FINDS

營業中

休息中

琴晚同三個朋友一齊食飯，因為好耐冇四個一齊食飯，所以就搵咗一間叫帝樂文娜公館入邊食北歐菜嘅餐廳，冇分時段，可以慢慢食慢慢傾偈。餐廳叫做 FINDS，環境坐得舒適，地方闊落。服務員Wendy同Julie親切有禮，這點一定要稱讚，尤其係Wendy主動協助我哋，清楚解釋餐牌上嘅選項（原因係我哋嘅理解能力比較差😅）我哋揀咗一個四人餐叫做四人盛宴之夜，龍蝦三文魚湯好飲，碟邊仲用咗煙三文魚做裝飾。之後個頭盤係北歐海鮮拼盤，呢個我自己個人最鍾意。帶子鮮甜，龍蝦肉多汁。主菜我哋揀咗北歐濃湯燴海鮮和肉眼扒，另外散叫咗半隻香烤雞。北歐濃湯會海鮮呢我哋就覺得個味道比較濃，尤其係入邊嘅三文魚，一致認為三文魚有啲鹹。香烤雞整得好食多汁，肉眼扒全程有微火㷫住。甜品有4款，好有驚喜。FINDS餐廳原來仲有早餐、午餐、brunch、下午茶同埋晚餐供應。搵日得閒再約埋班朋友一齊嚟試吓佢其他餐先。

去完北歐回來一個月又掛住北歐旅遊的日子只好食下北歐菜回味下當時的悠閒日子喇星期日晚上人數不算多 Nordic Seafood platter 北歐海鮮拼盤（三人份） Waiter 會好細心介紹食物做法同食的次序有帶子、蝦、三文魚、青口、甜蜆等等自家煙燻蝦 濃濃煙燻味刁草蝦 爽口彈牙三文魚分別三種做法 冷燻 輕煎 醃三款各有特色 口感軟滑帶子同蜆 好鮮甜 juice 濃濃海水味所有海鮮都好新鮮 超推介這道菜輕煙黃麖柳配牛肝菌大麥意大利燴飯、白蘿蔔、醃南瓜及黑加侖子汁肉超嫩滑 好入味在這個舒服寧靜的環境 是幾個女仔談天傾心事的好地方有機會會再來試試它出名的下午茶