PHI Coffee & Pancake (屯門市廣場1期)

少女心夢幻打卡必去COFFEE SHOP - Phi Coffee & Pancake主打日式梳乎厘既Phi Coffee & Pancake愈開愈多分店！餐廳主打多款口味既梳乎厘pancake，咖啡，法式多士以及意粉等輕食。對身材管理嚴格既我一直都無去試到，但今日同朋友係屯門市廣場行街經過，佢好想試下，就陪佢係屯門分店試下啦～餐廳既梳乎厘蛋味濃郁，而且內裏蓬鬆柔軟，空氣感極強，入口輕盈。更提供多款口味，包括經典原味，70%純黑生朱古力，tiramisu，以及提子無花果，抹茶紅豆等等。另外都有唔同輕食提供，例如外脆內軟既多款口味法式多士；豐富既全日早餐；炒蛋煙肉牛角包；各式意粉等。推薦熱香餅，會有忌廉，焦糖香蕉和爆谷伴碟，配搭新鮮。飲品方面必試人氣tiramisu咖啡，直接係咖啡上面加入一層厚厚的tiramisu，更有一塊手指餅，好豐富！另外仲有阿華田咖啡，焦糖脆脆咖啡等特別口味。簡單介紹一下我地試左咩野食同野飲啦 : 1. 綿棉獨角獸沙冰 $68 這個初春迎接充滿夢幻及希望的獨角獸🦄以獨角獸概念推出多款産品呈現俾大家～由自家製的芋泥奶蓋配上皇牌梳乎厘😋影完相都唔捨得飲 ! 甜度適中 ! 2. 黃金比例香蕉梳乎里 $100 大大舊既梳乎里，入口湧出香蕉香氣，質感輕軟富空氣感，在口中停留時間長，又唔會淡淡無味粉漿口感😋3.  提拉米蘇咖啡 $48 軟滑綿密口感， 必然係一款老少咸宜既義大利經典飲品4. 熱泡沫咖啡 $38 融合意式特濃，以黃金比例調製，入口香氣四溢，帶有強烈回甘味道5.  青漿帶子意大利飯 $93 獨特馥郁香氣既青醬，掃走鬱悶既心情，鮮味十足的帶子，帶來滿滿活力🤩清新可口，口感似係綠意盎然花園般一樣6.  PHI ALL DAY BREAKFAST $132  PHI係指數學上的黃金分割率 ，以Cafe 以此命名，係著重出品既黃金比例，絕對食得飽一個成年人 ! 雖然餐廳收加一，但店員服務周到，每個客人都請求店員幫手影相都沒有嫌棄，而已好多客人都不清楚新出口的菜式及飲品，店員都耐心及專業地解釋，仲會建議客人係餐廳邊個位影相最適合，好滿意 ! 會再黎試其他甜品 Phi Coffee & Pancake 屯門店地址：屯門屯順街1號屯門市廣場1期3樓Kiosk 02號舖營業時間：星期一至日: 11:30 - 21:00訂座電話 : 2813 9283…查看更多

每次經過這間餐廳都聞到濃濃的蛋香味和咖啡飄香，而且門外等候的食客亦大排長龍。餐廳的裝潢走木系簡約風，座位旁放置不少盆栽，感覺小清新。提拉米蘇梳乎厘$118三個厚厚蓬鬆的班戟，口感像雲朵般綿密，提拉米蘇散發香濃咖啡酒味，一次過食到兩款甜品，超滿足。提拉米蘇咖啡$42面層滿滿的忌廉芝士，用手指餅沾上忌廉芝士和咖啡，攪拌一起食用，甜苦比例剛剛好。暖泡沫鮮奶(焦糖)$42泡沫堅挺綿密，牛奶散發出淡淡的焦糖味。食物擺盤精美，打卡一流，製作時間有點長，需要耐心等候。…查看更多

係我概念入面成功既甜品，係第一啖入口會有好幸福好幸福既感覺呢度既梳乎厘班戟真係冇得輸試過買現成梳乎厘班戟粉想試下自制em..可能因為我係廚房終結者既關係最後係變到一pat漿咁既結論係，都係出去食開心好多入正題介紹番今次點既食物先主食 - 煙三文魚忌廉汁扁意粉 ($88)賣相好靚，直頭靚過menu既相片，完全不存在「圖片只供參考」既說法濕度控制恰當，唔會濕到有水咁，亦唔會乾爭爭醬汁夠杰掛在意粉上三文魚不帶腥味，不會過咸(本人有點怕有啲煙三文魚會腌得好咸)甜品 - 心動榛子梳乎厘 ($92)好靚既外型，望見已經流晒口水有好濃郁既蛋香味，甜度適中，口感好綿密空氣感好重但又不至於好似食空氣咁虛無，係實在同令人滿足既質感超高分既甜品! 小蛋糕 - 士多啤梨Mousse Cake ($48)同朋友二人進餐，一份甜品有啲唔夠喉就去櫥窗揀多個甜品第一眼就比呢個士多啤梨形既士多啤梨蛋糕吸引住眼球Mousse有好香果味，酸甜度調和得恰到好處食完發現好像又更開胃了XD飲品 - 抹茶鮮奶 ($42)漸變顏色好吸睛，奶味夠重味道雖只帶微甜，但都不會帶抹茶澀味啱晒唔太鐘意太甜飲品既朋友飲品 - 提拉米蘇咖啡 ($48)將tiramisu既味道及元素以飲品方式逞現仲有餅底用既手指餅添我個人比較喜歡飲品頂既忌廉同餅仔朋友愛飲咖啡就好鐘意呢杯話咖啡味夠濃香總括黎講，今次既點餐都好滿意決定等屯門市廣場D字大店開幕時黎食多次!!…查看更多

It's a souffle time! PHI Coffee & Pancake 主打清新簡約風，以紅色及白色為主調，裝潢注入秋意概念，有芒草及木色裝飾，整間店都好有日系感覺 店內主打日式梳乎厘 Pancake🥞，有原味、雜莓、黑朱古力及榛子，而今個月還有期間限定～白桃梳乎厘 Pancake 🍑白桃梳乎厘🥞當然要試吓期間限定口味，店內堅持每日人手打忌廉，配合完美比例的雞蛋、麵粉同牛奶，做出空氣感十足嘅梳乎厘 Pancake 🥞 ，果然係日式味道，加上白桃清甜好味🍑，簡直係完美配合😍 🥪經典法式多士除左班㦸外，仲有法式多士，感覺好清新，唔會好似一般西多士咁甜同肥膩，甜甜蜜蜜嘅cream 可以隨意加係多士上面來調校喜愛的甜度，又有好多berries😊 🍝蕃茄醬蝦意粉意粉就揀左蕃茄醬蝦意粉，幼身意粉軟硬適中，醬汁調校味道剛剛好帶一點點酸度，蝦味亦很出色，醬料已滲透入蝦入面，令整個意粉更美味😋 ☕提拉米蘇咖啡Tiramisu Coffee果然係 Signature Coffee，香濃咖啡上面係美味嘅 Tiramisu，亦有Tiramisu 專用嘅手指餅，淨係打卡已夠搶鏡😘 🧋凍焦糖脆脆鮮奶咖啡 焦糖脆脆亦係 Signature Coffee之一，除左脆脆舖滿咖啡面外，仲有蜜糖係鮮奶咖啡入面，飲完後份外甜蜜😊 日式梳乎厘 Pancake店，猶如置身日本淨潔舒服嘅環境中😊…查看更多

早幾日帶小朋友去屯門公園玩，就喺附近嘅屯門市廣場食嘢。「雜莓三重奏疏乎厘」都幾大份，🈶️3大塊。配上甜忌廉及酸酸甜甜嘅雜莓及果醬，香甜而不膩😋疏乎厘pancake空氣感重，好鬆軟。小朋友食曬d士多啤梨再加1塊半pancake🥞認真識食🤣 「經典法式多士」烘過嘅多士，配上甜忌廉，再加埋少少糖醬。完全滿足到鍾意食甜品嘅胃😋 「提拉米蘇咖啡☕️ 」造型好吸引😍半杯厚厚嘅忌廉，鍾意飲凍咖啡加好多忌廉嘅一定要試🤣🤣 「檸檬特飲 」顏色好吸引，係橙紅色嘅檸檬梳打入面加入百香果，味道清爽。 「卡邦尼煙肉意粉」醬汁creamy，將半熟蛋拌勻之後，每條意粉都能夠掛上醬汁。…查看更多

屯門一系列商場雖多，但餐廳集中嘅樓層相信第一時間都會諗起Vcity同屯市三樓。一段時間冇嚟，記憶中嘅UA、茶木早已結業，取而代之係呢間離遠已經見到排哂長龍嘅cafe。幸好流動速度都幾快，唔夠15分鐘已獲安排入座。餐廳主打即叫即製梳乎厘，另外亦有幾款簡單三文治、沙律、意粉選擇。去得coffee shop，當然係為嘆靚啡而嚟。是日點嘅兩杯咖啡都以cold brew為基底，選用嘅咖啡豆濃淡酸甘適中，口感順喉細滑，容易被大眾接受。橘香冰搖咖啡 帶柑橘微香，有西西里咖啡嘅清新感，但又唔會令咖啡變酸。後者提拉米蘇咖啡 更似一道甜點，一半black coffee一半cream，表面灑上可可粉，再以手指餅為點綴。攪拌後入口豐盈，同Macchiato近似，唔好奶油嘅人可能會覺些少膩。吞拿魚沙律主要為羽衣甘藍同紫椰菜，拌以經微燻嘅吞拿魚，調味偏淡，略加black pepper辟腥，整體中規中矩。Tiramisu有驚喜，手指餅充分吸收咗espresso，咖啡味濃郁甘香，又無受潮變淋；配上無額外加糖嘅mascarpone，鬆化與細滑口感交雜，係一道越食越上癮又唔會過甜嘅「甜點」🥰壓軸嘉賓soufflé 登場✨莓果控見到都開心，顏色繽紛多彩，莓醬甜中帶酸，食起嚟更開胃。梳乎厘空氣感同鬆餅嘅綿軟參半，有口感，唔會好似食空氣咁，值得一試👍🏻👍🏻…查看更多

朋友相約我到屯門市廣場這間新CAFÉ，便想到之前吃過美孚那間，實屬不錯。這間的位置就正正位於戲院的對面，風格依然日系小清新的簡約風，有很多仿秋葉增添打卡感。價錢來說真的划算，沒有很多間咖啡店的飲品有做加配價錢。70%純黑朱古力梳乎厘 - $92絕對值得耐心等候半小時，每份即叫即製人手打泡忌廉。厚厚的梳乎厘充滿彈性，裡面的空氣感十足，輕盈如泡沫，入口即溶；且口感鬆軟，富有蛋香味，還有適當的濕潤感。黑朱古力醬較為濃郁，有獨特甜中帶微苦的口感。軟綿綿的慕斯同樣充滿朱古力味，好幼滑。還配些新鮮的士多啤梨和藍莓裝飾之餘，又帶點清香。蕃茄醬蝦意粉 - $88意粉掛滿香濃番茄汁，夾雜些蕃茄肉，充滿酸甜清香的味度。裡面也有十多隻已去殼去腸的新鮮蝦仁，肉質爽滑彈牙，富有鮮味。特濃意大利芝士蛋糕 - $78簡單用六根手指餅便組成如此賣相精緻的蛋糕。整個蛋糕表面充斥著濃厚的朱古力粉。每條手指餅之間的裡裡外外也有一點點的芝士慕斯餡，質感細膩軟滑，有一般霜霜的口感。手指餅本身外層裹著一層厚厚的砂糖，上層的還保持著乾爽，有酥脆的口感；而下層的吸收了大量的咖啡酒糖液，牢牢地抓著咖啡、朱古力、酒香三種風味。抹茶鮮奶 +$22抹茶搭配香濃的牛奶，口感柔順餘韻回甘的抹茶原始茶香，也有鮮奶的細滑。提拉米蘇咖啡 +$22精心調配得賣相吸睛之餘，又保留到咖啡的質素。上半杯濃厚的Tiramisù軟滑綿密，底部的咖啡則豆味香濃，那半根手指餅整根浸沒吸收味道，整體入口順滑。…查看更多

好似今日才開張，終於屯門巿廣場有梳乎厘班戟店,立刻去試吓，晚上7時多不算多人,等一陣便有位，坐位不多，而且是開設在戲院斜對面open area。滿懷希望試梳乎厘班戟，製作時間要20分鐘，先叫左咖啡、意粉及多士，都ok,最後才来班㦸，上枱時已覺伏伏哋，因班㦸偏黃色及發不起較薄，但雜莓都新鮮及醬汁豐富，切開再放落口嘅口感真是很難接受，重蛋味但好似未熟而漿住個口，完全未發起及並沒有梳乎厘的軽柔感覺, 但見之後人哋果碟賣相和我果碟全完唔同，人哋果碟偏白及發起有約一吋厚，質素參差，向侍應反映佢話可能我放耐左先食，我話拎來已是這樣，不過我諗住費事換個碟才食左一件都要反映佢哋知個班戟跟本不應比客食，他說會向廚房反映，侍應有禮但應該経驗不足，有侍改善。作為班戟咖啡店，主菜班戟真係要保持穩定質素才可以。…查看更多