帝樂德國餐廳 (Fashion Walk)

營業中

休息中

有一日，一班朋友話想食德國菜，就同朋友訂左呢間餐廳，係食野之前，已經唔多高興，店員服務態度差，我諗住指住個menu 話佢知食咩，佢話，咁姐係要咩咩咩啦係咪，成程黑面，未食已經嬲嬲地，其後叫野飲，好彩唔係同一個，有禮貌好多！好彩，如果唔係都真係幾受氣！首先黎到嘅係芝士拼盤，我超級喜歡食芝士，所以完全係我喜歡，揀嘅芝士都係比較濃的，但有朋友對芝士一般，就會覺得一般。德國腸普通，冇咩特別驚喜，都係一般的，燒雞都係一般，燒到有啲老，唔滑，海鮮飯加嘅香料我不太喜歡，朋友就好鐘意，海鮮係不錯的，足料，豬手好脆，直一得一試，送酒勁正，豬手送上黎會問下我地要唔要切，如果你唔想佢幫手，都可以叫佢就咁上，但我地唔想自己黎，所以都叫左佢幫手，雖然好夠脆，但啲邊位就好硬，硬都咬唔開，好實！最鐘意就係個薯餅，佢係刮絲再壓形，煎炸完勁好食，表面勁脆，入面又好軟，食得出一絲絲嘅薯仔，係食到佢真係薯仔絲！推薦呢個啲，整體佢嘅配菜都做得唔錯，配菜食曬多過主菜😆😆

8月份好姊妹既生日會 食咩好呢？！日本菜？韓國菜？西餐？定中餐好呢？! 靚女好友話未試過搞食德國菜喎，有意思有意思 ，我即刻上OpenSnap揾資料, easy job~有圖有真相 ，極速篩選下揾到"King Ludwig", 有几間分店，大家投票下揀左銅鑼灣分店！靚女好友預早訂位，細問下得知自㩦蛋糕，要收切餅費每位10蚊！我再提議靚女好友問下餐廳有無生日蛋糕或甜品供應，先知有雲石芝士、朱古力及香橙味三款蛋糕 ，價錢係$168一磅。有主菜食，我地當然係訂一磅夠喇，訂左壽星女既至愛~朱古力味 ！是晚我同豬仔準時到達“King Ludwig"，眼前 係一間蠻有氣氛既酒吧式餐廳，門外有充滿異國風情既露天茶座，還掛有搶眼既黑白格仔德國幟旗！走進餐廳，我地被帶領到Live Band前既長枱位置。室内燈光柔和幽雅，伴隨著輕鬆音樂 ，感覺so relaxing！甫坐下，大家寒喧一番，不時聽到歌手們輕唱著懷舊英文歌 如"Right Here Waiting"等等，悦耳動聽 ，好有feel啊！嘆德國菜，當然首選地道既鹹豬手 , 我地十個人，一點就兩個豬手 ！細心既侍應生姐姐話幫我地