墨魚汁海鮮意粉

墨魚汁海鮮意粉*Time : Jun 2022, Lunch*Price : $90-HKD*Review : 早就想試試呢間餐廳，平日去較易有位，入內後先買野食再入坐，餐具飲水都係自助，今次就先試試墨魚汁海鮮意粉，海鮮都是煎香的，而且份量不小，意粉的配醬汁又香又不會太膩，整體上是有水準的，而且價錢還不錯，下次會再試試其他菜色 …查看更多

今日同男友入大西北一日遊。見到好多人推介呢間Cafe，決定一試。平日晚上七點多，沒有很多人，店舖設計簡約，自助點餐形式，先去櫃檯點餐，然後會有請店員送到面前。男友點了大蝦寬條麵男友話超好食，汁好creamy，味道濃郁，有四隻大蝦， 蝦10分好味😋我點了墨魚汁意粉上到枱10分豐富，有兩片魚柳，兩隻蝦，一個青口及兩粒魷魚。全部餸都好好味，大蝦是寬條麵那個比較好吃。佢材料都唔似係雪藏，全部都好入味好好食10分有誠意。我哋另外點了兩杯餐飲我點了熱latte ，$34未到正常，但上枱時也很美的拉花，好靚好開心。男朋友點嘅京都小山園鮮奶宇治抹茶，$40未到正常，不是10分突出。總括來說，價錢適中，下次來會再試其他產品。…查看更多

屯門牛又出動，去番自己地方食下cafe，唔洗山上水遠啦🤣去左虹橋嗰邊既BYOB Coffee Roaster，cafe開門就去食，所以一定有位，聽聞本身呢間都係要成日等位🤣依加BYOB Coffee Roaster 係屯門盈豐個頭都開左分店。-大蝦闊條麵 $78 （8/10）果然好有誠意，d蝦真係好大隻，肉質好爽口，仲好入味，蝦煎到金黃色，再配上忌廉汁嘅闊條麵掛到汁，闊條麵唔會太韌，岩岩好，整體成個意粉都做得好好。-墨魚汁海鮮意粉 $88 （7.5/10）繼續都有爽口蝦，不過就大蝦闊條麵啲蝦好食啲🤣 蝦Size就細啲，仲有青口，魚同魷魚，全部海鮮都唔錯，唔會食到雪藏味，意粉質感都岩岩好，不過我覺得個墨魚汁就唔夠重味啦，如果重啲就更加好，食到墨魚鮮味就正啦😍-水牛城雞翼 $48 (7/10)雞翼size都幾大姐，外脆內軟，個汁好惹味，所以整體成隻雞翼都好入味，唔錯唔錯👍🏻-整體來講成個用餐感覺都好快，可能因為好快就上到菜，cafe空間都好大，其實都好早就會坐爆人，建議大家黎都早d霸位，野食整體唔錯，但今次冇特別試咖啡，見好多人都大讚，有機會經過就買杯外賣啦🤣順帶一提餐具同水係自助式。…查看更多

特登走入屯門覓食🏔見到呢間長龍cafe原來來頭不少😯本來招牌係咖啡☕️但係今朝已經飲左一杯😅試一試佢既主菜🍴 同樣好有誠意❤️絕對比一般Cafe 高質太多了💕⭐️ 番茄忌廉蟹肉寬條麵 🦀️醬汁帶清新淡然既番茄味🍅唔似淨係得茄膏🤣Creamy程度啱啱好唔膩😛 蟹肉很豐富而麵條十分有口感🍜 決定超乎Cafe質素👍🏻⭐️ 墨魚汁海鮮意粉 🦑相對之下呢個比較Creamy 同濃厚🖤 但係海鮮真的帶鮮味🌊 蝦仁爽脆🦐青口亦十分大隻💪🏻 味道調配好Balance ⭐️ 水牛城雞翼 🐔雞翼炸得好香脆🔥 醬汁非常惹味 可以辣少少🌶…查看更多

•BYOB喺屯門都幾出名，呢次終於的起心肝去紅橋試試佢~ Openrice寫餐廳12:00開門，但去到先知原來佢哋係11:45開門架~ 餐廳好大好有空間感，座位亦都擺放得比較疏，所以都幾適合同朋友一邊食嘢，一邊傾計，餐廳仲有個開放式廚房，所以一行入去就聞到香濃嘅黑松露味🤤 餐廳用半自助形式，客人要自己去櫃枱落單、拎餐具同埋裝水～店員之後就會將食物送去你枱，上菜速度到幾快👍🏼•🥢 墨魚汁海鮮意粉 $88呢個價錢嘅意粉雖然唔算平，但配料都可以話係見過最豐富嘅一款！佢嘅海鮮並唔係啲急凍蝦仔同蜆肉，而係有2隻中size嘅蝦、2件青衣柳、1隻青口同2件魷魚，全部海鮮都煎香至金黃色，完全無雪味🤩蝦同魷魚都好爽口彈牙，青衣柳就口感比較結實，唔算好滑～意粉軟硬同味道都啱啱好，墨魚汁加埋忌廉汁，完完全全咁包住每一條意粉，食落creamy但一啲都唔膩🤤要講缺點嘅話，應該係忌廉汁味道比較出，墨魚汁稍為欠缺咗啲鮮味🙈•🥢 大蝦寬條麵 $78總共有4隻大蝦，同樣煎到金黃色🤤食落蝦味好濃，口感亦都比墨汁意粉嘅蝦更爽口彈牙😋寬條麵嘅軟硬同樣適中，配上蝦油忌廉汁，呢款比起墨汁意粉更加creamy，不過加埋蝦油同洋蔥粒，整體都唔會好膩～•🥢 焗黑松露芝士薯角 $48呢個小食係我同朋友一睇到openrice嘅相就果斷叫咗😆 一上枱就聞到好香黑松露味，一睇都知焗得好乾身，所以薯角同芝士食落都脆卜卜，黑松露味都夠濃，超滿足！🤤…查看更多

{屯門工業風咖啡店}📍BYOB Coffee Roaster位於屯門青菱徑一帶都有好多間食店，呢間係文翔大廈地下既店舖，係區内出名既Cafe。店內空間好大，枱與枱之間好大距離，傾計都唔怕聽到，店內環境係工業風，環境舒適。當天去既間比較早唔洗等位好快就入座，平時通常都要排隊的，入去既時候店員會先俾餐牌，點餐需要去收銀處點餐，水和餐具就係點餐隔離係自助型式自己拎。今次同朋友去食，我地叫左2個意粉，2杯飲品。上菜好快，食物水準都冇差到，同之前去食一樣。帆立貝明太子意粉係朋友食，我試左少少，明太子好多係彈牙個種夠多，個汁加意粉岩岩好。墨魚汁海鮮意粉，本身都怕墨魚汁會整到成個咀都黑哂，但多人推介本身又鐘意食海鮮，所以都照叫左，海鮮食落新鮮唔會有雪味，魚蝦有煎過好香口，墨魚汁加意粉唔會油膩，呢個好值得推介。咖啡上既拉花好靚🥰，朋友試既Mocha Balleys用酒調既咖啡，酒量岩岩好唔會蓋在咖啡既香味，我飲既鮮奶咖啡就啡味較濃。整體黎講，舒服抵食推介，支持小店！👍👍👍…查看更多

黑松露雜菌意粉 $68🍝: 雜菌、蘆筍、忌廉汁、黑松露醬朋友食過大力推介一定要試黑松露雜菌意粉 黎到食完發現真係無介紹錯！🥰侍應送過黎既途中已經聞到好香黑松露味 食落超有香菇味黑松露味 而且每條意粉都好掛汁 食到落底仲有意粉醬唔會好乾身 加上份量都頗大 值得一試！🥳評分: 9.5/10🌟墨魚汁海鮮意粉 $88🍝: 蝦、魷魚、青口、青衣柳、忌廉汁、墨魚汁🦑因為店舖係open kitchen 所以睇緊食咩個時男朋友見到店舖係用新鮮墨魚汁整就即刻話要試結果黎到一樣冇失望仲超有驚喜🤭😍所有海鮮配菜都好新鮮 食落唔會有雪味 加上🦐、🐠同🦑都有煎過 每樣都煎到金黃色食落好香口🤤 意粉份量頗多加埋每條都煮得好掛汁啖啖都有墨魚既香味 平時食墨魚汁加忌廉煮既意粉會食到好膩 但呢個冇好重油膩感 調味好啱大眾口味🤣評分: 9/10🌟京都宇治小山園鮮奶抹茶 $38用京都宇治小山園抹茶粉沖出黎既抹茶濃而不苦加埋鮮奶整成既抹茶latte入口香濃細滑 就算啲冰溶咗之後再飲都仲係好濃抹茶味 唔似出面會溝淡哂好似飲水咁 加上價錢比出面平一大截 遠少少去試都值喇🤪評分: 10/10🌟—————————————————————————BYOB Coffee Roaster (屯門)屯門青桃徑5號文翔大廈地下2A號舖…查看更多

北海道帆立貝明太子意粉帆立貝煎到外脆內軟味道略帶牛油香味不錯，明太子餡料多食落意粉味道正常，可惜意粉都係偏乾身，沒有掛汁，非常失望。墨魚汁海鮮意粉 海鮮份量夠多，一啲都唔孤寒，有魚、蝦、青口和魷魚。意粉食落偏乾身，味道偏淡，無咗墨魚汁嘅味，有啲失望。焗黑麥啤慢煮咸豬手 雖然要等35分鐘先有，但真係值得，豬手食落好juicy ，豬手外皮食落微微啤酒香，愈食愈上癮。另上既芥末醬偏咸，如果配豬手食既話就會搶走黑啤既味道。推介必食✨✨✨…查看更多

由於今日無人係屋企, 所以要自己出去覓食。🤦🏻‍♀️ 住係屯門區已經好多年, 都算見證住紅橋呢個小社區既變化。早幾年好中意黎呢度食糖水, 但近幾年餐廳既變化太大, 今日一路行過黎, 好多餐廳都好新, 不禁有D唏噓。行左幾間餐廳, 係門口睇左menu都覺得唔太吸引, 所以就一直行到去比較入既地方, 直至BYOB Coffee Roaster呢間店。餐廳空間好大, 內籠裝修行工業風, 以黑色同灰色做主調, 傢私就係實木枱櫈。牆身既顏色係灰色, 營造到好似石屎牆咁。不過因為大門口位置既牆身基本上都係大玻璃, 所以好透光, 唔會令人感到好焗促。呢間餐廳係採取「先付款, 後送餐」既方法, 員工係唔會行去客人既位幫手落單, 客人係需要自行去收銀處落order同俾錢先。(係收銀處望到D貼紙, 就發現我無揀錯餐廳!) 老實講, 餐廳既菜式選擇唔多, 只有1款招牌菜(豬手), 6款意粉同5款沙律, 而價錢以屯門區黎計算係中上, 大概$60-$100左右。我叫左墨魚汁海鮮意粉同埋一杯檸檬汁冷泡四季春茶。墨魚汁海鮮意粉 ($88)等左大概10分鐘左右, 店員就上菜了。成條意粉都好吸引, 因為係意粉既頂部放左好多海鮮, 包括魷魚🦑, 青口, 魚塊🐟仲有蝦🦐。呢D海鮮食材係預先煎好, 令佢既香味逼哂出黎, 之後先再放上濃濃既墨汁意粉上面,海鮮既份量都幾多, 而且質量都唔錯, 算係對得住個價錢。意粉方面, 麵身有咬口, 而墨汁可以完整地覆蓋哂D麵, 好掛汁。整體黎講係唔錯!檸檬汁冷泡四季春茶 ($28)最近冷泡茶既熱潮冒起, 好似話相比一較茶較少刺激性, 所以健康D。呢杯茶既味道清香, 加上有少少檸檬🍋同薄荷🌱既味道, 好fresh。 …查看更多

屯門紅橋近幾年開左好多有特色既café，間間都試過，今次輪到寫下呢間BYOB CAFÉ。呢間CAFÉ已經係黎左第二次架啦，第一次係下午茶時段，個時呢間CAFÉ開左無耐，人流唔算好多，兩個女仔叫左壺茶飲左一個下午都無比人趕走，店員仲比我地揀杯，好NICE。今次去既時候係晚餐時段，明顯人流已經比之前多左好多，但係都唔使等搵到位坐。卡邦尼意粉 ($68)卡邦尼汁唔算多，但吸曬落意粉入面，好入味，仲有溫泉蛋撈埋黎食，十級享受。墨魚汁海鮮意粉 ($88)未見過墨魚汁意粉個汁會黑到咁，證明真係入曬味，食到成個口都係黑色好滿足，配料都係好出色，滿分！感覺到老闆對煮既野食有要求，好有誠意，呢個價錢食到呢個質素真係無野可以彈。聽人講過老闆份人好惡，成日會鬧人，但我又唔係好覺，可能只係COOL啫。…查看更多

今日同事帶咗我去試依間佢話唔錯嘅餐廳，話係食pasta嘅～中午十二點去到， 剛開舖。點餐時都陸續有人入座，都幾旺場喎！我地一行五人，每人點咗個pasta同飲品！首先黎到既係墨魚汁海鮮意粉 ($88), 份量比我想像中大兜! 味道方面比較咸, 但程度仲係可接受既!個魚都係偏咸!之後就係試大蝦闊條麵 ($78), 個名好簡單, 但食落有驚喜喎入面有好多蒜粒, 味道唔會太咸, 好香口呀!再黎既黑松露雜菌意粉 ($68), 一黎到就聞到超濃既黑松露味, 鐘意黑松露既話真係唔好錯過呀!味道恰到好處, 價錢都合理!跟住既蓄茄忌廉蟹肉寬條麵 ($88) 係我既最愛呀!! 廚師落既材料一d都唔孤寒, 有超多蟹肉響入面, 同d麵一齊食真係啖啖肉架!!平時唔多鐘意食蕃茄pasta既我都好滿意, 整體唔太酸!最後既欖油蜆肉意粉($78) 就比較失色喇, 可能前面幾個pasta太濃味, 所以食依個既時候只係聞到少少香草味, 食落好似太淡咁, 比較岩鐘意清淡既人!整體來說, 性價比都幾高, 下次有機會會再黎拜訪啊!  …查看更多

🔸大蝦寬條麵 $78平時外面既大蝦意粉可能係原隻蝦上，但得兩隻。依到既寬條麵份量好夠，大蝦有四五舊。煎過既大蝦咬落彈牙爽口。配上忌廉汁，唔乾，好食。🔸墨魚汁海鮮意粉 $88墨魚汁有好香既奶油味，海鮮份量依個價錢黎講算幾多。有兩件魚柳、兩片魷魚、兩隻煎蝦球、一隻青口。煎蝦球幾爽口，全碟意粉香草味都好香。🔸MOCHA 凍朱古力咖啡 $38🔸MACCHIATO 特濃泡沫咖啡 $25點餐時服務員有刻意提醒，此為細杯裝。＊凡惠顧任何意粉，飲品減$5。＊…查看更多

2點鐘左右去到大概7-8成滿 但大部份都食緊基本就係自己搵位,去收銀落order比錢 講坐邊 自己拎水拎餐具店員就會拎野食比你野食野飲散叫, 岩哂D唔喜歡飲除左水以外既人落完ORDER 15分鐘左右就有得食一行四人叫左黑松露芝士焗薯,煙三文魚沙津,卡邦尼意粉,大蝦寬條麵,墨魚汁海鮮意粉另外加咖啡就每杯減5蚊以西餐既份量黎講..依間真係幾大份下,一個人一份係絕對夠先講墨魚汁海鮮意粉2隻蝦,1舊青口.2舊魚柳,2圈魷魚個蝦係醃得非常好食,而且爽口 真係要比幾個like但魷魚相對之下就係無味既 係真係無味 好似用清水盪完咁魚柳同青口就不過不失 比起蝦係失色既意粉有嚼口唔會太淋身,蒜味重, 喜歡食蒜既人會好開心食到尾就會見到有唔少橄欖油係底, 個人覺得係略為落得太多油煙三文魚沙津份量都係BIG SIZE, 但唔知係咪因為要慢慢砌個花出黎 結果仲遲過意粉同焗薯上表面落左黑醋 唔會太酸亦唔會太少無味 睇圖都見到佢有5款以上蔬菜而且好新鮮 用料認真黑松露味濃,芝士香,份量唔細,多人食既話可以一人幾舊,人少就唔建議叫因為都幾"漏"下其他兩個意粉就冇咩特別 整體黎講 係每樣食物都係咸左少少, 要叫個沙津中和番會比較好如果餐廳可以提供多D選擇就好 始終你望個餐牌都唔算太多野食…查看更多

星期日午餐時段嚟到，門外未見人龍，店門張貼「試業中」紙條我估，可能只係試業左短時間，未有人慕名而來入到餐廳，比佢嘅raw裝修吸引，有一種莫名嘅自在不過餐廳暫時無排隊機制（亦唔知佢有無打算有），顧客入內要好似快餐店咁，企係人地背後等位店內大約40-50個位，大約分14-15張枱顧客可以自行由其他枱拉走餐櫈，所以形成一張6人枱坐8人，2人枱坐3人。。。。令到可能會有張6人枱得番4張櫈，一張2人枱無櫈餐廳可能要係安排座位上動下腦筋了搵到位之後，自行去counter落order，因為枱上無號碼，顧客雖有指指點點，話比店員知食物需要送去邊張枱眼見因爲係自行等枱，所以有幾枱顧客因為見到有較好嘅位置，就算落左order後都自行轉枱，令店員送餐出現混亂餐廳可以考慮係枱上設號，或者比號碼牌顧客拎埋位，店員就可以憑號碼送餐食物選擇唔多，不過都夠了，起碼唔會令我覺得「無野想食」「揀唔落手」4款茶供選擇，均用 TWG 茶葉，可選一杯或一壺我點左一個「1837黑茶」同「無花果秋葵沙律」黑茶送到時香味四溢，一種帶點甜甜嘅花香（我決定都要去買番罐），味道令我聯想到 法國Mariage Freres 嘅 Marco Polo 茶葉，後悔無叫一壺⋯⋯無花果秋葵沙律清新，無花果熟度剛好，係剛熟嘅甜味。秋葵處理過，切細粒，無生秋葵嘅「潺」。所有都屬淡味嘅材料配搭上黑醋汁，令成件事好醒神。墨魚汁海鮮海鮮應該係用牛油炒香，非常吸引當中有魚塊，青口，大蝦⋯⋯海鮮份量以個價錢嚟講叫做極之大方，並無似其他餐廳咁以魷魚併蝦仔充數反之呢個雜菌黑松露意粉就相對失色了意粉應該只係用橄欖油隨意炒過，菌無菌味，黑松露醬亦無黑松露味成碟意粉，應突出嘅主題味道無左，令到我都唔知食緊啲乜味見其成食客叫嘅大蝦寬條麵賣相吸引，下次再去一定要試下總括：係一間值得再去嘅餐廳不過還是先等佢做好個等位機制再去會比較好…查看更多