更多
2022-08-07
83 瀏覽
報紙見到有報道介紹呢間餐廳,星期六就拉埋呀媽去試吓,行入去餐廳就見到掛係牆既單車,仲有露營裝備,裝修色調係森林色系。一望個餐牌就覺得吸引,價錢算平,一碟意粉88蚊真係唔知可以去邊度搵。叫左2碟意粉,一份雞翼,一個甜品,仲有一杯朱古力,埋單唔洗加一煙三文魚、野菌、蘆筍手打意大利麵 4.5/5擺盤好靚,手打意大利粉軟硬適中,掛汁量多,份量足夠,個汁又好食,配料又多,唔會食食吓冇晒啲餸。冬陰功海鮮椰香手打意大利麵 4.5/5一上菜嘅時候,呢兩隻意粉都好似樣,甚至乎以為係一樣味道,顏色都係黃色,覺得依款意粉可以加返少少紅色,配合返冬陰功嘅味道。講返味道係有辣味,椰奶味,兩隻蝦兩隻青口,都好新鮮,掛晒汁嘅意粉,同辣味嘅配搭真係好出色。蜜糖芥末雞翼 5/5雞翼炸得香脆又有肉汁,蜜糖芥末醬嘅配搭一定係夾㗎啦,咁嘅價錢,性價比真係好好。即焗牛角包窩夫、榛子醬、雜莓、雪糕 4.5/5窩夫好香脆,熱辣辣咁上菜,同冰凍嘅雪糕配搭,擺盤好精緻。每一啖去咬呢個窩夫嘅時候都係伴隨鬆脆嘅聲音,再加上雪糕榛子醬嘅甜味,冷熱之間令到食客得到味道同聲音既享受。Nutella Chocolate 3.5/5好快就凍哂,覺得
一望個餐牌就覺得吸引,價錢算平,一碟意粉88蚊真係唔知可以去邊度搵。叫左2碟意粉,一份雞翼,一個甜品,仲有一杯朱古力,埋單唔洗加一
煙三文魚、野菌、蘆筍手打意大利麵 4.5/5
擺盤好靚,手打意大利粉軟硬適中,掛汁量多,份量足夠,個汁又好食,配料又多,唔會食食吓冇晒啲餸。
冬陰功海鮮椰香手打意大利麵 4.5/5
一上菜嘅時候,呢兩隻意粉都好似樣,甚至乎以為係一樣味道,顏色都係黃色,覺得依款意粉可以加返少少紅色,配合返冬陰功嘅味道。講返味道係有辣味,椰奶味,兩隻蝦兩隻青口,都好新鮮,掛晒汁嘅意粉,同辣味嘅配搭真係好出色。
蜜糖芥末雞翼 5/5
雞翼炸得香脆又有肉汁,蜜糖芥末醬嘅配搭一定係夾㗎啦,咁嘅價錢,性價比真係好好。
即焗牛角包窩夫、榛子醬、雜莓、雪糕 4.5/5
窩夫好香脆,熱辣辣咁上菜,同冰凍嘅雪糕配搭,擺盤好精緻。每一啖去咬呢個窩夫嘅時候都係伴隨鬆脆嘅聲音,再加上雪糕榛子醬嘅甜味,冷熱之間令到食客得到味道同聲音既享受。
Nutella Chocolate 3.5/5
好快就凍哂,覺得要諗方法keep住個溫度,整體都好好味。
地理:
將軍澳站沿海邊行10分鐘,海天晉商場仲有好多唔同嘅餐廳。
環境:
單車嘅主題,懶洋洋嘅週末可以黎享受窗邊嘅打卡位,不過預咗要耷低頭食。見到現場仲有露營嘅裝備唔知係咪買得。
價錢:
性價比高,唔收+1,平均cafe價錢黎講算低,好得
服務:
可能啱啱營業,唔夠侍應,啲侍應好少留意客人嘅需要,企喺門口等位嘅時候都冇人即刻招呼,掛住做嘢。我相信遲啲會好返啲。
$88
22 瀏覽
0 讚好
0 留言
$108
12 瀏覽
0 讚好
0 留言
$60
12 瀏覽
0 讚好
0 留言
$70
9 瀏覽
0 讚好
0 留言
$40
9 瀏覽
0 讚好
0 留言
張貼