小島料理

營業中

休息中

店面好細，約容納4張2-4人枱以及一張門口隔離，可望街外的兩個吧枱位。我哋7點到，已經要排籌等3張台。雖然多人，但用餐時間並無限時，可能因為製作牛丼都需時。主打5個丼飯套餐，裡面包咗前菜、日本茶或湯，CP值超高👍🏻👍🏻👍🏻👍🏻👍🏻先上前菜嘅日式沙律亦一D都唔馬虎，爽脆開胃，吾係一般嘅中華沙律，後上嘅昆布鰹魚湯亦大碗熱上。我哋點左兩個飯，慢煮西冷牛丼，佢有3個size揀，分為小盛、並盛、大盛，分別係每個加約3成肉量（大約係多3片肉嘅份量），而飯量係不變嘅。我哋梗係揀咗大盛啦，方便share同食肉。一碗牛丼飯量其實都幾多，裡面有生菜絲、翠肉瓜、日本生蛋同乳酪醬，撈勻食令成個牛丼可增加口感，牛肉本身亦好軟淋，沾滿新鮮蛋汁令牛肉帶微黏質，食落順滑不膩，乳酪醬都好點睛。另一碗係沖繩豬肉塔可飯，裡面有蕃茄粒、生洋蔥粒、生菜絲及乳酪醬，撈起嚟係充滿墨西哥風味，微酸微辣減低咗食飯嘅膩感，食落好清爽開胃

想試好耐喇， 上次嚟到無開， 今次終於有得食喇。 嚟到係晚市比較早嘅時間 都已經有幾枱喺門口等緊位，不過佢返枱都好快（下文再講呢樣野），好快就有得入去。 小島料理 係一間日式小店，座位唔多，坐低都幾迫。 食物選擇主要係賣佢地幾款招牌丼，我就揀左慢煮牛丼， 本身想揀肉眼但係當日無，變左做比較近牛肩部位嘅牛板腱代替，呢兩種牛肉其實本身係價格上係有幾明顯嘅分別，所以當下嘅感覺都有少少怪，不過唔緊要一場嚟到試試佢。 上菜唔算等好耐，個丼個樣係幾靚仔，急不及待要開動喇～ 味道方面其實係做得幾好，肉雖然係薄切但係份量都幾好，將飯撈埋牛、生蛋同乳駱一齊食係爽嘅，加埋以佢呢個價錢，唔怪得小島咁受歡迎。 我叫左嘅係「並盛」即係你當佢係中 size 啦，如果加大變做「大盛」加$20左右肉量會再多 30%，感覺上「食肉獸」揀大盛應該無誤。另外叫埋個「沖繩豬肉塔可飯」，有豬肉碎、蕃茄、洋蔥、乳駱，同佢個名一樣喇，係好明顯嘅 taco 風味，望落去個樣有少少似鹵肉飯，都幾好食。試埋佢嘅甜品，揀左芝士撻同北海道牛乳蛋卷，兩個都唔錯嘅，中規中矩，牛乳蛋卷就偏甜啲但係OK嘅。頭先講過，佢返枱都幾快，其中一個原

小島料理度的人氣主打慢煮牛丼，選用美國安格斯牛肉，將慢煮後粉嫩多汁的西冷切片後鋪上飯面，加入自製乳酪蛋黃醬、微辣照燒汁，以及日本蛋黃。即使配菜也絕不馬虎，翠玉瓜及玉米筍皆以牛油煎過，豐富的層次，構成最滿足的日本味道。Using Angus beef with housemate mayonnaise and egg yolk, this grilled beef donburi from Kojima Kitchen brings the memory of a bowl of satisfaction during midnight at Tokyo izakaya. 

小編特別喜歡街坊小店，近排發現咗另一間喺大角咀，一打開門，見到坐滿哂人以為冇位，好彩仲有位。店主打日式牛丼，係安格斯牛，亦有豬同雞，嗰牛井啲牛係慢煮，好似好吸引，就叫咗牛。題外話，嗰餐牌係漫畫畫，畫得好靚，好有日本風格，好似置身日本，讚。📌慢煮牛丼嗰牛丼係用安格斯牛肉，加上慢煮，肉質特別鮮嫩多汁，擺丼亦用心，牛肉呈鮮紅色，5大塊放成好似花瓣咁，好靚，中間有一個日本蛋黃，刺穿之後蛋漿滲入啲飯度攪勻食，加上秘製醬汁同乳酪醬，極似日本風味，仲有搭配清新雜菜同生菜絲，整個牛丼非常豐富，份量亦適中，怪不得好多人坐唔到裏面都要叫外賣。📌鬆餅(士多啤梨)小編仲叫咗一個甜品，係士多啤梨味鬆餅，小小一件，感覺清新又唔會太飽，店主話係日本直送唔係成日有貨，好彩今次食到，確實好味，作為飯後甜品就最好了。