Mokumoku Yakiton (永光商業大廈)

這間居酒屋位於銅鑼灣，主打日式串燒，專門搜羅不同的豚肉。店內環境寬敞舒適，裝修以簡約的日系木板為主，擺放不同的毛公仔及日本海報等，如置身日本居酒屋一樣。前菜 - $32水果番茄酸甜可口特別醒胃。明太子沙律 - $48一粒粒明太子富鹹香，入口爽脆富彈性，好清新。刺身盛三款 - $168四片雪白肉厚的帆立貝純淨甘甜；兩隻肥美的赤蝦爽口有彈性，淡淡的甜味，口感軟綿；四片細嫩鮮美的三文魚甘腴肥美。槍魷魚 - $188鮮嫩的槍魷魚比起一般的墨魚或魷魚，有著更鮮甜的海水味，入口柔中帶韌。西班牙黑豚豬頸肉 - $38/1黑毛豬豐富的油花分佈平均，豬頸肉質感脆爽嫩滑，充滿肉汁，油而不膩。露筍豬肉卷 - $38/1脆嫩的綠蘆筍好清爽，包裹著肥美的豬肉添油香。豚肉鵪鶉蛋卷 - $36/1一串有三粒圓潤的鵪鶉蛋咬開軟滑帶鹹香，香脆的豚肉添油香。雞翼串 - $38/1一串兩隻肥美飽滿的雞中翼外脆內軟，雪白的雞肉嫩滑多汁。雞軟骨串 - $28/1爽脆的雞軟骨有肉有軟骨，好惹味。日本長蔥 - $28/1比一般的蔥多帶了點甜味，更有些味噌調味。乳酸梳打 - $38酸酸甜甜的可爾必思梳打，有著清爽的碳酸氣泡。巨峰梳打 - $38乳酸梳打基底，再加入香甜的巨峰提子漿，充滿果香。…查看更多

同事生日話想食串燒, 見網上呢間餐廳評分唔錯就book咗呢間同佢賀生。木系裝修, 配合牆上所貼嘅日文字貼, 營造出日本當地居酒屋風味。餐廳主打刺身同埋串燒, 而且所有串燒都係即叫即燒, 美味又高質。入座即送上前菜 (HK$32)已去皮嘅蕃茄, 加了酸汁, 蕃茄質感林而多汁, 清新開胃。【牛蒡】HK$38質感好爽脆, 酸味味, 細味帶少少甜, 係一款開胃小食。【刺身盛】HK$168每款刺身都很新鮮, 而且厚切, 非常滿足口感。肥美帆立貝跟檸檬片相夾, 沾上了檸汁, 令味道清新鮮甜。三文魚魚質偏林, 赤蝦肥美爽甜冇腥味。【燒雞皮】HK$28/串雞皮燒至乾身, 毫不油膩, 焦香香脆。【芝士翠肉瓜】HK$28/串翠肉瓜雖然唔係厚切, 面層芝士經輕輕火灸, 令芝士跟翠肉瓜熔為一體, 入口面層芝士質感軟棉, 下層翠肉瓜清甜多汁, balance到濃郁芝士, 邪惡而不膩。【西班牙黑豚肩肉串】HK$38/串黑豚肩肉表面帶少少油光, 肥瘦參半, keep到本身肉汁, 表面加上黑椒, 惹味。【豬生腸】HK$34/串口感好煙韌, 平均掃上甜甜地秘制汁醬同埋加上蔥粒作調味。【豚肉鵪鶉蛋卷】HK$36/串豚肉燒至金黃微脆, 包住了鵪鶉蛋, 入口一咬, 濃郁蛋黃從口中爆開, 口感特別又好味。【雞軟骨串】HK$28/串表面燒得好乾身, 每粒雞軟骨沒有多餘肉連帶, 焦香爽脆, 送酒一流。【三文魚魚頭】HK$108魚皮焦香酥脆, 魚肉帶有原本肉汁, 唔會好鞋, 雖然魚肉唔多, 但每一處都能食出魚鮮甜味。【巨峰梳打】HK$38大大杯, 巨峰果香味重, 唔會太甜, 凍飲啱哂配食熱辣辣串燒。…查看更多

今晚同朋友嚟幫襯呢間想食咗好耐嘅串燒店，一入到餐廳，就好似去咗日本啲居酒屋咁，好有日本feel，裝修得好靚，座位寬敞舒適，餐枱和餐具也乾淨衛生，餐牌清晰，有好多選擇，乳酸梳打 - $38巨峰梳打 - $38和朋友分別選了乳酸梳打和巨峰梳打，不會過甜，很好，而且很大杯，很抵飲，前菜 - 蒜子蕃茄沙律 - $32味道清新，是很開胃的小菜，刺身盛合四款  - $228 & 明太子沙律 - $48先說明太子沙律，吃到明太子脆卜卜的口感，爽脆有彈性，味道也是清新的開胃小菜，刺身盛合四款有三文魚&帆立貝&油甘魚&赤蝦，刺身很新鮮，又厚切又大塊，而且味道鮮美，三文魚和油甘魚肉質肥美，帆立貝味道鮮甜，赤蝦新鮮大隻，口感爽脆，雞翼串燒 - $34/串雞翼已開邊，食起上嚟好方便，師傅燒得外脆內嫰，豬皮串 - $28/串很驚喜，一點也不油膩，而且唔係周圍都有得食，必點必試，豚肉紫蘇卷 - $32/串燒得外面香脆，內裡仍有肉汁，而且散發著紫蘇葉的香味，豬耳芝士串 - $32/串芝士味香濃，豬耳口感爽脆，很惹味，芝士翠肉瓜 - $28/串香濃的芝士鋪滿在翠肉瓜的面上，翠肉瓜烤得香口多汁，西班牙產黑豚頸肉串 - $38/串啖啖肉，嫰滑，外邊燒得香脆，裡邊則爆肉汁，日本原條槍魷魚 - $188份量多，新鮮，大隻厚肉，爽口彈牙，佐酒一流，總結：餐廳好有日本居酒屋的feel，餐桌和餐具均乾淨衛生，侍應招呼亦殷勤有禮，食材質素好，亦處理得宜，適合朋友聚會聊天或情侶拍拖食飯。…查看更多

今日介紹呢間位於銅鑼灣嘅豬串燒店，餐廳嘅裝潢似日式居酒屋風格，坐位唔算多，係用餐期間都有唔少電話打嚟訂枱，建議想嚟食都預先訂定枱先。✨前菜 $32先嚟過前菜蒜子蕃茄，甜甜酸酸咁，食起嚟特別清新開胃。✨明太子沙律 $48我幾鍾意嘅一道菜，粒粒分明嘅明太子口感食起嚟好爽脆，味道濃郁但又唔會太嗆辣，唔錯。✨刺身盛 $168有三文魚、赤蝦、油甘魚，全部幾厚切新鮮。✨槍魷魚 $188魷魚食起嚟爽口彈牙，加埋蔥、櫻花蝦同個醬汁食起嚟更惹味，呢個好推介。呢間食豬串燒店，當然要叫返幾樣試下啦✨西班牙黑豚肩肉串 x2 $76黑豚肩肉肉味濃，醬汁香甜，食起嚟Juicy有肉汁。✨西班牙黑豚豬頸肉 x2 $76豬頸肉食起嚟有咬口帶肉汁唔會乾。✨豬顎骨 x2 $76第一次食豬顎骨，肉味香濃，似食牛肉，幾特別。✨豬肝串 x2 $56我平時都幾鍾意食豬肝，呢度咬落去唔會好粉，幾有咬口，味道唔錯。✨雞翼串 x2 $68雞翼雞肉嫩滑，燒得啱啱好唔會乾。✨日本銀杏 x2 $64味試過食叫嚟試下，用鹽燒燒到微焦香食起來會帶少少嚼勁，食到尾會帶有少少苦澀味，比較適合送酒。🍹巨峰梳打 $38🥃柚子x 梅酒 $65📍Mokumoku Yakiton (永光商業大廈) (銅鑼灣)銅鑼灣軒尼詩道499號永光商業大廈7樓…查看更多

好適合同三五知己去小酌幾杯嘅居酒屋！主打豚肉，之前一直覺得豬肉好韌，唔鍾意食，今日完全改觀！環境幾靚，梳化上面仲有啲好可愛嘅箍臣😚內在環境都好有日本feel☺️MokuMoku沙律 $98Parma ham好多，dressing酸酸甜甜好開胃，沙律菜全部都好新鮮，仲配埋蒟蒻，成個口感好得意😎蒜蓉牛油聖子皇 （兩隻） $168聖子新鮮唔在講，爽爽地再配合蒜蓉同牛油味，大愛🥰燒鯧魚 $268今餐最愛！鯧魚燒得啱啱好，皮又唔會過燶，肉質仲保持到好嫩滑之餘又juicy！豬大腸串 兩串 $68估唔到燒豬大腸都可以咁好食，一啲都唔油膩。不過我本身唔係芥末fans，唔識欣賞個醬🙊豚肉芫荽卷 兩串 $64餐牌仲未有，係黑板見到呢個菜式，芫荽愛好者點可以唔試！芫荽爽爽地，一啲都冇搶咗豚肉嘅味道😋西班牙黑豚肩肉串 兩串 $76厚切白金豚肉 兩串 $96呢兩串比較之下，我會比較鍾意西班牙黑豚肩肉！ 口感爽啲，味道又濃啲，白金豚肉脂肪較多😗巨峰梳打 $38一啲都冇藥水味，飲咗兩大杯，開心～…查看更多