WM Café & Bar (雅濤居購物商場)

美食沙漠黎講，馬鞍山呢間西餐廳都算係唔錯，性價比都算高。選擇算係好多嘅，沙律三文治焗飯意粉扒，基本上一間西餐廳會有嘅菜都叫到。最驚喜係餐湯有忌廉龍蝦湯。拿，唔好expect堅有龍蝦，但佢個味道係有濃濃嘅龍蝦味，而且係滑身嘅，呢個湯係為成個set lunch 加左好多分。main我叫左米蘭豬蕃茄焗飯，等左成廿分鐘，所以應該係新鮮焗出黎，無鮮茄係入面差少少，但係係好食嘅，$70都唔洗，呢個質素無對我唔住。如果想坐得舒服少少，又可以食到一個proper的西餐，WM 的確係唔錯嘅選擇。食飽飽仲可以順便行去海邊輕鬆下。…查看更多

WM Café & Bar主要係食西餐，午餐食好抵食，價錢大部分都係六十幾蚊，包餐湯包飲品，選擇極多，而且唔洗加一。Overall覺得唔係特別好食，定位係偏向快餐，唔好expect食到出面啲cafe既質素，但係真係抵食同埋選擇夠多。1⃣️香煎魚柳配西西里茄蓉汁（$57）魚柳炸過，表皮香脆，仲有好多茄蓉係面🍅茄蓉偏酸，唔會好流質，伴意粉食都唔錯。  2⃣️香煎豚西冷拼北海道檸檬鹽烤雞（$63）豬扒同雞扒配上黑椒汁。豬扒肉質偏厚實，而雞扒就幾嫩滑，冇乜驚喜但係幾抵食。  3⃣️烤燒紐西蘭肉眼扒配紅酒燒汁（$93）牛扒揀左七成熟，熟度同我想像中既一樣。肉都幾大塊，不過偏薄同埋都有啲啲筋位😬薯菜份量都多，不過薯條本身冇調味，炸得脆既，但係有幾條會有少少乾硬。總括黎講覺得呢個價錢有得食塊都幾大塊既扒，再有埋餐湯同飲品幾抵，不過就唔好期望太多。  4⃣️WM小食拼盤（$138）有豬肉腸、豬仔骨、薯條、炸雞翼同埋雞槌。份量算大，但係其實每一樣嘢既質素都係普通。比較好食既係豬仔骨同埋炸雞翼。豬仔骨表面有蜜汁，燒過之後味道唔錯，不過肉質有啲乾。炸雞翼層皮層得夠脆得黎冇裹上厚粉，而且都整得幾惹味🤤  5⃣️抹茶牛奶（午餐+$24）本身想嗌奶蓋但係果日咁啱冇，於是就揀左杯抹茶牛奶。抹茶味唔算突出，唔係唔好 飲，不過比較普通。  6⃣️藍莓芝士蛋糕（午餐+$14）午餐可以加錢要是日甜品。揀左佢地既藍莓cheescake🍰同我想像中既唔太一樣。佢係面頭同底層都有層cream cheese，中間夾住海綿蛋糕，上面再淋上左啲藍莓果醬。芝士味唔出，不過呢個價錢有件似樣既cake食都絕對收貨啦😌  7⃣️Tiramisu（午餐+$20）Tiramisu食落一啲都唔細滑，好似雪到乾左咁😧食落比較似係一件咖啡味蛋糕多過tiramisu。不過真係平既，出面食tiramisu起碼都要五六十蚊件。  8⃣️南瓜湯（跟餐）湯有得揀南瓜湯或者龍蝦湯。南瓜湯入面真係有好多南瓜絲，飲落唔會好甜🎃  9⃣️忌廉龍蝦湯（跟餐） 唔洗加錢都有得飲龍蝦湯🤩龍蝦湯味道鮮，好飲🤤 …查看更多

牛年剛至，大胃由上水踩單車踩嚟馬鞍山，路程過咗一半，命都得返一半，係時候補返失去嘅牛咁力，唔係飲Red Bull，而係走咗去一間西餐廳，直頭去鋸扒一嚟就整返塊牛柳先啦，紅酒燒汁喺燈光嘅映照下，顯然閃閃生輝，肉扒嫩滑非常，加埋飽肚薯菜，元氣已回復咗大半紐西蘭牛柳都不遑多讓，5成熟啱啱好，厚度唔太厚卻肉質飽滿幼滑，醬汁亦係畫龍點睛之處除咗主角，配角都係重點，佢地嘅湯非常出色，龍蝦湯味道好濃郁，教人回味無窮除咗龍蝦湯，仲可以揀蕃茄湯𠻹麵包浸落湯，更添滋味做運動梗係要飲返杯嘢，好彩杯檸茶唔係好甜啫食完補充返大髀力，繼續踩返去上水先…查看更多

見天氣好似涼咗啲，所以星期日就去踩單車🚲，點知都係好熱。我同朋友由馬鞍山踩去科學園，所以第一站先喺馬鞍山食個午餐。我哋唔熟呢頭，上網見「WM Café & Bar」幾多好評就試下，加上又近起點。餐廳面積原來好大，人流不絕。環境亦唔錯，乾淨衞生😊。店員們全部都超好人同有禮貌，幫我哋拍多張枱擺嘢，又記得我哋叫咗甜品，食哂主菜後主動送上，服務細心，抵讚👍。餐牌大大張，早午茶晚餐全部都有成廿款揀，花多眼亂🤣，有選擇困難症嘅人又遇上麻煩。午餐價錢親民，平均$5X至$7X一份。餐湯預設一定有得揀忌廉龍蝦湯，唔駛額外加錢，出品仲要唔馬虎，幾濃郁🤤。另一款係是日餐湯－蕃茄湯🍅，味道偏甜少少，都OK。🍞跟湯嘅麵包原來好脆㗎！WM全天候早餐配牛油多士($73)，加煙三文魚($8)。早餐大大份，並將所有食材放上一個煎Pan造型嘅碟上面，感覺可愛😍。早餐唯一要揀嘅項目就係蛋🥚：黑松露炒蛋或者太陽蛋。全日早餐包括黑松露炒蛋、烤蕃茄、豬肉腸、煙肉、蘑菇、茄汁焗豆、粟米、煙三文魚同沙律菜。炒蛋香滑，而且黑松露醬好香；個人鍾意佢有埋蘑菇🍄同粟米🌽，最後食埋塊多士麵包就一定飽哂！美國BBQ烤手撕豬菠蘿芝士漢堡配薯條($63)，先講炸薯條🍟，佢應該係一大包買番嚟嗰種，亦無乜特別醬料，不過勝在熱辣辣炸起，我哋三兩分鐘就將佢哋KO。漢堡包大小剛好🍔，厚度係可以讓我一啖食哂咁多層。麵包有烘過，所以口感偏脆，而唔係行鬆軟路線。我食漢堡係因為貪佢有🐷手撕豬做餡料，豬肉份量超多，湧哂出嚟，調味用上燒烤醬，相當惹味😋。同時，餡料仲有大大片菠蘿、蕃茄同生菜，成個組合超夾之餘，亦能平衡一下燒烤醬嘅濃烈。檸檬芝士蛋糕(跟餐+$12)，餐廳嘅自家製甜品係三款芝士蛋糕，當中有檸檬味🍋，自不然係我嘅首選。蛋糕口感無平日食開嗰啲咁厚稠，飽滯感亦較低，檸檬味就好突出，唔錯。飲品方面🥤，我哋要咗凍奶茶同凍檸檬紅茶，味道正正常常，但留意番凍飲要加$4。總括嚟講，呢餐係一頓休閑嘅週末滋味午餐🍽，定價合理、選擇多、食物質素不俗、環境衞生同服務都好好，各方面均令人滿意。我相信佢係馬鞍山附近一帶街坊嘅食堂，家庭聚餐最適合不過🈴️，用餐過程期間眼見唔少外賣訂單。…查看更多

今日得閒，約埋老友記，試新餐廳，早排開車經過，這間餐廳，門面裝修黑色為主有點特別，經常見人排隊等候入座，今日不用返工，特登早啲走嚟試午飯🥣12:15到門口，門口接待員，熱情有禮帶領我們到卡位，入去裝修以啡色為主，更有我喜愛英式啡色窩釘梳化🛋️，而且座位十分闊落，整體裝修也有點懷舊感覺！不是一般茶餐廳感覺！Set lunch 也許多款式選擇，我們叫了1)鹿兒島黑豚西冷配北海道檸檬海鹽吼雞意粉🍝上碟，熱辣辣，海鹽烤雞扒，好味香脆，西冷扒厚肉，意粉硬度，適中👍，啱我口味😊還大大碟2)全天候早餐配烤多士朋友說，也很好味😋，全部新鮮熱辣辣上，竟然有兩隻太陽蛋，兩條好味豬肉腸3）餐湯忌廉龍蝦湯未飲，已聞到很香龍蝦🦞味，飲落香濃龍蝦湯，真想要求送多碗來😂凍檸茶 ok凍奶茶🥤，奶多了一點服務員熱情介紹，藍妹芝士蛋糕🍰，可惜我們食得，太飽了！下次一定要試吓！最後食了$124 好抵食，下次一定再來！…查看更多

星期五嘅夜晚，食店再現滿客情況，隨着疫情緩和，很多市民更有信心出街用餐。這一日，我哋放工之後嚟到依間馬鞍山住宅區中嘅餐廳。望落去都幾舒服。夜晚來講，食物同價錢都相對幾抵。我哋叫咗兩個晚餐。先來的是龍蝦湯，好少在餐廳餐湯飲龍蝦湯，想不到味道非常濃郁，而且仲有少少龍蝦肉。跟湯配上嘅蒜蓉包都幾香口好味。第一份主菜終於上枱啦！意粉好彈牙，配合埋醬汁好好味！好少在餐廳食到彈牙嘅意粉，較有咬口。軟殼蟹外皮嘅炸漿好薄，炸得好香脆。另外一份晚餐我哋點左意大利飯。今次嘅意大利飯粒粒飽滿，好煙銀，醬汁包得好均勻。鴨肉份量好多，鵝肝嘅油香好甘香。另外我哋點左餐飲，當中凍朱古力上面加咗忌廉，同埋佢係牛奶味好濃，好好飲。餐廳質素不差，難怪咁多客人。下次經過呢邊再會考慮來嘗試😊卜…查看更多

曾幾何時，馬鞍山號稱為美食沙漠，幾年之間，現在已經食肆林立，終於可以洗脫美食沙漠的污名。🤭WM Café and Bar，位於馬鞍山鞍駿街15號雅濤居購物商場地下G01B號舖，位處大街，很容易找到。一般西餐廳格局，很有情調，舒適整潔，衛生情況良好。午餐選擇有十幾款之多，每款都是六十幾元，配忌廉龍蝦湯，湯內有龍蝦肉碎，比較杰身，味道濃郁。北海道3.6牛乳溫泉蛋卡邦尼意粉$62，意粉幾creamy，溫泉蛋剛好半熟狀態，口感非常嫩滑。鹿西冷兒島黑豚配北海道檸檬海鹽烤雞飯$68，份量頗大，肉質嫩滑，相當抵食。飲品方面，凍奶茶跟餐加$4，凍朱古力咖啡跟餐加$12。…查看更多

已經home office 數個星期，一日在家三餐真的有點單調，所以上星期五就到屋企附近的WM Café and Bar吃晚餐。餐廳面積廣闊，充滿空間感，坐得頗舒服，而且環境亦算衛生潔淨。晚餐價錢由$68至$128，以同區來說甚為抵食。晚餐奉送餐湯、餐包及飲品。忌廉龍蝦湯色澤紅潤油亮，湯頭較稠身，喝起來濃濃滑滑的。餐包稍嫌烘得不夠熱，不過質地鬆軟。烤石斑魚柳配芥末籽燒汁 $88魚柳烤後面層微脆，肉身雪白豐厚，每口都是啖啖肉。魚肉細嫩多汁不乾身，調味不重，最能表達食材的原始鮮味。WM威靈頓牛柳 $128想不到只需平民化價錢就可食到威靈頓牛名菜，外層酥皮焗得金黃鬆化，賣相誘人，帶有牛油香。脆薄的酥皮包著牛柳，中間有蘑菇醬夾層，做法正宗，不過牛柳就overcook 了，質地稍韌。跟餐加$9 就有熱朱古力，入口奶滑，甜度不高。加$18就有黑牛梳打，以冰涼雪糕配搭衝擊味蕾的汽水，喚起美好的童年回憶。…查看更多

因為放假～來到馬鞍山逛逛海濱～🌊越夜越大風🥶，回程搵食補充熱量～～商場內門口比路邊的門口吸引，一片綠牆，影完相就食埋晚餐先走～😆晚餐由$68-$128，有餐湯及包～加一收費。完成晚餐後覺得呢個價錢絕對係抵食！點完餐～🦞龍蝦湯送上～濃厚蝦味，嗅覺味覺全滿足！仲有蟹肉！🦀因為天氣寒冷，叫番杯熱朱暖暖先～一個字-好豬！飲落就知，質地濃厚，似係用奶去沖調，飲完好鬼暖Happy Hour 大放送～我唔知算唔算抵，老公叫咗杯1664 $38主菜來了～聽講呢個菜式考功夫花心機～難得$128試到～好厚嘅牛柳，外層係焗得香酥嘅酥皮，內裡切開係好靚嘅顏色，入面Keep到肉嫩唔乾，無overcook！入口除咗牛味，仲有陣黑松露味！另外碟邊有鹽，配肉亦不錯！薯蓉唔係粉開個啲！蓉入面有薯粒，兩種口感。味道很不錯，連唔鍾意薯仔嘅老公都話好食！煎得好靚嘅魚！但唔會乾，肉質嫩～🐟一樣有薯蓉～試完杯有質素嘅朱古力，老公飲完啤酒忍唔住叫杯Cappuccino～佢comment係「😋好飲！」加$12有自家制甜品～揀咗Tiramisu，但入口唔係Tiramisu😂。清香檸檬味，㗳真啲，有啲海鹽～面層係薄薄朱古力醬，好食又唔膩！仲有啲暖笠笠餐～聖誕到會～$128食到威靈頓牛柳！抵！自家調配的獨特味道～歐陸風～拍拖影相一流！…查看更多

馬鞍山剛剛開了一家西餐廳，其中一道招牌菜是威靈頓牛柳，我當然不會錯過，今晚就獨自一人來吃晚餐，享受一下片刻的寧靜。跟店員表示要WM威靈頓牛柳晚餐，店員溫馨提示，菜式即點即焗，大約需要等十多二十分鐘，不要緊，飲住湯、食住包等。先來忌廉龍蝦湯及餐包，餐湯濃稠但龍蝦味不算重，麵包烘熱配冷凍牛油，喜歡餐廳夠細心。等了一會，店員端上威靈頓牛柳，酥皮焗得金黃酥脆，切開牛柳呈現誘人的粉紅色，肉質粉嫩，用了黑松露醬作內層，味道不錯，而且廚師在碟邊加了喜瑪拉雅山岩鹽，牛柳沾一點岩鹽更提升肉味。天氣凍凍的，來一杯熱朱古力 + $9 挺滿足的。聽店員介紹，原來餐廳另一特色是自家製的芝士餅，晚餐 + $12 便可享用一件，今晚有藍莓、朱古力及比較特別的Sour Cream 酸忌廉，坊間比較少供應，立即點一件試試，酸味平衡，跟芝士味道配合，減輕了膩滯感，芝士餅變得輕身美味。鄰檯小情侶的芝士火鍋相當吸引，蓉蓉細語，一人一件，甜蜜溫馨。再望望menu，我已經有目標了，下次到來要點意式咖喱燴羊柳焗農夫包，隔離枱女仕特別讚賞農夫包焗得香脆，質感綿密，聽到流口水了。…查看更多

喺馬鞍山區大部分都係連鎖店，所以有時試下小店反而會有驚喜，見佢新開所以一於決定幫襯下。Dinner set menu 比較簡單，係忌廉龍蝦湯 + 主菜 + 飲品，覺得唔夠嘅話，仲可以加錢追加薯菜/沙律/甜品等。我同朋友分別揀左 WM威靈頓牛柳($128)、鹿兒島黑豚西冷配檸檬帶子青蘋果絲($98)、凍檸茶(凍飲加$4)餐包 ：夠鬆軟，切開塗牛油黎食忌廉龍蝦湯 ：呢個非常之有驚喜，平時平民西餐廳都係紅湯白湯，飲落普普通通。估唔到呢到餐湯係忌廉龍蝦湯之餘，仲要係超符想像咁好味，香味非常香濃，入口CREAMY，仲有DD龍蝦仔肉添，飲得出落足心機鹿兒島黑豚西冷配檸檬帶子青蘋果絲：無論黑豚西冷同帶子都煎得唔錯，再加上檸檬汁同青蘋果絲少少酸甜感，食落個味道幾FRESHWM威靈頓牛柳：威靈頓牛柳都算係喜愛嘅經典菜色之一，烹調方法比較繁複，以呢個價錢食到都幾超值牛柳肉質嫩滑唔鞋口，加上外層脆皮同D調味醬料一齊食，口感同味道都幾豐富佢呢2款主菜都有岩鹽放喺隔離，有需要可以點少許黎食，更添美味同埋佢仲有薯蓉同沙律菜伴碟，食埋就啱啱夠飽2人加一後埋單$257.4，以呢個價錢食到有質素嘅西餐，絕對超出期望，值得回頭返食…查看更多

週末到屋企附近閒逛，經過這間新開業不久的WM Café and Bar，就在這裡吃午餐。餐廳面積廣闊，充滿空間感，坐得頗舒服。午餐價錢由$60至$68，以同區來說甚為抵食。忌廉龍蝦湯龍蝦湯色澤紅潤油亮，湯頭較稠身，喝起來濃濃滑滑的。鹿兒島黑豚西冷配北海道檸檬海鹽烤雞薯菜 $68想不到份量頗足，尤其是豬扒夠大件頭。豬扒煎得帶有焦香，肉質鬆軟，不過就略嫌肉汁稍為乾了點。配上懷舊風的曲薯條，但可惜不是即炸，所以溫度不夠熱。WM烤汁手撕豬肉芝士漢堡 $68疊得高高的漢堡，裡面配料有菠蘿、手撕豬肉、蕃茄片、芝士及生菜。麵包佈滿芝麻粒，麻香四溢，只是烘焗時間可能過短，欠了外脆內軟的口感。手撕豬啖啖肉，肉質軟嫩，加上菠蘿切片，醒胃清新不膩口。餐飲就點了冷熱朱古力各一。…查看更多