火五越式牛肉粉專門店 (其昌樓)

營業中

休息中

一搵越南嘢呢間就名列前茅，就試一試係咪真係咁值得食😏😏手作大蝦米紙卷（$38）雖然隻蝦都大隻，但食落唔明顯有蝦嘅感覺🤔而且食落好dry所有配料乾爭爭🫥即使點咗醬都覺得好乾😥而口感感覺同未加魚露嘅撈檬差唔多，所以又食撈檬又食米紙卷嘅話就好唔特別🥴火五火車頭牛肉粉（$68）🙌🏻🙌🏻🙌🏻首先必提🙌🏻牛丸非常好食！咬落有好多牛肉汁！而且彈得嚟又唔空心好足料🤩🤩而牛腩方面，部份牛腩有肉有筋嘅話好好食🙃但係有啲就得返啲肉就比較鞋😗扎肉都係好好食🤤生牛肉正常發揮😀配料方面有好多洋蔥，其實都夾嘅～但係唔鍾意洋蔥嘅話就真係要走😂因為有好多😂成碗都係🙈金不換、青檸同銀芽嘅配料就要主動講～好欣賞佢有三種秘製越式醬可以撈埋落牛肉粉😊個人最喜歡越北士拉差醬😋😋辣辣地～個味又好夾👍🏻👍🏻最後欣賞位係可以免費多河粉🤩但提醒大家一加就會真係好多粉🤣香茅豬頸肉撈檬（$58）都多豬頸肉，但厚薄不一，而薄嘅比較好食😆有香茅味但唔算好出。提一提魚露真係比較酸同辣🥲所以倒唔到好多落去撈檬～就會令到個檬比較乾身🥴📍總結：-牛肉粉絕對值得一試～仲再試下加埋秘製醬🙌🏻-下次會想試埋個雞翼🤤-欣賞佢有得自己斟水而且係青檸水👍🏻-可能因

個個人都話呢間 #火五越式牛肉粉專門店抵食又好味 就試吓係咪真係咁抵食先🤗炸軟殼蟹青木瓜沙律$68 🦀🥗勁大碗呀真係 我咁大食都驚食唔晒😂呢到係原隻軟殼蟹上 超級大方 （平時都係得兩舊仔）軟殼蟹咬落去脆卜卜又啖啖肉配上青木瓜沙律好清新又唔濟👍🏻峴港吉列炸蝦餅 $28🦐呢個蝦餅超級有驚喜 仲要$28有4件 抵食🤩外邊炸得夠鬆脆 每塊蝦餅都充滿蝦肉 爽滑彈牙 食落口熱辣辣又脆口☺️手作大蝦米紙卷 $38🦐🫔米紙卷入面塞滿蝦肉同瓜青瓜生菜等食落清清淡淡 好適合夏天香茅豬頸肉 $48🐖豬頸肉肉質爽而腍滑同埋肥瘦肉均勻 食落唔太肥膩😛港式奶茶$14🥤其實超抵飲$14咁大杯 如果奶茶味香濃小小會更好

星期日唔想出街食同人迫，決定買定外賣返屋企同屋企人食好西，慢慢食唔使急🙌🏻去買外賣既時候佐敦分店正值午市時間，人來人往，好不熱絡~不過外賣每個菜式都要額外再加$2~!<火五熟牛肉湯粉> $58牛肉湯底清香撲鼻，非常順口～牛肉肉質嫩滑，加埋河粉滑嫩又吸湯！<手作大蝦米紙卷> $38米紙卷好清新，共有四大件，配搭不同蔬菜，咬落去新鮮爽脆，解膩一流<越式炸蝦春卷撈檬> $42撈檬汁酸酸甜甜好開胃！配搭青瓜、胡蘿蔔絲，撈埋一齊食好正👍🏻<香草大蝦青木瓜沙律> $52香草大蝦有四大隻，咬落去脆卜卜，加埋爽口既青木瓜絲沙律，適合炎熱天氣食用😆

— 𝐵𝑒𝑒𝑟𝑃𝑖𝑔 𝑅𝑒𝑣𝑖𝑒𝑤 —【 抵食大大碗越南河粉 】#beerpig佐敦 #beerpig越南菜✨大家有興趣就記得｜𝐿𝑖𝑘𝑒•𝑆𝑎𝑣𝑒•𝑆ℎ𝑎𝑟𝑒｜呢個𝑝𝑜𝑠𝑡喇💖—#🍻🍖 質素：🍜火五火車頭牛肉粉｜$68呢款火五火車頭牛肉粉係呢到既招牌之一碗粉好大碗，呢個價錢係好抵食配料方面，除左有生牛肉片之外，仲有和牛牛丸·札肉·熟牛肉，一次過食到幾種配料而當中既和牛牛丸既牛味最突出，咬落彈牙又多肉汁，好食🍜香茅豬頸肉撈檬｜$58點左一碗湯河粉，另一碗當然係夏天既首選——撈檬呢碗撈檬又係大大碗，落埋魚露甜酸汁，又涼爽又開胃豬頸肉食落爽口，唔乾柴🌯手作大蝦米紙卷｜$38除左主食，小編仲點左呢款小食米紙卷唔太厚，咬落煙煙韌韌，用左大蝦·青瓜絲·生菜·檬粉做餡料，再點魚露甜酸汁食，感覺幾清新🧋凍越式香滑濃咖啡｜$19｜午市跟餐半價午市時段點粉麵/飯/青木瓜沙律仲可以半價跟杯飲品越式香滑濃咖啡味道唔太甜，咖啡味都算濃而唔會苦澀，大大杯仲係外賣杯，食完拎走邊行邊飲都得🧋凍越南三色冰｜$19｜午市跟餐半價三色冰同樣幾大杯，仲有啲軟滑既粉條咬下，夏天飲就解渴—🍻 #火五越式牛肉粉專門店 🍖📍佐敦白加士

麻甩專員今日去食左間好食嘅越式牛肉粉專門店要係香港確實食到一豌正宗好食越南牛肉粉確實好難，但呢間就正正係好食個間。手作大蝦米紙卷＄38米紙卷全人手包，旁邊放左少量嘅酸蘿蔔絲，爽口非常開胃卷內有青瓜絲，蘿蔔絲，生菜，少量檬粉，大蝦米紙卷皮唔夠薄，但食落好煙韌材料豐富，沾少少醬油膏同埋辣椒油再一啖放晒入口，簡直係滿足！。火五火車頭牛肉粉(河)＄６８生牛肉，熟牛肉，扎肉，和牛牛丸嘅配搭湯味香濃而家夠清夠香甜味道生牛肉唔係肥牛片已係刨牛肉薄片黎，唔肥而且夠香夠多熟牛肉有一大舊牛坑腩，爽脆得黎又夠淋身和牛牛丸放入口咬會爆晒d肥油香味出黎，成口都係油香味扎肉夠厚身，味道唔會太鹹又唔薄身整體成豌牛肉粉係100分。火五生熟牛肉粉(河)＄５８ 生牛肉片好多塊好抵食熟牛肉係崩沙腩同火車頭唔一樣，牛肉味香濃，而且夠淋身總結:米紙卷皮略嫌厚左少少，但唔影響食物嘅質素同味道湯底夠清夠香濃，食完唔會口渴而且配料份量夠多，粉仲可以免費加多直頭係平！靚！好食！專員會再黎翻食呢間越式牛肉粉麻甩專員評分區:店內環境: 9/10食物外觀: 10/10食物味道: 10/10整體分數: 9/10翻食指數: 10/10

好耐無食越南野，經過呢間小店見到門口左右兩條隊，原來係分咗堂食同外賣，兩條隊都咁多人，一於都去湊下熱鬧排隊試下🤣🦀炸軟殼蟹撈檬 $68呢碗主食一上枱已經surprise到我，軟殼蟹超大隻😍撈檬份量亦都好多，隻蟹炸得好好，炸粉一啲都唔厚，好多肉之餘仲有蟹膏🤩🤩🐖法式咖喱豬頸肉油香飯 $58咖喱好有椰香味，食落每一啖飯都充滿油香🤤撈埋咖喱汁一齊食超級惹味🤣咖喱汁亦唔算太辣，唔太食得辣既人都可以試下，而且豬頸肉好大舊，啖啖肉好滋味😍🧈意大利黑醋汁蒜蓉牛油雞翼 ($38/5 pcs)黑醋汁配蒜蓉牛油雞翼，聽落好似好怪，但食落出奇地夾🤣黑醋汁酸酸地既味道可以中和返牛油雞翼既油膩感，雞翼亦炸得好酥脆，口感唔錯👍🏻🦐手作大蝦米紙卷 ($38/4 pcs)煙煙韌韌既米紙卷，裏面有大蝦及蔬菜，岩哂素食人士🤣食得出蝦同蔬菜都好新鮮，點埋甜醋汁食好開胃🙈🍹凍越南三色冰 ($19)呢杯三色冰味道偏淡，飲落每啖都飲到冰，而且好難飲到啲配料，稍為失色🥲總結：價錢親民又足料，諗唔到食咩都係一個好選擇

禁堂食的晚上，繼續享用外賣🤤🤤今晚食越南菜，都真係好一排冇食越南嘢啦 🤤 外賣包裝良好，湯都會分開上👍🏻👍🏻👍🏻🔸生熟牛肉粉 $58▪️個湯底非常好味，好濃郁👍🏻 雖然生牛肉攞到返屋企已經變咗熟牛肉，但都係好有牛味，好食👍🏻🔸特色咖喱豬頸肉撈檬 $58▪️第一次食有咖喱汁嘅撈檬，出奇地夾😂😂頸肉有好多片，抵食👍🏻🔸手作大蝦米紙卷 $38▪️好清新，蔬菜好新鮮，好足料，件件都好飽滿👍🏻👍🏻👍🏻🔸香茅雞翼 $22▪️入味，令我好懷念去越南旅行嘅時光😂😂🔸火五特式鳳爪 $22 ▪️去左骨既鳳爪非常彈牙，佢伴碟有好多青木瓜絲，淋埋個汁上去非常好食👍🏻👍🏻👍🏻兩位外賣只需 $198 🤤🤤性價比很高😋😋

佐敦嘅美食真係花多眼亂，但呢排疫情有幾間出名嘅小店都無開，咁就好random咁試下呢間越南野🇻🇳火 五 越 生 熟 牛 肉 粉($58)一坐底已經聞到好香嘅牛肉湯味，所以就鎖定一定要食碗pho🍜睇番枱上嘅簡介，原來湯底用左牛骨加上16種香料低溫熬製而成，唔怪之得湯頭飲落鮮甜牛味濃，而生熟牛肉份量都好多，$58大大碗粉性價比真係極高！意 大 利 黑 醋 汁 蒜 蓉 牛 油 雞 翼($38)5隻炸雞翼表面鋪上熟蒜蓉，咬落去食到陣陣牛油香，而黑醋汁亦可balance番個肥膩感。星 洲 黃 金 蝦 球($48)有別於平時食開嘅黃金蝦球，佢個咸蛋黃汁係淋上炸好嘅香脆蝦球上，而汁嘅texture係偏稀所以唔會太濟，出奇地好食呀！手 作 大 蝦 米 紙 卷($38)煙韌嘅米紙包住新鮮大蝦同生菜，點埋甜醋汁一齊食，蝦嘅味吊哂出黎🤭總結呢間小店味道唔錯亦好抵食，回訪率極高呀！

同太太行開呢頭，肚仔餓要搵嘢食，見到呢間招牌都幾吸睛，望真D原來係食越南河粉既，啱晒我太太胃口，佢都幾鍾意食河粉既。第一碗火五生牛肉河上枱時，我同太太都有點驚訝，唔知原來咁大碗既，份量的真係多，多之餘味道都幾好，我特別鐘意個湯底，呢個味道令我想起越棧，以前係黃蒲工作，個度有間越棧，又係食越南嘢，嗰度都有生牛肉河，嗰個湯底係好正好正，所以每星期都會食一兩次。呢度既湯底亦真係好好，加上生牛肉這樣吃法會較為嫩口，這牛肉嫩口又好生鮮。枱面有一張法式咖哩牛筋撈檬既圖片及介紹，睇落幾吸引，所以叫咗一碗試下。呢碗都係大大碗，份量真係好，牛筋又滑又入味。意大利黑醋汁蒜蓉牛油雞翼，一份有五隻，第一次食，幾好。黑醋酸地，好開胃。加上牛油既香味，係好吸引既味道。手作大蝦米紙卷，配上酸汁，皮薄蝦大大集，味道一流。越南三色冰、荔枝梳打睇下兩杯飲品，真係已經覺得抵，同埋味道都幾好。特別係三色冰，甜度適中，夠椰香味，值得一試。呢個價錢，呢個份量，同埋食物質素都幾好，真係幾扺食。份量太多了，雖然碗牛筋撈檬最後都食唔晒浪費了，但飲品仲可以行住街街飲埋佢。

餐廳係地道小店 走平民路線😌價錢實惠之餘 選擇都唔少😲粉麵飯小食應有盡有🍚🍜雖然係小店 但係環境都算闊落👍🏼外賣同門口排隊既人keep住都有平時見好多人介紹 今次經開就食吓佢喇🤪- 🔸火五生牛肉湯濛  牛骨湯底既味道超濃郁 牛味香氣好重🤤但依然可以保持清澈唔混濁👍🏼配上洋蔥同香蔥可以增加湯底既甜味😋食之前記得飲兩三啖試試佢好重牛味既湯底🐂熱辣辣既湯將生牛肉燙成粉紅色😍我認為好處係唔會令到牛肉變韌 又可以保留牛既原味🤭佢既份量係非常非常之大碗 深不見底🤣  如果都仲係驚唔飽 加粉都係免費 岩晒大胃王朋友仔😆-🔸香矛豬頸肉油香飯  情況同上 一樣係好大碗 加飯都係免費🍚🍚雖然佢個名叫油香飯 但佢就處理得夠乾身😌唔會食到成口油冧冧既感覺 色水都好均勻🟡 豬頸肉唔算好肥 乾身咗少少🤏🏼配上蔥油後好香🤤個飯仲有青木瓜做配料🥗食起上黎有一種清新感覺👍🏼-🔸手作大蝦米紙卷  米紙卷好足料 舊舊都係咁飽滿🌯米紙薄得黎又可以保留到煙韌既口感😋入面全部都係爽口而清新既配菜 例如青瓜蘿蔔呢啲🥒🥕所以如果想食得濃味啲 就記得配埋甜酸醬食🧂- 🔸香矛雞翼  炸到脆皮既雞翼配上爆香咗既蔥油 好惹味💯淡淡既香矛味同

假日口淡淡 想食下唔同港式既食品去到佐敦見到有越式野食就去品嘗一下以往都覺得生牛肉好特別今次見到呢間價錢唔貴緊係叫一叫呢味餸鋪面唔大 環境算乾淨企理有好十部電視播緊大叔的愛🤣雖然人流唔係好多 無人排隊 但係keep 住每枱都有客人店員好有禮貌 唔係慣性系人面果啲打晒招呼咁有啲意料之外講下野食 未入去前都已經選擇好要生牛肉河男朋友就要招牌火車頭河粉未黎野食之前店員俾左杯配菜我地 話可以粉到時加落去個杯裡有銀芽 香葉 同埋青檸銀芽係我唔中意既 我預計到有陣青草味不過店舖好體心分開左方便啲唔食既人火五生牛肉河粉個碗上枱嚇親 好大碗 熱辣辣湯頭濃郁 加青檸汁可以解解膩有青蔥令成件事好清新！牛肉嫰滑 河粉又滑又彈牙火五越式火車頭湯河男朋友呢碗有唔同既配料札肉同埋牛丸有驚喜 好juicy 重牛味 洋蔥令湯底升華有啲黑椒調調味 令湯底不停飲都唔覺單調份量真係有點多😂好抵食第一次食紙米卷 每個入面都有個蝦 好彈牙 夾住生菜🥬清新得黎幾新奇不妨一試個雞翼上枱熱辣辣 但係味道上普通 加左蒜都唔覺好香口 但係可以加入湯河食不過呢個價錢食到五隻炸雞翼 已經值返晒中意食酸野既你可以試下 個汁酸酸甜甜咁咖啡幾滑

本來今日想去澳牛食野，點知黎到門口見到排晒大長龍，起碼等半個鐘，嬲嬲地係隔離搵間餐廳食，搵咗呢間越南河粉。.🍴越式魚翅花膠雞湯河$59好少見既越南湯河有花膠同魚翅😍雞肉係一舊舊雞件，煮得淋身，花膠魚翅份量都唔小，食落好濃魚翅味同埋一梳梳咁，夠真材實料👍🏻想讚下個湯底好多蔥同洋蔥，而芽菜同青檸就分開碟上既☺️.🍴手作大蝦米紙卷$38天氣咁熱岩晒叫米紙卷😍 透薄米紙包著鮮蝦，配以清爽蔬菜同青瓜香草，色彩繽紛，酸酸地好開胃。.🍴香茅雞翼(4件) $22香茅雞翼既蔥油味好香，炸雞翼就正正常常，主要係個醃料幾香香茅味唔錯。.🍴法式咖喱豬頸肉油香飯$58法式咖喱好特別，平時港式咖喱就食得多，法式咖喱個牛奶味較重，油香飯雖然肥啲，但真係香口好多，加埋個咖喱好適合餸飯👍🏻 豬頸肉份量勁多，最後都食唔晒🙈.呢間越南野都幾抵食又多選擇，難怪一路食一路都人流不斷🤣可能係呢區黎講真係抵食又大份👏🏻

夜媽媽想食麵又唔想食湯麵到成身汗，撈麵是無敵。 個腦叮🔔一聲出現撈檬一碗，口水都流埋，坐言起行，即刻去食₍₍ (ง •ᴗ• )ว‪ ⁾⁾‬。🇻🇳炸軟殼蟹撈檬 $68呀蟹外皮酥脆，非常香口；檬粉爽滑，掛汁一流但略碎，不過有大量蘿蔔青瓜絲搭救，爽脆又健康，加埋魚露撈埋就係夏日嘅清新好滋味。ps有得免費多檬（留意返佢本身已經超大碗）🇻🇳法式咖哩豬頸肉撈檬 $58第一次試咖哩撈檬，唔知咩玩法，左望右望碗嘢都唔知法式喺邊。好彩啲咖哩汁濃厚，偏甜唔辣，超惹味；豬頸肉肥瘦均勻，份量十足，係略嫌汁唔夠多，食到最後有啲乾。🇻🇳香茅雞翼 $22好濃嘅香茅味，雞翼煎得外脆內軟，面頭仲有炸洋蔥炸蒜頭，口感level 🆙。🇻🇳手作大蝦米紙卷 $38米紙卷漲卜卜好大嚿，入面有大量粉絲同菜，爽口，點埋酸甜嘅汁就更開胃了。

今日經開佐敦，搵梗有咩食之際，見到越南粉，門口好多app嘅車手，都好多人叫呢間外賣～心諗應該都唔差，加上都聽過呢間好多次，所以試一試～一入去坐低，座位都好闊落，2個人坐4人枱2個人 我地叫咗2個粉、3個小食～分別係：🍲香茅豬頸肉撈檬💰$58香茅味好出，我一向鐘意食豬頸肉，所以覺得好好味😋粉好多，一啲都唔慳住俾，不過細食嘅我食唔晒咁多🍜火五火車頭湯檬💰$62同行友人食湯檬，偷食咗幾啖，好好味！最鐘意食佢粒牛丸，好多汁，有湯嘅粉仲啱我口味～🐥香茅雞翼💰$22最好味嘅小食！好脆，夠味，唔會太咸🦐越式炸蝦卷💰$28好脆，食完冇好熱氣嘅感覺，點少少酸汁仲好味，入面有好多蝦膠，重點係：一啲都唔厚皮，唔會扮大條，所以我哋都食得晒🦐手作大蝦米紙卷💰$38好大卷，粒蝦都大，清清哋，好味，點啲汁食會更好，入面有菜，感覺上清新啲，清除返食完炸嘢嘅熱氣感覺總結一下，呢間真係好抵，可以再食，下次試埋其他款式！💰 Total: $208/2ppl🚩火五越式牛肉粉專門店 (佐敦店) (佐敦)📍佐敦白加士街55號其昌樓地舖

1. 火五火車頭牛肉粉 ($62)肚餓去食越式嘢必叫火車頭河😛哇哇哇！好足料呀！除咗生熟牛肉之外，仲有和牛牛丸同扎肉，牛丸特別好食！口感好彈牙，又好有牛味～湯式偏重胡椒味，河粉份量好多，食到同行友人飽一飽(˶‾᷄ ⁻̫ ‾᷅˵)2. 越式花膠老火雞湯檬 ($56)好少見越式餐廳有花膠雞食，今次決定試試佢(⁎⁍̴̛ᴗ⁍̴̛⁎) 有驚喜呀！花膠數量比想像多，都有幾塊，而且好爽口～雞件唔會鞋口，都有好多粒呀！湯底都有啲胡椒味～ 整體唔錯！3. 手作大蝦米紙卷 ($38)外層紙卷好簿身，每一粒卷卷都有一隻大蝦，入面再有生菜同青瓜，咬落去好爽口好fresh！我同朋友都幾鍾意～4. 火五特式鳳爪 ($22)酸酸甜甜嘅無骨鳳爪小食，呢個價錢嚟講份量都算多，而且每隻都幾大隻，口感又係好爽，食到索索聲🤣係好好嘅開胃小食！5. 凍越南三色冰 ($19)夏日熱辣辣，唔飲返杯冰對唔住自己～ 椰汁味好濃呀，好大杯又解渴，底下好多三色條條，好有口感呀！XD整體舖面好整潔，位置唔算多，今次嚟嘅時候坐滿晒客人，留意到樓面做到踢晒腳，但店員都好好態度好有禮貌，值得嘉許！今次我同朋友兩個人食咗唔洗$200，又有小食又有飲品，食到飽一飽