星洲總廚 (大全街)

營業中

休息中

每次經過大角咀，第一時間都諗起呢間「星洲總廚」，真係一句嘢講晒「大件夾抵食」，佢嘅豬扒真係好出名，又係厚切，又好腍身，而且好入味！又熱辣辣，配飯配喇沙都咁好食！所以基本上台台都係叫豬扒，而且既然有得揀，咁梗係要買個喇沙啦！完全係雙重享受，佢嘅喇沙唔可以話係最好食、最正宗，但配埋個豬扒真係冇得輸！每次我都叫埋佢嘅辣椒醬，加埋落個喇沙度，湯底變得非常濃郁，真係好鬼正！配埋個餐飲都係大約$80，性價比超高！

經過門口出面見都多人食又唔洗排隊，就試試佢。坐隔離張枱係咁讚個豬扒好好食，好鬆軟，好啦，就試下佢啦！叫咗個厚切豬扒。食落係幾鬆軟嘅，不過略嫌有少少肥，有啲油。海鮮大燴叻沙，揀咗板麵，唔係好夾，都係油麵會啱啲。味道唔錯，湯底都夠濃。滿堂椰漿飯，有燒雞扒，咖喱牛腩，豬頸肉。啲豬頸肉爽到有啲驚，雞扒唔配飯有啲鹹，配飯就啱啱好，咖喱牛腩好腍，好好食，個飯就冇乜椰漿味，不過不失。鴛鴦桔仔話梅水，幾好飲，酸酸甜甜幾清新。白咖啡就正正常常。整體嚟講發揮到應有嘅味道，未到非常出色，可以試一次。

週末無聊逛大角咀，就走咗入呢間星洲總廚試下海南雞飯。柯打咗個二人餐，兩飯兩飲品，包埋海南雞飯以及厚切豬扒。其他一般般就不多作介紹啦，反而想重點講主角海南雞、同埋厚切豬扒。先講分量，二人餐有半隻海南雞，係幾正常的。雞皮色澤光亮，而雞肉幾嫩滑，就算食到雞胸位都唔會覺得嚡口，幾good！成餐飯最令我感覺驚喜的就係厚切豬扒，豬扒外皮炸得乾身，咬一啖仲有些少酥脆，但內裡依然有肉汁，超正， 一定要試！如果行開大角咀的話可以一試喔！

之前喺現崇山食過星洲主廚，佢嘅厚切豬扒簡直係一試難忘！肉質豐富，而且非常抵食。今次見到呢間餐廳個名咁熟口面，就嚟睇吓係唔係同一個廚師嘅出品😂一開頭見到個餐牌，已經覺得好似，直到親口試到厚切豬扒，就覺得終於食得返啦～～～滿堂椰漿飯：首先好大份，有一隻留心荷包蛋，4-5塊豬頸肉、3-4塊雞扒、咖喱牛腩、好多炸魚仔同花生，口感非常多層次同豐富！啲肉全部都好入味，咖喱汁都好香好惹味、但係個牛腩就有啲韌。招牌厚切豬扒喇沙：一啲都冇失望，個厚切豬扒依然係咁多汁、調味好夠非常入味，肥瘦均勻！喇沙摻摻個味都幾好，椰汁味好重，配料都幾多好多個豆卜同埋兩粒魚蛋再加半隻蛋！性價比勁高