A.T.A.S

營業中

休息中

呢間餐廳主打新加坡菜，未正式食過正宗新加坡菜，今次好期待無失望阿！喇沙辣椒老虎蝦超香口既喇沙醬汁，與老虎蝦完美混合，加左少少辣椒，所以有少許辣，老虎蝦爽口彈牙，一碟大概6隻左右～海南雞（半隻）不能錯過的海南雞，半隻足夠二人食，入口微微暖，海南雞肉肉質嫩滑，肥瘦均勻，伴有薑蔥蓉、黑醬油及酸辣汁，用嚟撈飯一流！斑斕薏米水淡淡斑斕香氣，薏米煮得岩岩好，軟硬度適中，帶少少咬口，整體甜度剛好～美祿爆炸名副其實美祿爆炸，超級爆多美祿，好濃郁超滿足！！

午餐時間緊絀，找到了一家以新加坡菜為主題的快餐店餐廳以白色做主調、滿滿木材及綠植圖案等元素裝修簡約，舒適寬敞，燈光明亮，有兩張半圓梳化位供打卡由新加坡人主理，主打地道家常麵食和小食板麵配料豐富，麵條扁身，口感適中，湯底清香可口喇沙椰奶香味突出，微辣有後勁，湯底掛汁又惹味黃薑炸雞翼新鮮即炸，炸得透香酥脆，十分滋味特飲美祿爆炸鋪滿美祿粉、美祿波波及美祿曲奇，香濃美祿味道斑斕薏米水清新解膩不會太甜，薏米有咬口

經過銅鑼灣利園附近 見到呢間有白色樓梯嘅店舖而好奇一望 原來係間兩層高嘅新加坡菜 睇餐牌見到有好多新加坡特色小菜 全部都好吸引🤩上到去店員會帶位安排入座同斟水 自己掃描QRcode落單 好方便😎🦐麥片老虎蝦 💰188自從上年去完新加坡就愛上麥片蝦 但香港唔多地方有 嚟到呢到有當然要一試😍麥片好脆加上牛油香 甜甜哋又好有咬口 大蝦又甜又彈牙 🍜大蝦喇沙 💰138喇沙湯汁香料味濃厚 味道偏辣 椰汁相對冇咁突出 湯汁偏稠杰 掛汁力強🍜摻摻配搭 米粉份量比油麵多 油麵麵條彈牙 米粉唔會煮得太腍太碎🍜配料方面 豆卜超吸味 青口幾甜👍🏻仲有魚片 大蝦 半隻熟蛋 好足料☺️🍖咖啡骨 💰128For coffee lover嘅一字骨 醬汁焦香中帶點甘甜 肉質夠腍同入味 整體好香口 咖啡嘅苦澀味意外地同肉好夾 🍹美綠爆炸 💰58超濃郁嘅美綠🤤表面仲有美綠粉、脆脆波、Oreo餅 三重配搭 實行全部都係美綠🍹斑斕薏米水 💰28呢杯冇咁邪惡🤭好香斑斕味 唔會好甜 有大量薏米 味道幾清新🔔另設加一

之前食過馬拉菜都不外乎係喇沙同肉骨茶，呢間atas有基本嘢之前仲有唔少特色小菜，值得一試😙白雪牛油骨 ($128)豬扒骨裹着甜奶油醬，再灑咗好多奶粉，成件事奶味十足，唔會同豬扒有違和感😝但椰絲相對冇咁突出喇~喇沙辣椒老虎蝦 ($188)將喇沙濃縮咗做炒蝦醬汁更香濃，老虎蝦每一隻都好肥美，剝咗殼之後醬汁味依然滲晒入去蝦肉度!叄岜炒飯 ($138)有少少蝦醬海鮮炒飯嘅味道，再加啲辣😛最特別嘅係旁邊有啲醬料我講唔出咩味但係有種鹹香😙好地道馬拉風味美祿爆炸($58)美祿恐龍嘅升級版再加咗Oreo🤣🤣一如以往非常濃郁嘅美祿味~係完美嘅ending斑斕薏米水 ($28)係清新嘅選擇，斑斕味恰到好處💛A.T.A.S (銅鑼灣)銅鑼灣邊寧頓街9-11號登龍閣地下C2號舖

新加坡菜同時有粵菜特式 兩者crossover又幾奇妙✨創出特別嘅風味 幾適合香港人口味🇭🇰.📌辣椒螃蟹 $568秘製醬汁香濃稠杰 原本擔心會好辣食唔到 但佢大概係bb辣 辣得嚟又甜甜地🌶️螃蟹肉質軟嫩 索晒啲醬汁 入味juicy 蟹鉗都算大隻 都幾滿足🦀試過有啲餐廳嘅蟹肉會老得滯好實 但呢到好嫩🥰餐廳仲好貼心事先敲碎左個殼 等客人更易進食👍🏻.📌炸饅頭(4粒) $38饅頭微甜 似油炸鬼咁有陣油炸香味 點辣椒螃蟹個醬一齊食 甜甜辣辣幾好食😋.📌麥片老虎蝦 $188有四隻超大嘅新鮮老虎蝦 蝦肉爽口彈牙🦐鋪滿晒炒過嘅牛油脆麥片 應該有加糖一齊炒 甜甜地 味道幾特別 估唔到蝦同麥片都可以撞出別有一番風味🧈🌾.📌鹹蛋骨(4件) $128一字排炸到勁香脆 蛋黃醬勁香 加埋啲香葉炒到起晒沙 好惹味 好出色 推薦🐷🥚🧡.📌叄岜小炒皇 $148超級無敵多海鮮 仲要好新鮮添🤩啲蝦成粒乒乓波咁大隻 老虎蝦乾都好大條🦐魷魚鎅左花 好嫩口🦑蠔都好大隻🦪配料仲有脆花生, 江魚仔, 蜆肉, 魚蛋片 用料非常豐富‼️韭菜就老咗啲🌱味道帶少少辣 似馬拉盞🇹🇭.📌囉喏 $78醬汁酸酸甜甜 加埋花生碎同芝麻 好香口 水果同脆