清真惠記

營業中

休息中

大家一心諗住去試九記牛什，點知大排長龍都不特止，仲要未夠兩點已經沽清，見其他配料又唔太吸引，所以大家決定轉去試隔離間咖哩，反正呢間清真都好出名，咁啱又有一張大枱可以容納６個人。咖哩牛腩 $48個咖哩汁真係正到爆，香濃中帶點辣，撈白飯食真係越食越開胃，我哋成班好似地盤工咁不停大啖大啖食，真係嚇親街坊，講返牛腩就認真麻麻，好多筋位同好靭，甚至有d咬唔開，所以最好唔好叫牛腩，因為我哋叫咗3客都有呢個情況。咖哩牛腩 $48同樣既咖哩汁，但呢個羊腩好味到無朋友，羊痴一定食指大動，皆因羊腩堅羶又唔太肥，3個羊痴不停食不停話好味，講下食下就鯨吞咗兩大碗白飯同羊腩，仲有一樣特別推介既就係薯仔喇，每份咖哩只得一嚿薯仔，實在太唔夠喉，嚿薯仔輕微煎炸過，所以特別香口，仲要之前烚得腍身，Yummy！

燒鵝固之然好吃，不過精美的燒鵝也較貴，所以在口癢時都會以燒鴨代替之。吃燒鴨，當然要到惠記。在鵝頸橋街市的熟食市場裏面，惠記長期都是最多顧客的一個檔口，大家都是來吃鴨羊的同道中人，那管清真不清真，總之好吃就是真理。午間到惠記坐下，也不用思考了，要了燒鴨例牌、大咖哩羊腩、滷水蘿蔔、雞肉蝦雲吞。燒鴨好像又比從前細碟了，加上切的應該是背脊位，所以也不啖啖肉，不過頗香倒是真的。鴨肉不蘇，有著驚人的肉汁，咬下去肉汁會四射，很是不錯，點甜酸醬能減少其肥膩感。蘿蔔煮得不淰而無渣，清甜爽口，很好，點著燒鴨汁吃更好吃。咖哩羊腩香而不過辣，但很油膩，而羊腩塊有很多碎骨和很多肥膏，羊肉應有的的蘇味反而欠奉，在我而言不是常常被吹捧得那麼好。雞肉蝦雲吞-店主因宗教問題不用豬肉，以至用雞肉代替的雲吞，要等十五分鐘；而一小碗實實的居然有超過十隻小雲吞在裏面！味道是不俗的，皮薄饀靚，值得等待。結帳也只是一百一十元，超值。不過如果怕環境不清潔的話，還是買外賣比較好。

前日報16-5-2009 Sat)同男友o係火炭食完o野,都係決定唔上深圳,男友話鵝頸橋街市有好o野食,游說過海,但時間尚早,去邊呢?佢話上山頂,哦,o係山頂行完,搭車落灣仔lu,6點多我o地就o黎到,我o地坐o係榮記飯店o既枱,佢就走去隔離o既呢間買o既咖哩羊腩外賣,原來呢間冇晚市做,所以要早啲o黎買,呢個羊腩要$37.00.我開頭試啲汁,已經覺得辣,再食羊腩,好入味呀!羊腩亦好腍,有啲骨仔o係入面,而有一件好鬼大件o既,呢碗羊腩份量算係咁,唔算少.我o係榮記食飯時,都夾起幾件離開啲汁,到食完榮記o既o野再食返,凍o左o既羊腩依然係辣.

鵝頸橋熟食中心《清真惠記》，咖哩羊腩燜得好腍好入味，咖哩不會好辣，好香口，配飯一流。掛爐燒鴨皮脆肉滑，。不過侍應不夠，要等好耐才可以等到落單、執位、上食物，要有耐心。