PHI Coffee & Pancake (屯門市廣場1期)

今日收工同老公去睇左場戲，散場個肚打鼓，見到對面既 「PHI Coffee & Pancake」出左個「Mini Christmas Dining for Two」，$338就有齊前菜、Share dish、Main dish同飲品，計落又幾抵食喎！二話不說就入去撐枱腳啦 🥰。.頭盤先黎個「楓糖烤南瓜沙律」開開胃 🥗。入面有新鮮沙律菜、烤南瓜、燕麥片同水牛芝士等，最正係可以自己倒楓糖漿，甜度自己控制，淋上去之後成個沙律即刻昇華左，清新得黎又有d甜甜地既滋味，好開胃 🍯。.Share dish我地揀左「冬日蘋果脆皮聖誕烤雞腿」🍗。隻雞脾皮脆肉嫩，切開仲有肉汁！下面鋪滿左綿密既薯蓉，配菜都好豐富，有烤南瓜、烤粟米同聖女茄，每一啖都好滿足，真係好有聖誕大餐既氣氛 🎄。.主食就叫左「辣蕃茄蟹肉扁意粉」🍝。佢地用既係粗身扁意粉，好掛汁！表面鋪滿晒蟹肉，真係無手軟，每一啖意粉都沾滿左香辣既蕃茄醬同鮮甜蟹肉，惹味到停吾到口 🦀🌶️。.套餐包2杯飲品，老公揀左杯「焦糖脆脆鮮奶咖啡」，香濃咖啡配上脆脆口感既焦糖，口感好豐富。我另一杯係「香芋泥米麻薯鮮奶茶」，芋泥好綿密，加上煙韌既麻薯，口感一流，芋頭控必飲 💜。.食完正餐個胃仲有位，黎得PHI無理由吾食佢地既招牌梳乎厘架嘛？所以我地另外單點左個聖誕限定既「焦糖蘋果玉桂梳乎厘」($138) 🥞！三層日式梳乎厘厚鬆餅震騰騰咁上枱，空氣感十足。配埋幾塊焦糖化呈金褐色既蘋果肉同金寶蘋果泥，酸酸甜甜好開胃。上面仲有淡綠色既cream同乾蔓越莓點綴，加埋個迷你白朱古力聖誕老人 🎅，擺盤精緻到吾捨得食，一定要相機食先 📸！…查看更多

今年聖誕節就快到這間店舖《PHI Coffee》提早推出特式套餐、比起以往有創意格價又唔貴都幾抵食☺️、當然有店家招牌梳乎厘、特式菜、意大利飯配法式鵝肝、同埋兩款靚靚打咭飲品😍、真的好有聖誕feel🤭！聖誕二人套餐Mini Christmas Dinning for two $468焦糖紅寶石玉桂梳乎厘呢一款梳乎厘比起以往配搭創新🤔、整份係用咗卡梅爾蘋果、比一般比較為香甜口感特別梳乎厘上面放咗肉桂楓、蘋果碎、朱古力粉，食到入口啖啖肉桂香、蘋果清甜多重口感味道😋、加埋梳乎厘鬆化入口即化、聖誕樹忌廉軟綿又滑口！楓糖烤南瓜沙律呢一款烤南瓜沙律配搭都幾特別🤔、整碟都好健康又有營養加埋楓糖令到味道帶點香甜口感、佢嘅南瓜烤香味道又夠腍甜帶點咬、加埋其它配料多重口感！地中海式蕃茄海鮮配吐司呢一款好有地道地中海風味、海鮮都有好幾款大蝦煎至甘香鮮味又爽口、青口肉質鮮味沾滿蕃茄好正、魷魚圈鮮味煙靭又彈牙、魚柳都好大件外皮金黄沾滿汁液另一種味道、魚肉鮮而嫩滑口感都唔錯、同時仲有幾隻鮮蝦一樣鮮甜爽口、配埋吐司烤至金黄、沾吓佢嘅蕃茄汁液別一般的風味好正😋！法式鵝肝燴意大利飯呢一碟燴意大利飯真的睇得吓🤤、係以法式鵝肝、羊肚菌及其它配料、意大利飯上面大大塊鵝肝😯、入口即化味道濃厚😋、配埋羊肚菌好香菌味、尤其是整個意大利飯粒粒口感帶點濕潤、多重口感色澤味道都幾正！聖誕老人朱古力泡泡抹茶聖誕圈圈呢兩杯飲品係聖誕新出特別款、兩款好有聖誕feel感覺好靚😍、朱古力泡泡入口濃郁朱古力味道好香😚、抹茶聖誕圈圈感覺好似聖誕樹滿佈色物🤭、味道好香濃濃抹茶味、帶點甘而滑口😋！真的睇得又飲得！…查看更多

今晚到了屯門這間PHI餐廳食晚餐！見到推出了聖誕餐牌，非常吸引！有沙律、主食、飲品，仲可以半價加配梳乎厘甜品！楓糖烤南瓜沙律，非常特別，自行添加楓糖漿，令整客沙律甜甜的，楓蜜味超香超美味！而且沙律菜好爽脆，有別於平時食沙律醬酸酸的味道，呢一款沙律是甜甜的，又特別又美味！南瓜都是相當清甜！香烤牛肝菌栗子貓耳朵粉，滿滿的牛肝菌同埋菌類，又入味又爽甜！非常足料！而且仲有栗子粒，相當美味！貓耳朵粉好似個小兜的形狀，所以每一啖都有滿滿醬汁，非常美味，份量又多！地中海式蕃茄海鮮配吐司，相當豐富！有多款不同的海鮮，有爽甜的大蝦、彈牙美味魷魚圈、清甜清口、大大件又嫩滑的魚柳，全部都是滿滿的海鮮食材！配上了蕃茄汁又香濃又清新，非常鮮味！而且吐司都非常美味，又鬆軟又好味，沾上蕃茄汁來吃，味道超豐富！焦糖紅寶豆玉桂梳乎厘，賣相好有聖誕氣氛，有聖誕造型的朱古力，有滿滿的蘋果蓉、蘋果肉、雪糕、忌廉，配埋pancake來食超美味，玉桂味香濃，蘋果蓉又香又綿，非常美味！pancake相當美味，必食！而且呢款口味配搭好正！凍美式咖啡，咖啡味道香濃！聖誕老人朱古力泡泡，熱朱古力賣相精美，朱古力又香濃美味，仲有超多靚靚造型糖鋪在上面，超靚超有聖誕氣氛！…查看更多

PHI Coffee & Pancake 推出聖誕節套餐🎄🎅🏻📝 Mini Christmas Dining for Two $338楓糖烤南瓜沙律烤南瓜、燕麥脆脆、瓜子、水牛芝士球，軟糯加香脆口感層次，沙律菜拌味道酸帶微甜的果醋，再根據個人喜好倒上清甜楓糖漿地中海式蕃茄海鮮配吐司 (升級加配) +$32有大蝦、原隻虎蝦、藍青口、魷魚、魚柳、串串茄，烤脆吐司蘸上微酸的蕃茄醬法式鵝肝燴意大利飯 (升級加配) +$25鵝肝淺淺油香，入口鬆化，不會過分油膩，有驚喜！羊肚菌栗子意大利飯口感煙韌抹茶聖誕圈圈 (熱)奶味與抹茶香氣平衡，面層抹茶泡沫灑上充滿聖誕感配色的糖針點綴開心果咖啡 (凍)幼滑奶泡灑上開心果碎，咖啡入口微淡開心果仁香焦糖紅寶石玉桂梳乎厘 (跟餐加配) +$69梳乎厘質感鬆軟，伴碟有玉桂焦糖醬煮蘋果件、蘋果蓉、開心果味忌廉、雲呢拿雪糕，再灑上玉桂粉_______________PHI Coffee & Pancake (屯門)屯門屯順街1號屯門市廣場1期3樓Kiosk 2_______________…查看更多

🥞🎅🧑‍🎄Happy Weekend with Christmas Dining🎄估唔到PHI Coffee & Pancake咁快就有聖誕主題嘅餐單, 仲要餐單好吸引, 放假即刻同老友過黎食pancake大餐😋前菜係指定嘅楓糖烤南瓜沙律南瓜烤得軟熟, 淋上甜甜嘅楓糖更提升甜度, 超中意佢加入香脆嘅腰果同燕麥, 大大提升沙津嘅口味😚地中海式蕃茄海鮮配吐司勁吸引同大份, 每人都有一set海鮮, 包括青口, 魚塊, 蝦, 魷魚等等, 海鮮下仲有吸收哂精華嘅蕃茄濃汁, 配以吐司一齊食係好正啊而主菜就嗌咗法式鵝肝燴意大利飯, 鵝肝細膩滑嫩, size絕對唔係細細件, 意大利飯仲加入營養滿滿嘅栗子🌰, 超級美味~~~甜品揀咗期間限定嘅焦糖蘋果玉桂Souffle😍 焦糖果醬連同肉桂嘅香味好夾, 配以清新香味嘅蘋果同pancake食, 好有焦甜暖意嘅冬天感覺😍 依家嗌呢款pancake仲有限定bingo玩添!飲品嗌埋聖誕限定嘅latte, 有聖誕老人朱古力泡泡同抹茶聖誕圈圈, 兩杯都好濃郁, 寒冷嘅天氣真係最啱飲杯熱飲呀~…查看更多

楓糖烤南瓜沙律南瓜香甜爽口，配搭沙律菜、燕麥，添加楓糖醬料，更加滋味。冬日蘋果脆皮聖誕烤雞腿雞腿外皮焦香，帶有香草、蒜香、醬油既味道，配搭西蘭花、栗米，令菜式色彩繽紛。手撕牛肉意大利飯牛面頰肉質軟嫩，釋放出豐富的牛肉原味，配搭醬汁提升牛肉的鮮味。意大利飯味道濃郁，口感滑順同creamy。藍莓希臘乳酪梳乎厘梳乎厘鬆軟、濕潤，口感帶著乳酪既香氣，不會太甜，入口即溶既輕盈蓬鬆口感。聖誕老人朱古力泡泡濃郁朱古力味道，口感也有泡泡的空氣感。紅漾士多啤梨梳士多啤梨梳打，加入清甜爽口既果蓉，每一口都有士多啤梨既酸甜風味，結合梳打水既氣泡感。餐廳：PHI Coffee & Pancake (屯門)地址：屯門屯順街1號屯門市廣場1期3樓Kiosk 2…查看更多

🍑盛夏果漾白桃乳酪梳乎厘厚pancke🥞真心美味，原個🍑清甜白桃再加白桃粒粒同鮮桃汁最驚喜係切開原隻白桃入面有乳酪忌廉😋酸甜平衡，開胃解膩。三件招牌PHI梳乎厘厚pancake依舊非常高質🥞水準穩定1430至1730供應嘅下午茶餐都超抵食，除咗可以選擇厚pancake外，$58連冷熱飲品嘅雞扒茄汁意粉🍝大碟又好味，茄汁食到🍅鮮茄嘅新鮮天然嘅味道，雞扒煎到外脆內嫰，輕型唔油膩。服務親切友善…查看更多

小朋友終於考完試🥳🤟當然要去食好西😋🤭PHI一向以pancake🥞出名就係人都知估唔到今次早餐試個主食都唔錯😄疏乎厘全日早餐食完整日心情滿甜甜的🥰🌟蕃茄湯香草牛面肉意粉🍝🌟全日早餐疏乎厘🌟朱古力咖啡🌟鮮蘋果汁整體來講都唔錯，價錢合理，食物又有水準疏乎厘做早餐頗特別🤗…查看更多

想chil下食件梳乎厘,enjoy完再叫碟海鮮意粉,問題就出現了,冇主動換餐具要親身走出去同佢講,仲要埋單時提出服務費標準時先畀番杯水你,廚房水準依舊但服務生服務有待改善,要對得起個服務費…查看更多

今次犀利到呢～淨係記得影左幾張餐牌😂野食一落枱已經被狂風掃落葉喇～今次我地係2個家庭黎食野，有小朋友環境❤️❤️❤️❤️❤️環境真係冇得輸，完全係打卡店，除左廚房，其他全部都開放式，行過路過一覽無遺，咁樣有度好，更吸引人想入黎坐下嘆下食下野，裝修明亮，粉粉紫紫又帶金，非常夢幻，充滿童話少女感，圓枱梳化西式精緻設計，坐得都舒服，小朋友都好鐘意衛生❤️❤️❤️❤️❤️店面乾淨企理，冇見到任何污漬污垢，冇灰塵，枱櫈，餐具都十分整潔，完全冇油脂油膩感，呢點非常讚服務❤️❤️❤️🤍🤍可能開放式設計，員工都偏愛向店內走動，我地坐係面向商場又最邊既個張枱，冇點服務到，水杯又細，好快飲完，需要不停叫員工斟水，到最後食完野，先開始多d過黎收拾同斟水。最後更有個小插曲，臨走時水杯自爆，開頭員工聽到聲望哂過黎，但要等到我揮手示意先正識過黎查看，員工反應都好有禮貌，只係有d後知後覺食物❤️❤️❤️🤍🤍我地有叫餐有另外叫甜品同飲品，所有野都好精緻美觀，令人食指大動不過佢呢度都係甜品做得出色，主食小食味道都係比較一般，都好食同新鮮既，主食有點感覺份量都太精緻，唔太夠食，甜品做得好好，配上水果，又鮮美又甜美，影相更加一流。飲品就稍為遜色了，我點左杯沙冰，冇咩味道，冰為多總括：會考慮再黎Chill下既😎…查看更多

星期日去PHI lunch, 唔使等位，點了蕃茄海鮮扁意粉、蝦哈哈甘筍汁意大利飯、加了甜品：原味梳乎厘，當天咖啡機壞了，改飲凍朱古力！首先上桌的是蕃茄海鮮扁意粉，有蝦、青口、八爪魚，蕃茄等，酸甜度適中，合胃口；而那個蝦哈哈甘筍汁意大利飯，醬汁偏甜，有蝦及甘筍，飯不硬剛好，只係甜了些；最後是原味梳乎厘，擺碟很吸引，滿滿的cream, 加上蜜糖，配上微熱的梳乎厘，十分美味，十分軟滑，要再encore; 凍朱古力也可以！…查看更多

今日同屋企人係屯門睇完戲，大家都見肚餓，一出戲院門口就見到呢間PHI，佢地裝修好精緻，就入去試下。佢地主打係食PANCAKE，我地就揀左3款開心些牙食下。我揀左石板街梳乎厘，阿媽就揀左佢最愛既藍莓乳酪梳乎厘，阿爸諗左好耐最後決定左要經典伯爵茶梳乎厘試下。石板街梳乎厘一上枱就聞到超濃朱古力香！目測 4cm厚梳乎厘班戟，淋滿朱古力醬，非常吸引。雪糕同朱古力漿加埋班戟一次過舀起，口感好正好豐富！藍莓乳酪梳乎厘質地稠身但唔膩，微微地酸中和返班戟甜度。最驚喜既係醬裡混入好多既藍莓果肉，食到啖啖都有爆汁感！經典伯爵茶梳乎厘既茶味够晒突出，似食紧液态伯爵茶！同埋甜度刚剛好, 唔會好甜, 我阿爸就最愛。總結：「唔使過海，屯門都有高質梳乎厘班戟！」 睇完戲過嚟食個甜品，perfect池！…查看更多

放假嘅早上想去Cafe食個brunch，諗起屯中心呢間鋪。紅日下午入去唔使等位。呢間鋪比較開陽，本身都有少少擔心會食得唔舒服，但被安排咗一個比較入嘅位置，所以成個用餐體驗都幾好。屯門呢間分店冇炸物，所以冇得揀小食。兩個人叫咗兩個意粉，一個疏乎厘同兩杯咖啡。首先叫左個辣蕃茄蟹肉意粉，微微辣味，蟹肉都夠多。蕃茄同辣加埋好夾。第二個叫咗個Carbonara ，啲煙肉係好厚切一條係，燒得好香。疏乎厘揀咗藍莓味，幾清爽，仲配咗一球雪糕。埋單總共$472，食到好飽…查看更多

星期三有特價戲飛趁小朋友未放學 同老公快閃二人世界睇完戲肚餓 行出嚟見到呢間cafe唔使等位咁話入去high tea啦叫咗手撕牛肉意大利飯、海鹽焦糖梳乎厘餐飲熱朱古力同花茶手撕牛肉幾林幾滑意大利飯個質感幾好👍🏿粒粒分明又有咬口 唔會硬梳乎厘個甜度適中朱古力個拉花幾靚味道幾香唔會太甜花茶可以再多少少花味會好啲有啲淡 同埋個杯太細隻😂服務可以 見佢哋好似輪流食緊飯所以無人執枱 都明白飲食業嘅辛酸下次會再幫襯👍🏿…查看更多

前幾天帶了屋企人黎食野，食到一半突然有個高大有夾既女員工（對佢很深印象），過來話阻一阻我時間，想介紹個盒紫色野，雖然沒興趣但都聽佢介紹下，後來都講左吾太需要，冇興趣，然後佢繼續講，講到好平全部可以馬上用，都講左吾太需要，女員工面口黑晒 ，但仍然在計算我今餐飯錢，折扣好底等等…其實盒野都係要錢買，加上完全冇興趣，講完又講，好似一定需要購買，最後好似拒絕不到，所以就買左一盒返屋企，其實買不買應該根據客人意願先？不用強迫人買，感覺很差，希望貴公司有所改善。…查看更多