鮨逸

🥰 “電視台美女” 相約食飯, 問我有乜推介, 最終佢自己揀咗佢自己未食過嘅 “鮨逸”. 我即刻上 Openrice 研究下. 嘩, 睇完其他食評, 心都離一離.🤗 餐廳位於銅鑼灣駱克駅27樓, 開𨋢門後, 一眼睇晒, 正方間格, 走過方枱用餐區, 就係長型壽司吧枱. 坐位望玻璃窗, 少少背光, 隻眼有點辛苦. 🥢 今日點咗 “15貫壽司加手卷” 套餐, $548+10%. 玩法係13件指定壽司, 最後重選兩件, 呢個設計幾有意思. 其他選擇包括 13貫壽司套餐 $388+10%, 季節廚師發板 $748+10%. Openrice 訂枱享9折優惠, 多謝哂.目仁奈黑曹以 墨烏賊澗八赤背裙邊黑鯥魚北海道帆立貝深海池魚鰤魚鬚長蝦大拖羅右口魚馬糞海膽中拖羅手卷玉子燒🥗 前菜: 配屈機麻醬, 我食晒.🍥 茶碗蒸. 夠熱夠滑, 絕對過關.🍣 目仁奈. 陌生嘅名字, 油份普通, 肉質煙靭, 醬油味相對甜, 我鍾意!🍣 黑曹以. 又係陌生嘅名字, 口感比”目仁奈” 更厚肉, 更充實, 更煙靭. “黑曹以” 本身味道清淡, 配柚子胡椒, 幾辣喎!🦑 墨烏賊. 又係陌生嘅名字, 嘿, 其實即係墨魚. 切條, 再叠番埋, 既爽又有嚼口, 配略甜嘅醬油, 一體感十個讚.🍣 澗八. 魚肉緊緻爽口, 油份豐富, 魚味跳級提升, 掂!🐚 赤背裙邊. 爽口, 鮮甜.🍣 黑鯥魚. 火槍炙燒表面, 迫出油香, 梗係好食啦, 哈哈.🐚 北海道帆立貝. 咬落爽甜, 不俗.🍣 深海池魚. 魚肉實淨, 油份豐富. 第二至八件, 都係魚貝相間, 抵讚!🍣 鰤魚, 配三升漬. 肥美, 我諗起 “鮨定山” 師傅講過鰤魚嘅酸味, 今次唔明顯. 三升漬帶椒香又唔搶味, 唔錯!📖 翻查資料: 三升漬屬於日本北海道, 東北地方嘅鄉土料理. 以米麹, 醬油, 南蠻青辣椒, 各一公升, 發酵而成.🦐 鬚長蝦. 蝦肉厚身爽甜, 口感澎湃.🍣 大拖羅. 肥美, 柔滑.🍣 右口魚, 又名鰈魚. 炙燒迫出油香, 滑捋捋, 配脆脆紫菜, 一流!😱 馬糞海膽. 我覺得非常苦, 屬災難級別. 但 “電視台美女” 面容正常喎, 咁應該係我味覺嘅問題.🍙 中拖羅手卷. 拖羅柔潤肥美, 配脆脆嘅天婦羅碎同埋紫菜, 掂!🦐 重選: 鬚長蝦. 可能啱啱喺雪櫃攞出嚟, 溫度偏低, 倒扣分.🐟 重選: 黑鯥魚. 我諗住揀炙燒嘅, 可以避開溫度問題, 結果都係麻麻. 🥣 麵豉湯. 夠熱, 過關.🍮 玉子燒. 色水暗淡, 賣相扣分, 味道一般般.☕️ 咖啡. 樹木杯嘅外型非常吸引, 咖啡普普通通, 另外俾兩粒棉花糖你玩, 完美结束.🤗 環境: 壽司吧枱望玻璃窗, 少少背光, 互動交流困難咗, 又聽唔清楚師傅講嘢, 攪唔掂. 另外, 背脊冇遮冇擋, 比其他食客望住, 唔自在.🤗 總結: 性價比具吸引力, 服務合格. 論食物, 種類多變, 初嚐幾件少見嘅品種, 略帶驚喜, 交足功課. 重選部份出事, 有得揀, 我都唔識做老闆, 哈哈. 師傅可能忙住處理非吧枱食物, 略嫌交流不足, 另外壽司吧枱光線唔舒服, 用餐體驗扣咗分.…さらに見る

今日同朋友預祝生日，去咗銅鑼灣銅食Omakase 慶祝一番。🎉🎉餐廳環境舒雅致，有不少日式擺設作點綴好有格調，長長的吧枱好吸睛，非常期待廚師為我們炮製美食。😋❤️♥️❤️我們選了一個名為「逸」的Omakase Set。🌸水果酒先飲番杯，我哋揀咗比較易入口的水果酒，柚子檸檬味，酸酸甜甜幾開胃。🌸前菜、壽司及刺身（共25品）🔆水雲內有松葉蟹，酸酸咪咪，清新開胃。🔆鮟鱇魚乾配柚子酸汁， 水海草伴碟。🔆黑玫貝- 有少少煙靭，尾部較為爽口。🔆白子- 加了海葡萄作點綴，爽口。🔆間八魚- 內裡是海膽豆腐，間八魚薄切晶瑩剔透，伴碟的小菊花瓣令味道添了餘香。🔆墨魚碎上配馬糞海膽，墨魚口感特別。🔆小龍蝦刺身，師傅已起晒肉，龍蝦爽口彈牙，龍蝦殼一啲都唔浪費會攞去熬湯。🔆活赤貝，切得好薄好考師傅的刀工，爽口鮮甜。🔆鰤魚壽司，爽身，鮮。🔆金目雕壽司，炙燒過魚味出，清新。🔆蟹膏豆腐，有松葉蟹還加咗黑魚子，一口將唔同的口感放進口裏，豆腐香滑魚子濃味，松葉蟹碎絲絲有趙口。🔆牡丹蝦刺身，蝦膏經燒過再放上面，蝦味濃郁。🔆帆立貝炙燒過跟紫菜上，紫菜好脆，帆立貝爽滑經灸燒過帶出鮮味。🔆岩手縣尾鰭生蠔，蠔味比較重，形狀比較長身，大隻。🔆秋刀魚壽司🔆車海老櫻花蝦壽司，蝦腳炸過可以食，Wasabi落咗柚子胡椒辣辣地。🔆炙燒喜之次壽司- 色澤紅紅粉粉非常漂亮，魚味濃郁，少許燶邊帶出鮮味。🔆深海池魚捲馬糞海膽－金箔耍上面，好矜貴，池魚清新爽甜，馬糞海膽味道濃郁，剛好互相補足。🔆吞拿魚蓉配魚子海膽用威化餅盒子盛載，威化餅好鬆脆，夾住一齊食，非常滋味。🔆蟹膏麵豉，南非鮑魚慢煮四個鐘，味道豐富入味而且好有口感。🔆喜魚天婦羅，落咗岩鹽可以就咁食唔使點醬汁。🔆大拖羅灑咗蔥，用紫菜包住食。🔆花昭蟹醋味啫喱，肉味濃、好鮮味。🔆白海膽有燒過鱈魚乾托底，加咗啖雪鹽調味，鱈魚肝非常鬆脆。海膽好清新，同鱈魚肝好夾。🔆玉子布甸是自家製，唔好睇佢細細粒，質地好實淨，帶少許甜味，是玉子和布甸的混合體。🌸湯用剛才的蝦頭攞去熬湯加咗慕容菇提鮮。🌸水果、甜品赤肉蜜瓜配姜味雪糕，蜜瓜鮮味超甜，雪糕薑味濃帶點回甘，非常特別。總結來說，食材非常新鮮，賣相精緻，大大滿足的一餐。🥰❤️❤️❤️…さらに見る

呢個地方舒服，有窗開揚，師傅細心有禮貌，當然以千零蚊既Omakasa 黎講，刺身雖然未算係最上等，但有蠔有海膽新鮮蝦魚缸游緊水的，大部份刺身都非常新鮮，呢個價錢我係覺得超值的，非常推薦大家試下。唯一當日海膽新鮮度差小小，其他野食好新鮮，我地一行6個美女大家都非常滿意。…さらに見る

有個大project要做，我諗如果唔食返個omakase嘅話，應該係冇力做嘅....... 一嚟到就見到寫咗我個名嘅歡迎字句，好窩心！！！午餐Omakase ($680) 前菜煮物大根超香甜，一啲渣都冇；茶碗蒸滑溜，仲有絲絲嘅蟹肉！鮟鱇魚肝係我最愛嘅時令鮟鱇魚肝呀！！！加咗柚子醋，再連埋昆布一齊食，一啲油膩感覺都冇。不過鮟鱇魚肝喎，乜都唔洗加都夠已經好滿足啦！活赤貝呈橙紅色又有光澤，食之前拍一拍，肉質爽厚彈牙，仲有啲海水味添BB吞拿魚輕輕捲起嘅BB吞拿魚魚背，肉身呈紅色，不含油脂，肉質實淨生蠔今日嘅生蠔叫令和之怪物，加咗柚子啫喱、食用玫瑰、辣蘿蔔及萬用蔥。生蠔好大隻，差不多有成隻手板咁大！蠔身非常肥美，質感爽脆，加咗柚子啫喱更加可以激發出蠔嘅鮮味障泥烏賊第一次食，平時嘅烏賊比較彈牙，但呢種障泥烏賊口感黏糯膠口，上面加咗海膽及三文魚子，鮮味大大提升銀鱈魚西京燒魚皮好脆又有焦香，肉質嫩滑天婦羅有蝦、番薯及南瓜。上菜時奇怪手點解冇醬汁及蘿蔔茸嘅？原來係因為炸嗰陣已經加咗海鹽，所以唔需要點任何醬汁都已經好有鮮味終於食到壽司嘞~鰤魚係野生鰤魚呀！肉質甜美，脂膏豐腴帆立貝加咗新鮮竹炭鹽、青檸，又拍一拍，肉質更爽口刺身級銀鱈魚又有食銀鱈魚嘞！輕輕燒過後，魚肉帶豐腴油分，口感嫩滑，鮮甜嘅味道比頭先西京燒嘅更加突出！珍寶大蝦上面加咗蝦頭膏及蝦子，甜上加甜！！！藍鰭吞拿魚腩用岩鹽紫菜包住食，啲油香喺口腔度久久不散！赤馬糞海膽每一粒都唔同顏色係佢嘅特色，味道濃郁，鮮味中帶少苦麵豉湯入面加咗生紫菜，不過煮到爛咗了，唔講唔知甜品隻咖啡杯好靚！旁邊嘅威化夾住意大利芝士雪糕，好味！仲有蕨餅，飽晒！…さらに見る

疫情影響下沒有晚市堂食, 朋友相約吃飯只好挑了星期日的午飯時間. 正正挑了一家壽司店的廚師發辦, 午市價格較便宜正好可以為荷包省一省. 入座後朋友才說這家鮨逸其實原定12月開張, 由於疫情影響現在保持試業狀態. 12點第一位到的我, 正好在這個27樓看一下景色. 店裡的環境整潔開揚, 燈火通明, 留下的好感不少. 訂枱時已留了2位$680的廚師發辦, 較便宜的一款$380季節會席日後有機會再試. 店裡用的餐具較其他的壽司店更見精緻, 尤其喜歡那雙木筷子. 先上的一道前菜沙律配上脆脆的炸蓮藕片.  茶碗蒸的碗很精緻, 蒸蛋裡頭加上鮮味的蟹肉, 暖暖的正好驅走寒意. 吃過暖暖的茶碗蒸便點了瓶小酒喝喝, 正好這款作 恵乃智 純米吟釀之前未試過. 這款是帶點洋梨香味的薰酒. 點了清酒後, 送上不同形式顏色的各式清酒杯, 十分周到. 第一道送上的是新鮮岩手蠔配上土佐啫喱及柚子醋, 蠔身光用相片已看得出肥美新鮮. 肉質細滑, 與柚子醋的配搭不錯. 北寄貝刺身上桌前, 廚師先用手拍過, 此舉廚師說的是讓肉質更緊緻彈牙, 相機快快吃完便要馬上進食. 新鮮的帶子刺身會連上兩道. 第一道是配上竹炭鹽及青檸汁, 少許的鹽讓帶子的鮮味更見突出. 第二道帶子是火灸過的帶子磯邊燒, 磯邊燒指的是用海苔包著烤物, 鬆脆的紫菜讓烤過的帶子有另一番風味. 鰆魚刺身不常吃到, 廚師先烤過魚皮, 入口魚肉細膩, 柔軟帶滑溜的口感, 烤焦魚皮更令味道更香. 接著上的是熟成七天的油甘魚腩, 熟成過後的魚肉較平常的水份較少, 但肉質緊緻. 魚肉的魚油香味愈嚼愈香. 是我第一次吃熟成魚類. 上過5,6道菜後, 廚師送上的是漬物, 山藥及牛蒡. 正好配一下清酒, 舒一口氣. 超喜愛漬物的我, 全程添加了2次給我, 再上菜的第一道是天然真鯛, 清淡的白肉魚, 肉質緊緻有鮮味. 第二道用上火灸金線鯛, 感覺廚師在寒冷的天氣故意用上火灸令食材溫度變化, 提升口感. 吃罷廚師奉上整條金線鯛拍照. 接著上的仍是白肉魚的平目壽司, 但魚肉用上日出昆布醃漬, 魚肉水份收乾了亦變得緊緻, 昆布令魚肉鮮味突出許多. 第二道熟成的魚用上七日熟成深海池魚腩做成壽司. 細緻的魚肉層次更豐富, 配上壽司飯提升更多. 吃至尾段, 這道上的應是今日最難忙的一道蝦壽司, 用上蘇長蝦以昆布醃漬, 另外佐以醃漬過的蝦腸, 蝦的魚味提升不止三倍. 差不多至最後送上油脂豐富的長崎中拖羅, 吃至這裡已有7,8成飽, 而且已經吃過各種特別食材. 但這道拖羅絕不馬虎. 入口即化, 鮮味在口中擴散. 最後用料新鮮, 甜美的馬糞海膽杯相比之前的食材顯得平凡. 本以為是海膽杯已是結尾, 竟再送上蔥拖羅手卷, 本以為是平凡之作. 入口竟然有鬆脆口感, 原來內裡加上天婦羅碎, 提升了鬆脆口感亦令拖羅稍減油膩感, 精彩的結尾. 所有魚類菜式上過後的是口味較清淡的麵鼓湯. 飲品是精緻的咖啡, 用上的咖啡杯很特別, 另外貼心的附上2小顆綿花糖, 廚師說是怕咖啡太苦的一絲甜. 喝過咖啡後還有柚子雪葩夾餅, 柚子雪葩用夾餅吃多了份鬆脆的口感, 像極吃夾心雪糕. 附上的一小塊紅豆綠茶蕨餅, 微甜而口感煙韌, 可惜是限量供應, 下次來未必有了. 吃畢離開時計算了一下, 除了前菜, 湯及甜品等, 差不多有15道. 雖然$680以午市的廚師發辦來說, 價格是較高. 但絕對吃過以來食材最好而且廚師手勢最好的一間. 乘著現在試業會找時間再光顧一下. 可惜的是疫情未能一試晚市的25道菜廚師發辦, $1280的價格實在吸引. …さらに見る