樂天皇朝 (雅蘭中心)

營業中

休息中

今日太想食小籠包，即刻諗起樂天皇朝，決定同老公一齊去食Lunch ，Menu 好多選擇也有唔少無肉餐單啱食素的，以前同老公食過呢間都覺得好好食。🧡皇朝擔擔拉麵🍜🧡老公好鍾意個擔擔面，麻醬花生醬味濃郁又帶點少辣，越食越滋味。🧡招牌原味小籠包🧡佢哋嘅小籠包真係每次食都唔會失望，皮薄多汁餡靚，夾起上嚟又唔會穿👍🏻 好食到我可以一個人食曬成籠😂🧡花蔬蒸餃🧡呢個素餃特別叫比老公，皮薄裡面餡料也很足，點少少辣椒油好食。🧡竹炭流沙包🧡呢個包一咬落去中間就爆曬汁，好流沙好香。🧡聞香蔥油餅🧡個蔥油餅做得好好，個餅皮做到好鬆好酥脆。甜點：💜宮廷驢打滾💜之前食過一次我哋已經勁鍾意，今次來一定再叫，糯米皮黏黏的，包住豆沙餡，上面再放上滿滿的黃豆粉。P.s. 佢哋茶芥前菜嗰碟炆花生真係好好食🤭

之前同老公去完青衣城樂天皇朝已經好掛佢地嘅小籠包，今日我哋就去咗旺角分店食叫咗呢啲：💛招牌原味小籠包💛上海炒年糕 💛酸辣湯拉麵💛聞香蔥油餅甜點：💜桂花酒釀丸子佢哋嘅小籠包真係必叫，每次食都唔會失望，每個皮薄多汁餡靚，夾起上嚟又唔會穿👍🏻老公想食炒年糕同拉麵所以叫咗2 款，個炒年糕質地軟熟好煙韌，食落唔黐牙非常好。酸辣湯非常之濃郁，酸酸辣辣好開胃，辣度偏高，食到我出晒汗好過癮😝估唔到個蔥油餅做得咁好，個餅皮都做到好鬆好酥脆；今次甜品揀咗酒釀丸子，桂花味清香，丸子口感煙靭。P.s. 佢哋茶芥前菜嗰碟炆花生真係好好食🤭

朋友話成日食西餐好悶 所以想食下其他 咁我就諗起之前食過樂天皇朝既小籠包好好食 就帶左我朋友去♡招牌原味小籠包 $68/6粒雖然餐廳有好多款口味既小籠包 但我都係鐘愛原味小籠包 感覺上較傳統 薑絲係自己加既 朋友鐘意食薑絲 咁就岩唒佢啦 ♡李白醉雞 $88個醉雞啖啖肉 唔算太多骨 雪凍既醉雞我都會忍唔住食埋個雞皮 吸收哂酒既味 真係好好食 可加$10轉雞髀♡薑汁炒芥蘭 $68芥蘭好大條 食落去勁爽口 唔會好苦 連我朋友本身對芥蘭唔係特別鍾意都表示有驚喜♡宮廷驢打滾 $48/3粒個名好特別 同埋個樣有d似糯米糍已經好吸引我去食 入面係紅豆餡 外面鋪上黃豆粉 食落好煙韌♡上海炒飯 $93有蝦仁有菜心有牛展一齊炒 唔會好油仲粒粒分明 好有咬口 用醬油炒亦唔會好鹹

糖醋魚片 $78酸酸甜甜就係我，我中意食！基於本人中意食酸野，而呢款野食酸得黎又帶點甜味，中和得啱啱好！大讚👍招牌原味小籠包 $62/6件皮夠簿，餡夠多，汁夠濃屬於中上水平特色皇朝小籠包(八色) $118評價同上！特別嘅係五顏六色，睇落更有食慾，而且按住次序食(味道由淡至濃)食到最後一款川味小籠包(紅色)，雖然有少許辣味，但我接受到💃試過甘多款，我本人反而最中意黑松露小籠包(黑色)，因為佢味道唔會太濃，啱啱好！🙈👍

近期我盡量只會去衛生管理做得好d、味道keep到水準嘅餐廳，呢間都算係我心水list之一。呢碟菜嘅醋醬好容易沾上清新青瓜，同脆口海蜇頭，真係好開胃！四川夫妻肺片，迷你版冷盤黎講，味道不過不失。用盅上嘅蝦仁酸辣湯，美觀、料足、酸辣度亦十足，唔錯唔錯！點可以唔叫呢度嘅招牌原味小籠包，皮薄，比其他地方食到嘅更煙靱，肉汁清甜，即叫即蒸，仲有好多特別味道選擇，超級推介！極度推介呢個蟹粉炒飯，本身個炒飯已經炒得乾身又香蛋味，配上師傅精心泡製嘅蟹粉，個種鮮味撈埋食真係好味到不得了！蒜蓉炒菠菜，蒜味ok，可惜菠菜略嫌有d老，有渣。桃膠紅棗桂圓湯，少甜、好香紅棗味，好食！餐廳對防疫工作認真，量度體溫，設搓手液，每檯用消毒劑清潔，廚房師傅戴帽戴口罩，對客人對員工都安心d，十分欣賞！

因為工作忙碌，好少機會可以同屋企人一齊食飯，所以就趁假期抽時間陪屋企人食個飯，中菜就啱哂佢哋口味！🤓·🔸 招牌原味小籠包（$98/10隻）每次嚟都必食嘅小籠包！🤩 之前同朋友食過彩色嗰款小籠包，用嚟影相打卡一流！今次同屋企人食就食返原味，每粒都皮薄餡靚、湯汁飽滿，點上加咗薑絲嘅醋嚟食，好好味，記得一定要趁熱食呀！😍·🔸 無錫鮮肉鍋貼🥟（$38）鍋貼底部煎得好香脆，入面包住鮮肉同湯汁，一口咬落去，d肉汁多到漏出嚟呀！🙈·🔸 刀切小饅頭 (炸)（$28）點煉奶食一流嘅炸饅頭，食一啖點一啖！😚·🔸 川味涼皮（$52）帶點辣嘅涼菜，涼皮爽口彈牙，非常開胃！😋·🔸 蒜香排骨（$88）排骨切成長條形，估唔到咁大舊，啖啖肉，蒜香十足，啱哂喜歡食肉嘅朋友！🤤·🔸 上海外婆紅燒肉（$92）「廚師特選」嘅菜式之一，味道香濃，口感層次分明，肥而不膩！餐廳預先將紅燒肉切成6份，方便客人食用，夠貼心！👍🏻·🔸 菜肉雲呑豬骨湯拉麵🍜（$68）清淡嘅豬骨湯拉麵配有多粒足料嘅菜肉雲呑，夠哂飽肚！·好飽好滿足嘅一餐，嘆杯茶，食下野，幸福family time就係咁簡單！❤️

今次去左食樂天皇朝,佢地最出名嘅係皇朝小籠包(有八種唔同口味例如黑松露, 鵝肝, 蟹粉等等口味嘅小籠包),我地今次就無叫到皇朝小籠包 (因為之前試過有D唔太岩我地嘅口味), 所以都係叫返招牌原味小籠包! 我地好鐘意食呢度嘅小籠包,因為湯好多 (要小心唔好燙親,哈哈),皮都幾薄, 同肉嘅份量比例岩岩好 (食過一D小籠包好厚皮或者肉好多, 食到好膩><), 鐘意食小籠食嘅你可以試下!另外叫左2樣主食,其中一樣係菜肉雲吞豬骨湯拉麵, 呢度唔同一般上海菜館,係拉麵而唔係平時嘅上海麵,而且係豬骨湯底XD 有別於一般嘅清湯,所以食落幾惹味, 菜肉雲吞都唔錯, 同小籠包一樣皮幾薄(我好怕食太厚皮嘅野)!雪菜蝦仁炒飯蝦仁份量幾多, 其餘就係普通嘅雪菜加蛋炒飯,味道不過不失, 因為只係普通嘅炒飯,加上上海菜都係比較油膩, 炒飯就更加”油上加油”XD 係幾唔健康但係炒得幾香haha 間唔中食下都唔錯~最後甜品叫左桂花酒釀丸子酒味同桂花味都幾明顯, 所以食落有好香嘅桂花味又有糯米酒嘅味道, 丸子份量都幾多好有咬口!