稻成 (K11 Musea)

營業中

休息中

京菜之選，比比皆是，要踫到一間驚豔的，不易也。某日的小人聯同友人的尋食四方，竟又找上一家尚可一錄的餐館。小籠包的包皮未去到最薄，倒也包得住湯汁。小小一口咬穿，落些醋，尚算對辦，但不夠滋味。肴肉追求的是要凍要爽要夠味，可惜這道肴肉看不出水晶之餘，油香欠奉，各樣皆不到。孜然排骨的孜然味香，排骨肉酥脆香嫩，值得一讚！食肉獸二人旋風式洗碟，是份量不夠嗎？奶油津白都幾明顯不夠奶滑，跟普通的灼黃芽白差幾遠？金華火腿寥寥可數，數都數得出！孜然排骨乃是次之選。

同家人一行4人去開尖沙咀搵野食，見佢地門口幾靚，接待職員又介紹得唔錯，於事就入去試下，餐廳裏面環境唔似食中菜，氣氛好好，埋枱既侍應好用心介紹菜式，而且提醒我地用佢地公司會員App可以儲積分當錢用，抵讚之後侍應介紹左幾款菜比我地酒味香而不濃，雞肉好滑雞湯好足料抵讚小籠包皮薄多汁餡靚招牌酸菜魚果然係招牌必試，魚肉軟滑，再加上爽口年偶及酸菜，味道好夾職員推介新推菜式，原隻新鮮龍蝦配上辣椒雞，蝦肉爽彈新鮮，估唔到都幾好味和牛炒飯未上枱已經聞到香噴噴，必試甜品酒釀桂花小丸子，味道清清地有淡淡酒香唔錯煎鍋貼香脆多汁花菜夠鑊氣水煮魚香噴噴味道一流排骨肉質鮮嫩香脆可口整體黎講餐廳食物同環境招呼都有水準，職員都好好態度同有禮貌，一定會再黎幫襯

與友人在K11 MUSEA行街，偶然間遇到呢間餐廳便入去一試。食物質素非常高，想食酸菜鱸魚，但近排又唔想食辣，侍應幫我哋落單走辣，唔辣嘅酸菜魚竟然超好食。紫淮山爽脆味道清淡爽脆好味，凍杏仁豆腐非常出色，超好食，豆腐比較杰身，濃郁嘅杏仁味真係真材實料，大力推介。小籠包皮薄餡靚，鍋貼🥟香口，都非常好味。之後發覺原來用匯豐信用卡食滿$500送小籠包一籠，非常化算。副經理話頭醒尾，其他侍應照顧周到，服務一流。整體嚟講食物新鮮、好味，味道媲美五星級酒店。

琴晚同朋友口痕想食中菜就去左K11 MUSEA稻成，入去裝修好大反差，好有設計感，冇諗過係食中菜既，令人更加好奇。入到去餐廳之後，同事好好咁樣叫我哋自己揀一個覺得舒適嘅位置，因為嗰陣時人流唔多。本身冇抱住太大期望，但冇諗過菜式都好出色，每一道菜都感受到師傅好比心機去做。員工亦十分好態度，亦感受到同事之間都相處融洽。試咗好幾道菜都冇令到我失望，甚至最後嘅甜品都好好食，唔會太甜，就算食到好飽都仲食得晒一碗。本人一定會再幫襯！