Peloton (已結業)

今日放工同朋友嚟到將軍澳海旁 見到呢間Cafe空間感幾大 好似坐得幾舒服 就入咗去試下 嘢食有意大利粉 三文治 pancake 等等 都整得幾靚 而且幾好食 🤪-🦑海苔魷魚 $68海苔魷魚好爽口彈牙 外面食落脆卜卜 另外佢提供左黑松露醬俾我哋點 個醬汁真係好好食-🥑牛油果三文魚碗 $133牛油果好creamy 唔會太生或者太熟 好大份 食完其實都幾飽 另外我哋加咗煙三文魚落去 同牛油果好夾 -🥞牛油果龍蝦沙律pancake $88龍蝦沙律好有驚喜 除咗份量好多之外 佢嘅沙律醬唔會令你覺得好漏 龍蝦爽口彈牙 加上牛油果 估唔到同pancake都幾夾 pancake蛋香味濃 有3塊咁多 點埋楓糖漿咁食 好滿足-🥪雞胸牛油果煎蛋三文治 $108麵包好軟熟 好想再食多次 隻蛋煎到啱啱好 有啲溜心嘅感覺 牛油果同樣都係好creamy -🍝麵豉蟹肉意粉 $118意粉都幾彈牙 蟹肉份量算多 不過蟹柳再多啲就好啦 佢個汁唔係好Creamy 鹹味啱啱好-🍵Green tea latte $45奶味同抹茶味都好濃 而且唔會過甜 拉花好靚🤣-🍹Yuzu matcha soda $50柚子味酸酸地 配上抹茶 幾清新嘅一杯嘢飲-📍Peloton將軍澳唐俊街28號海天晉滙地下G03-04號舖…查看更多

今日打算黎試貴店既意粉 一到達餐廳 我同男朋友就問店員拎枱 而門前有兩個客人疑似等外賣服務員同我地講 要等等先 要等戈兩位客人入座先（就是疑似等外賣的這兩個人）當時餐廳內有兩張吉枱 餐廳服務員又唔安排佢地入座 直至我地開口先有人安排佢地位置跟住 服務員又話要等佢地選擇好位置先到我地 當時有一張枱係露營椅 近窗口位有太陽曬住同另一張bar枱兩人座到佢地選擇完要坐窗口位而我哋都入座咗bar枱店員無啦啦走過黎話戈枱客都係想轉返我地而家坐緊戈張枱要逼走我地坐佢地戈張後來我同男朋友懷疑戈兩位係熟客但請問今時今日咁既安排係正確嗎又要比佢地選擇位置 選擇完又話要比返佢地換大家都可以唔使再去呢間餐廳…查看更多

黎將軍澳之前巳經搵定有咩餐廳想去😄呢間設計好吸引，以camping做主題⛺️除左有戶外座位之外⛱️餐廳內都有好多露營設備同單車擺設🚲部分凳係露營椅，氣氛唔錯，好chill🧘🏻💭阿拉斯加蟹肉、虎蝦粉紅汁手打意粉 ($118)賣相好吸引，手打意粉好特別，闊身而且比較有咬口🍝醬汁好足夠，啖啖都好creamy🤭蟹肉絲都均勻佈滿意粉入面🦀而且有3-4隻虎蝦，蝦肉卜卜脆口感一流🦐唯一要留意係食到有碎蟹殼，要小心⚠️整體黎講分量好足，唔洗擔心食唔飽🤤💭烤大啡菇安格斯牛肉漢堡包拌薯條 ($98)呢個set係正常cafe質素，安格斯牛肉好厚實，如果有多啲汁會更好🫣薯條都係正常熱辣辣咁♨️🈴餐廳食物質素中上，最驚喜係唔洗加一服務費👍🏻環境都加左唔少分，係weekend想relax下聚會嘅好地方🗣️ …查看更多

［店員與客人嘅對話分享］以下為店員真實對話（時間大概12:30，餐廳入面冇人）客：兩位侍：我哋今日限時個半鐘，有冇問題？客：ok侍：但今日我哋廚房得1個人，啲食物可能要等耐少少客：(打算照坐低，已經入緊去攞枱，態度良好咁一邊行入餐廳一邊笑住話) 你哋咁矛盾嘅？又要我等食物，但又要限我時？侍：咁我建議你去第二間我喺隔離聽到都啞晒，唯有即刻離開，食物水準係點我唔知，但一定唔會再去！…查看更多

星期六去左將軍澳踩單車，中途補給見到商場有戶外座位，打算買店舖飲品，再於商場內的麵包店於餐廳外的座位小休。我明白做生意困難，所以點了2杯$45的飲品，沒有白白佔用座位，到差不多離開時，店員不太禮貌地跟我們說不可帶外來食物，我當時沒有說甚麼。到結帳時，餐廳想收我加一服務費，即$99，但餐牌寫明6時前沒有加一服務費的，我詢問店員為何要加一，他不禮貌地推搪說全日都有加一，又說餐牌印錯了，我立刻和他理論，顧客同意餐廳的收費，才於餐廳消費，如果推搪說印錯，那麼餐廳到結賬時可以說食品的價錢印錯，再收客人天價？店員再推搪我帶了外來食品，我說店外不是餐廳出牌照的範圍，如店方堅持要收取加一，我會報食環及海關，店方才作罷。PS：我明白店舖生意難做，當時店舖只有1成客人，我食用外來食物後已自行清理乾淨，店員的待客態度應該改善…查看更多

-BLACKLIST-今日平日下午3點令4點鐘拎MacBook去cafe 做下嘢入到去manager(後來其他員工告之佢係manager)問我 : 你飲嘢咋嘛？我話係 就叫咗一杯Flat White去到5點 想飲水 見到枱上有4-6樽入咗玻璃樽嘅水(~1L) 咁我自己去斟Manager就即刻問(態度嚴厲又輕佻) :你想做咩？再講 其實依度齋叫嘢飲係唔會送水 要叫嘢食 規定咗㗎 依度唔係Starbucks 但我唔緊要嘅 斟俾你我喺度嘅個幾2個鐘裏面 除咗我之外 係一個客都冇 咁都要咁趕客？咁刻薄？俾說話個客聽？周圍都咁多餐廳食肆 你平日晚市真係有咁多客？咁你d水會倒定隔夜？期間已經不停聽到個manager粗口爛舌同其他人講嘢 員工真係適合喺依個地段嘅餐廳 返緊工嘅時候不斷爆粗？幾鍾意室內嘅設計同環境 但覺得杯咖啡好普通 aftertaste 係生硬嘅苦澀 仲衰過Starbucks d 豆Ok 如果依個係你嘅營業方針 咁我都想睇吓你可以營運幾耐 係呀 你當然唔係Starbucks 作為manager 態度都咁系 你點會可以發展到成為連所店？…查看更多

📍Peloton (將軍澳)將軍澳南一間露營單車主題嘅cafe🚲⛺️有分室外同室內座位 相信日光下坐室外會幾chill座位之間都有一定距離 都幾舒適同寬敞有啲座位用左露營凳同埋枱 幾特別～.♡ #冬陰功海鮮椰香手打意粉 $108手打意粉好彈牙 冬陰功味都明顯 仲幾夾😍椰汁味重 好creamy 辣辣地好惹味分量比起一般cafe嚟講都幾大份🙌🏻.♡ #牛油果軟殼蟹多士 $118好鐘意佢個麵包 外面脆 個芯腍腍地咬落唔會乾爭爭🥪牛油果醬份量多 軟殼蟹炸得酥香🦀側邊仲有啲紅菜頭醬包圍 整體食落都幾fresh🥑.♡ #EarlGreyChocolate $40朱古力奶唔會死甜 帶出了伯爵茶嘅香氣兩者比例大概一比一 味道都幾match🍫.♡ #焙茶拿鐵 $45即使啲冰未溶 焙茶同牛奶都已經極淡味成杯野就似有奶味嘅水 唔推介可能都係叫返熱飲好啲🫣.♥️回頭度：8/ 10…查看更多

一個納悶的平日下午，在將軍澳搵嘢食，決定逃離人山人海的 popcorn，去到海天晉商場見到這間新開的單車主題 cafe 覺得幾特別，所以就決定試吓。平日下午這個商場人流不多，餐廳座位很闊落，環境都幾舒服。那天試了餐廳的 handmade pasta，$88 還附送了蘑菇湯，手打意粉比一般意粉粗和蛋味濃郁，不過可能烹調時間過長，所以有啲淋，唔算 al denté。這個地方應該幾適合約朋友傾偈嘆咖啡，餐牌上也有其他甜品和主菜，希望下次可以嘗試更多菜式。…查看更多

叫咗2個open toast 同一個意粉意粉40分鐘左右上咗，其中一份多士等咗50分鐘，最後一個等到食曬都未上所以決定唔食走人本身等咗半個鐘左右已經問侍應係咪有漏單，個侍應望完我地張單剩係講咗句多士要焗係耐啲，ok咁繼續等。最後因為個煙三文魚班尼迪蛋open toast等咗成個鐘，要埋單唔食要走先有個侍應急急腳去廚房望望，原來個多士先烚緊蛋😅個cafe 細細間，客又唔多，唔知點解要等咁耐聽隔離枱都話上菜都等咗半個鐘以上同埋個意粉真係唔好食。食過同類型嘅，有其他選擇好過佢。…查看更多

年三十周晏就5-6點想搵咖啡飲，點知周圍都一早收爐。經過呢間單車主題cafe見到幾特別又有開就入去～睇menu價錢都合理，見到佢地signature dish係冬陰功意粉就叫左佢同叫左一杯latte冬陰功意粉好有誠意，海鮮份量足夠之餘，仲落左蟹肉增加意粉食落既口感同味道。意粉用左egg noodle既粗幼同質地，食落彈牙，比用普通spaghetti / linguine更加有口感。係商場黎講呢個價錢食到咁樣質素既意粉餐廳算非常有誠意，絕對比某間連鎖泰國餐廳既冬陰功海鮮意粉黎得抵食同好食Latte就普普通通，正常咖啡店水平，咖啡豆味可以再出d就更好埋單連加一158蚊，商場cafe黎講已經算抵食…查看更多

今日到訪將軍澳的－家cafe. 這間cafe 的裝修帶－點自然氣息，牆上吊著單車，充滿年輕活力的感覺，－邊是枱坐吧坐，另－邊有室外太陽傘座，十分寫意。Egg Benny toast ( smoke salmon)$118水煮蛋荷蘭醬這道菜比較似egg Benedict, 在麵包上放了水波旦。麵包比較乾又硬，水波旦是正常的，流心旦黃加上荷蘭醬，配上煙三文魚和spinach, 幾滑溜，味道是ok的。粉紅醬阿拉斯加蟹大蝦意粉$128這大蝦彈牙，但粉紅醬內磨菇的比例比較多，醬汁沒什麼特別的味道，主要是忌廉味為主，意粉有少少軟身，味道正常。+$68 黑松露野菌湯、餐包和沙律這野菌湯只係暖唔熱，有野菌味，質地唔太稠厚，感覺唔到黑松露，餐包很乾很硬亦是冷的。沙律比較清爽新鮮。Yuzu matcha soda$50這杯柚子抹茶梳打完全沒有甜味，只係抹茶加梳打水，也沒有柚子味，感覺怪怪的Flat white $35這咖啡拉花不太好看，但咖啡口感順滑，咖啡的味道比較溫和，沒有苦味…查看更多

間中放慢腳步👣為了走更遠的路💃🏻當然唔少得去一間高質嘅咖啡店☕️店員仲話難得嚟到，唔緊要，坐多陣傾下計啦，好貼心呀🐻‍❄️推介2杯signature coffee，係佢哋自己用心調配味道，兩杯都好特別，好飲☕️🫶🏻 Orange Mocha $50 🍊🍫☕️最怕Mocha得個甜字，呢杯就絕對無，表面灑左高質嘅朱古力粉同碎片，係dark chocolate嚟，好香濃，唔會死甜，加上有淡淡橙香，令到杯飲品飲到尾都仲覺得好清新😇🫶🏻 The Bombi $55呢杯係店員推介，佢話試咗一定愛上。佢係Ginger Ale加一shot expresso再加lime juice，估唔到味道咁夾，一啖就已經recharge左，perfect 池😆🫶🏻黑松露醬脆薯條 $60即炸出嚟，薯條好香脆，松露醬配薯條真係永遠都係絕配，無得輸！🐷🛎️ 必試指數 : 9.5/10🌟…查看更多

之前已經食過幾次，d嘢食幾好食，咖啡好飲，環境又舒服，之前去嘅時候店員嘅態度都好好，一直都好中意呢間cafe。今日再去，企喺門口一排冇人理，咁就行入去攞位啦，入去時有個男店員話”sorli，無矖位喎”，咁啱嗰一刻我地見到有枱客走，我地就問嗰位男店員可唔可以坐嗰一枱，點知佢大聲話”等我執咗先，好無？(語調高8度)”，好無禮貌，完全破壞我地一直以嚟對呢間cafe嘅印象。其實將軍澳大把cafe選擇，我諗我地都唔會再去呢間cafe了……查看更多

▪️ Peloton ▪️•趁weekday放假去將軍澳Peloton探店Weekday lunch set性價比高 包埋餐湯或沙律閒日人流比較少輕鬆坐到打卡位之餘仲任坐任影😚•💬 意大利黑松露大蝦手打意大利麵 ($88)意粉份量十足大蝦有3隻全蛋手打意粉比較粗身口感偏淋身冇普通意粉甘爽彈感覺有啲好似烏冬整體夠creamy黑松露味都突出•💬 烤澳洲穀飼牛扒、薯菜 ($138)牛扒嘅份量又係好大呢個價錢嚟講真係好抵食雖然牛扒冇得揀幾成熟但食落唔會韌冇overcook伴碟嘅薯條有調味唔錯而沙律菜伴黑醋汁好fresh 開胃•🌬️ 推 介 指 數：4.4/5•📍 Peloton將軍澳唐俊街28號海天晉滙地下G03-04號舖•#by_將軍澳…查看更多

將軍澳有一個好隱蔽嘅商場 入面有好多餐廳 Peloton呢間係以露營為主題嘅餐廳 入面有幾張枱都係用咗靚既露營凳同埋矮嘅木枱 都好有feel坐得舒服㗎 如果唔鍾意嘅都有正常嘅座位可以坐 冬陰功海鮮意粉呢個意粉嘅椰汁味比較重同creamy 冬陰功味反而弱咗啲 平時食開辣嘅我就覺得佢唔夠辣唔夠惹味 意粉嘅麵質就好工 係粗身得黎有咬口既麵條 可以好好沾汁蜜糖芥末雞翼一咬落去就食到雞翼嘅雪藏味 可以唔使叫 🙁Earl grey chocolate 佢有啲真嘅朱古力碎喺上面 伯爵茶味好濃郁 同朱古力喺絕配…查看更多