Espresso Alchemy

營業中

休息中

-嚟過呢間Cafe已經好幾次，佢嘅水準非常穩定，從來冇食過啲唔好食嘅嘢，而且服務態度幾好，耐唔耐就會掛住呢度啲嘢食然之後返嚟😍-😋 火雞胸蕃茄芝士意大利三文治 ($69)👉🏻 我嗌佢係因為雞胸兩個字，感覺上健康啲😂😂 話明係雞胸，當然唔好預期佢會好滑，但係因為佢啲配料都搶味，例如蕃茄同芝士，所以你唔會好focus係雞胸嘅口感到😛👉🏻 包方面，用咗意大利三文治 (佢都有普通三文治選擇)，口感比較軟，唔係脆身，焗熱左都幾香幾好食👍🏻👉🏻 整體黎講個配搭好簡單，但係味道好唔錯😌-😋 厚切意大利煙肉配卡邦尼意粉 ($88)👉🏻 超級鍾意佢個厚切意大利煙肉！話說平時我係麻麻哋煙肉嘅，覺得好容易好乾又好油，但係呢個完全冇咁嘅感覺！每舊都係啖啖肉嘅感覺🤤 仲要全碟勁多煙肉，多到最後食唔晒🙈👉🏻 意粉就比較粗身，煙煙韌韌🥳 配埋好creamy嘅卡邦尼醬，好滿足😙-😋 Hot Americano (Set Drink: $10)👉🏻 呢度嘅Americano偏向Fruity，食完卡邦尼意粉再飲，一流！-😋 Hot Mocha (Set Drink: $10)👉🏻 Mocha都幾好飲，唔會話好甜，不過最欣

上次喺海港城試過呢間cafe嘅咖啡之後已經好有興趣再去試吓佢嘅食物，原來荃灣都有分店，平日嘅中午唔多人，坐喺落地玻璃旁比陽光照住感覺特別relax，午餐有lunch set，我哋揀咗：.檸檬汁烤雞煙肉意大利三文治（$68）Panini 烤得熱烘烘先上枱，豐富嘅雞肉餡料配煙肉加少少檸香味同溶芝士，perfecto!厚切意大利煙肉配卡邦尼意粉（$88）估唔到呢個價錢比到咁高質嘅煙肉，厚切嘅口感出面較少有，呢隻煙肉香得嚟又唔會過鹹，意粉口感恰到好處，每條意粉都掛住香濃嘅醬汁，食唔停口～自家製咖啡胡桃蛋糕 （$30）淡淡嘅咖啡香味用嚟襯咖啡剛剛好，唔會過甜搶咗咖啡味，我自己就幾鍾意但友人略嫌清淡咗啲。Lunch set + $10 要左Cappuccino +$18要左Iced Latte ，上次飲過已經好鍾佢嘅咖啡夠香夠啡味，落奶嘅份量又剛好，今次都一樣保持質素。呢間Cafe冇加一，所以價錢真係好合理，會將呢間Cafe加入My favourite list 🤎

呢間cafe陽光超好☀️，食物同咖啡都好高質，仲要no service charge❗️btw午市有lunch set，+$10-$15就有一杯野飲啦🤣：-1️⃣「青醬雞排沙律🐔🥗($75)」-雞排超大份超嫩，應該係慢煮，好食到想偷師😂！沙律都唔會hea你，醬汁酸甜開胃，材料又豐富🍅🥬🫒🫐~Pesto marinated chicken salad is perfectly cooked. The chicken is succulent and tender, served with refreshing salad👍🏻-2️⃣「厚切意大利煙肉配卡邦尼意粉🥓🍝($88)」-厚切煙肉大粒又juicy🥓，意粉粗身有咬口，幾creamy幾香～Spaghetti carbonara w/ pancetta affumicata bacon is creamy. The spaghetti is al dente, with juicy and meaty diced bacons👍🏻-3️⃣「巧克力咖啡(L)🍫☕️(set+$15；$43)」-聽聞呢到咖啡超出色，一飲過然不錯💯🤤，可可味香醇，咖啡夠香濃，唔甜

呢日約咗個friend嚟食lunch, 早d嚟諗住輕輕鬆鬆傾吓計，好彩唔使等，不過就坐唔到窗邊位...我哋叫咗2份lunch set ，服務員話跟餐嘅咖啡可以加錢轉其他飲品，於是我哋就試吓飲朱古力，另加2件蛋糕眨吓眼，香濃美味嘅熱朱古力已經率先送到。啱啱影完相，其他食物亦已經陸續送到，所以我地決定等齊影張大合照先開始食我地首先試一試2款自家製蛋糕，雖然個樣同想像中有d唔同，但食落都好美味！香蕉蛋糕仲加左朱古力味，啱晒我。跟住我哋就食卡邦尼意粉，意粉又香又滑，d煙肉一d都唔硬，好好味煙三文魚沙律份量十足，配檸檬醋醬酸酸地，啱晒已經飽飽地嘅我哋慢慢歎。就算坐唔到窗邊，景觀都依然一流，加上餐廳柔和嘅音樂，真係一餐輕鬆寫意嘅午餐！

位於如心一期地下，落地大玻璃面向大河道全城匯， 碰巧藍天白雲，椰樹影婆娑，如畫一般相片並無後製。店內並無設假天花突顯高樓底，配上特色吊燈和新式開放式廚房，清新簡潔明亮，一大幅玻璃層架藝術設計，加強鋪內寬敞感，雖然座位坐得並不算太舒服， 但係感覺很悠然寫意。有咬口的厚切意大利煙肉，如果在配意粉前煎香表面會更好，卡邦尼煮得不錯，意粉不算硬反而比較冧，可能較適合香港人口味，份量不多女士或keep fit者可接受。整體感覺很好，麵包、免治牛肉、汁醬都算很平均，雖然沒很大的驚喜，但絕對唔會投訴，唔知係咪比外面個景觀吸引咗。咖啡可能期望高咗，反而覺得冇乜特別。『咖啡影照雲彩飄揚，悠然寫意自得其樂，能偷得浮生就把難題先擱一旁。』食物賣相＝(滿分20) 16食物味道＝(滿分20) 17服務質素＝(滿分20) 16裝修整潔＝(滿分20) 18性價比率＝(滿分10) 6回頭指數＝(滿分10) 7總評分。（滿分100) 80分

星期日約咗朋友去食野，一次過食哂早午餐，係荃灣西站行去約5分鐘，就到如心廣場一期。坐下來睇一睇想食啲咩，再到櫃位落Order。落完Order，比一個號碼牌，之後等約4-5分鐘，陸續將美食放到枱面上。🍝厚切意大利煙肉配卡邦尼意粉 $88有好多香脆又厚切既意大利煙肉，好有咬口，醬汁又好多，意粉仲煙煙韌韌。🥪青醬烤雞意大利三文治 $66熱辣辣既三文治，配上青醬汁(多汁)、蕃茄，最重要係烤雞，又香又好吃，又唔會好韌。🍰Homemade 藍莓蛋糕 $28厚切蛋糕好香，有大大粒藍莓，飽肚既蛋糕。🥤Iced Mint Chocolate $45有枝薄荷葉襯托係中間位置，配上可可粉。三層顏色，有漸變色嘅效果，薄荷朱古力上有朱古力泡沫再上有白色奶奶既泡沫，香濃既薄荷味。☕Milk Chocolate (LGE size) $41心形拉花圖案好靚，暖粒粒既熱朱古力，暖在心裡頭，甜度適中，香滑既朱古力。