鐵牛台灣牛肉麵 (希爾頓大廈)

營業中

休息中

.📍鐵牛正宗台灣牛肉麵📍#饅頭去尖沙咀 #饅頭食台灣菜------------------------------1️⃣總鋪私房牛肉麵 ($82)小編覺得佢哋嘅湯底做得唔錯，牛骨湯色水夠深唔會有太多油浮起面，濃郁得嚟同藥材香互相平衡，麵嘅質感軟滑但唔會太淋冇咬口，非常掛湯，而且食耐咗會覺得鹹咗啲。配餸方面有金錢蹍、牛腩、牛筋同金錢肚，可以一次過試曬多種牛肉部位🤪，而且件件都切成粗長條上，份量足料，啱小編呢種鐘意大啖肉嘅食客。金錢蹍同金錢肚都煮得夠軟腍；牛筋感覺煮得唔夠耐，帶些少彈性做唔到入囗即化嘅效果，所以亦唔太入味；牛腩就真係令我頗失望，未至於乾嚡但有少少難咬，似食緊冇咁硬嘅瘦肉。◾評分：7.0/10------------------------------2️⃣招牌紅燒牛肉麵 ($68)友人嗌嘅麵，小編試咗一啖湯，湯底相對上一款會帶些少毫不嗆口嘅香辣，層次更豐富，但味道亦更鹹，唔建議好清淡嘅朋友仔試🥺；餸就剩係得牛肉，目測質素應該同上。◾評分：6.8/10------------------------------🔸整體評分：6.9/10🔸小編回頭率：6/10

嗰日終於做完嘢，同男朋友行行吓街嘅時候突然見到呢間餐廳。就係正正因為冇得去旅行但係都又好掛住台灣，所以就拉咗男朋友入去食啦～嗰日都叫咗好多嘢食，每人食一個面再加兩個小食同埋每日一杯嘢飲。鮮蕃茄豬軟骨麵 $66本身已經好鍾意食豬扒湯底嘅面，身為無肉不歡嘅我，梗係叫返個豬軟骨配搭。一嚟到已經聞到好香嘅蕃茄味，而且嗰味唔係由茄膏而形成嘅，係好明確嘅鮮蕃茄湯底。今年底唔使多講真係好好食。招牌紅燒牛肉麵 $63男朋友想試返台灣特有嘅風味，所以就叫咗最傳統嘅紅燒牛肉麵。但係一嚟到嘅時候都好有驚喜，啲牛肉不單止好多，由個面底去到牛肉都感受到好有誠意，入口即溶。黃金梅子脆薯 $36本身叫嘅時候諗住佢會整到薯條咁嘅樣，但係點知嚟到嘅時候發現真係一嚿嚿薯仔。雖然已經食咗個麵，但係因為有梅子粉喺上面，就算幾飽都食得晒🤤而且佢整到外脆內軟，配埋梅子粉真係超級有台灣風味肉燥拌青菜 $36講到一餐台灣飯點可以少得肉燥，所以就叫咗一個青菜撈肉燥。佢哋唔會整得好鹹，而且用料都唔孤寒！唯一美中不足係個飲料麻麻地，我唔建議叫芋香奶茶🤭同埋個價錢有d貴🤣

鐵牛招牌牛肉麵聞名已久，今日決定去試一試。可選擇的菜色算挺多的，但第一次來到當然是試一試最出名的招牌牛肉麵，另外點了一杯芋香珍珠奶茶。牛肉麵的牛肉很入味，也煮得很軟爛，是我喜歡的口感，麵條也很Q彈，湯底夠重口，在香港的台式料理，這個算是挺不錯的，難怪會那麼多人去。飲料味道不過不失，可以一試。整體來說味道是不錯的，但也沒有到很驚艷，如果要排隊排上一個小時我覺得就不值得，而且午市也沒有套餐，麵加飲料要快100元，就有點貴。

同朋友去尖沙咀行街必定步行去紅磡站坐車返屋企，咁就唔洗轉車咁麻煩，每次路過都會見到呢間店，次次都好想試下，但每次都係食飽先記起，今日朋友竟然點名指定食呢間，終於試到了店員帶位時會比埋個餐牌同點餐紙，畫好後就到櫃面落單及比錢，有啲快餐店既感覺，但就有送餐服務招牌紅燒牛肉麵，個湯底好好味，啲麵硬度啱啱好麻辣牛筋腩麵，個湯底好好味，啲牛肉就瘦左啲，但牛筋就好淋好味道薄荷咖啡及珍珠朱古力，我唔飲咖啡所以無試到咖啡嗰杯既味道，而朱古力嗰杯個味道唔夠濃，啲珍珠唔夠淋仲有啲硬

朋友提議去食鐵牛。話平時人超多。經常大排長龍。難得今日經過不用排隊。梗係試下啦。朋友介紹「招牌紅燒牛肉麵」。就試試看。侍應比左Order List。自己選好就行去櫃位付款。餐點會送上。原來是「免加一」的。坐位還可以。不算迫。牛肉不是一片片，厚身是條狀的。非常軟淋淋。好味。不過如果湯再熱點。係熱到出煙嗰種，仲更正。（純粹個人喜好）

有時同朋友食飯，但又想省下錢唔想食太貴，鐵牛都會係我既其中一個選擇！鐵牛既價錢同普遍市面既台灣麵檔差唔多，都係大約＄50－60蚊左右，而質素都有保證通常我去到都會食逢甲鹽酥雞肉燥麵，另一半會叫紅燒牛肉麵，再叫多杯珍珠奶茶，先睇相！牛肉麵湯底好濃好香，所以牛肉吸完湯汁食落口非常可口，牛肉肉質一d都唔un，只係湯淡番少少會好d但我至愛始終係鹽酥雞，size細細粒，放落口岩岩好，佢炸得唔會太過份，炸粉厚度適中，所以口感好好，雞肉都嫩滑有汁，去親都必食！珍珠奶茶都唔錯，唔會太甜，雖然冇乜特別之處，但去親食台灣麵都覺得要有番杯！

小女子而家有mark低自己想食咩而鐵牛就係must eat items之⼀我就揀左招牌紅燒牛肉麵牛肉大舊又淋 超好食麵量又夠 性價比高啊👍🏼另外 逢甲鹽酥雞肉燥麵鹽酥雞炸得夠脆 好熱氣啊🤤最推薦係肉燥小茄子 好好食🙈_________________________裝修環境：✨✨✨✨✨服務態度：✨✨✨✨食物質素：✨✨✨✨✨(5個✨為滿分)價錢：$60+58+34________________________唔信我嘅可以自己去試試😂地址：尖沙咀加連威老道96號希爾頓大廈LG樓28號舖

延續今日食到飽既氣勢，睇完科學館個木乃伊展，搵左間台式牛肉麵黎食。上次已經想試，但奈何人太多等唔到。今次早左黎 (6點幾)，入座話咁易。呢度採用自助形式，侍應安排座位後，自己出去點菜俾錢然後返位等食。我地就叫左招牌紅燒牛肉麵、麻辣大塊牛肉麵、檸檬冬瓜茶同桂花烏龍冷泡茶。先講招牌紅燒牛肉麵，湯底香濃，帶少少八角香味，牛肉半腩半根，肉味濃而肉質鬆軟，麵底亦都爽口彈牙，完全係一碗合格有餘既台式牛肉麵。同樣地，麻辣大塊牛肉麵一樣有半腩半根牛肉同爽口麵底，湯底既麻辣味啱啱好，麻完又唔會太辣，辣完又唔會搶住要飲野，值得一讚。飲品方面，大熱天時飲一啖檸檬冬瓜茶，完全起左消暑解膩作用；桂花烏龍冷泡茶竟然係用樽上，淡淡既桂花香加烏龍茶，唔錯，個樽入面仲有茶包，留起個樽，拎返屋企又可以冷泡多一次 (希望仲有味)。唔駛等位而又想食牛肉麵的話，的確係一個唔錯既選擇，但如果要等位，我都係留返喺台灣排永康街牛肉麵好喇。

食完呢間之後，誠意推介鍾意台灣菜嘅人去食，好滾動啊，姊妹終於帶咗我去食鐵牛，想食好耐鳥! 仲有一去到只係等左一陣就有位。環境戈度吾記得影相，不過系排排坐食粉果，即系隔離已經系其他人，變咗冇乜私隱度，要影相就比較尷尬，亦都冇咩位可以擺自己野......餐牌系自己點既形式，自己埴完之後就交比職員，睇番各項價錢黎講都算公道，吾會好貴。黎得呢度點都要叫返碗牛肉麵，如果唔係對唔住自己啦！呢碗牛肉麵好搞笑，影落去比實際上大好多🤣不過實際份量都OK嘅，牛肉十分軟稔，軟骨位同牛肉分明，牛肉配上清湯更是一絕，因為湯系好濃郁，只帶少許藥材味吾會太苦。鹽酥小拼盤有花枝丸、蕃薯條、鹽酥雞，三樣都系炸既，花枝丸既軟硬度剛好，鹽酥雞略嫌油左啲，蕃薯條比感覺幾新鮮，炸完其實幾好食飲得多珍珠奶茶都厭厭地，除咗普通珍珠奶茶之外，最鍾意飲嘅奶茶就係芋香味，呢杯飲品嘅紫色唔算好深，即係證明左冇(乜)加色素，但飲落去香芋味都好濃珍珠細細粒但每一粒咬落都好煙韌。好耐未食過咁好味既台灣菜系香港吾系主流，而且要整得好食，始終有啲難度，但呢間餐廳就做到了，又平又食真心好滿足。

休閒嘅星期一，放工梗係同佢去拍拖食飯行左去尖東哩頭，上次小試好唔錯，所以又番黎食餐牌設計獨特，一睇就知係有誠意之作對撈麵情有獨鍾嘅我，當然5可以錯過哩度嘅乾伴麵，牛筋整得好淋，好易入口，牛腩都還好，有3舊，得一舊係"諧"啲哩個撈麵係重口味人必選，配埋青瓜絲同酸菜，真係好味到暈上次黎食過尊登今次又帶佢黎食，真係無得彈，有台灣嘅質素嘅牛肉麵麵質煙韌，牛肉淋身，湯底濃，味道好好而且份量5少，食量驚人嘅佢食完都話飽雖然睇相睇5出佢係皮蛋蒸豆腐，但佢係一碟好好味嘅皮蛋蒸豆腐面頭鋪滿晒木耳，加埋皮蛋同啲濃味汁，係真係好夾，食完又食豆腐滑，味道濃，無得彈嗌麵的話，加$18有佢招牌珍珠奶茶奶茶香，夠料，味道調得好不過啲珍珠好硬浸得唔夠淋真係差啲重點來了好中2食桃味嘢嘅我，中2佢哩度5係交行貨佢哩度係自己mix 唔係用買番黎現成嗰啲桃汁，仲要用埋椰果肉咖好味2個人食2碗麵各有嘢飲仲要一個份量多嘅小食，都係 $198好抵好味好有質素呀！

之前o係旺角食過一次，行開尖沙咀見到有，忍唔住再食～ 事關個牛肉麵太正啦！百香果QQ冰茶 (跟餐加 $16)朋友要做百香果配珍珠，甜甜地，好適合女仔飲桂花冰梅茶 (跟餐加 $12)桂花味唔算濃，飲落似酸梅湯~ 酸味好解渴！ 我鍾意～麻辣爽耳 $36即係麻辣豬耳。 豬耳好爽口，麻辣味好入味，唔算好辣，食到停唔到口椒麻牛肚絲 $36味到同麻辣爽耳有d似，但牛肚絲麻辣再濃味d鹽酥小拼盤 $45有炸鹽酥雞+炸甜薯+炸花枝丸鹽酥雞外脆內 juicy，有街邊小食風味甜薯上面灑咗梅粉，入口味道更豐富花枝丸好彈牙，裡面食到粒粒花枝鮮茄牛肉麵 $66番茄湯都ok濃，飲落充滿番茄甜味牛肉燜得夠淋，但依然keep到有口感招牌紅燒牛肉麵 $58必食推薦！超級好味！ $58 性價比好高！質素好過好多近百蚊牛肉麵湯夠濃郁，料足，牛肉軟硬剛剛好。 最後d湯係飲晒！！！如果屋企附近有，可能個個星期都食強烈要求開間o係港島，最好係銅鑼灣～

今天和一個靚仔朋友路過尖沙咀，聊及台灣旅行，巧合地發現這間位於商場地下的台灣牛肉麵店—鐵牛，店內非常多客人，一定是高質素台灣麵店，所以我們也忍不住進去大吃一頓餐廳是先付款後上菜， 十分有台灣風味我們畫選好食物後，立刻到櫃檯付款飲品很快便來到了，我點的是台式凍奶茶，而我的靚仔朋友點的是台式熱奶茶奶茶非常濃郁，茶味濃、奶味香，凍奶茶雖然加了冰，但都不會覺得啖等了一會兒，我朋友點的招牌紅燒牛肉麵終於送到大大碗麵只是$58，真的嚇了一跳，湯底不但濃郁，更富牛肉味再來是我的主廚私房牛肉新竹米粉，米粉不但幼細，而且彈牙，牛肉更是非常足料加上一點點的蔥味，令人食慾大增台灣美食怎能少了肉燥？這個肉燥小茄子真的一點也不少，加上專家炮製醬汁，真是食過反尋味麻辣肥腸是我最喜歡的台式小食，肥腸入口彈牙，完全不會有腥味，加上少少酸菜，又是一味開胃菜覺得牛肉麵太肥膩？我們立即點了一碟蔥油淋青菜調一調味，青菜新鮮，價錢合理我朋友特別喜歡芝士，所以加單了一味芝士鹽酥雞，炸雞上淋上香草和芝士，香脆可口，而且一點也不肥膩最後我們還不夠喉，點了一個魚酥皮蛋豆腐上台時魚酥還在左右的搖擺，感覺生動豆腐更是滑溜溜，送新竹米粉簡直

今天同朋友，去完科學館玩心想去吃午餐，便決定去看看這間地盧餐廳，鐵牛。牛肉麵啦呢間餐廳，真的有點似台灣夜市每次我經過呢間餐廳，都覺得可愛， 究竟入口處在那裡呢？ 嘻嘻～今天終於有機會嘗試啦，叫了3款食物出名既牛肉麵，鹽酥雞包括滷肉飯，台灣香腸仔去到台灣 funion 餐廳 feel... 當然要加杯台式奶茶啦呢3樣野食，講真都好好味但是牛肉麵的湯底，就平平無奇，有點失望鹽酥雞，脆就夠脆，還有台灣味道的風味添，又唔肥，唔油，很好。只是肉質唔夠多汁，唔夠 juice,又是另一失望的。但服務員的態度就不過不失，原因是，有個抱住BB的爸爸，撞跌左個盤和筷子，職員竟然只是袖手旁觀，不理不睬，不幫忙收拾東西，要人家爸爸放下BB，去自己執回，這點咪要扣分啦！希望下次再有咁既事情發生，職員可以幫幫忙啦！ 我同朋友看了，也呆了！ 一個餐廳會有這事情發生嗎？你們不是茶餐廳，大排檔喎，希望你們會改善的！

今日個fd生日 同佢係科學館行完然後呢排又想食牛肉麵 又醒起附近有間台式牛肉麵店 就心思思想試下係門口睇完餐牌 覺得都唔算貴 就入去試啦個裝修唔錯 雖然係地下舖 但用左玻璃 睇到地面少少 營造大d既空間感但d waiter會係咁收野 有d趕客feel我地要左招牌紅燒牛肉麵($58) 紅燒牛筋腩麵($58) 芝士鹽酥雞($40) 仲加左杯 巨峰提子梳打(跟餐+$16/單叫~$28) ) (事關我fd勁鍾意巨峰提子味haha首先就係 招牌紅燒牛肉麵~原本上到黎 得三舊牛肉 都覺得有d唔抵好彩有叫到 紅燒牛筋腩麵 就一定明點解啦其實兩個麵既湯底 味道係一樣既濃味得黎唔太漏而呢個麵既麵質 好彈牙好爽口 真心正咁多位食過牛肉麵既人應該知 點解台灣牛肉麵值得食 就係佢d牛肉既口感軟身 令人食落去既 係滿滿既幸福呀~今次呢間店係冇令我失望架！佢d牛肉就做到好鬆軟既感覺啦筋唔太多 同肉既比例岩岩好而點解我話要叫埋牛筋腩呢就係 佢地對比起黎 會係好唔同既感覺！牛筋淋身 就眾所周知啦而牛腩 就會比教韌啦 要花多d既牙力先吞到牛肉就係介乎兩者中間 甚至比佢地好食更多！ 既有牛肉既粗肉質 又保持到筋個種

依家去紅館聽演唱會真係要食到飽飽先得㗎，就算山頂位都要企足全程，更可況係聽五月天？所以我哋A姐M佬今日去聽演唱會之前就決定喺尖東求求其其搵間餐廳快趣醫下肚啦！但估唔到隨意嚟到尖東鐵牛台灣牛肉麵 Iron Cow Taiwanese Beef Noodles，又好有驚喜喎！招牌紅燒牛肉麵：紅燒牛肉有腩又有筋，我同M佬都超Like筋呀！因為夠晒彈牙，仲有好多骨膠原；而牛腩都夠軟腍，仲好入味添！而最重點嘅湯底就好香濃，好正宗嘅牛肉湯底呀！呢碗麵大大碗真係夠晒抵食。奮起湖燒雞腿排便當：雞脾切件，好大隻呀！而用上類似照燒汁煮嘅雞脾夠晒入味，用嚟撈飯一流！酥炸小拼盤（花枝丸、鹽酥雞和梅子脆番薯）：鹽酥雞鹹味適中，更帶外脆內軟嘅雞肉味道；炸番薯配上梅子粉，味道酸酸甜甜，食多件都唔會溜；花枝丸夠晒香口彈牙，肉質一啲都唔會死實。小街綜合鹵味拼盤（豬耳、鹵蛋和大腸）：鹵味味道好出色，夠晒入味！有好爽脆嘅豬耳、濃香嘅鹵蛋同好煙韌又唔肥膩嘅大腸。牛三寶拼盤（牛展、牛腩和牛筋)：今日胃口特別大，除咗酥炸拼盤、鹵味拼盤，仲有呢個牛三寶拼盤！牛筋夠晒膠口、牛腩軟腍、而牛展都夠晒入味呀，而底下嘅菜都吸晒腩汁精華，正！