牛大人台灣火鍋吃到飽 (瓊華中心) (已搬遷) 新店位置

講真打邊爐牛大人的【極上和牛吃到飽】已經列入首選之一。因為牛大人長期爆位，好彩一早預約定，今次約了同事收工暢談一番，去到即刻有位😎。坐低冇耐就嗌湯底，朋友點了「牛夫人秘方麻辣鍋🍲」，小辣對我黎講都好辣。新加入牛大人的「少爺啤酒🍻」，$58/杯，嗌左兩杯，酒味唔算好濃，較易入口！ 啤酒到，其他野食陸陸續續都到…個人必點：SRF美國黑牛、澳洲和牛M5牛肩卷、澳洲M9和牛牛丸🍡、蛋餃等。餐廳有好多台灣小食供應，午餐肉、台灣香腸、梅甘脆薯🍠等，可以邊食邊打邊爐。另外，可以一試 - 西北麻吉燒，感覺似湯圓，口感軟糯。 

見到身邊好多朋友都吃過牛大人台式火鍋🤩， 這間人氣爆燈的火鍋店🥰， 平日大約五點鐘到達已經場內爆滿😳。 今次到牛大人分店， 位於旺角彌敦道瓊華中心9樓。 店內以簡約設計為主， 我們坐在窗口位置， 光線充足。 第一次就試下澳洲極上和牛吃到飽套餐$248 🌟( 晚上七點半前離座 ) ，120分鐘用餐時間， 湯底有9款選擇，牛大人紅燒牛骨鍋好特別， 一於試下。店內用QR Code落單好方便👍🏻， 每次上菜速度好快，澳洲極上和牛餐有十幾款不同的肉類任食， 每一款都新鮮肉汁豐富🤤， 特別是澳洲M5和牛牛肩卷肉味濃郁，油花分佈均勻。 除了肉類之外， 設有火鍋自助區，有幾十款火鍋配料，丸類、蔬菜和麵類。 熱食我推介鴨血，滑嫩可口， 必點美食啊！😋👍🏻飲品方面有幾款冷泡茶、 各款汽水和自家製台式飲品等等， 打邊爐又點少得啤酒， 點了一款啤酒叫流水落花🍺$48， 入口清爽解渴，淡淡花香， 味道特別。 最後甜品Movenpick 或台中仙草凍，台中仙草凍解辣又不太甜。整體而言餐廳食物質素好， 上菜速度快， 性價比超高的台式火鍋店。🉐👍🏻

禁晚市堂食之前有機會食到好受歡迎嘅牛大人，嗰陣有得網上訂座好方便，慳番唔少等位嘅時間。太掛住台灣嘅麻辣火鍋所以揀咗牛夫人秘方麻辣鍋，湯底係用牛骨同多種辣椒、花椒同藥材熬成，真材實料而且色香味俱全，開頭嗌小辣嘅我地食食下覺得唔夠喉，店員俾咗辣醬我地再加辣，辣度十足真係台灣嘅味道！肉類分三種等級，第一次食就試下中價嘅美國極黑牛－當中嘅安格斯特選牛板腱同美國極黑牛下肩胛都好夠肉味，雖然油花冇和牛咁靚但感覺冇咁肥，依個質素我地都已經好滿意。食麻辣火鍋當然唔少得鴨血，牛大人嘅私房鴨血大件又嫩滑，一定要無限追加；仲有牛媽秘制滷牛肚同大腸，滷得入味再加埋麻辣湯汁，鍾意食內臟嘅必試。火鍋料更加有台灣直送嘅干貝鮮魚漿、澎湖花枝漿同真味牛肉漿等，我就最鍾意花枝漿，食到粒粒花枝口感豐富又彈牙。自助火鍋配料區都好多選擇，推介萵筍、茼蒿、金菇、水魷、響鈴，全部都同麻辣湯好夾，索晒啲辣汁好鬼正。飲番樽包裝好靚嘅自家冷泡茶解解膩，最後食埋碗台中仙草凍，滿足晒想食台式火鍋嘅癮😌P.S. 食物太豐富嘅關係今次冇食到啲台灣特色小吃，下次一定會再挑戰！

呢間自助火鍋任食應該係我目前食過CP值最高既一間😍因為之前上網有聽過要排隊排好耐，所以當日1630就到門口，電梯門一開已經見到2-30人排隊。1645會開始派籌，我哋已經要等到1900先入得😱😱不過好彩拎飛既時候會話俾我地知幾點番，咁樣我哋可以岀去行陣街☺️☺️我地1845左右番到去已經入得。對於一個人200幾，任食2個鐘，仲要選擇都唔少，我覺得好抵食👍🏻👍🏻地方乾淨，staff都好有禮貌，送餐收餐速度都夠快，重點係竟然有冷泡茶飲真心好正😍缺點既話就係地方比較細，啲stsff好忙會比較容易撞跌嘢，同埋啲肉比較薄，薄到會透光😂😂大概食淨45分鐘左右會有人拎一張字俾你揀甜俾，分別係movenpick雪糕同仙草凍。強烈建議試吓個仙草凍，黑糖味好重但唔會太甜，好好食😋如果book唔到位，其實walk in冇想像中等咁耐，但都建議1630之前去到排隊，拎左籌再去行下街都ok👍🏻👍🏻