金子半之助 (利東街)

營業中

休息中

真的很久没去日本，每次來金子，都令我有回到日本的感覺。想不到今次新推出了我最喜愛的穴子天丼!!!!!當然要點吧~穴子日本牡蠣天丼上台時份量很有睇頭，堆滿天婦羅，似一座小山。穴子即是星鰻，油脂較少，肉質細嫩結實，有別於一般鰻魚，星鰻做天婦羅真的一絕!!!而且這裏的招牌穴子天婦羅，接近30cm，超厚肉身，肥美軟滑。再淋上古早秘傳醬汁，真係令人欲罷不能!!!雖然一旁的牡蠣、海老都好出色，但都被比下去了，這個穴子太好食!!!上天丼有白身魚、海老、小柱魷魚天婦羅餅、温泉蛋、海苔和夾豌豆。白身魚炸得嫩滑，連骨都可一齊食。海老啖啖肉又彈牙，而小柱魷魚是依然的出色，煙韌又彈牙，百吃不厭。再加上蛋漿和秘製醬汁，每一口都是美味。而且丼碗碗底部份特意做成空心設計，更能保持天婦羅的溫度有別於傳統做法金子半之助天丼追求的是每件天婦羅都能適量沾有醬汁，所以天婦羅炸起後便淋上醬汁，並不像一般天婦羅脆口。 但特製高級胡麻油，胡麻已令天婦羅色澤會較深和芳香撲鼻。明太子玉子燒額外點的，滿滿的明太子和嫩滑的玉子十分合襯，細細件做得出色。一邊食炸物一邊飲可樂，真係好爽，感覺完全是回到了日本!!!

朋友話想食天婦羅，於是我就帶佢嚟到呢間日本天婦羅丼飯專門店～～餐廳主打各款天婦羅丼飯，材料由日本新鮮直送！全部丼飯都好吸引，啱哂鍾意食香口嘢的朋友🔥🔥🍱江户前天丼✨包括有穴子、海老、小柱魷魚天婦羅餅、溫泉蛋、海苔同莢豌豆，整體好豐富！！天婦羅全部即叫即製，口感好酥脆！招牌穴子天婦羅長達30cm， 肉質肥美軟滑、啖啖肉，一定要試🤤🤤🍱上天丼✨賣相都唔錯，包括有白身魚、海老、小柱魷魚天婦羅餅、溫泉蛋、海苔同莢豌豆～～白身魚肉質鮮嫩、無骨，炸到脆卜卜好香口！食到一半再將溫泉蛋吉穿🥚，撈飯食一流👍🏻👍🏻🦪牡蠣天婦羅✨另外仲叫咗款小食同朋友share～～牡蠣天婦羅外層薄脆，裡面包住肥美飽滿的牡蠣，咬落去仲會爆汁！好邪惡😋😋

🍚🍱🍤鬆脆天婦羅丼飯▫️QR code點餐▫️設加一服務費🆗上天丼 - $118呢個set係一個定食，包漬物、味噌湯，店家本身都會提供黑豆茶，可以唔使另外叫嘢飲都得。味噌湯有豆腐同埋紫菜，都幾好飲，而漬物有兩款，包括酸薑同埋酸蘿蔔。丼飯都幾大碗，其實食完天婦羅都幾飽，所以希望點餐可以叫少飯，避免浪費食物。上天丼包括兩隻海老、白身魚、海苔、小柱魷魚天婦羅，英豌豆，溫泉蛋。溫泉蛋真流心，做得吾錯，天婦羅都炸得脆，炸粉吾會好厚，但係兩隻海老比較失望，唔係幾彈牙，當然都可以加錢變車海老，但係就會再貴啲。至於其他就味道正常，冇話特別驚喜，天婦羅汁可以另上。☑️迷你天丼＆稻庭烏冬 - $118如果想食烏冬嘅話，你只可以揀呢個組合，而唔可以由其他丼飯去轉成烏冬，比較冇彈性。稻庭烏冬可以選熱食或凍食。熱食嘅話會有湯，稻庭烏冬好彈牙，湯底亦都好好味，比起食飯濕潤好多，冇咁dry。但要食烏冬，只可以配迷你天丼，不過你都可以加錢點其他天婦羅，迷你天丼都有飯，所以都食唔晒，同埋吾洗加錢嘅迷你天丼就冇白身魚果d,反而會有南瓜、菇菌。而呢個定食就只有兩款漬物，冇麵豉湯。希望日後所有款式嘅天婦羅丼飯都可以揀要飯或者要烏冬

金子半子助的天婦羅飯真心出色，間唔時就掛住佢🤤🤤🤤今次特登帶媽咪去食😋江戶前天丼-有巨型穴子🤩仲長過個碗😱超大條，肉身好厚，肉質又嫩滑，仲有炸蝦，小柱魷魚天婦羅，溫泉蛋，海苔，莢豌豆，非常豐富，份量多到不得了～上天丼-想試吓白身魚，肉質鮮嫩，清甜👍👍仲有炸蝦，小柱魷魚天婦羅，溫泉蛋，海苔，莢豌豆，價錢都係$118！好值得食😋😋天丼的天婦羅，食材新鮮，配上古早秘傳醬汁，更加可以感受到江戶時代風味🥰

灣仔返工成日諗要食咩好煩惱今次team lunch同事推薦呢間傳統日式江戶風味 一於試試佢！原來傳統天婦羅唔係齋脆口 而係均勻地淋上古早醬汁 學到野啦🤣.牡蠣車海老天丼 $168期間限定款式好吸引🤩炸生蠔外面帶少少醬汁 裡面估唔到大大隻生蠔 超厚肉身仲好肥美軟身鮮甜🤤.上天丼 $118材料相當豐富有白身魚、海老、小柱魷魚天婦羅餅等 一啲都唔馬虎😋 聽聞店家採用日本特製高級胡麻油製成嘅天婦羅芳香撲鼻色澤較深 完全唔油膩～.所有餐附送味噌湯、漬物唔驚唔夠飽啦！

今晚好想吃天婦羅，就去了專門吃天婦羅丼飯的餐廳，這間天婦羅水準高，外層炸得夠酥脆而不油膩，而且價錢合理👍🏻，我吃的是車海老帆立貝天丼，好像是期間限定，我好喜歡吃海鮮，有兩隻車海老都好大隻，蝦的肉質彈滑，鮮味十足！有北海道直送的帆立貝，鮮甜彈牙！有小柱魷魚天婦羅餅…還有溫泉蛋！侍應會教你吃法的先後次序，好專業！先吃一半帆立貝再吃一隻大蝦，然後篤穿溫泉蛋撈飯吃，溫泉蛋加少許醬汁撈埋一齊真的好美味！而我朋友就點了上天丼，主角是白身魚和海老，白身魚清甜彈牙，是很健康的食物！（我會叫醬汁分開上方便我容易按自己喜歡的程度調味，而且主要不會弄得天婦羅濕淋）

😋金之半之助 灣仔利東街之前行過利東街，留意到呢間食天丼嘅餐廳，即刻Bookmark咗要再嚟試。今次拉埋朋友一齊嚟，齊齊食天丼。最近做緊餐廳嘅周年優惠，都幾抵！單點海老天婦羅原價$78，而家減$40，即係$38就食到；飲品減$4 ；仲有Follow IG送$40 Coupon😍！😋牡蠣車海老天丼 $168有蠔天婦羅、車海老、小柱魷魚天婦羅餅、莢豌豆🫛、海苔、溫泉蛋🤭。呢間嘅天婦羅酥而不油膩😳，而天婦羅汁係古早秘傳醬汁，淋上去個丼到，好夾嘅味道🥹。😋上天丼 $118有白身魚、海老、小柱魷魚天婦羅餅、溫泉蛋、海苔、莢豌豆🫛😆！溫泉蛋食到一半嘅時候先整穿佢，蛋汁緩緩流落啲飯好，份外好食🤭。原來丼碗都有心機的，設計係源自江戶時代的陶瓷工藝，佐賀有田燒嚟製作，碗底特意做成空心，更能保持碗中食物嘅溫度！由外觀賣相到實用性，都是一絕的江戶前味道😆！😋Suntory Beer $28環境舒服闊落，服務員態度良好，整體來講，很滿意😆！

呢間商場大部分係連鎖見佢啲天婦羅又幾特別咁所以就試吓佢啲天婦羅丼飯價錢唔算平，百幾蚊一個天婦羅丼飯見佢個 ’上天丼‘丼飯有舊魚就試吓（唔記得咩魚未試過食魚嘅天婦羅😋唔係好識得形容🤓就大啖魚肉、天婦羅脆皮、幾香魚味，口感幾豐富👍🏻另一個係車海老帆立貝丼（好似期間限定但差別在於舊魚轉咗做帆立貝，同埋貴啲🤓舊帆立貝無魚咁好食，一咬炸皮同肉會分離而且食落無咁特別所以個人覺得上天丼性價比高啲*間鋪唔收現金，香港好少見唔收現金嘅鋪有時唔係咁方便。

今次已經係我第3次去金子食天丼 (*ˊᗜˋ*)HA星期六趁住未有人排隊早早6:45pm就入座第一次坐吧枱 對住CHEF感覺別有一番風味～-我同同行朋友都叫左上天丼內含物有赤金鯛 海老 小柱魷魚天婦羅 溫泉蛋 海苔同豌豆♪ 赤金鯛肥常肥美 油脂感重 略為油膩♪ 海老一如以往好食 肉質紮實🍤♪ 小柱魷魚天婦羅係我既最愛 不過今次覺得同以往有啲唔同♪ 溫泉蛋天婦羅係成碗飯既精華所在 !!流心蛋漿一湧而出 撈埋獨有既鹹甜醬油同脹卜卜既日本米簡直係一等一既米飯殺手呀 (◍˃̶ᗜ˂̶◍)ﾉ"♪ 海苔同豌豆提供左少少既蔬菜營養不過海苔天婦羅非常好食 忍唔住加左2塊-金子絕對值得未食過天丼既朋友一試！-金子半之助 (利東街)灣仔皇后大道東200號利東街地下G16號舖-叫左咩食?上天丼 $108另加海苔天婦羅

星期五lunchtime 灣仔搵食嘅時候，嚟到利東街，呢間出名食天婦羅丼，最近天氣好熱，呢間食飯時間就排晒隊，但由於在地利東街地舖，等位排隊冇瓦遮頭，真係曬住等好熱。12:30前就已經排隊，到12:50好幸運可以入到去坐低，侍應已經講明食物要等比較長嘅時間，叫我地快啲落咗單先。我們是坐上層的面牆位置，眼見樓下座位數量並唔多，所以繁忙時間有心理準備要等好耐。食物選擇並唔多主要四五樣。叫完嘢食都真係等咗大概20多分鐘到先至有嘢食。期間眼見佢有位置吉出嚟，也沒有叫外面嘅人入嚟坐，加上又不斷有人入嚟想取外賣，感覺上啲食物係煮唔切。所以入到去坐住等已經好運。我個人選擇了上天丼（赤甘鯛），另外朋友叫了天丼（軟殼蟹）沒有影相。套餐麵豉湯同少少醃蘿蔔同子薑片，主菜就係魚同軟殼蟹嘅分別，其他炸物都係一樣。朋友俾咗半隻軟殼蟹給我，蟹厚身多肉鮮味。我的魚就一般，整體來講天婦羅炸得比想像中老身同油感重，但食材就感覺係好新鮮。題外話，奇怪就係個碗，你唔好見佢好似好深，但係其實好淺，只去到一半，個底係裝假狗，仲要鬼咁重，感覺唔係咁好。

嗰日同同事早咗出嚟食晏，諗住食好啲啦，跟住就揀咗呢一間，上一次食就係食江戶前天丼，最吸引我嘅地方係穴子，不過佢唔係好濃味，清清地幾好。幾好食嘅，果次冇寫食評。我覺得值得等咁耐，通常就等半個鐘到啦。同埋覺得兩個人會快搵有位。今次就揀咗上天丼，原來都有半條魚。118呢個價錢真係唔貴。你諗吓灣仔食個頹飯都80幾，118有海鮮，仲有半條魚。啲飯又喺日本米，個醬汁又好味。等緊嘢食黎嘅過程，見到佢原來有外賣，但係外賣會唔會林咗呢？因為佢砌得幾靚，我就有幫佢影相。之前嗰次出餐比較慢，但係啱啱呢一次，又出去好快，我可能之前啱啱用晒啲料，要再炸過所以要等好耐，係幾好食嘅。同事平時係超細食嘅，因為幾好食都食得晒所有嘢。如果佢有多啲位就好啦，就可以縮短等位既時間。

今晚同朋友係灣仔逛街，係利東街附近見到呢間天婦羅丼飯店，叫左江戸前天丼，同上天丼，江戶前天丼有招牌穴子天婦羅，長達30cm超大件！而且肥美肉厚，口感軟滑，必食之選。同碗仲有炸蝦2隻，小柱魷魚天婦餅，溫泉蛋，海苔，菀豆，炸溫泉蛋係可以流心個種，夾埋佢地古祖秘製醬汁，餸飯真係無得頂，而且做法跟足傳統，將新鮮炸起的食材放上飯面，然後再均勻淋上天丼醬汁，令每件天婦羅都能沾上適量醬汁。所以天丼的天婦羅並不像一般天婦羅脆口，重現江戶時代風味，令食感更加溫和，唔似吉列咁會食到個口都損埋。上天丼就配有天婦羅赤甘鯛，大蝦2隻，溫泉蛋，小柱魷魚餅，海苔等，赤甘鯛口感柔軟，魚味鮮甜。食到半路，會發現丼碗是空心設計，以為係想比少d 飯，原來運用了源自江戶時代的陶瓷工藝，佐賀有田燒來製作，碗底部份特意做成空心，不只是外觀賣相，而是有實用性的，以保持食物嘅溫度，所以食到最尾d 飯都唔會變凍。整體黎講座位闊落，價錢合理，想食炸物嘅話一定要黎飽肚一番。

放工後約咗朋友睇燈籠裝飾，順便在灣仔利東街搵嘢食。揀咗間日本天婦羅專門店，午市常常排長龍，今晚第一次幫襯。無論門口同店內裝修都好有日式風格，大大幅櫻花壁畫在門口迎接客人，而廚房就在近門口位置，企理衛生，見着丼飯即叫即整往往來來，未食先興奮。在Menu上簡介了店舖的歷史和用料，原來十分講究，唔怪得成日排長龍。我留意到丼碗花紋好靚兼且做工精緻，原來運用了源自江戶時代的陶瓷工藝佐賀有田燒來製作，碗底部份特意做成空心設計，為更能保持碗中食物的溫度，由外觀到實用性，好有江戶前風味。車海老軟殼蟹天丼除咗主要的車海老、軟殼蟹外，還有小柱魷魚天婦羅餅、莢豌豆、海苔同溫泉蛋半隻，跟噌湯和漬物。軟殼蟹係期間限定，不得不試，果然十分肥美，啖啖肉，醃得好入味。車海老有兩條，好鮮味同好厚身，每件天婦羅都能沾上醬汁。所以不像一般天婦羅脆口，而追求的是每件天婦羅都能適量沾有醬汁。古早秘傳醬汁果然名不虛傳，好有風味。上天丼有白新魚、海老、還有小柱魷魚天婦羅餅、莢豌豆、海苔同溫泉蛋半隻。比起軟殼蟹冇咁重味，感覺清淡一點，不過同樣大大滿足。不得不提杯黑豆茶，我第一次飲，有少少解油膩的感覺。

🍱上天丼 $118（白身魚、海老、小柱魷魚天婦羅餅、溫泉蛋、海苔、莢碗豆）滿滿炸物，炸物香脆、薄粉、大塊，海鮮夠鮮，蝦爽口🍤，魷魚彈牙🦑加上醬汁好配飯😍就連溫泉蛋都系炸過既，流心的蛋黃汁撈飯正正子😝飯會配埋味噌湯同漬物，漬物系醃蘿蔔同牛蒡酸酸甜甜開胃😆✨日式木系裝修，空間大，坐得舒適，每枱仲會有黑豆茶☕️好飲又解油膩👍🏻

一直都知道它的名氣，終於決心一試。位處利東街的金子半之助，內裡鋪頭細細，目測大概有30個坐位，迫迫的。約中午1230時間到達，已座無虛席。高溫炎熱的天氣下排隊等位，實在不得不佩服為了食，可以什麼都不緊要。慶幸等待10分鐘左右便剛好有位，坐下用QR code 落單，簡單直接，所以店鋪樓面也只有2-3人負責執枱，送餐，收銀。落單時已有提示，食物需等待20分鐘，那就等等等等吧😅⏱點選了江户前天丼（$138）和上天丼（$118）（圖中加點了啤酒，太熱了🥵🥵）兩者分別在於一個是穴子天婦羅（長長的那條和白身魚天婦羅。其他配料都是一樣的。兩者賣相吸引，試試味道🤨⋯⋯原來都只屬一般貨式。🫢天婦羅看似脆脆的，但實際上，豌豆和海老是淋的，不知是否太早就炸起，好像放久了，有濕氣。紫菜和溫泉蛋不過不失，穴子和白身魚夠厚身，樣子似是最後炸起，所以最脆口，但略嫌沒什麼味道，如有醬汁點配會更好。反而小柱魷魚天婦羅餅有少少驚喜😋，大大粒的魷魚好有口感，絕對想多食幾塊飯量🍚不算多，女仕們剛好，男仕可能差少少🤭漬物整體而言，屬於名氣鋪頭，有待改善，絕對相信有好多日式料理店的天婦羅比它更為出息。