Kampoeng

營業中

休息中

今天在銅鑼灣購物，經過一間印尼特產雜貨店，擺放各款地道食品，便駐足瀏覽一下。原來下一層地庫是一間印尼菜餐廳，於是便入內嚐新口味。餐廳面積不少，東南亞裝修風格，座位也寬敞舒適。餐牌上列出很多印尼特色美食，圖文並茂，都很吸引。「雜錦巴東牛肉飯」除牛肉和飯之外，還有多種配菜：椰漿豆腐、豆角、炸薯仔粒、雞蛋、蝦片、印尼甜醬。牛肉腍軟入味，加上以椰奶、薑黃、薑、辣辣、香茅等煮成的印尼醬汁，微辣惹味，富特色，是必食之選。「印尼醬燒魚」原條烤魚，外皮烤得焦脆香口，肉質鮮嫩，沾上甜甜的印尼醬油，份外鮮味。「印尼炒芥蘭」芥蘭新鮮翠綠，爽脆無渣，加上用蒜蓉、洋蔥、番茄、香茅及特色香料來炒，非常惹味。「印尼酥炸豆腐」豆腐新鮮即炸，香脆可口，沾上附設的甜醬油，是不錯小食。「熱薑蜜」味道濃郁----夠薑！甜中帶辣，好醒神。「紅毛丹利賓納」在利賓納刨冰中放入紅毛丹果肉，賣相吸引之外，味道還讓人有驚喜。這裏的菜式充滿東南亞風味，味道獨特，是一頓很好的美食體驗。

好耐沒食過印尼菜,而且印尼餐廳買少見少,專登去呢間試試,餐廳喺地牢,去到已經近夜晚七點,無乜客,直入,侍應係印尼人,唔識廣東話,點好菜後,先上加多加多,普普通通,因為都係嗰隻醬汁關係,好難唔好食,除非佢比爛菜你啫🤣,只不過收你$68,又銅鑼灣區,d料會少d囉,再上沙爹串燒雞,佢呢個掂,早知叫半打,唔知佢燒得咁好食,再上印尼醬燒魚,直頭係掂,喺魚身搽上辣辣地甜甜地既醬汁去燒,好惹味,好食又抵食,散叫個椰汁飯都好0k,滿滿椰汁香料味,不過雜錦黃薑飯&雜菜餅要扣分,首先雜錦黃薑飯嚿薯餅咬落口全部都係油,亦都似擺左一段時間再翻熱比客食,有陣怪味,呢d配料仲敢收人$78有d貴,如果係咁,我不如散叫黃薑飯都係$18仲好,雜菜餅都有上述問題,無醬汁點仲顯得佢少少寡&太油膩,珍多冰正常發揮,不過唔值呢個價囉😅

是日相約友人一起嘗試地道印尼菜，老老實實，本人好少專登去食印尼菜，因為我會覺得好似去左印傭姐姐既地頭，感覺怪怪的。但今次呢一餐改變左我對印尼菜既負面印象🫢餐廳外賣小食店樓下，樓梯兩旁放滿左林林總總既印尼小食，落到去地方好大，裝修好有特色，有幾張可坐到8人以上既大枱，啱晒一家大細去食炸香蕉糕，我覺得用香蕉餅形容會比較貼切😂香蕉餅外脆內軟，完全唔油膩，沒有添加香味劑同糖，係純天然帶點酥香既甜點。我開頭食既時候以為waiter上錯菜，因為真係好有雞肉既香味，又唔會好重味精，勁足料， 唔鍾意食豆既我竟然食左兩塊，完全食唔到豆既腥味，素食之選印尼all day breakfast 有飯版😂不但營養豐富，仲好惹味基本上可以有兩個汁撈飯：椰香咖喱汁好香夠辣、牛肉汁又夠濃兩個汁送飯 真係可以食哂成碟。 仲有魚乾仔 甜甜的，半邊配印尼特色醬（我未食過既味），仲有幾片蝦片值特一讚既係個牛肉，整得好入味，好林得黎又有牛展既咬口呢款係menu度冇中文名既肉丸湯麵，我都真係未試過。肉丸既口感似硬少少既鯪魚肉，幾彈牙，大大粒，還面有少少肉醬，係大粒版既超辣醬爆豬肉丸😂😂仲有粉絲同埋麵底，份量不多，適合女孩/下午茶

再次到訪這店......要落下一層，地庫，地方很大，座位很寬敞。今次見多了外國人在進食 ......今次食下其他菜色，但仍點選了「印尼醬燒雞」，本來都是揀1/4 隻的，但店員誤會了，點了半隻！(我們到埋單才知道的，難怪覺得很大份)！印尼醬燒雞，啖啖肉，好辣，但惹味！要飲杯珍多冰解辣！點了少甜，ok！味道不錯！友人愛吃巴東牛肉，但今次被餐牌內的圖片吸引，於是點「巴東牛肉雜錦飯」！賣相與圖片都很相近 這碟飯就可以食到不同類型的食物 可惜巴東牛肉太少了，只得兩件 未食過印尼菜的魚，今次點了「印尼醬燒魚」。魚很滑，皮燒得香脆，再配甜醬，份外惹味！友人怕我唔食得辣，所以最後點了「梳多雞湯」，這也是印尼菜。我第一次食，材料豐富，味道都很特別，完全唔辣，ok！今次可以食到很多不同的印尼菜 

外婆是印尼華僑，自小被餵了不少的印尼食物，因而對印尼菜也有點偏愛。Kampoeng位於糖街，平時星期六日總被各「姐姐」迫爆想必也是相當正宗。餐點有很多款式，光是「炸豆腐」一類以不同的名稱出現了好幾次，如「酥炸豆腐」、「炸豆腐」、最後選了名字最長的「印尼酥炸豆腐」印尼酥炸豆腐 $45果真是「酥炸」，外層酥脆，不覺刺口，配上內裡的軟嫩，多吃亦不覺熱氣。炸得恰到好處，微微金黃不會油膩。沙嗲串燒（雞$46/3串、羊$58/3串)印尼人因宗教關係很少會吃豬肉，因而餐廳亦沒有豬肉的餐點。串燒方面我們點了雞與羊。羊肉完全不騷，吃到最後才吃到一絲羊的氣味。雞肉燒得剛好，帶微炭香，特別喜歡特製的沙嗲醬，香甜濃稠的花生味，且掛力十足！蝦醬炒通菜$68很大一碟，碧綠爽口味道鹹淡得宜，不會死鹹，不錯！印尼醬燒魚$68$68很大一條，魚皮燒得香脆，外面帶點微辣，配上的醬汁則帶甜，魚肉細軟，CP值很高!椰青 $46少不免來個解渴椰青~飲完還可以吃椰肉!青檸梳打 $29也是解渴之選!餐廳還有賣些印尼糕點，臨走時順道買了些回家～

對印尼菜認識只有印撈的我，發現香港原來有地道高質印尼菜！朋友係銅鑼灣地膽，教我嚟糖街呢間印尼餐廳，估唔到原來在地庫，係咁大間，仲裝修得幾靚。粟米餅好大塊好多粟米，超脆口，煙煙靭靭。酥炸豆腐呢個好似平時食嘅臭豆腐，炸得幾脆口。香辣烤雞Ayam Taliwang職員提醒呢個印尼香辣烤雞超辣，怕我哋食唔到。但係我同朋友本身食得辣，聽完更加想挑戰一下！雞皮上面嘅醬料酸酸辣辣，越食越惹味！係辣得嚟好過癮！印尼醬燒魚 Ikan Bakar Kecap今餐飯最欣賞呢條魚，第一次試用印尼醬料燒嘅魚，魚皮燒得剛剛好，唔會燒得太乾。配嘅醬料好辣，但係辣得嚟好襯燒魚，十分滋味。鍾意食魚嘅我，太遲發現原來印尼醬燒魚係咁出色，仲要只係68蚊，好抵食！印尼特式炒飯炒飯粒粒分明，印尼醬油夠香，隻荷包蛋仲幾靚！椰青去唔到東南亞旅行，唯有嗌番個椰青止下旅行癮。估唔到又幾清甜，最後連椰肉都食埋。原來食印尼菜嘅性價比都幾高，2個人平均每人先百幾蚊，可以嗌倒咁多款小食同特色菜，下次嚟銅鑼灣諗唔到食咩都會再嚟，因為坐得真係幾舒服，又多位。

星期五晚上到銅鑼灣搵食，經過糖行看到這間印尼菜，香港是比較少印尼餐廳的，所以便試一試餐廳位於地庫一樓，有升降機。餐廳地方很大，裝潢比較簡潔企理你和老公二人點了三個菜一個湯。等了大概十分鐘，店員一次過上齊點的食物，很貼心牛尾湯 - 牛尾湯是超足料的！而且牛尾炆得很腍，每一啖湯也是滿滿牛肉熟辣醬炸鴨配黃薑飯 - 這個菜主角應是印尼自家製辣醬，這個辣度可以媲美四川麻辣！十分適合喜歡吃辣的我！再配上肉質鮮嫩的炸鴨，真是吃不停口馬拉盞炒芥蘭 - 份量很多而且十分有鑊氣印尼醬燒魚 - 魚肉的肉質鮮嫩，吃下有焦香的味道。若配上甜醬吃，醬汁帶有微甜，十分開胃這間印尼餐廳食物質素不錯，菜式特别， 下次必定再來試其他菜式

香港的印尼菜館寥寥可數，今天在銅鑼灣糖街發現這家Kampoeng，可以一嘗印尼風味。餐牌選擇多樣，當中更有不少地道印尼菜，更外因應香港人口味亦有其他常見的東南亞菜式。加多加多沙律先來一客印尼國民前菜加多加多，是一道由烚熟過的豆角、芽菜、豆卜、椰菜等做成的冷盤，加上椰香豐富的花生醬汁，口感爽脆軟嫩恰到好處，味道香甜層次豐富。特色炸釀豆腐豆腐炸漿厚薄得宜，入口咬嚼有外層酥脆而內裏嫩滑的滋味，味道融和。沙爹雞肉串雞肉串烤得惹味非常，表面微微焦香，將一旁的沙爹醬及印尼甜豉油混和，用雞串蘸點濃稠的沙爹醬，味道香濃，吃起來嫩而不乾。印尼醬燒魚另一印尼名菜Ikan Bakar，即是印尼燒魚，將魚加上特製的甜醬燒烤，外層乾脆而魚肉仍鮮嫩，鹹甜味道平衡，加上特製的辣椒醬同吃十分過癮。十五夜飯團十五夜是一種以蕉葉捲起米蒸熟的飯團，口感偏軟糯，偏咖哩味道的湯汁極富椰香，濃淡適度，加上大量不同的配料，如雞腿、牛腩、雜菜等，口感味道均令人耳目一新。印尼雜錦黃薑飯黃薑飯貨真價實，色澤金黃、香味撲鼻、味道突出，真正做到色香味俱全，非街外有形無實、有色無味的「黃薑飯」，配上青瓜、蝦片、巴東牛肉等一大堆配菜，名副其實非