樂面牛屋 (已結業)

第一次食，叫左個兩人晚市麵或湯飯套餐。見都唔貴，原價$198,而家有85折。先上小食。1.大三色前菜、台灣香腸大三色係大豆芽、雲耳、青瓜。本身冇咩味，但有辣椒調一調味，辣辣地。普普通通。台灣香腸甜甜地，配有酸菜，醒一醒胃。2.酥炸台式花枝丸味道少少鹹香，肉質都ok，都大大粒。3.豆乳鹹酥雞肉燥飯肉燥飯有d肥豬肉，食落好香，好易入口。飯硬左少少。鹹酥雞用普通雞肉，冇咩特別雞肉香味，但肉質幾滑。炸得都脆，整體唔錯。4.招牌清燉牛肉麵牛肉麵稍硬，都唔大問題，但牛展卻竟然韌...而且係冇任何調味。個湯竟然又係非常淡，有少少牛味，另外卻還有少少類似藥材的味道，但又淡如水。食真d再諗真d, 其實應該就係直接將牛展同埋麵擺落熱水中煮熟。這就是店家的清燉吧，可能係我唔識野。但老實講，咁煮法真係完全唔好食，味道亦奇怪,大失所望。5.飲品凍珍珠奶茶味道正常，奶茶不濃，較清，配上煙韌且帶甜味的珍珠，味道簡單，但正合我意。收貨。凍檸檬金桔都唔錯，幾清新，唔會死甜。唔知點解餐廳好似冇咩冷氣，必須改善！餐牌：

樂面牛屋.7分 招牌清燉牛肉麵 $68湯底沒有太濃牛味，但很清甜，有淡淡牛味，面的軟硬度剛好，很有家的味道😂可惜牛肉有點嚡口，雖然味道也不差，但與想象中的台式燉牛肉面大相逕庭，令分數大打折扣，但仍很喜歡其湯底的清甜，而且吃完不會口喝。.6分 豆乳鹽酥雞 $42沒甚麼豆乳味😂而且不夠惹味，不過即叫即炸，普普通通亦可一試.5分 珍珠奶茶（少甜） $26奶茶就是普通的奶茶味，本來應值六分，可是珍珠不僅都黏在杯底，難以吸入，而且口感不太良好🤦🏻‍♀️.整體而言，店面裝潢充滿懷舊風味，而且播著周杰倫的音樂，彷彿去了台灣，很有氣氛（在未喝那杯珍珠奶茶之前🤦🏻‍♀️），而且午市套餐非常划算（$78就有清燉牛肉麵和一杯飲料），絕對會再吃！.

喜歡店舖的裝潢, 簡簡單單卻有特色。本想試其招牌紅燒牛肉麵, 經店員的溫馨提示, 湯底的辣度非外間的紅燒般微辣, 如不能吃辣, 建議點清湯。本身不是太能吃辣, 為免吃不了而做成浪費, 還是選了清湯。招牌清燉牛肉麵 $70湯底頗為清淡, 只滲出淡淡藥材味, 翻起麵條, 發現湯底沈澱著精華, 攪拌後始覺味道稍濃。湯份量不多, 剛好讓我食完碗麵, 一滴不剩, 喝完不覺口渴。牛牛味濃郁, 質感扎實, 甚有咬口。麵條質感實淨, 看似細細一碗, 實質可以很飽腹。唯麵條本身不掛湯, 味道單調。

又一間新開嘅台灣菜! 都可以一試🤗#清燉牛肉麵 幾好食，湯頭有陣淡淡嘅藥材味，牛肉係牛展(?)，口感比較實，唔好expect係平時好稔個隻，但味道唔錯嘅～😊#台式魯肉飯 遜色左啲，肉是瘦的，冇肥肉個種香，似肉燥飯多啲🤔#老爹鹵豆干 幾入味～唔錯😳#冰鎮桂花冬瓜茶 清清淡淡 味道幾夾 但就甜左少少

做咗幾廿年人都從來唔會飲湯底，尋晚竟然飲咗，仲要係飲到停不了！！同老公好耐冇去銅鑼灣，所以又去睇下希雲街有乜新店，見到依間牛肉麵店，所以去試下，我地兩個都叫咗清燉牛肉麵，一試個湯底，從此不溝通，因為大家都掛住享受個面！離開個店之後，同老公贊個湯底，贊到今朝！超好味！個湯底係薬膳㗎，講唔出有乜材料，但係一種好熟識嘅味道，總之就係好味！個面有啲少，但飲埋個珍珠奶茶同食埋雞翼，就飽到肚脹！真係好滿足！從此對台灣面改觀。（本身同老公都唔係台灣嘢食fans)

今日放工約左朋友喺銅鑼灣食晚飯，見到一間裝修得幾特別既台灣麵店，門口寫住試業中，就二話不說，一於入去試試！一進入店內，有一幅巨型牛肉麵畫，非常吸睛！畫上寫著「樂在其麵中」，睇嚟一陣真係要試下佢個牛肉麵先得座位尚算寬敝不壓逼。晚飯時間座無虛席。出菜位充滿懷舊感。好像穿越時空，走進了另一時代似的。坐下就拿起筆點菜了我們叫了招牌清燉牛肉麵、招牌紅燒牛肉麵、台式魯肉飯、酥炸台式花枝丸、珍珠奶茶、香芋奶茶和水蜜桃梳打先來兩杯珍珠奶茶。奶茶偏台式口味，有點似「紅樹林」那杯，不過不失，珍珠q彈！台式魯肉飯和招牌清燉牛肉麵賣相吸引，牛肉麵香氣撲鼻，但魯肉飯份量略嫌太小，男士吃的話應該不太足夠魯肉飯偏乾身，汁醬少，味道偏淡，有點失望熱騰騰的清燉牛肉麵湯散發陣陣藥材香味，牛肉不韌，不錯再來招牌紅燒牛肉麵，微辣，麵條闊身煙韌有口感！湯底味道濃郁，重牛味，推介最後就係酥炸花枝丸登場！呢五粒花枝丸可以話係全晚嘅亮點！剛炸好的花枝丸灑上少許椒鹽，非常香口，而且咬落更鮮味十足呢！