憶食尚臘味煲仔飯

營業中

休息中

秋風起，又係食煲仔飯嘅時候喇。😜做下資料搜集搵下邊度有好味嘅煲仔飯食嘅時候，俾我搵到佐敦E一間高級煲仔飯餐廳！平時食煲仔飯可能都係啲市井少少好似大排檔咁嘅地方食，配上高級典雅嘅餐廳又係點嘅感覺呢？一於就去「憶食尚臘味煲仔飯」體驗下！😎餐廳入邊格局非常高雅，好似去咗高級嘅中菜館一樣。店員殷勤招呼，令我留下深刻嘅印象。點咗一份特色臘味煲仔飯同一份手工黃金麵。手工黃金麵即整即上，非常脆同香口，賣相金黃色好靚。嚟到主角煲仔飯，由店員奉上並且落醬汁兜勻佢。熱辣辣又香噴噴，又可以試到幾款臘味，痴住飯鍋嘅飯焦都係脆卜卜，唔錯唔錯👍🏼

早排去開佐敦果面做嘢，無意中發現有間裝修好靚！成餐西餐廳咁但原來係食煲仔飯嘅餐廳😂望落價錢又唔貴，同班同事又想坐耐少少可以傾多陣，所以就揀咗呢間食Lunch🍽✨芥菜排骨煲✨食落有好香嘅胡亂味！排骨炆得好嫩👍🏻啲肉吸收哂湯汁嘅精華，食落啖啖肉☺️就算空口食都唔會覺得鹹，調味做得啱啱好🤤✨手工黃金麵✨好特別嘅一款小食！其實係將佢哋自家出品嘅空心麵炸起佢製作而成！新鮮即叫即炸，咬落暖暖哋！卜卜脆😋配埋個糖醋汁，酸酸甜甜真係超級開胃‼️✨煎海鯧魚✨呢款魚嘅菜式相信都係呢間餐廳嘅招牌菜之一👍🏻煎落好香口，魚肉嘅肉質十分嫩滑，不過個人就覺得最好都係配返啲飯或空心麵食會好啲，因為如果空口食會有點鹹☺️之後叫返個主食，佢哋嘅招牌菜式之一，✨鮑魚XO醬撈空心麵✨呢款撈麵個麵底真係好好好好食呀😍食落帶點煙韌，就咁望佢外表咁幼身嘅麵，估唔到煮出嚟係咁嘅口感👍🏻個XO醬真係好好食，鮮味十足，一啲都唔味精！食完唔會口乾，果然真材實料💕一餐又唔貴又好食又坐得舒服嘅中餐廳而家真係越嚟越買少見少！呢間本人覺得絕對係誠意推介🥰一定會再有下次‼️

講起食煲仔飯，好多人都會話去廟街，不過我朋友反而介紹我去憶食尚臘味煲仔飯。朋友話除左煲仔飯，佢地仲有其他臘味小菜好好食。所以就約埋同事一齊去品嚐一下喇😋😋憶食尚臘味煲仔飯有兩間分店，分別係尖沙咀好利時大廈同佐敦文匯道。我朋友就叫我去佐敦文匯道果間，佢話雖然交通無尖沙咀店咁方便，但人流量無咁多，而且有兩層，食得舒服啲。店面係西餐裝潢，但食嘅係中式食物，好特別🧐🧐我地四個人叫到成枱都係，煲仔飯同手工黃金麵黎到麵無位上枱添😅雙味臘腸貝殼包，個包其實係配角，主角係雙味臘腸：鮮肉臘腸同川味臘腸。鮮肉臘腸好鮮甜美味，川味臘腸就有一點辣味。兩款口味各有唔同，兩款我都好中意😍😍霸王蔥油雞，雞好滑好香蔥油味，依個一定要點👍🏻👍🏻川味臘腸炒蛋，雞蛋炒到剛剛好，勁滑。川味臘腸同蛋混埋後，臘腸竟然變得無咁辣。唔食得喇嘅朋友可以叫依餸試下😉😉手工黃金麵，炸到好脆口，加上甜酸醬，食落有啲似潮洲飯店嘅糖醋兩面黃😂😂不過麵質帶有少少彈牙嘅口感👍🏻一見鐘情，原來係清蒸鮮腌海鯧魚，條切開一舊舊，再加拼返埋一齊，感覺好有趣。魚肉一啲都無腥味，細骨都無，得近頭果兩三件有幾條大主骨。魚肉有少少咸味，好食😗😗板鴨蘿蔔煲，蘿蔔好甜

今日朋友約出黎請食飯，順便公佈喜訊。起初聽到餐廳名擔心唔知好唔好食...會唔會好似大排檔嘅煲仔飯咁....點知食完呢餐，我地一行4 人都對餐廳有讚無彈，無論食物、服務定餐廳環境都無野可以挑剔👍🏻👍🏻👍🏻板鴨蘿蔔煲 板臘鴨係配蘿蔔竟然一啲都唔喊，仲帶出蘿蔔嘅鮮甜味👍🏻XO醬飽魚伴麵 XO醬唔係辣，反而帶有好香嘅花椒味，令人好想食完一啖再一啖。乾瑤柱好多仲好有口感，唔係李錦記等可以媲美。飽魚仔好腍、好入味。至於麵底一啲都唔輸蝕，口感用‘好彈牙’都唔足以形容😆只要食過嘅人就會明😏廣式臘味煲仔飯 (細) 真係正宗煲仔飯，有飯焦㗎😍😍臘鴨同臘腸配埋甜油，真係絶配。飯吸晒油香，勁惹味手工黃金麵 (4件) 麵本身好彈牙，煎過后仲好香脆，配埋酸甜醬汁，好開胃雙味臘腸貝殼包 (3件) 我覺得貝殼包夾臘腸最能夠食出臘腸嘅原味，餐廳細心位係係貝殼包中間預留左空位比大家夾臘腸用，真係好窩心🥰清蒸鮮腌海鯧魚 清蒸最能食出食物真實嘅一面！呢味鮮腌海鯧魚食得出鹽腌過嘅咸香味，但又不失鮮味，而且肉質仍然嫩滑，並唔似咸魚咁實肉的，厲害👍🏻而且廚師先切好一件件，再靚靚咁放返落碟，大家食魚時唔使夾到散晒。而且鯧魚基本上已起

某些食物，雖一年四季也可吃到，但總要到某些時節最能勾起食慾；煲仔飯便是一例，冬天吃著暖笠笠，最是窩心。單看門面又怎猜到是吃煲仔飯的地方？倒似是Tea House多一點吧？要食物有保証，當然要由源頭著手，憶食尚在國內擁有自家農場和工場，養殖/種植及生產各種原材料，令質素得以保証。而佐敦店內更設有零售部門，售賣自家製古法瓦缸頭抽、原萃花生油、鮑魚XO醬、廣式鮮肉臘腸、川味臘腸、陝北手工空心掛麵、五常大米、廣式臘肉、南安板鴨、鮮腌海鯧、臘味煲仔飯和御髪膳，全部食材真空處理及包裝，方便顧客帶回家慢慢享用。牆上多張照片便是國內的自家生產基地。食肆樓分兩層，下層適合三數知己共聚，上層則是大夥兒的聚餐區及VIP房。特色臘味煲仔飯（小～$148，中～$398）～除菜蔬外，食材基本上也是自家出品 - 米飯、臘肉、臘腸、南安板鴨，米飯吸收了臘味的油潤甘香，再配自家製醬油，相得益彰！用瓦煲煮出來的飯也較為香口，飯焦味香又脆、色澤金黃，滋味悠長！川味臘腸($78)～以四川花椒製作，口感麻香中帶微辣，配生蒜片同吃，更有風味。鮑魚XO醬撈麵(原味/勁辣/麻辣)$88～麵條用上「中空設計」的「陝北手工空