捌壹壹 (奶路臣街)

營業中

休息中

冷鍋麻辣魚，魚質厚身滑嫩，當中有薯粉，芽菜。  幾個辣度選擇，最小bb辣，今次揀左小辣，叫左小辣。有正常份同5-6人份。糍粑煙韌推介店員另外拎埋煉奶俾我地推薦配黎食。但都係專情黑糖漿口水雞都有唔同辣度選擇，叫左bb辣，麻油味重，辣味唔太重另外，唔知今日係米算晏9點幾黎到，對比之前黎或經過都少人，唔使排隊等位。

👍🏻必食冷鍋酸菜魚 $128 (原價$188)酸菜魚啖啖肉，連幼骨都無，肉質好嫩滑😍無腥味，厚薄適中，夾起肉唔易散😋嗌左中辣，辣度岩岩好唔會好熗喉，亦好夠酸，兩者好balance魚肉份量都唔少，仲有大量芽菜同酸菜、少量金菇同寬粉😛樣樣配料都好入味，吸哂啲湯🤤整體份量好足料，食埋啲配料都夠哂飽🤣味道：8/10性價比：9/10-👍🏻口水雞(例牌) $53 (原價$78)肉質有彈性幾嫩滑😛雞皮唔太肥，有層薄薄啫喱夾係皮與肉之間嗌左小辣唔算好辣，有麻香😋口水汁雖然濃味，但仍然食得出雞味份量唔錯，有骨但肉都幾多😜味道：8/10性價比：8/10-👍🏻夫妻肺片 $40 (原價$58)牛肚切絲，質地爽口，吸汁啲辣醬汁勁惹味🤩牛舌厚切軟腍，牛味好濃🤤牛𦟌肉質結實有嚼勁但唔韌，滷得好入味🤪整體份量都幾多，呢個值得嗌🤣👍🏻！味道：9/10性價比：9/10-閒日12:00-17:30用Openrice訂位有68折優惠真係抵食好多🤓👍🏻-📍#捌壹壹旺角奶路臣街33號地下F號舖#hkfoodie #foodiehk #hkfood #foodhk #hkeat #hkrestaurant #香港美食 #香港美食指

陪朋友去花園街 買花後， 大家感覺有點肚餓 所以搵地方食嘢， 我們經過奶路臣街 有間 食川菜餐館，'捌壹壹' 因為朋友喜歡食火鍋魚， 所以我們便選擇了到這間餐館 食火鍋魚， 餐廳內環境清潔整齊。 我們很快便安排入座 坐下後朋友先點了一份重慶 蒜香 火鍋 魚。(海班)$258雖然是全條 海斑， 但原來份量 都是 普通 一般， 但魚肉的味道鮮美，肉質 嫩滑， 蒜香味材料充足 有紅椒，豆卜，大豆芽和 闊面 ，不算太辣， 非常惹味。朋友也 order 一碟 口水雞 ，口水雞肉質嫩滑， 而且不算 太辣，有芝麻和花生襯托.特別香口好食。少爺炒飯，夠晒特色，材料丰富有午餐肉，雞蛋和豆腐干，味道爽口。餐廳内也有酒水提供，我們邊飲食，邊聊天非常愉快。

近來天氣又轉涼，經過麥花臣球場附近見到有新開的川菜餐廳，令人忍不住要試試。周末午飯時段人流不多，餐廳亦有提供午市套餐。不過午餐選擇比較少，所以我們還是決定單點，種類會比較豐富。餐廳好貼心，除了小食同甜品之外，所有食品都可以選擇自己喜歡的辣度，分別有: BB辣、小辣、中辣、大辣，甚至乎走辣。另外香鍋亦有分幾種不同的口味，有麻辣味、泡椒味、孜然味三種。首先我們點了兩款涼菜：口水雞－雖然點了中辣，但辣度比較平和，接近大部份香港人的口味。值得一讚的是雞肉非常鮮嫩和入味，而且個份量亦十足，沒有冰鮮雞的感覺，賣相和味道都很不錯。尖椒皮蛋－皮蛋顏色晶瑩剔透，蛋黃飽滿，完全不覺得油膩。而且小辣不會蓋過皮蛋原本的味道，辣度剛好。雜錦香鍋－主菜我們只點了一款，裡面材料已經包括有肥腸、大蝦、午餐肉、土豆、蓮藕，非常豐富。另外我們在加多了幾種配菜，分別有肥牛、五花腩、花菜、茄子、水晶粉。上菜的一刻我們都非常驚訝，因為味道實在太香，而且份量超大～肥腸夠厚，有口感。大蝦新鮮，肉質有彈性，而且一盆裡面有四隻。而餐肉和土豆都切成條狀，厚度適中，容易入口。值得一讚的是蓮藕，用上厚切的方式處理，比起其他同類型餐廳更爽脆、

平時和朋友喜愛食酸菜魚，都諗起要返深圳食，原來香港都有酸菜魚食，仲好啱我口味，有川菜的惹味，又可走辣，實在太啱我喇。店主推介的冷鍋酸菜魚$148，原來都係煲起熱㷫㷫上枱食的，食晒先加湯作火鍋。餐牌還有好多小食。冷鍋酸菜魚，非常大煲，而且有很多咸酸菜，建議連埋湯同魚一陣食，鮮魚片好嫩滑，都少骨，酸菜好開胃！仲有透明煙韌的寬粉，食起都好夠份量。小食選了口水雞$58，我選了微辣，雞肉都大件，而且肉質鮮甜，又滑，最惹味係個辣油同粒粒脆香的花生，食左停唔到口。酸菜同魚片食到八成後，開始打邊爐，今晚心水主要食海鮮，先叫美國桶蠔$118，有4隻，超大隻，又肥美，而且唔腥，好鮮甜，非常新鮮。再點了鮮甜帶子$88，將帶子開邊，煮起上來容易熟，唔會韌。還叫了響鈴$35同皇帝菜$35。最後叫飲品，柑橘青檸梳打$26，夠冰涼；藍莓沙冰$32，嘩了一聲，成座冰山咁好大杯，當打邊爐食到熱燙燙，飲這冰凍特飲，非常解渴，清一清油膩口感。

天氣轉涼又開始想吃火鍋，今晚和女朋友來到旺角這家捌壹壹，吃麻辣烤魚暖暖身。餐廳主打麻辣雞煲、冷鍋魚，今天想吃魚，但天氣太冷，於是選擇了火辣辣的重慶烤魚，另外餐廳另有多種川式小食可供選擇。口水雞口水雞是四川名菜之一，有說法是口水雞的花椒會讓人嘴巴麻到不由自主流口水，醬料香辣濃郁，色澤紅亮，麻中帶辣，一嚐雞件，辣得舌尖發麻，味道令人上癮。重慶麻辣火鍋魚(魽魚)侍者端上桌後會以電爐加熱，一股麻辣香氣撲鼻而來，火鍋魚用上魽魚，魽魚肉厚而少刺，皮滑肉嫩，肥美魚味濃，十分適合重慶烤魚的食法。吃一口魚肉，麻、辣、鮮、香、嫩，層次分明，不腥不燥，回味悠長。火鍋配料吃完魚肉後可加水吃火鍋，點了數款火鍋配料，大腸在湯底中吸收味道，入口味濃有嚼勁，萵筍切成薄片，輕輕一灼，味道清新，口感爽朗。黑豚肉片油脂分布恰如其分，厚薄適中，輕嚼一下，肉質鮮嫩，肉味香濃。黑糖糍粑吃過麻辣火鍋過點一份黑糖糍粑中和一下，糍粑外層微脆，口感軟糯，配上甜而不膩的黑糖，十分滿足。杞子菊花蜜/藍妹啤酒杞子菊花蜜芳香微甜，純粹天然花香，蜜味比一般的人工糖醋美妙得多。

又到了好友一聚的時候；通常都會想找火煲、雞煲，因為一大班人熱熱鬧鬧、又飲又食，氣氛一流。今晚亦一樣找了間食火煲、雞煲的。 同另一友人早到了，馬上點了些小食和飲品；其中炸物通常都是主打的小食，其中的黃金芝士豆腐比較特別，熱辣辣的豆腐咬下去時再有一絲絲又熱又綿的芝士絲。另外，口水雞又軟又滑，小小辣十分野味。配上一杯蜂蜜柚子梳打，帶有柚子的清甜又有蜂蜜的潤喉之用。 黃金芝士豆腐 香酥花枝丸 脆香雞軟骨 口水雞 蜂蜜柚子梳打 當大伙兒到齊之後才發現有人不想食辣雞煲，剛好這裡有除雞煲外的另一推介，就是「必食冷鍋酸菜魚」。這酸菜魚可選不辣，而且無需加熱已可食用。和辣雞煲一樣，可以在食用後作打邊爐之後；酸菜魚的份量不少，魚肉滑滑的加上酸茶的香氣及咸咸酸酸的酸菜及湯底，令大家食過不停。 享用完酸菜魚，馬上加湯作火鍋之用。特別點了其他火鍋店少見的牛頸肉，牛頸肉肥瘦兼有，肉質干實，肉紋較亂；建議輕涮品嘗，肉味香濃嫩滑。 最後加點了一杯芒果沙冰，芒果味濃，當作雪糕甜品亦不錯。 然後大伙兒再加點了黑糖糍粑作為甜品；糍粑是由糯米造成條狀然後炸至表面脆脆的；在糍粑上加上黃豆粉令糍粑感覺不油膩

媽媽向來對四川野一般 不過食過今晚呢餐應該可以令佢大大改觀了 去左食捌壹壹 叫左店員推介嘅酸菜魚我地叫左小辣 下次應該可以叫中辣冷鍋酸菜魚 魚肉好嫩滑 而且無骨 可以放心食酸菜係我至愛 重有金菇 湯底又幾好飲喎食完叫店員幫忙加湯就可以打邊爐啦 叫左安格斯肥牛 好耐無食過咁好味嘅牛了好有牛味 而且唔會太肥 有啲咬口叫多個口水雞 好有四川風味 好食雞肉沾滿麻辣汁 好嫩滑 媽媽大愛最後叫左呢個黑糖茲粑 我個人係好鐘意食即叫即炸 外脆內軟 表面係雷沙湯圓啲粉加埋黑糖 甜甜的 口感唔錯

男友喜歡食川菜，見到旺角呢間新派川菜店成日咁多人食，所以book咗枱同佢試吓，呢間餐廳主打雞煲、酸菜魚同特式香鍋，最特別嘅係先食完主菜，然後可以再加湯嚟打邊爐，兩種唔同食法，啱哂兩口子食齊兩款味道。餐廳裝潢簡約，坐位同坐位之間空間感不錯，坐得都幾舒服，而且呢度抽氣都做得幾好，就算咁多人打邊爐，食完之後個身都無咩味，唔會覺得成身臭。有小食、主菜、又有雞煲同特式香鍋，打邊爐同香鍋都有好多配料揀， 幾多選擇。HK$58 (推薦指數：4/5)男友話有別與平日食開嘅口水雞，食落都幾新鮮，唔算話好辣，因為叫咗BB辣，入口好香，唔錯。必食冷鍋酸菜魚 HK$148 (推薦指數：4.5/5)呢個價錢呢個份量都幾抵食，絕對無因為平而魚得幾塊，因為我唔食辣嘅關係，所以走咗辣，但同平日喺大陸食有少少唔同，唔係話太酸，不過個味道唔錯，魚都好入味。魚片好多肉，分量都幾多吓，一讚係好嫩滑同入味，唔算好多魚骨，就算有都係大大條嘅魚骨，可以好放心咁食。安格斯雪花肥牛 HK$188 (推薦指數：4.5/5)呢個肥牛好食，牛味夠濃而不且份量都算幾多，肉同油脂分佈都幾平均，所以入口相當不錯。呢個價錢同質素比起好多火鍋點還好，

中菜博大精深，川菜以「麻、辣、鮮、香」為名。 這間「捌壹壹」不但能做出川菜應有的味道，價錢也很實惠。 我點了「冷鍋酸菜魚」，冷鍋即是鍋雖然熱， 但不會一邊吃一邊加熱，以免魚的鮮味被搶走。 冷鍋的湯能帶出魚味。 吃完後，可以加湯做火鍋，不會浪費湯底。 接著是「夫妻肺片」及「口水雞」，份量不錯， 辣味能帶出菜式的味，送飯送啤酒一流。 「回鍋肉」有鑊氣，總體而言餐廳廚藝不俗。 甜品點了「紅糖桂花粉」及「黑糖磁耙」。磁耙吃起來蠻有口感。 這間餐廳的菜式及價錢都十分大眾化，環境也舒適， 媲美不少內地川菜館，值得一試。 餐廳的食物都可以選擇辣度，平常不太吃辣的，建議選擇微辣或不辣。