係軟殼蟹堡和鵝肝牛肉漢堡👍🏻點餐出去找店員落order，飲品可自行從雪櫃取出，叫完坐返自己位，店員會隨後送餐－－－－－旋風薯條 $30 6.5/10芝士扭扭薯條係其中一樣佢地推薦小食，但我怕太膩就淨係叫原味，不過炸得有點碎，好多都斷開變左一條條，真係扭扭薯條既不多，味道係幾香口，不過就做唔到旋風效果🙈軟殼蝦沙律 $118 7/10好大盤沙律！上面放左原隻軟殼蝦😋隻軟殼蟹本身幾鮮甜，但蟹腳粉漿有點厚，部分位置空心，油膩感比較重下面墊住蕃茄片同生菜，部分生菜都比較油，調味加左柚子汁，酸酸甜甜不錯大烤菇芝士牛肉漢堡 $120 8/10整個漢堡份量頗驚人🍔要一啖食真係好困難，餐廳方便客人進食，將漢堡一開二，再用竹籤固定漢堡幾挺身，有微微烘過👍🏻材料有芝士、牛肉、啡菇、蕃茄、千島醬同生菜，牛肉冇問幾成熟，不過煎得幾香🤤好厚身有彈性，肉汁豐盈，啡菇都係一路食一路漏汁，菇身香稔嫩滑，沒有苦味…查看更多

今日放工同事話要去SOGO買野~買完就一齊食晚餐啦!佢講起想食Burgeroom，記得好耐之前睇openrice已經知有呢間鋪，雖然果陣屋企同番工地點都係係九龍，但都專登慕名而去加老連山道去食，印象中地點都有d難搵，但而家搬左去Fashion Walk就非常方便，個環境仲要勁Chill!可能星期一既關係唔算好多人，朋友怕凍就揀左室內坐，如果情侶黎食揀坐outdoor就好浪漫囉~~因為前幾日食左牛肉漢堡，今日我就揀左個菠蘿燒烤醬雞柳漢堡~同事揀左墨西哥辣椒芝士牛肉漢堡，再加左個鱈魚手指同黎親都必叫既旋風薯條，野飲就叫左2罐汽水~等左陣鱈魚手指就黎啦~外表炸得金黃，做到外脆內軟效果，入面既魚肉唔會一咬就散哂，點埋中間既他他醬係絕配!同事仲話個他他醬可以係餐廳自己調較，話唔同佢平時買果D，係咪真我就唔知嚕~我淨係知好食囉~😂😂之後Burger們同薯條都相繼上檯，Burger切開左一半方便食，我食既係菠蘿燒烤醬雞柳漢堡，一咬落去d菠蘿汁同肉汁必哂出黎充滿口腔~超!級!滿!足!!!!麵包用牛油烘過所以有牛油香，雞柳烤過所以有焦香，夾埋紫洋蔥同埋燒烤醬所以成個包就充滿誘人既香味!而菠蘿、生菜同蕃茄就為成個包減去油膩感~而同事食既墨西哥辣椒芝士牛肉漢堡，我眼見D芝士溶到好似瀑布咁掛係漢堡扒上面，個賣相好吸引~同事評價話個漢堡扒熟成程度岩岩好，所以Juicy得黎又有牛肉香味，掛係漢堡扒上既芝士唔會太咸，同樣有蕃茄同生菜，佢話食得出蕃茄同生菜係好新鮮。重點係個墨西哥辣椒同個醬汁令成個包味道好突出，佢話呢個要俾5星喎~而旋風薯條係我地一路食burger一路搶食既小食~唔知係咪俾m記潛移默化覺得食burger係要配薯條同汽水~呢度既薯條新鮮炸起所以我地係唔會食到凍既薯條，最鍾意揀d細條勁脆果d食~出面有個自助調味吧可以自己拎茄汁同mustard，仲有黑椒~食左咁多野每人都係百幾蚊，食到勁飽!下次同老公黎坐室外位Chill下浪漫下先!…查看更多

今日嚟銅鑼灣行街, 經過百德新街個邊揾野食,見呢間餐廳見幾有氣氛裝修雅致於是就嚟咗呢度食飯因為天氣凍揀左入面坐,但其實就算坐出面都會有暖爐提供我叫咗個鵝肝牛肉漢堡，而朋友就叫咗煙肉芝士牛肉漢堡，仲叫咗個twister fries做小食,twister fries啱啱炸起,外脆內軟好好食份量又多呢到嘅綠茶latte又香又滑,綠茶同咖啡嘅比例啱啱好唔會好澀好好飲唔似出面飲到個啲咁得個甜字另外我想讚下呢到啲staff嘅服務態度好好,個staff拎杯綠茶latte裝得好滿因為 傾倒瀉個staff係好小心翼翼咁拎咖啡過嚟,以客為本嘅態度好好講下今日嘅主角,burgerburger一嚟到好eye catching, 因為真係好大份，料好足,牛肉好厚, d芝士溶晒落塊牛肉到混為一體,咬落去好juicy鵝肝到好香,入口肥美，再夾埋啲生菜番茄加埋啲酸酸甜甜嘅醬汁一齊成個burger咬落去又rich又好惹味好好食煙肉芝士牛肉漢堡係亦大同小異, 朋友話好好食，肉juicy煙肉煎到又香又脆，正…查看更多

首先我本人係好鍾意食burger,經常問人邊度有好食嘅burger，好多人都會答你Burgeroom。呢日同女朋友黎食銅鑼灣呢間(佢都同我講過Burgeroom好食)。環境黎講，舖位外面d位會比較好坐，入面會比較迫，好易聽到隔離講d乜。我同女朋友一人叫一個burger，再叫一個旋風薯條，我叫咗個Bacon cheese burger, 我女友就叫咗Honey mustard portobello bacon burger。個包份量好大，基本上無人可以一啖由頂咬到落底，呢個係好多burger舖都會犯嘅錯誤。塊漢堡扒係好厚好juicy，但係温度凍咗d，唔似即刻整出黎。薯條幾好味，不過失。整體黎講，唔算難食，但係亦無其他人講得咁好食…查看更多

今日約左朋友到銅鑼灣食burgeroom，聽男朋友話好好味，今日決定試下。銅鑼灣的burgeroom位於fashion walk美食街，美食街兩邊都係食肆，走入美食街，感覺好像去到外國，設有露天的座位，上面掛著一排的吊燈，甚有情調。Burgeroom 座位不少，但客人絡繹不絕，幸好早到不用等位。客人先到櫃枱點餐，便可以回到座位坐下，其後店員會把餐點送上。我們兩人點了兩個burger，兩杯飲品和一客薯條。牛肉漢堡朋友點了煙肉芝士牛肉漢堡，而我則點了大烤菇芝士牛肉漢堡，非常大件有份量，漢堡排足足成寸厚，盡左力都無辦法一啖咬晒整個漢堡。第一次食Burgeroom漢堡，所以揀左較簡單既漢堡，先可以試到佢舊牛肉既美味。兩款都有蕃茄，生菜，芝士和漢堡排作基本，材料新鮮，重點當然是厚厚的自家製漢堡排，十分juicy軟腍，牛肉味香濃。兩款味道其實差不多，因為用料相似，但煙肉較香口，大烤菇較juicy。Burgeroom 既漢堡可能係我食過最好味既漢堡，暫時係，我同朋友都一路食一路讚嘆佢既美味，值得推介。如果你知道有更好味的漢堡，請告訴我。芝士旋風薯條🍟有漢堡又點可以沒有薯條，今次揀了芝士旋風薯條，薯條啖啖薯仔，炸得金黃香脆，配上邪惡的芝士，十分美味。飲品方面點了奇異果汁和green tea latte。奇異果汁清新，隱約帶點薄荷的味道，但水分似乎較多，太稀，味道一般。反而green tea latte有驚喜，甜而不膩，綠茶味香濃，尤其是熱飲。Burgeroom單一個漢堡就要80多元，比同類型食物可能較貴，但質素真係無得比，食完會覺得值得俾，食過會想再食呀！間唔中都要獎勵自己既。menu…查看更多

之所謂士別三日……當年食Burgeroom，佢係加路連山道嘅小店一間，今日再食，已經係位處熱鬧嘅名店坊Fashion Walk。見佢唔單止舖面大咗，仲有得坐戶外。行到入去，聞到好香嘅burger味，感覺就好似去咗外國咁。打開menu，發現選擇真係多到呢……真係你諗到或者諗唔到嘅burger都可以搵到。今日忠於基本，揀咗牛肉系列嘅大烤菇芝士牛肉漢堡。大大個包，牛肉patty絕無欺場，厚身不特止，咬落去仲滿口肉汁！讚！配埋烤香咗嘅portobello大菇同埋咬落爽脆嘅新鮮生菜同番茄，令人超滿足之餘，又唔會感覺太膩。就算平時食量比較細，今次要KO呢個咁巨型嘅漢堡包都完全無問題。話明今日要surf and turf，同場加映龍蝦沙律。沙律真係誠意十足，不時食嗰啲龍蝦沙律啲肉碎飲飲無口感，呢度就完全無呃你，真係有龍蝦原隻上！勁多肉，好味！雖然感覺大滿足，但食burger點可以無薯條呀？仲發現有旋風薯條食添！無可能唔食。唔係炸到乾嗰啲嚟架，啖啖薯蓉！簡直就係完美嘅一餐！絕對令人刮目相看。…查看更多