田記魚蛋牛腩專門店 (塘尾道)

營業中

休息中

話說幾星期前，試過田記D崩沙牛腩撈麵，發覺牛腩有些乾和柴，撈麵又梘水味偏重，碟腩汁菜又唔新鮮有渣，今日午飯决定再去試下，睇下觀感有冇改變。聽老闆女話叫了個魚蛋米$30、崩沙腩河粉$50，一碟芥蘭$15，兩杯凍飲(跟餐共$14)。魚蛋米湯底清甜，大地魚味重，勁多䓤，魚蛋魚片各三粒，正如餐牌上說，用新鮮魚打，不醎卻吃出淡淡魚鮮味👍👍，清清地，唔錯。崩沙腩河粉，勁多湯，個碗舖滿崩沙腩，件件肥美，腩湯超正，有牛香又甘甜，田記都均均真真的，件件是崩沙腩没有溝雜其他部位，扺讚！今次崩沙腩不柴，很juicy，浸在牛湯中，入口淋滑👍👍👍碟芥蘭比上次碟菜芯好得多，没有渣，算新鮮。今日再試田記，他的魚蛋和崩沙腩確實出色和抵食，不得不俾番個好評😋佢。

雖然聽唔小人講田記既魚蛋比牛腩好食，但個人黎講真係對魚蛋無咩太大既興趣，反而作為一個同牛有仇既人，梗係要食返牛先得，而田記既崩沙腩只係43蚊，係43蚊呀，我出去食個碟頭飯都無咁平啦，最緊要佢除左平之外，仲要好有質素，真係無食錯呀！除左叫左牛腩之外，雲吞都好好食，大粒，爽口彈牙！專登叫左一碗淨雲吞食！牛腩河粉| $33崩沙腩河粉|$43淨雲吞|$28炸魚皮就香脆可口！炸魚皮|$18比較可惜今日去到，啲菜已經賣哂無得食！餐廳評分，價值便宜，街坊之選。味道⭐⭐⭐⭐環境⭐⭐⭐⭐服務⭐⭐⭐⭐衛生⭐⭐⭐⭐抵食⭐⭐⭐⭐

在「田記魚蛋牛腩專門店」用午膳，店舖整潔光亮且有空調，吃得舒適。我們的選餐：崩沙腩河粉與牛三寶面，凍檸啡&凍豆漿、炸魚皮。小食：炸魚皮，薄身的魚皮很香脆，厚身的魚皮我喜歡浸腩湯吃，浸過腩湯的魚皮香酥依然，略軟的魚皮吸收腩湯，味道又有另層次口感。久遺了的崩沙腩，肉味鮮濃、鬆化滑溜、入口不韌，清甜白蘿蔔與幼身滑溜河粉掛著牛骨湯吃，滋味無窮！我的至愛牛三寶面，崩沙腩、牛筋與金錢肚。牛筋口感爽滑不膩，含豐富的膠原蛋白質，屬滋補食物，十分得我喜愛。炆得腍滑的金錢肚，吸收美味醬汁，除了美味可口，牛肚還有健脾養胃、補虛養血等功效。面質爽滑彈牙，是港人喜歡的面質口感！我第一次嘗試凍檸啡，是走奶咖啡與檸檬的味道。魚蛋牛腩專門店，我們只嘗試牛三寶，未嘗魚疍！結帳後外賣回家與家人分享。

夜晚行過依間野招牌勁搶眼😂就入咗去食啦！首先，抗疫期間，我好注重環境衛生，果日我去，依間都算唔錯，枱枱櫈櫈都算乾淨。是日菜單如下：崩沙牛腩河：個崩沙腩好夠牛肉味，又軟又煙靭，口感不錯呢，重點弓！佢一d都唔黐牙！！！👍🏻👍🏻因為我箍緊牙，好怕牛腩黐牙 牛三寶河粉：有牛腩、牛肚同牛筋，牛筋好林，好入味😍 牛肚都唔差 炸魚皮：我當日個魚皮好脆同新鮮，無咩油膩味👍🏻配左個魚湯 仲好好飲🤣 依個有d估佢唔到當然...一定要有油菜一碟，補充下啲纖維啦😁全日抗疫優惠 😂😂 油菜有半價🤩唔係唔叫呀嘛？！重點疫情下，平平地簡簡單單又一餐已經好幸福嫁啦🥰